ᐅᑯᐊ ᐱᖁᔭᒃᓴᑦ ᐊᐅᓚᑦᑎᕗᑦ ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᕐᓇᖏᑦᑐᓕᕆᓂᕐᒧᑦ ᐊᑦᑕᕐᓇᖅᑕᐃᓕᒪᓂᕐᒧᓪᓗ ᓄᓇᑦᑎᐊᕐᒥᑦ ᓄᓇᕗᒥᓪᓗ.

• ᐊᑦᑕᕐᓇᖅᑕᐃᓕᒪᓂᕐᒧᑦ ᐱᖁᔭᖅ​
• ᐅᔭᕋᓐᓂᐊᕐᓂᕐᒥᑦ ᐋᓐᓂᐊᖃᕐᓇᖏᑦᑐᓕᕆᓂᖅ ᐊᑦᑕᓇᖅᑕᐃᓕᒪᓂᕐᒧᓪᓗ ᒪᓕᒐᐃᑦ​
• ᖄᕐᓇᖅᑐᒥᑦ ᐊᑐᖅᑕᐅᓲᓄᑦ ᐱᖁᔭᑦ ᐊᑐᐊᒐᓪᓗ​

ᐋᖅᑭᒃᑕᐃᓐᓇᕆᓇᓱᒡᓗᒋᑦ ᐱᖁᔭᒃᓴᑦ, ᑕᑯᒋᐊᕐᓗᒍ ᒐᕙᒪᖓᑦ ᓄᓇᑦᑎᐊᖅ ᒪᓕᒐᓕᕆᔨᒃᑯᓪᓗ ᐃᑭᐊᕿᕝᕕᖓ, ᐅᕝᕙᓘᓐᓃᑦ ᓄᓇᕗᒥᑦ ᐃᓚᖓᓂᒃ ᑲᓇᑕᒥᑦ ᒪᓕᒐᑦ ᑐᓴᒐᒃᓴᓕᕆᔨᑦ ᐃᑭᐊᕿᕝᕕᐊᓂ.

ᐅᕘᓇ ᓇᕿᓪᓗᒍ ᑎᑎᕋᖅᓯᒪᔪᑦ ᑕᑯᔪᒪᒍᕕᒋᑦ

ᐃᖅᑲᓇᐃᔭᖅᑎᑦᑎᔨᐅᑉ ᓇᓗᓇᐃᕐᓂᖓ ᐋᓐᓂᖅᑐᒧᑦ

ᐃᖅᑲᓇᐃᔭᖅᑎᖁᑎᓖᑦ, ᐅᓂᒃᑳᕆᓂᕐᒥ ᖃᓄᐃᓐᓂᐅᔪᒥ, ᐋᓐᓂᕐᓂᐅᔪᒥᑦ ᐅᕝᕙᓘᓐᓃᑦ ᐅᓗᕆᐊᓇᖅᑐᒥ ᖃᓄᐃᓐᓂᐅᔪᒥ ᐱᔭᕇᖅᓯᔭᕆᐊᖃᖅᐳᑎᑦ ᐊᒻᒪ ᑐᓂᓯᓗᑎᑦ ᐃᖅᑲᓇᐃᔭᖅᑎᑦᑎᔨᐅᑉ ᓇᓗᓇᐃᕐᓂᖓ ᐋᓐᓂᖅᑐᒧᑦ.

ᐃᖅᑲᓇᐃᔭᖅᑎᖁᑎᓕᖕᓄᑦ ᐅᓂᒃᑳᓕᐊᖓᓂ ᖃᓄᐃᓐᓂᐅᔪᒥ

ᐅᓂᒃᑲᐅᓯᕆᓗᒋᑦ ᖃᓄᐃᓐᓂᐅᔪᒥ, ᐋᓐᓂᕐᓂᐅᔪᒥᑦ ᐅᕝᕙᓘᓐᓃᑦ ᐅᓗᕆᐊᓇᖅᑐᒥ ᖃᓄᐃᓐᓂᐅᔪᒥᑦ ᐅᕘᓇ ᐃᖅᑲᓇᐃᔭᖅᑎᖁᑎᓕᖕᓄᑦ ᐅᓂᒃᑲᐅᓯᐅᓂᕐᒥ ᖃᓄᐃᓐᓂᐅᔪᒥ ᖃᕋᓴᐅᔭᑎᒍᑦ−ᐱᔨᑦᑎᕋᕐᓂᕐᒥ WSCC Connect−ᑯᑦ. ᐅᓂᒃᑳᓕᐊᖑᔪᖅ ᐃᓗᓕᖃᖅᐳᖅ ᒪᕐᕉᖕᓂ ᐃᓚᖓᓐᓂ: ᓯᕗᓪᓕᕐᒥ, ᐱᔭᕇᖅᓯᓂᐊᖅᐳᑎᑦ ᖃᓄᐃᓐᓂᐅᔫᑉ ᐃᓚᖓᓐᓂ ᐊᒻᒪᓗ ᓇᓗᓇᐃᖅᓯᒍᕕᑦ ᐋᓐᓂᕐᓂᖃᓚᐅᕐᓂᖓᓂ, ᖃᕋᓴᐅᔭᑎᒍᑦ−ᐱᔨᑦᑎᕋᕐᓂᕐᒥ ᐅᖓᕙᕆᐊᖅᑎᑦᑎᓂᐊᖅᐳᖅ ᐋᓐᓂᕐᓂᐅᔪᒧᑦ ᐃᓚᖓᓐᓂ ᐅᓂᒃᑳᕆᓂᕐᒧᑦ.

ᐃᖅᑲᓇᐃᔭᕐᕕᖕᒥ ᐋᓐᓂᐊᖅᑖᖅᑕᐃᓕᒪᓂᖅ ᐊᒻᒪ ᐊᑦᑕᕐᓇᖅᑕᐃᓕᒪᓂᕐᒧᑦ ᒪᓕᒐᓕᐊᖑᔪᒪᔪᑦ, ᖃᐅᔨᒪᔭᐅᔪᑦ ᐃᒪᓐᓇ  ᐊᑦᑕᕐᓇᖅᑕᐃᓕᒪᓂᕐᒧᑦ ᐱᖁᔭᖅ ᐊᒻᒪ ᑭᒃᑯᑐᐃᓐᓇᓄᑦ ᐊᑦᑕᕐᓇᖅᑕᐃᓕᒪᓂᕐᒧᑦ ᒪᓕᒋᐊᓖᑦ, ᐊᐅᓚᑦᑎᐊᕐᓗᒍ ᐃᖅᑲᓇᐃᔭᕐᕕᖕᒥ ᐋᓐᓂᐊᖅᑖᖅᑕᐃᓕᒪᓂᖅ ᐊᑦᑕᕐᓇᖅᑕᐃᓕᒪᓂᕐᓗ. ᐅᕙᓂ ᓇᓂᓯᓂᐊᖅᐳᑎᑦ ᑐᑭᓯᒋᐊᒐᒃᓴᓂᒃ ᐃᒪᐃᑦᑐᓕᕆᔪᓂᒃ ᐋᓐᓂᖅᑐᖃᖅᑎᓪᓗᒍ ᐅᖃᐅᓯᕆᔭᕆᐊᓖᑦ, ᐃᖅᑲᓇᐃᔭᖅᑎᐅᑉ ᐱᔪᓐᓇᕐᓂᖏᑦ ᑲᒪᒋᔭᒃᓴᖏᓪᓗ, ᒫᓐᓇᓕᓴᐃᑦ ᐊᑦᑕᕐᓇᖅᑐᓂᒃ ᐅᔾᔨᖅᓱᖁᔨᔾᔪᑏᑦ, ᐊᒻᒪ ᐊᑐᕈᓐᓇᕋᔭᖅᑐᑦ ᐃᑲᔫᑎᒋᓇᓱᐊᕐᓗᒋᑦ ᐃᖅᑲᓇᐃᔭᖅᑎᑦᑎᔨᓂᒃ ᐊᒻᒪ ᐃᖅᑲᓇᐃᔭᖅᑎᓂᒃ ᐊᑦᑕᕐᓇᖅᑐᒦᖁᓇᒋᑦ.

ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᖅᑕᐃᓕᒪᓂᕐᒥᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ (OHS) ᓴᐳᔾᔨᓯᒪᓲᖅ ᐃᖅᑲᓇᐃᔭᖅᑎᓂᑦ ᐋᓐᓂᕐᓂᕐᓄᑦ ᐊᒻᒪᓗ ᐋᓐᓂᐊᓕᕐᓂᕐᓄ. ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᑕᐃᒪᐃᑎᑦᑎᑦᑕᐃᓕᒪᓂᕐᒧᑦ ᐱᔨᑦᑎᕋᐅᑏᑦ ᐱᓕᕆᔾᔪᔾᔨᔪᑦ ᐃᖅᑲᓇᐃᔭᕐᕕᖕᓂᒃ ᒪᓕᑦᑎᐊᖁᓪᓗᒋᑦ ᑖᒃᑯᓂᖓ ᒪᓕᒐᕐᓂᒃ ᐃᖅᑲᓇᐃᔭᖅᑎᖏᑦ ᐊᑦᑕᕐᓇᔾᔭᐃᖅᓯᒪᖁᓪᓗᒋᑦ ᐊᒻᒪ ᐃᓐᓂᐊᖅᑎᑦᑎᕙᒡᓗᑎᒃ, ᓱᓇᒃᑯᑖᖃᖅᑎᑦᑎᓗᑎᒃ, ᐊᒻᒪᓗ ᐃᑲᔪᖅᓯᕐᓗᒋᑦ ᓇᖕᒥᓂᕆᔭᐅᔪᑦ ᐃᑲᔪᖅᑕᐅᔭᕆᐊᖃᖅᐸᑕ.

ᐊᑦᑕᕐᓇᖅᑕᐃᓕᒪᓂᕐᒧᑦ ᒪᓕᒐᖅ ᑕᐃᑲᓂ ᓄᓇᑦᑎᐊᒥᑦ ᐊᒻᒪᓗ ᓄᓇᕘᒥᑦ ᐃᒪᐃᑦᑐᓐᓇᖅᑎᑦᑎᔪᖅ ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᖅᑕᐃᓕᒪᓂᕐᒥᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ (OHS) ᖃᐅᔨᓴᖅᒡᑎᑦ ᐊᒻᒪᓗ ᖃᐅᔨᓴᖅᑎᐅᕙᒃᑐᑦ ᐅᔭᕋᖕᓂᐊᕐᕕᖕᓂᑦ ᐊᑦᑕᕐᓇᙱᓪᓚᕆᒃᑲᓗᐊᕐᒪᖔᑦ ᐃᖅᑲᓇᐃᔭᕐᕕᖓᓐᓂᑦ ᒪᓕᒐᐃᑦ ᒪᓕᒃᑕᐅᖓᓗᐊᕐᒪᖔᑕ.

ᐱᔪᓐᓃᕋᓱᒃᖢᓂ ᐱᒋᐊᖅᓵᓕᓂᖅ ᐃᓗᕆᐊᓇᖏᑦᑐᒥᓪᓗ ᐅᑎᓐᓂᖅ ᐃᖅᑲᓇᐃᔮᒧᑦ ᑎᒥᒧᑦ ᐃᓱᒪᒧᓪᓗ ᐊᖏᓕᒋᐊᕆᓲᖅ.

ᐃᖅᑲᓇᐃᔭᖅᑎᑦᑎᓂᖅ, ᐱᓕᒻᒪᔅᓴᐃᓂᖅ ᐅᖓᑕᐅᔾᔨᓂᖅ ᐃᑲᕐᕋᒥ ᐊᑭᑐᓂᖅᓴᐅᓲᖅ ᐱᐅᔪᒥᒃ ᓴᖅᑭᔮᖅᑎᑕᒥᒃ ᐅᑎᕈᑎᑦ ᓴᓇᓂᒻᒧᑦ ᐱᓕᕆᐊᓄᑦ.

ᑳᓐᑐᓛᒋᔭᐅᔪᒥᒃ ᐱᔭᕇᖅᓯᔪᖃᖅᐸᑦ, ᓴᒃᑯᑦᑎᓚᐅᙱᓐᓂᕐᓂᒡᓗ ᑭᖑᓪᓕᖅᐹᖅᓯᐅᑎᒥᒃ ᐊᑭᓕᐅᑎᒃᓴᒥᒃ ᑳᓐᑐᓛᖃᖅᑎᑕᕐᓄᑦ, ᐊᑦᑕᑕᕐᓗᑎᑦ ᐅᕗᖓ WSCC Connect ᐱᔪᒪᕝᕕᒋᓗᒋᑦ ᑭᖑᓪᓕᖅᐹᖅᓯᐅᑎᒥᒃ ᓴᒃᑯᑦᑎᓂᕐᒧᑦ ᑎᑎᖅᑲᒥᒃ. ᑖᓐᓇ ᑎᑎᖅᑲᖅ ᐃᓕᖕᓂᒃ ᓴᒃᑯᑦᑎᕗᖅ ᐸᓯᔭᐅᓕᕈᓐᓇᙱᖦᓗᑎᑦ ᐃᓕᖕᓂᒡᓗ ᐱᕕᖃᖅᑎᑦᑎᓪᓗᓂ ᑭᖑᓪᓕᖅᐹᖅᓯᐅᑎᒥᒃ ᐊᑭᓖᔪᓐᓇᕐᓂᕐᒥᒃ ᑖᔅᓱᒧᖓ ᑳᓐᑐᓛᒋᔭᐅᔪᒧᑦ.

ᑳᓐᑐᓛᒋᔭᐅᔪᖅ ᐱᒋᐊᓕᓵᖅᑎᓪᓗᒍ ᐱᔪᒪᔪᓐᓇᖅᐳᑎᑦ ᑎᑎᖅᑲᒥᒃ ᐱᓕᕆᖃᑦᑕᑦᑎᐊᖅᓯᒪᓂᕐᒧᑦ. ᑖᓐᓇ ᑎᑎᖅᑲᖅ ᐅᖃᐅᔾᔨᕙᒃᐳᖅ ᑖᓐᓇ ᐃᒻᑲᓇᐃᔭᖅᑎᑕᐅᓕᖅᑐᖅ ᑲᒻᐸᓂᒋᔭᐅᔪᖅ ᐱᓕᕆᐊᖃᖃᑦᑕᑦᑎᐊᖅᓯᒪᓂᖓᓂᒃ. ᐱᔪᒪᒍᕕᑦ ᑎᑎᖅᑲᒥᒃ ᐱᓕᕆᖃᑦᑕᑦᑎᐊᖅᓯᒪᓂᕐᒧᑦ ᐅᕗᖓ ᐊᑦᑕᑕᕐᓗᑎᑦ WSCC Connect ᐅᓇᓗ ᐅᐸᒡᓗᒍ “ᐱᓂᖅ ᓴᒃᑯᑦᑎᓂᕐᒥᑦ” ᓇᕿᑦᑕᕈᑖᓂᒃ.