ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ (WSCC) ᐃᒪᐃᖁᔨᓯᒪᔪᑦ ᐊᖏᔪᖅᑳᖅ ᐱᓯᒪᓗᓂ ᐊᓂᒍᐃᓂᕋᐃᓯᒪᔪᒥᒃ ᑎᑎᖅᑲᒥᒃ ᐱᓕᕆᓂᐊᖅᑎᓪᓗᒍ ᑳᓐᑐᕌᒃᓯᒪᓂᒃᑯᑦ ᐃᓕᕿᐊᒃᓴᒥᒃ ᐸᓯᔭᒃᓴᐅᔾᔪᑎᖃᖁᓇᒍ ᖃᐅᔨᓴᕐᓂᕐᓄᑦ ᐊᒃᑐᐊᔪᓄᑦ ᑳᓐᑐᕌᒃᒧᑦ ᑲᓐᑐᕌᒃᑕᖏᑦ ᐊᑭᓕᒃᓴᖃᖅᑎᓪᓗᒋᑦ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑎᓄᑦ. ᑕᐃᒪᓐᓇᑐᐃᓐᓇᖅᑕᐅᖅ, ᑳᓐᑐᕌᒃᑏᑦ ᐃᒪᐃᖁᔭᐅᓯᒪᔪᑦ ᐱᓯᒪᓗᓂᑎᒃ ᐊᓂᒍᐃᓂᕋᐃᓯᒪᔪᒥᒃ ᑎᑎᖅᑲᒥᒃ ᐱᓕᕆᓂᐊᖅᑎᓪᓗᒍ ᑳᓐᑐᕌᒃᓯᓯᒪᖃᑎᖃᕐᓂᐊᖅᑎᓪᓗᒍ ᑳᓐᑐᖄᖕᒧᑦ ᐱᓕᕆᖃᑎᖃᕐᓂᐊᖅᑐᓪᓗᒍ ᐊᓯᔭᒃᓴᐅᑐᐃᓐᓇᕆᐊᖃᕐᓂᖏᓐᓄᑦ ᖃᐅᔨᓴᕈᑎᑐᐃᓐᓇᕐᓂᒃ ᐊᒃᑐᐊᔪᓂᒃ ᑳᓐᑐᕌᒃᓯᖃᑎᖏᑦ ᐊᑭᓕᒃᓴᖃᖅᐸᑕ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑎᓄᑦ.

ᐃᖅᑲᓇᐃᔭᕐᕕᓕᒫᑦ ᐊᐅᓚᑎᑦᑎᔪᑦ ᐅᕝᕙᓘᓐᓃᑦ ᐋᖅᑭᒃᓯᓯᒪᔪᑦ ᓇᖕᒥᓂᕐᒥᓂᒃ ᑕᐃᑲᓂ ᓄᓇᑦᓯᐊᒥᑦ ᐊᒻᒪᓗ/ᐅᕝᕙᓘᓐᓃᑦ ᓄᓇᕘᒥᑦ ᑎᑎᕋᖅᑕᐅᓯᒪᔭᕆᐊᖃᖅᑐᖅ ᐅᑯᓄᖓ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᓄᑦ (WSCC), ᑭᓯᐊᓂ ᑭᐅᒪᒍᑎᒃ ᕿᓚᒻᒥᐅᔪᒃᑯᑦ ᐃᖅᑲᓇᐃᔭᖅᑎᖁᑎᓕᖕᓄᑦ ᓈᒻᒪᒋᔭᐅᔪᓂᑦ ᐋᖅᑭᒃᑕᐅᓯᒪᓂᖏᑎᒍᑦ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᐊᑐᐊᒐᖓᓐᓂ 00.05.01– ᐃᓱᒪᓕᐅᕆᓂᕐᒥ ᖃᓄᐃᓕᖓᓂᖓᓂ ᐃᓄᖕᓄᑦ ᐅᕘᓈᖅᑐᓄᑦ ᐃᖅᑲᓇᐃᔭᖅᑎᒧᑦ ᐋᓐᓂᖅᑐᖅᓯᐅᑎᓕᕆᔨᒃᑯᑦ ᒪᓕᒐᖏᑎᒍᑦ: ᐃᖅᑲᓇᐃᔭᖅᑎᖁᑎᓕᑦ. ᐃᖅᑲᓇᐃᔭᕐᕖᑦ ᑎᑎᕋᖅᑕᐅᓐᓂᖏᑦᑐᑦ ᐊᑭᓖᔭᕆᐊᖃᖅᐳᑦ ᓱᒋᐊᖅᑕᐅᔾᔪᑎᒥᒃ ᑖᒃᑯᓄᖓ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᓄᑦ (WSCC).

ᐃᖅᑲᓇᐃᔭᖅᑎᓄᑦ ᐱᔨᑦᑎᕋᐅᑎᑦ ᑐᑭᓯᒋᐊᒐᒃᓴᖃᓲᑦ ᒪᑯᓂᖓ ᓇᖕᒥᓂᕆᔭᐅᔪᓂᒃ ᐊᑎᓕᐅᖅᑕᐅᑎᑦᑎᔾᔪᑎᓂᒃ, ᐲᖅᑕᐅᖁᔨᔾᔪᑎᑦ ᑐᒃᓯᕋᐅᑎᓂᒃ, ᐊᑭᓕᖅᓱᖅᑕᐅᔭᕆᐊᓖᑦ ᓇᓗᓇᐃᕈᑎᓂᒃ, ᖃᔅᓯᓕᐅᕐᒪᖔᑕ ᓇᓗᓇᐃᕈᑎᓂᒃ, ᐊᒃᑐᐊᓂᓖᓪᓗ ᐅᖃᓕᒫᒐᕋᓛᑦ, ᖃᐅᔨᒪᔾᔪᑎᓂᒃ, ᐊᒻᒪ ᑕᑕᑎᕆᐊᓕᖕᓂᒃ.

ᖃᓄᑐᐃᓐᓇᖅ ᐃᑲᔪᖅᑕᐅᔭᕆᐊᖃᒃᑲᓐᓂᕈᕕᑦ, ᖃᐅᔨᒋᐊᕈᓐᓇᖅᐳᑎᑦ ᐃᖅᑲᓇᐃᔭᖅᑎᓄᑦ ᐱᔨᑦᑎᕋᖅᑎᒃᑯᓐᓄᑦ ᐅᑯᓇᓂ ᓈᓴᐅᑎᓂ:

ᓄᓇᑦᓯᐊᒥ:

ᐊᑭᖃᙱᑦᑐᒃᑯᑦ: 1-800-661-0792
ᐃᕐᖐᓐᓈᖅᑕᐅᒃᑯᑦ: ᓄᓇᑦᓯᐊᒥ ᐃᖅᑲᓇᐃᔭᖅᑎᓄᑦ ᐱᔨᑦᑎᕋᐅᑎᑦ

ᐊᕐᕌᒍᑕᒫᓐ ᐊᐃᕐᕆᓕ 28-ᒥᒃ, ᐃᖅᑲᐅᒪᖃᑦᑕᖅᑐᒍᑦ ᐃᖅᑲᓇᐃᔭᖅᑎᓕᒫᓂᒃ ᐃᓅᔪᓐᓃᖅᓯᒪᔪᓂᒃ, ᐋᓐᓂᖅᑐᕕᓂᕐᓂᖅ ᐅᕝᕙᓘᓐᓃᑦ ᐋᓐᓂᐊᖃᓕᖅᑐᓂᒃ ᐃᖅᑲᓇᐃᔭᖅᕕᒃᒥᑦ ᖃᓄᐃᓕᓂᑰᓂᖅᒧᑦ ᐊᒻᒪᓗ ᐱᓇᓱᒋᐊᒃᑲᓐᓂᖅᐸᒃᖢᑕ ᐃᖅᑲᓇᐃᔭᖅᕖᑦ ᖁᐊᖅᓵᖅᓇᖅᑐᒦᑎᑦᑕᐃᓕᒪᓪᓗᒋᑦ.

ᖁᕕᐊᓱᒍᑎᖃᕐᓂᐅᔪᑦ ᑕᒪᒃᑭᓐᓂ ᔨᐊᓗᓇᐃᕝᒥ ᐊᒻᒪ ᐃᖃᓗᓐᓂ, ᐱᓕᕆᑎᑕᐅᔪᑦ ᐅᑯᓄᖓ ᐅᑭᐅᑕᖅᑐᒥ ᓄᓇᖏᓐᓂ ᑲᑐᔾᔨᖃᑎᒌᑦ ᐃᖅᑲᓇᐃᔭᓂᕐᒧᑦ, ᐅᕙᓂᐅᓛᖅᑐᖅ ᐅᓪᓗᕈᒻᒥᑕᕐᓇᒥ ᐊᐃᕐᕆᓕ 28:

• ᔭᓗᓇᐃᕝ: ᐱᙳᐊᕐᕕᒃ, ᓄᓇᑦᓯᐊᖅ ᒪᓕᒐᓕᐅᕐᕕᒃᔪᐊᖅ
• ᐃᖃᓗᐃᑦ: ᑲᑎᒪᕕᖓᓂ, ᐊᖅᓴᕐᓃᑦ ᑐᔪᕐᒥᕕᒃ

ᓴᖅᑭᔮᖅᑎᑦᑎᓗᑎᒃ ᑲᓇᑕᒥ ᐅᓪᓗᖓᓂᒃ ᕿᔅᓵᖕᓂᖅᒧᑦ ᐊᑭᓐᓇᖅᒥᐅᑕᒥᒃ ᐅᕝᕙᓘᓐᓃᑦ ᐃᑲᔪᖅᑐᐃᓃᑦ ᓴᖅᑭᔮᖅᑎᓪᓗᒍ ᑐᓴᐅᒪᔾᔪᑎᓕᕆᓂᒃᑯᑦ ᐊᑐᕐᓗᑎᒃ ᐃᓚᐅᔾᔪᑎᒥᒃ ᐆᒥᖓ #dayofmourning. 

ᐊᑦᑕᓇᔾᔭᐃᖅᓯᒪᓂᕐᒧᑦ ᐊᒻᒪᓗ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᐱᓇᓱᐊᕈᓯᖅ ᖁᕕᐊᓲᑎᒋᔭᐅᓲᖑᕗᖅ ᓯᕗᓪᓕᖅᐹᒥ ᐱᓇᓱᐊᕈᓯᕐᒥ ᒪᐃᒥ ᓴᖅᑭᔮᖅᑎᑦᑎᔾᔪᑎᐅᓪᓗᓂ ᐃᖅᑲᓇᐃᔭᖅᕕᒃᒥ ᖃᓄᐃᑦᑕᐃᓕᓂᕐᒥᒃ, ᐋᓐᓂᕈᑎᐅᔭᑦᑐᓂᒃ, ᐊᒻᒪᓗ ᐋᓐᓂᐊᕆᔭᐅᔭᑦᑐᓂᒃ. 

ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ (WSCC) ᑐᕌᒐᖃᖅᑐᑦ ᐊᑦᑕᓇᔾᔭᐃᖅᓯᒪᓂᕐᒧᑦ ᐊᒻᒪᓗ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᐱᓇᓱᐊᕈᓯᖅ 2025 ᓴᙱᒃᑎᑦᑎᕚᓪᓕᖅᑎᑦᑎᓗᓂ ᐊᑦᑕᓇᔾᔭᐃᖅᓯᒪᓂᕐᒧᑦ ᐸᕐᓇᐅᓯᐅᕐᓂᕐᒥᒃ ᐃᖅᑲᓇᐃᔭᕐᕕᒋᔭᕐᓂᒃ ᐊᒻᒪᓗ ᖁᕕᐊᓲᑎᖃᖅᖢᑕ ᐱᒋᐊᓚᐅᕐᓂᑦᑎᓐᓂᑦ ᓄᑖᒥᒃ ᐃᖅᑲᓇᐃᔭᕐᕕᒃᒥ ᐊᑦᑕᓇᔾᔭᐃᖅᓯᒪᓂᕐᒧᑦ ᐸᕐᓇᐅᑎᓄᑦ ᑐᑭᒧᐊᕈᑎᒃᓴᓂᒃ – ᐃᑲᔫᑎᒃᓴᖅ ᐅᑭᐅᕐᑕᖅᑐᕐᒥ ᐃᖅᑲᓇᐃᔭᖅᑎᑦᑎᔪᓄᑦ. 

ᐊᑦᑕᓇᔾᔭᐃᖅᓯᒪᓂᕐᒧᑦ ᐊᒻᒪᓗ ᐋᓐᓂᐊᖃᕐᓇᙱᑦᑐᓕᕆᓂᕐᒥᑦ ᐱᓇᓱᐊᕈᓯᖅ

ᕿᒃᓵᒃᑐᑦ ᐅᓪᓗᖓ - ᐊᐃᕐᕆᓕ 28

ᐊᖓᔪᖅᑳᑦ ᐃᖅᑲᓇᐃᔭᖅᑐᑦ ᓄᓇᑦᓯᐊᕐᒥ ᐊᒻᒪᓗ ᓄᓇᕗᒻᒥ ᐃᓚᐅᖃᑕᐅᔭᕆᐊᖃᖅᐳᑦ ᐊᖏᖅᑕᐅᓯᒪᔪᒥ ᐃᓕᓐᓂᐊᕐᓂᐅᔪᒥ ᓱᖏᐅᔾᔨᓲᖑᔪᒥ ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᖅᑕᐃᓕᒪᓂᕐᒥᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ ᒪᓕᒐᑎᒍᑦ.

ᑖᒃᑯᐊ ᒪᓕᒐᖅᑎᒍᑦ ᐱᑕᖃᕆᐊᓖᑦ ᑖᓐᓇ ᐊᖏᔪᖅᑳᖅ ᐅᔭᕋᖕᓂᐊᕐᓂᕐᒧᑦ ᐊᒻᒪᓗ ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᖅᑕᐃᓕᒪᓂᕐᒥᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ (OHS) ᖃᐅᔨᓴᖅᑎ ᓈᒻᒪᒋᓗᓂᐅᒃ ᑕᒪᓐᓇ ᐊᑐᖅᑕᐅᓇᓱᐊᖅᑑᑦ ᐃᓗᓕᖏᑦ. ᐊᖏᖅᑕᐅᓯᒪᔪᑦ ᑐᓂᓯᔨᐅᔪᑦ ᐊᑖᓂ ᐊᑐᐃᓐᓇᖃᖅᑎᑦᑎᕗᖅ ᐊᖓᔪᖅᑳᖅ ᖃᐅᔨᒪᔭᐅᔾᔪᑎᓂᑦ ᐃᓕᓐᓂᐊᒐᒃᓴᓂᑦ ᑭᐅᒪᔪᓂᑦ ᒪᓕᒐᑎᒍᑦ ᐱᔭᐅᔭᕆᐊᖃᖅᐸᒃᑐᓄᑦ.

ᐃᖅᑲᓇᐃᔭᖅᑎᑦ ᐃᓕᓐᓂᐊᖅᑎᑕᐅᓯᒪᑦᑎᐊᖅᑐᑦ, ᐃᖅᑲᓇᐃᔭᕐᕕᖕᒥᓂ ᐊᑦᑕᕐᓇᙱᑦᑐᒥᑦ ᐱᓕᕆᔪᓐᓇᖅᓯᕙᒃᐳᑦ.

ᐃᖅᑲᓇᐃᔭᕐᕕᖕᒥ ᐋᓐᓂᐊᖅᑖᖅᑕᐃᓕᒪᓂᕐᒧᑦ ᐊᑦᑕᕐᓇᖅᑕᐃᓕᒪᓂᕐᒧᓪᓗ ᐱᓕᕆᐊᒃᓴᐃᑦ ᓇᓗᓇᐃᖅᓯᓯᒪᕗᑦ ᐊᔪᕈᓐᓃᖅᓴᖅᑕᐅᔭᕆᐊᓕᖕᓂᒃ ᑲᑐᔾᔨᖃᑎᒌᑦ ᐃᓗᐊᓂ. ᑕᐃᑲᙵᑦ, ᐃᖅᑲᓇᐃᔭᕐᕕᐅᔪᑦ ᐋᖅᑭᒃᓱᐃᓕᖃᑦᑕᖅᐳᑦ ᓴᖅᑭᑦᑎᕙᒃᖢᑎᒡᓗ ᐱᓕᕆᐊᒃᓴᓂᒃ ᒪᓕᒐᕆᔭᐅᔭᕆᐊᓕᖕᓂᒃ ᒪᓕᒃᑐᓂᒃ ᐊᑐᕈᒥᓇᕐᓂᖅᐹᓂᓪᓗ ᓴᖅᑭᔮᖅᑎᑦᑎᔪᓂᒃ ᐱᓕᕆᕝᕕᒋᔭᒥᓂ.

ᐃᓕᓐᓂᐊᕈᑎᒃᓴᑦᑎᐊᕙᐃᑦ ᐃᖅᑲᓇᐃᔭᖅᑎᓂᒃ ᓂᕈᐊᕈᓐᓇᖅᓯᑎᑦᑎᕙᒃᐳᑦ ᐊᔪᕈᓐᓃᖅᓴᒐᒃᓴᓂᒃ ᖁᐊᖅᓵᕐᓇᖅᑐᓂᒃ ᐱᑕᖃᙱᓐᓂᖅᓴᐅᑎᑦᑎᔪᓂᒃ, ᐊᒻᒪ ᐃᖅᑲᓇᐃᔭᖅᑎᓂᒃ ᐱᓕᒻᒪᒃᓴᖅᑎᑦᑎᑦᑎᐊᖅᐸᒃᖢᑎᒃ ᐊᑦᑕᓇᖅᑕᐃᓕᒪᓂᐅᑉ ᒥᒃᓵᓄᑦ.

ᐱᓕᕆᖃᑎᒋᔭᑦᑕ ᐃᑭᐊᖅᑭᕕᖓᓄᑦ ᑕᑯᒋᐊᕈᓐᓇᖅᐳᑎᑦ ᐃᓕᓐᓂᐊᒐᒃᓴᓂᒃ ᐊᒻᒪ ᖃᑯᒍ ᐱᓕᕆᐊᖑᓛᕐᒪᖔᑕ ᑕᑯᔪᒪᒍᕕᑦ:

ᓂᐅᕕᖅᑕᐅᓯᒪᔪᑦ ᐅᑎᖅᑎᖁᔭᐅᓪᓗᑎᒃ ᐅᖃᐅᔾᔨᓂᖅ

ᓂᐅᕕᖅᑐᓕᕆᔩᑦ ᐊᑦᑕᕐᓇᖅᑐᓂᒃ ᐱᑦᑕᐃᓕᑎᑦᑎᔩᑦ ᖃᐅᔨᓴᖅᑎᖏᑦ (CPSC) - ᐅᑎᖅᑎᖁᔭᐅᔪᑦ

ᐋᓐᓂᐊᖃᕐᓇᙱᑦᑐᓕᕆᔨᑦ ᑲᓇᑕᒥ - ᐅᖃᐅᔾᔪᐃᔨᑦ

WHMIS ᐃᒪᓐᓇ ᑐᑭᖃᖅᐳᖅ ᐃᖅᑲᓇᐃᔭᕐᕕᖕᒥ ᐊᑦᑕᕐᓇᖅᑐᓂᒃ ᑭᓱᑐᐃᓐᓇᓂᒃ ᑐᓴᐅᒪᖃᑎᒌᒃᑎᑦᑎᓂᖅ ᐊᔪᕆᖅᓲᔾᔨᓯᒪᓪᓗᓂᓗ ᐃᖅᑲᓇᐃᔭᕐᕕᖕᒥ ᑭᓱᑐᐃᓐᓇᓂᒃ ᐊᑦᑕᕐᓇᖅᑐᓂᒃ ᓇᓂᔭᐅᔪᓂᒃ ᓇᓗᓇᐃᖅᓯᔪᓐᓇᕐᓂᒃᒥᒃ. ᐃᖅᑲᓇᐃᔭᖅᑎᓂᒃ ᖃᐅᔨᒪᑦᑎᐊᓕᖅᑎᑦᑎᓂᐊᖅᐳᖅ ᑭᓱᑦ ᐊᑦᑕᕐᓇᖅᑐᑦ ᐱᑕᖃᕈᓐᓇᕐᒪᖔᑕ ᐊᒻᒪ ᖃᓄᖅ ᑲᒪᒋᔭᕆᐊᖃᕐᒪᖔᑕ, ᑐᖅᑯᑦᑎᐊᕐᓗᒋᑦ, ᐊᒻᒪ ᐋᖅᑭᑦᑎᐊᕐᓗᒋᑦ ᖁᐊᖅᓵᕐᓇᖅᑐᑦ ᑭᓱᑐᐃᓐᓇᐃᑦ. 

ᐅᑯᐊ WHMIS-ᑯᑦ ᐱᓕᕆᐊᒃᓴᖏᑕ ᐃᓚᖏᑦ ᐱᖁᑎᓂᒃ ᐊᑦᑕᕐᓇᖅᑐᑦ ᒥᒃᓵᓄᑦ ᑎᑎᕋᕐᕕᒃᓴᐃᑦ (MSDS), ᓴᖅᑭᑎᑕᐅᔪᑦ ᓇᓕᖅᑲᖏᑦ, ᐊᒻᒪ ᐃᖅᑲᓇᐃᔭᖅᑎᓄᑦ ᐃᓕᓐᓂᐊᖅᑕᐅᔪᒃᓴᑦ.