ᐊᑦᑕᓇᔾᔭᐃᖅᓯᒪᓂᕐᒧᑦ ᐊᒻᒪᓗ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᐱᓇᓱᐊᕈᓯᖅ ᖁᕕᐊᓲᑎᒋᔭᐅᓲᖑᕗᖅ ᓯᕗᓪᓕᖅᐹᒥ ᐱᓇᓱᐊᕈᓯᕐᒥ ᒪᐃᒥ ᓴᖅᑭᔮᖅᑎᑦᑎᔾᔪᑎᐅᓪᓗᓂ ᐃᖅᑲᓇᐃᔭᖅᕕᒃᒥ ᖃᓄᐃᑦᑕᐃᓕᓂᕐᒥᒃ, ᐋᓐᓂᕈᑎᐅᔭᑦᑐᓂᒃ, ᐊᒻᒪᓗ ᐋᓐᓂᐊᕆᔭᐅᔭᑦᑐᓂᒃ.
ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ (WSCC) ᑐᕌᒐᖃᖅᑐᑦ ᐊᑦᑕᓇᔾᔭᐃᖅᓯᒪᓂᕐᒧᑦ ᐊᒻᒪᓗ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᐱᓇᓱᐊᕈᓯᖅ 2025 ᓴᙱᒃᑎᑦᑎᕚᓪᓕᖅᑎᑦᑎᓗᓂ ᐊᑦᑕᓇᔾᔭᐃᖅᓯᒪᓂᕐᒧᑦ ᐸᕐᓇᐅᓯᐅᕐᓂᕐᒥᒃ ᐃᖅᑲᓇᐃᔭᕐᕕᒋᔭᕐᓂᒃ ᐊᒻᒪᓗ ᖁᕕᐊᓲᑎᖃᖅᖢᑕ ᐱᒋᐊᓚᐅᕐᓂᑦᑎᓐᓂᑦ ᓄᑖᒥᒃ ᐃᖅᑲᓇᐃᔭᕐᕕᒃᒥ ᐊᑦᑕᓇᔾᔭᐃᖅᓯᒪᓂᕐᒧᑦ ᐸᕐᓇᐅᑎᓄᑦ ᑐᑭᒧᐊᕈᑎᒃᓴᓂᒃ – ᐃᑲᔫᑎᒃᓴᖅ ᐅᑭᐅᕐᑕᖅᑐᕐᒥ ᐃᖅᑲᓇᐃᔭᖅᑎᑦᑎᔪᓄᑦ.
ᐊᖓᔪᖅᑳᑦ ᐃᖅᑲᓇᐃᔭᖅᑐᑦ ᓄᓇᑦᓯᐊᕐᒥ ᐊᒻᒪᓗ ᓄᓇᕗᒻᒥ ᐃᓚᐅᖃᑕᐅᔭᕆᐊᖃᖅᐳᑦ ᐊᖏᖅᑕᐅᓯᒪᔪᒥ ᐃᓕᓐᓂᐊᕐᓂᐅᔪᒥ ᓱᖏᐅᔾᔨᓲᖑᔪᒥ ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᖅᑕᐃᓕᒪᓂᕐᒥᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ ᒪᓕᒐᑎᒍᑦ.
ᒪᓕᒐᐃᑦ ᐅᖃᐅᕐᓯᒪᒻᒪᑕ ᐊᖓᔪᖅᑳᖅ ᐊᑦᑕᓇᖅᑐᒦᑦᑕᐃᓕᑎᑦᑎᔨ ᐊᒻᒪ ᐊᖓᔪᖅᑳᖅ ᐅᔭᕋᒃᓯᐅᕐᕕᖕᓂ ᖃᐅᔨᓴᕐᓯ ᐊᖏᕐᓯᒪᔪᑦ ᐃᓗᓕᕆᔭᐅᔪᓂᒃ.
ᖃᐅᔨᒪᓂᐊᖅᐳᑎᑦ: ᐃᓚᖏᑦ ᐱᔨᑦᑎᕋᐅᑎᖃᕐᑐᑦ ᒪᓂᒻᒪᐃᓯᒪᕙᒃᑐᑦ ᐃᓕᓐᓂᐊᕈᑎᐅᔪᓐᓇᖅᑐᓂᒃ. ᓇᓗᓇᕐᓗᑎᑦ ᑲᒪᔨᐅᓂᕐᒧᑦ ᐃᓕᓐᓂᐊᕈᑎᒃᓴᖅ ᐅᑯᓄᖓ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑎᓄᑦ (WSCC) ᓈᒻᒪᒋᔭᐅᒐᓗᐊᕐᒪᖔᑦ, ᐊᒻᒪᓗ ᑐᓴᒐᒃᓴᐃᑦ ᐊᒃᑐᐊᓂᖏᓐᓂᒃ ᐅᕗᖓ ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᖅᑕᐃᓕᓂᕐᒧᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ ᐱᖁᔭᓂ ᓄᓇᑦᓯᐊᕐᒧᑦ ᐊᒻᒪ ᓄᓇᕗᒧᑦ.
ᐃᖅᑲᓇᐃᔭᖅᑎᑦ ᐃᓕᓐᓂᐊᖅᑎᑕᐅᓯᒪᑦᑎᐊᖅᑐᑦ, ᐃᖅᑲᓇᐃᔭᕐᕕᖕᒥᓂ ᐊᑦᑕᕐᓇᙱᑦᑐᒥᑦ ᐱᓕᕆᔪᓐᓇᖅᓯᕙᒃᐳᑦ.
ᐃᖅᑲᓇᐃᔭᕐᕕᖕᒥ ᐋᓐᓂᐊᖅᑖᖅᑕᐃᓕᒪᓂᕐᒧᑦ ᐊᑦᑕᕐᓇᖅᑕᐃᓕᒪᓂᕐᒧᓪᓗ ᐱᓕᕆᐊᒃᓴᐃᑦ ᓇᓗᓇᐃᖅᓯᓯᒪᕗᑦ ᐊᔪᕈᓐᓃᖅᓴᖅᑕᐅᔭᕆᐊᓕᖕᓂᒃ ᑲᑐᔾᔨᖃᑎᒌᑦ ᐃᓗᐊᓂ. ᑕᐃᑲᙵᑦ, ᐃᖅᑲᓇᐃᔭᕐᕕᐅᔪᑦ ᐋᖅᑭᒃᓱᐃᓕᖃᑦᑕᖅᐳᑦ ᓴᖅᑭᑦᑎᕙᒃᖢᑎᒡᓗ ᐱᓕᕆᐊᒃᓴᓂᒃ ᒪᓕᒐᕆᔭᐅᔭᕆᐊᓕᖕᓂᒃ ᒪᓕᒃᑐᓂᒃ ᐊᑐᕈᒥᓇᕐᓂᖅᐹᓂᓪᓗ ᓴᖅᑭᔮᖅᑎᑦᑎᔪᓂᒃ ᐱᓕᕆᕝᕕᒋᔭᒥᓂ.
ᐃᓕᓐᓂᐊᕈᑎᒃᓴᑦᑎᐊᕙᐃᑦ ᐃᖅᑲᓇᐃᔭᖅᑎᓂᒃ ᓂᕈᐊᕈᓐᓇᖅᓯᑎᑦᑎᕙᒃᐳᑦ ᐊᔪᕈᓐᓃᖅᓴᒐᒃᓴᓂᒃ ᖁᐊᖅᓵᕐᓇᖅᑐᓂᒃ ᐱᑕᖃᙱᓐᓂᖅᓴᐅᑎᑦᑎᔪᓂᒃ, ᐊᒻᒪ ᐃᖅᑲᓇᐃᔭᖅᑎᓂᒃ ᐱᓕᒻᒪᒃᓴᖅᑎᑦᑎᑦᑎᐊᖅᐸᒃᖢᑎᒃ ᐊᑦᑕᓇᖅᑕᐃᓕᒪᓂᐅᑉ ᒥᒃᓵᓄᑦ.
ᐱᓕᕆᖃᑎᒋᔭᑦᑕ ᐃᑭᐊᖅᑭᕕᖓᓄᑦ ᑕᑯᒋᐊᕈᓐᓇᖅᐳᑎᑦ ᐃᓕᓐᓂᐊᒐᒃᓴᓂᒃ ᐊᒻᒪ ᖃᑯᒍ ᐱᓕᕆᐊᖑᓛᕐᒪᖔᑕ ᑕᑯᔪᒪᒍᕕᑦ:
ᓂᐅᕕᖅᑐᓕᕆᔩᑦ ᐊᑦᑕᕐᓇᖅᑐᓂᒃ ᐱᑦᑕᐃᓕᑎᑦᑎᔩᑦ ᖃᐅᔨᓴᖅᑎᖏᑦ (CPSC) - ᐅᑎᖅᑎᖁᔭᐅᔪᑦ
ᐋᓐᓂᐊᖃᕐᓇᙱᑦᑐᓕᕆᔨᑦ ᑲᓇᑕᒥ - ᐅᖃᐅᔾᔪᐃᔨᑦ
WHMIS ᐃᒪᓐᓇ ᑐᑭᖃᖅᐳᖅ ᐃᖅᑲᓇᐃᔭᕐᕕᖕᒥ ᐊᑦᑕᕐᓇᖅᑐᓂᒃ ᑭᓱᑐᐃᓐᓇᓂᒃ ᑐᓴᐅᒪᖃᑎᒌᒃᑎᑦᑎᓂᖅ ᐊᔪᕆᖅᓲᔾᔨᓯᒪᓪᓗᓂᓗ ᐃᖅᑲᓇᐃᔭᕐᕕᖕᒥ ᑭᓱᑐᐃᓐᓇᓂᒃ ᐊᑦᑕᕐᓇᖅᑐᓂᒃ ᓇᓂᔭᐅᔪᓂᒃ ᓇᓗᓇᐃᖅᓯᔪᓐᓇᕐᓂᒃᒥᒃ. ᐃᖅᑲᓇᐃᔭᖅᑎᓂᒃ ᖃᐅᔨᒪᑦᑎᐊᓕᖅᑎᑦᑎᓂᐊᖅᐳᖅ ᑭᓱᑦ ᐊᑦᑕᕐᓇᖅᑐᑦ ᐱᑕᖃᕈᓐᓇᕐᒪᖔᑕ ᐊᒻᒪ ᖃᓄᖅ ᑲᒪᒋᔭᕆᐊᖃᕐᒪᖔᑕ, ᑐᖅᑯᑦᑎᐊᕐᓗᒋᑦ, ᐊᒻᒪ ᐋᖅᑭᑦᑎᐊᕐᓗᒋᑦ ᖁᐊᖅᓵᕐᓇᖅᑐᑦ ᑭᓱᑐᐃᓐᓇᐃᑦ.
ᐅᑯᐊ WHMIS-ᑯᑦ ᐱᓕᕆᐊᒃᓴᖏᑕ ᐃᓚᖏᑦ ᐱᖁᑎᓂᒃ ᐊᑦᑕᕐᓇᖅᑐᑦ ᒥᒃᓵᓄᑦ ᑎᑎᕋᕐᕕᒃᓴᐃᑦ (MSDS), ᓴᖅᑭᑎᑕᐅᔪᑦ ᓇᓕᖅᑲᖏᑦ, ᐊᒻᒪ ᐃᖅᑲᓇᐃᔭᖅᑎᓄᑦ ᐃᓕᓐᓂᐊᖅᑕᐅᔪᒃᓴᑦ.
ᐃᖅᑲᓇᐃᔭᖅᑎᓄᑦ ᐊᑦᑕᕐᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓄᑦ ᖃᐅᔨᓴᖅᑏᑦ ᐅᖃᓕᒫᒐᒃᓴᓂᒃ ᓴᖅᑭᑦᑎᖃᑦᑕᖅᐳᑦ ᐊᑦᑕᕐᓇᖅᑐᑦ ᐅᔾᔨᖅᓱᕆᐊᓖᑦ ᒥᒃᓵᓄᑦ ᐃᖅᑲᓇᐃᔭᖅᑎᑦ ᐃᖅᑲᐃᓯᔪᒪᓪᓗᒋᑦ ᐃᖅᑲᓇᐃᔭᖅᑎᓪᓗᒋᑦ ᐃᖅᑲᓇᐃᔭᙱᑎᓪᓗᒋᓪᓘᓐᓃᑦ ᐊᑐᖅᑕᐅᓕᕈᓐᓇᖅᑐᓂᒃ. ᖁᐊᖅᓵᕐᓇᖅᑐᓂᒃ ᓇᓗᓇᐃᔭᖅᓯᒪᓪᓗᑎᒃ ᐊᒻᒪ ᑐᑭᓯᓇᖅᑐᓂᒃ ᐊᔪᕆᖅᓲᔾᔨᓯᒪᓪᓗᑎᒃ ᖃᓄᕐᓗ ᖁᐊᖅᓵᕐᓇᖅᑐᑦ ᐱᑕᖃᙱᓐᓂᖅᓴᐅᔪᓐᓇᕐᒪᖔᑕ.
ᐃᖅᑲᓇᐃᔭᖅᑎᓄᑦ ᐃᑲᔫᑎᐅᓇᓱᒃᐳᖅ ᒪᓕᒋᐊᖃᖅᑐᑦ ᑐᑭᓯᔪᓐᓇᖁᓗᒋᓪᓗ ᐊᒻᒪ ᐊᑦᑕᕐᓇᖅᑐᒦᖁᓇᒋᑦ ᐱᖅᑯᔭᒃᓴᑦᑎᓐᓂᖔᖅᑐᓂᒃ. ᑐᓴᒃᑲᓐᓂᕈᒪᓐᓂᕈᕕᑦ ᐃᕐᖏᓇᖅᓯᐅᑎᕗᑦ ᑕᑯᒋᐊᕈᓐᓇᖅᑕᑦ safetyregs@wscc.nt.ca - ᒥᑦ, ᐅᕝᕙᓘᓐᓃᑦ ᖃᓄᖅ ᐱᖃᑕᐅᔪᓐᓇᕐᒪᖔᖅᐱᑦ ᒪᓕᒋᐊᖃᖅᑐᓂᒃ ᐋᖅᑭᖅᓱᐃᖃᑕᐅᔪᓐᓇᕐᓗᑎᑦ.
ᐃᖅᑲᓇᐃᔭᕐᓂᖅ ᐊᑦᑕᕐᓇᖅᑕᐃᓕᒪᓗᓂ ᑭᒃᑯᓕᒫᑦ ᐱᓕᕆᐊᒃᓴᕆᔭᖓᑦ, ᐊᒻᒪ ᐊᑐᓂ ᐃᖅᑲᓇᐃᔭᖅᑎ ᐱᔪᓐᓇᐅᑎᖃᖅᖢᓂ ᐊᑦᑕᕐᓇᙱᑦᑐᒥᒃ ᐃᖅᑲᓇᐃᔭᕐᕕᖃᕐᓗᓂ. ᑐᑭᓯᐅᒪᓂᖅ ᐱᔪᓐᓇᐅᑎᓂᒃ ᐊᒻᒪ ᐱᓕᕆᐊᒃᓴᖏᓐᓂᒃ ᐊᑐᓂ ᐃᖅᑲᓇᐃᔭᖅᑎᐅᑉ ᑐᙵᕕᓪᓚᕆᐅᓪᓗᓂ ᐃᓚᒋᔭᐅᔪᖅ ᐃᖅᑲᓇᐃᔭᕐᕕᖕᒥ ᐊᑦᑕᕐᓇᖅᑕᐃᓕᒪᓂᕐᒧᑦ ᐃᓕᓂᓐᓂᐊᕐᓂᕐᒥ.
ᐱᓕᕆᓯᒋᐊᖅᑳᖅᑎᓐᓇᒋᒃ ᐱᓕᕆᐊᒃᓴᖏᓐᓂᒃ, ᑭᒃᑯᓕᒫᑦ ᑐᑭᓯᐊᓪᓗᐊᖅᑐᑦ ᐱᖓᓱᓂᒃ ᑐᙵᕕᐅᔪᓂᒃ ᐱᔪᓐᓇᐅᑎᓂᒃ.
ᐅᑯᐊ ᐱᖁᔭᒃᓴᑦ ᐊᐅᓚᑦᑎᕗᑦ ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᕐᓇᖏᑦᑐᓕᕆᓂᕐᒧᑦ ᐊᑦᑕᕐᓇᖅᑕᐃᓕᒪᓂᕐᒧᓪᓗ ᓄᓇᑦᑎᐊᕐᒥᑦ ᓄᓇᕗᒥᓪᓗ.
ᐋᖅᑭᒃᑕᐃᓐᓇᕆᓇᓱᒡᓗᒋᑦ ᐱᖁᔭᒃᓴᑦ, ᑕᑯᒋᐊᕐᓗᒍ ᒐᕙᒪᖓᑦ ᓄᓇᑦᑎᐊᖅ ᒪᓕᒐᓕᕆᔨᒃᑯᓪᓗ ᐃᑭᐊᕿᕝᕕᖓ, ᐅᕝᕙᓘᓐᓃᑦ ᓄᓇᕗᒥᑦ ᐃᓚᖓᓂᒃ ᑲᓇᑕᒥᑦ ᒪᓕᒐᑦ ᑐᓴᒐᒃᓴᓕᕆᔨᑦ ᐃᑭᐊᕿᕝᕕᐊᓂ.
