ᐃᖅᑲᓇᐃᔭᖅᑎᐅᓂᕐᒧᑦ ᐱᔨᑦᑎᕋᕐᕕᐅᕙᖕᓂᕐᒧᑦ ᐊᐱᖅᑯᑕᐅᒐᔪᒃᑐᑦ ᐊᐱᖅᑯᑎᒃᓴᐃᑦ

ᐊᑕᖏᖅᖢᒋᑦ ᓇᖕᒥᓂᖃᖅᑎᐅᔪᑦ ᐊᐅᓚᓂᖃᖅᑐᑦ ᐃᓗᐊᓂᑦ ᓄᓇᕘᒥᑦ ᐊᒻᒪᓗ/ᐅᕝᕙᓘᓐᓃᑦ ᓄᓇᑦᑎᐊᒥᑦ ᐃᖅᑲᓇᐃᔭᖅᑎᖃᖅᑐᑦ ᐅᓂᒃᑳᖃᑦᑕᕆᐊᖃᖅᑕᖏᑦ ᐊᑭᓖᖃᑦᑕᕐᓂᖏᓐᓄᑦ ᐃᖅᑲᓇᐃᔭᖅᑎᖏᓐᓂᒃ ᐃᑲᕐᕋᖏᓐᓄᑦ ᑖᒃᑯᓄᖓ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑎᓄᑦ.

ᐃᖅᑲᓇᐃᔭᖅᑎᑦᑎᔨᐅᓚᐅᑲᒃᑐᑦ ᐊᑎᓕᐅᕆᐊᖃᙱᑦᑐᑦ. ᖃᐅᔨᔪᒪᒍᕕᑦ ᐃᖅᑲᓇᐃᔭᖅᑎᑦᑎᔨᐅᓚᐅᑲᒃᑑᓈᕆᔭᐅᒍᕕᑦ: 
ᐅᑯᐊ ᑎᑎᕋᖅᓯᒪᔪᑦ ᐅᖃᓕᒫᕐᓗᒋᑦ. “ᐄ” ᓚᙱᒃᑯᕕᑦ ᑕᒪᐃᓐᓄᑦ 5 ᑎᑎᕋᖅᓯᒪᔪᓄᑦ, ᐊᑎᓕᐅᕆᐊᖃᖅᑐᑦ ᐃᖅᑲᓇᐃᔭᖅᑎᑦᑎᔨᐅᓪᓗᑎᑦ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑎᒃᑯᓐᓄᑦ: 

• ᐃᖅᑲᓇᐃᔭᖅᑎᑦᑎᔨᐅᑉ ᐊᖏᕐᕋᓪᓗᐊᑕᖓ ᓯᓚᑖᓃᑉᐸᑦ ᓄᓇᑦᓯᐊᑉ ᐊᒻᒪᓗ/ᐅᕝᓘᓐᓃᑦ ᓄᓇᕗᑦ;
• ᓄᓇᑦᓯᐊᕐᒥᐅᑕᐃᑦ ᐊᒻᒪᓗ/ᐅᕝᕙᓘᓐᓃᑦ ᓄᓇᕗᒻᒥᐅᑕᐃᑦ ᐃᖅᑲᓇᐃᔭᖅᑎᒋᔭᐅᙱᑦᑐᑦ ᑎᒥᐅᔪᒧᑦ;
• ᐃᖅᑲᓇᐃᔭᖅᑏᑦ ᐃᖅᑲᓇᐃᔭᖅᑐᑦ ᑎᒥᐅᒧᑦ ᐃᖅᑲᓇᐃᔭᕋᔪᖕᓂᖅᓴᐅᔪᑦ ᓄᓇᑦᓯᐊᑉ ᐊᒻᒪᓗ/ᐅᕝᕙᓘᓐᓃᑦ ᓄᓇᕗᑦ ᓯᓚᑖᓂ;
• ᐃᖅᑲᓇᐃᔭᖅᑎᑦᑎᔨᐅᑉ ᓄᓇᑦᓯᐊᕐᒥ ᐊᒻᒪᓗ/ᐅᕝᕙᓘᓐᓃᑦ ᓄᓇᕗᒻᒥ ᐱᔅᓇᓯᖃᕐᓂᑰᓂᖓ ᐅᖓᑖᓅᖅᐸᙱᑦᑐᖅ ᐅᓪᓗᕐᓂᒃ ᖁᓕᓂᒃ ᐊᕐᕌᒍᑕᒫᑦ;
• ᐃᖅᑲᓇᐃᔭᖅᑎᑦᑎᔨ ᐃᖅᑲᓇᐃᔭᖅᑎᓄᑦ ᓇᓪᓕᐅᒃᑯᒫᓂᒃ ᐅᕝᕙᓘᓐᓃᑦ ᐊᔾᔨᐸᓗᖏᓐᓂᒃ ᓇᓪᓕᐅᒃᑯᒫᖃᖅᑐᖅ ᐊᓯᐊᓂᒃ ᐊᑭᓖᓯᒪᖕᒥᔪᖅ ᐱᓕᕆᐊᕆᕙᒃᑕᖏᓐᓂᒃ ᓄᓇᑦᓯᐊᕐᒥ ᐊᒻᒪᓗ/ᐅᕝᕙᓘᓐᓃᑦ ᓄᓇᕗᒻᒥ.

ᖃᐅᔨᓴᖅᑕᐅᑎᑕᑦ ᐃᑲᔫᓯᐊᒧᑦ ᐊᑭᓕᖅᑕᐅᖃᑦᑕᖅᐳᑦ ᐋᓐᓂᖅᑐᒧᑦ ᐃᖅᑲᓇᐃᔭᖅᑎᒧᑦ ᕿᑐᕐᖓᖏᓪᓗ; ᐊᑭᓕᖅᑕᐅᓗᑎᑦ ᐃᑦᑑᔾᔪᓯᐊᑦ, ᐋᓐᓂᐊᖃᕐᓇᖏᑦᑐᓕᕆᔪᑦ ᐊᒻᒪ ᐱᓕᒻᒪᒃᓴᕐᓂᒃᑯᑦ; ᐊᒻᒪ ᐊᐅᓚᔾᔪᑎᓄᑦ ᐊᑭᓕᐅᑎᑦ.  

ᐊᕕᒃᑐᖅᓯᒪᔪᑦ ᓇᓗᓇᐃᒃᑯᑕᑦ ᐊᑭᖓᑦ ᐃᓕᖃᑦᑕᖅᑕᕗᑦ ᖃᐅᔨᓴᖅᑕᐅᑕᒫᖅ $100−ᒥᑦ ᐊᑭᓖᔾᔪᑎᑦ. 

ᐊᑎᓕᐅᕋᓱᒃᑎᓪᓗᑎᑦ, ᐃᖅᑲᓇᐃᔭᖅᑎᓄᑦ ᐊᑦᑕᕐᓇᖅᑕᐃᓕᒪᔪᓕᕆᔨᑦ ᓇᓪᓕᐅᒃᑯᒫᓕᕆᔨᓪᓗ ᖃᐅᔨᓴᖅᑕᕐᓂᒃ ᒪᓕᖃᑦᑕᖅᐳᑦ ᐊᕕᒃᑐᖅᓯᒪᔪᑦ ᓇᓗᓇᐃᒃᑯᑕᑦ ᐊᑭᖏᑦ ᐊᒻᒪ ᐊᑭᓕᐅᑎᓪᓗᐊᑦ. ᐱᓯᒪᔭᕆᐊᖃᖅᐳᑎᑦ ᐱᔭᕇᖅᓯᒪᔪᒥᒃ ᐊᒻᒪ ᑕᒻᒪᖏᑦᑐᓂᒃ ᑮᓇᐅᔭᒃᕕᖕᓂᑦ ᑕᒪᒃᑭᑦ ᐃᖅᑲᓇᐃᔮᒧᑦ ᑮᓇᐅᔭᒃᓴᖅᑕᑎᑦ ᐊᒻᒪ ᑮᓇᐅᔭᓕᐅᖅᑎᑦ. ᐱᓯᒪᔭᕆᐊᖃᖅᑕᑎᑦ ᑎᑎᖃᓕᒫᑦ ᐊᑭᓕᐅᑕᔪᕕᓃᑦ ᐃᖅᑲᓇᐃᔭᓚᐅᑲᒃᑐᒧᑦ, ᐊᕕᒃᑐᖅᓯᒪᔪᑦ ᐃᖅᑲᓇᐃᔭᓚᐅᑲᒃᑐᑦ ᐊᒻᒪ ᓇᖕᒥᓂᖅ ᐃᖅᑲᓇᐃᔭᖅᑐᑦ ᐊᐅᓚᑦᑎᔨᐊᓄᑦ. 

ᖃᐅᔨᓴᕐᓂᖅ ᐊᑭᖏᑦ ᐃᓱᒪᒋᔭᐅᑎᓪᓗᒋᑦ, ᐊᐅᓚᑦᑎᔨᑦ ᑲᑎᒪᔨᖏᑦ ᐅᖃᖃᑎᖃᑦᑕᖅᐳᑦ ᐃᒥᓄᖅᓱᖅᑐᑦ ᓇᓪᓕᐅᒃᑯᒫᓕᕆᔨᓂᒃ ᐊᕐᕌᒍᑕᒪᖅ. ᐋᖅᑭᒃᓯᒪᖃᑦᑕᖅᐳᑦ ᐊᑭᖏᑦ ᐃᓱᒪᓕᒋᔭᐅᓪᓗᑎᑦ ᐅᓪᓗᒥᒧᑦ ᓯᕗᓂᒃᓴᒧᓪᓗ ᐊᑭᖏᑦ ᑐᒃᓯᕋᖅᑕᐅᔪᑦ, ᐊᑭᖏᓪᓗ ᐊᐅᓚᑕᐅᔪᑦ ᐃᖅᑲᓇᐃᔭᖅᑎᓄᑦ ᐊᑦᑕᕐᓇᖅᑕᐃᓕᒪᔪᓕᕆᔨᑦ ᓇᓪᓕᐅᒃᑯᒫᓕᕆᔨᓄᓪᓗ. ᐊᑭᖏᑦ ᐋᖅᑭᒃᑕᐅᖃᑦᑕᖅᐳᑦ ᓯᕗᒻᒧᐊᒃᓴᐃᖁᓗᒋᑦ ᓈᒻᒪᒃᑐᒥᑦ ᑲᒪᒋᔭᖃᕈᓐᓇᕐᓗᑎᒡᓗ ᐊᒻᒪ ᐅᓪᓗᒥᓕᖅᑐᖅ ᐃᖅᑲᓇᐃᔭᖅᑎᑦ ᐊᑭᓕᖅᑕᐅᔪᓐᓇᖃᑦᑕᕋᔭᕐᒪᑕ ᑲᑎᓕᒫᕐᓗᒋᑦ ᑐᒃᓯᕋᖅᑕᐅᔪᑦ, ᓯᕗᓂᒃᓴᒧᑦ ᖃᓄᐃᖏᑦᑎᐊᖁᓗᒋᑦ ᐃᑲᔫᑎᑦ ᐋᓐᓂᖅᑐᓄᑦ ᐃᖅᑲᓇᐃᔭᖅᑎᓄᑦ. 

ᖁᓕᓂᒃ ᐅᓪᓗᖃᖅᑐᑎᑦ ᑕᐃᒪᙵᓂᑦ ᐱᔅᓇᓰᑦ ᒪᑐᔭᐅᓚᐅᖅᑎᓪᓗᒍ ᐅᕝᕙᓘᓐᓃᑦ ᖃᓄᐃᓕᐅᖃᑦᑕᕈᓐᓃᓚᐅᕐᓂᕐᓂᑦ ᓄᓇᕗᒻᒥ ᐊᒻᒪᓗ/ᐅᕝᕙᓘᓐᓃᑦ ᓄᓇᑦᓯᐊᕐᒥ ᑐᓴᖅᑎᑦᑎᔭᕆᐊᒃᓴᖅ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑎᑯᓐᓄᑦ ᑎᑎᕋᕐᓂᒃᑯᑦ ᓈᓴᐅᑎᓪᓚᑦᑖᖏᓐᓄᑦ ᑮᓇᐅᔾᔭᒃᓵᑦ. ᑐᓂᔪᓐᓇᖅᑕᐃᑦ ᑭᖑᓪᓕᕐᒥ ᑮᓇᐅᔾᔭᒃᓵᑦ ᓈᓴᐅᑎᖓᓂᒃ ᐅᕘᓇ WSCC Connect. ᓂᕈᐊᕐᓗᒍ ᓂᕈᐊᒐᒃᓴᖅ “Revise Payroll” (ᐋᖅᑭᒋᐊᕐᕐᓗᒍ ᑮᓇᐅᔾᔭᒃᓵᑦ).

ᖃᐅᔨᒋᐊᕐᕕᒋᓗᒋᑦ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᐃᖅᑲᓇᐃᔭᖅᑎᑦᑎᔨᓂᒃ ᐃᑲᔪᖅᓱᖅᑐᓕᔨᖏᑦ ᐊᐱᖅᑯᓯᒃᓴᖃᕈᕕᑦ ᐅᕝᕙᓘᓐᓃᑦ ᐃᑲᔪᖅᑕᐅᔭᕆᐊᖃᕈᕕᑦ.   

• ᓄᓇᑦᓯᐊᖅ: 1-800-661-0792 | ᓄᓇᑦᓯᐊᕐᒥ ᐃᕐᖐᓐᓈᖅᑕᐅᑖ
• ᓄᓇᕗᑦ: 1-877-404-4407 | ᓄᓇᕗᒻᒥ ᐃᕐᖐᓐᓈᖅᑕᐅᑖ

ᐃᖅᑲᓇᐃᔭᖅᑎᓄᑦ ᐊᑦᑕᕐᓇᖅᑕᓕᒪᔪᓕᕆᔨᑦ ᓇᓪᓕᐅᒃᑯᒫᓕᕆᔨᓪᓗ ᓈᓴᖅᑕᐅᓯᐅᖑᕗᑦ ᐊᑭᓖᓯᒪᓂᕆᔭᕐᓂᒃ. 

ᐄ. ᐋᖅᑭᒋᐊᖅᑕᐅᖁᔨᒍᕕᑦ ᐊᑭᓖᖃᑦᑕᖅᑕᕐᓄᑦ ᐃᖅᑲᓇᐃᔭᖅᑎᕕᑦ ᐃᑲᕐᕋᖏᓐᓄᑦ ᑖᒃᑯᓄᖓ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑎᓄᑦ, ᐅᐸᒡᓗᒍ WSCC Connect ᐊᒻᒪᓗ Report or Revise Payroll (ᐅᓂᒃᑳᓄᑦ ᐅᕝᕙᓘᓐᓃᑦ ᐋᖅᑭᒋᐊᖅᓯᓂᕐᒧᑦ ᐊᑭᓖᖃᑦᑕᕐᓂᖏᓐᓄᑦ ᐃᖅᑲᓇᐃᔭᖅᑎᑦ ᐃᑲᕐᕋᖏᓐᓄᑦ) ᐊᑖᓂᑦ “Employer E-Services” (ᐃᖅᑲᓇᐃᔭᕐᕖᑦ ᖃᕆᑕᐅᔭᒃᑯᑦ ᐱᔨᑦᑎᕋᖅᑕᐅᔾᔪᑎᒥᑦ). ᐃᑲᔪᖅᑐᐅᔪᒪᒍᕕᑦ ᑐᓂᓯᓂᕐᒧᑦ ᐊᑭᓕᖅᑕᐅᔾᔪᑎᑦ ᐋᖅᑭᒋᐊᖅᑕᐅᓂᖓᓂᒃ, ᐅᕗᙵᐅᓗᑎᑦ “How do I update my payroll?” (ᖃᓄᖅ ᓄᑖᕈᕆᐊᖅᑎᑦᑐᓐᓇᖅᐸᕋ ᐊᑭᓕᖅᑕᐅᔾᔪᑎᖏᓐᓂᒃ?) (ᐋᖅᑭᒋᐊᕐᓗᒍ ᐊᑭᓕᖅᑕᐅᔾᔪᑎᒐ) ᐊᒡᒋᖅᐸᓪᓕᐊᔪᓄᑦ ᒪᓕᒐᒃᓴᓄᑦ. 

ᖃᐅᔨᒋᐊᕐᕕᒋᓗᒋᑦ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᐃᖅᑲᓇᐃᔭᖅᑎᑦᑎᔨᓂᒃ ᐃᑲᔪᖅᓱᖅᑐᓕᔨᖏᑦ ᐊᐱᖅᑯᓯᒃᓴᖃᕈᕕᑦ ᐅᕝᕙᓘᓐᓃᑦ ᐃᑲᔪᖅᑕᐅᔭᕆᐊᖃᕈᕕᑦ.   

• ᓄᓇᑦᓯᐊᖅ: 1-800-661-0792 | ᓄᓇᑦᓯᐊᕐᒥ ᐃᕐᖐᓐᓈᖅᑕᐅᑖ
• ᓄᓇᕗᑦ: 1-877-404-4407 | ᓄᓇᕗᒻᒥ ᐃᕐᖐᓐᓈᖅᑕᐅᑖ

WSCC−ᑯᒃ ᐊᖏᖅᓯᕙᒃᐳᑦ ᐊᑭᓕᐅᑕᐅᔪᓂᒃ ᐅᑯᑎᒎᓇᖅ:

• ᕖᓴ ᐊᑮᑦᑐᖅᑖᕈᓐᓇᐅᑎ, ᕖᓴ ᐊᑭᓖᔾᔪᑎ, ᒫᔅᑐᑲᐅᑦ ᐊᑮᑦᑐᖅᑖᕈᓐᓇᐅᑎ, ᐊᒪᒃᔅ ᐊᑮᑦᑐᖅᑖᕈᓐᓇᐅᑎ ᐅᕝᕙᓘᓐᓃᑦ ᑎᔅᑲᕗᕆ ᐊᑮᑦᑐᖅᑖᕈᓐᓇᐅᑎ ᐊᑐᖅᑕᐅᓗᓂ ᐊᑭᑭᓖᓂᖅ ᐱᑐᒃᓯᒪᓂᒃᑯᑦ ᐅᕗᖓ WSCC Connect
• ᐃᑭᐊᖅᑭᕕᒃᑯᑦ ᐊᑭᓖᓂᖅ ᑮᓇᐅᔭᒃᑯᕕᒃᑎᒍᑦ (ᕿᓂᕐᓗᒍ “WSCC of NWT Nunavut” (ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᓄᓇᑦᓯᐊᕐᒧᑦ ᓄᓇᕗᒻᒧᑦ))
• ᓯᒃᑭ/ᑎᑎᖅᑲᒃᑯᕕᒃᑯᑦ ᑮᓇᐅᔭᒃᓴᙳᖅᑎᑕᐅᓲᖅ
• ᐊᐅᒃᑕᔫᖅ ᐊᑭᓖᔾᔪᑎ, ᐅᐸᒡᓗᒍ ᔭᓗᓇᐃᒥ ᐃᖃᓗᖕᓂᓘᓐᓃᑦ ᑎᑎᕋᕐᕕᑦᑎᓐᓄᑦ
• ᐃᕐᖐᓈᖅᑕᐅᑎᒃᑯᑦ ᑮᓇᐃᔭᓂᒃ ᓅᑦᑎᓂᖅ ᐅᕗᖓ: payments@wscc.nt.ca (ᐃᓚᓕᐅᑎᓗᒍ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᐃᖅᑲᓇᐃᔭᖅᑎᑦᑎᔨᐅᓂᕐᒧᑦ ᓈᓴᐅᑏᑦ ᑎᑎᕋᕐᓗᒍ ᑐᓴᐅᒪᑎᑦᑎᓐᓇᖅᑐᒥ)
• ᑮᓇᐅᔭᒃᑯᕕᖕᓄᑦ ᐴᖅᑕᐅᓂᖅ. ᑮᓇᐅᔭᒃᑯᕕᓕᕆᓂᕐᒧᑦ ᖃᐅᔨᒃᑲᐃᔾᔪᑎᓄᑦ ᖃᐅᔨᒋᐊᕐᕕᒋᓗᒍ ᐃᖅᑲᓇᐃᔭᖅᑎᑦᑎᔨᓂᒃ ᐃᑲᔪᖅᓱᖅᑐᓕᕆᔨᕗᑦ:
  • ᓄᓇᕗᑦ: ᐃᕐᖐᓐᓈᖅᑕᐅᑖ | 1-877-404-4407 (ᓇᕿᑦᑕᓗᒍᓗ 2)
  • ᓄᓇᑦᓯᐊᖅ: ᐃᕐᖐᓐᓈᖅᑕᐅᑖ | 1-800-661-0792 (ᓇᕿᑦᑕᓗᒍᓗ2)

ᑭᖑᕙᖅᓯᒪᓪᓗᑎᒃ ᐊᑭᓖᔪᑦ ᒪᓕᒐᖅᑎᒍᑦ ᐊᑭᓖᑎᑕᐅᖃᑦᑕᖅᑐᑦ 2%-ᖓᓂᒃ ᑕᖅᑭᑕᒫᑦ.

ᐄ. ᐅᑯᑭᑎᒎᓇᖅ, WSCC Connect ᐱᔪᒪᓗᑎᑦ ᑎᑎᖅᑲᒥᒃ ᐱᓕᕆᖃᑦᑕᑦᑎᐊᖅᓯᒪᓂᕐᒥᒃ ᐊᕐᕌᒍ ᐱᒋᐊᓕᓵᖅᑎᓪᓗᒍ ᐃᓚᖃᕐᓗᓂ ᖃᔅᓯᑐᕐᓂᐊᕋᓱᒋᔭᐅᓂᖓ ᑳᓐᑐᓛᒋᔭᐅᓂᐊᖅᑑᑉ. ᐊᕐᕌᒍᒋᔭᐅᔪᖅ ᐅᓱᓕᑉᐸᑦ, WSCC Connect−ᑯᑎᒍᑦ ᐱᔪᒪᔪᖃᕐᓗᓂ ᑭᖑᓪᓕᖅᐹᓯᐅᑎᒥᒃ ᓴᒃᑯᑕᐅᓂᕐᒧᑦ ᑎᑎᖅᑲᒥᒃ ᑳᓐᑐᓈᒋᔭᐅᔫᑉ ᐊᑭᓪᓚᑦᑖᖓᓂᒃ ᐃᓚᑲᕐᓗᓂ.

ᑳᓐᑐᓛᒋᔭᐅᔪᒥᒃ ᐱᔭᕇᖅᓯᔪᖃᖅᐸᑦ, ᓴᒃᑯᑦᑎᓚᐅᙱᓐᓂᕐᓂᒡᓗ ᑭᖑᓪᓕᖅᐹᖅᓯᐅᑎᒥᒃ ᐊᑭᓕᐅᑎᒃᓴᒥᒃ ᑳᓐᑐᓛᖃᖅᑎᑕᕐᓄᑦ, ᐊᑦᑕᑕᕐᓗᑎᑦ ᐅᕗᖓ WSCC Connect ᐱᔪᒪᕝᕕᒋᓗᒋᑦ ᑭᖑᓪᓕᖅᐹᖅᓯᐅᑎᒥᒃ ᓴᒃᑯᑦᑎᓂᕐᒧᑦ ᑎᑎᖅᑲᒥᒃ. ᑖᓐᓇ ᑎᑎᖅᑲᖅ ᐃᓕᖕᓂᒃ ᓴᒃᑯᑦᑎᕗᖅ ᐸᓯᔭᐅᓕᕈᓐᓇᙱᖦᓗᑎᑦ ᐃᓕᖕᓂᒡᓗ ᐱᕕᖃᖅᑎᑦᑎᓪᓗᓂ ᑭᖑᓪᓕᖅᐹᖅᓯᐅᑎᒥᒃ ᐊᑭᓖᔪᓐᓇᕐᓂᕐᒥᒃ ᑖᔅᓱᒧᖓ ᑳᓐᑐᓛᒋᔭᐅᔪᒧᑦ.

ᑳᓐᑐᓛᒋᔭᐅᔪᖅ ᐱᒋᐊᓕᓵᖅᑎᓪᓗᒍ ᐱᔪᒪᔪᓐᓇᖅᐳᑎᑦ ᑎᑎᖅᑲᒥᒃ ᐱᓕᕆᖃᑦᑕᑦᑎᐊᖅᓯᒪᓂᕐᒧᑦ. ᑖᓐᓇ ᑎᑎᖅᑲᖅ ᐅᖃᐅᔾᔨᕙᒃᐳᖅ ᑖᓐᓇ ᐃᒻᑲᓇᐃᔭᖅᑎᑕᐅᓕᖅᑐᖅ ᑲᒻᐸᓂᒋᔭᐅᔪᖅ ᐱᓕᕆᐊᖃᖃᑦᑕᑦᑎᐊᖅᓯᒪᓂᖓᓂᒃ. ᐱᔪᒪᒍᕕᑦ ᑎᑎᖅᑲᒥᒃ ᐱᓕᕆᖃᑦᑕᑦᑎᐊᖅᓯᒪᓂᕐᒧᑦ ᐅᕗᖓ ᐊᑦᑕᑕᕐᓗᑎᑦ WSCC Connect ᐅᓇᓗ ᐅᐸᒡᓗᒍ “ᐱᓂᖅ ᓴᒃᑯᑦᑎᓂᕐᒥᑦ” ᓇᕿᑦᑕᕈᑖᓂᒃ.

ᐄ - WSCC Connect−ᑯᑎᒍᑦ ᐊᑦᑕᑕᕈᓐᓇᖅᑐᑎᑦ ᐱᔪᒪᓗᑎᓪᓗ ᐊᑭᑦᑐᖃᐅᑎᖃᑕᐅᓂᕐᒧᑦ ᓴᒃᑯᑕᐅᓂᕐᒧᑦ ᑎᑎᖅᑲᒥᒃ. ᑖᓐᓇ ᑎᑎᖅᑲᖅ ᑎᑎᕋᖅᓯᒪᓕᖅᑎᑲᐅᑎᒋᔪᓐᓇᖅᐸᐃᑦ ᖃᕆᑕᐅᔭᒃᑯᓪᓘᓐᓃᑦ ᓇᒃᓯᐅᑎᓯᑲᐅᑎᒋᓗᒍ.

ᐃᖅᑲᓇᐃᔭᖅᑏᑦ ᓇᓪᓕᐅᒃᑯᒫᖏᓐᓄᑦ ᐱᖁᔭᖅᑎᖅᒍᑦ, ᐃᖅᑲᓇᐃᔭᖅᑎᒧᑦ ᐋᓐᓂᖅᑐᖅᓯᐅᑎᓕᕆᔨᒃᑯᑦ ᒪᓕᒐᖓᒍᑦ ᐅᕙᑦᑎᓐᓄᑦ ᐊᑎᓕᐅᖅᑕᐅᔭᕆᐊᓖᑦ. ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᑲᑐᔾᔭᐅᔪᒥᒃ ᑲᒪᒋᔭᒃᓴᖃᖅᑎᑦᑎᔪᑦ, ᑐᑭᖃᖅᖢᓂ ᐃᖅᑲᓇᐃᔭᖅᑎᑦᑎᔪᓗᒃᑕᑦ ᐃᖅᑲᓇᐃᔭᕐᕕᐅᕙᒃᑐᓂ ᖃᓄᐃᑦᑑᓂᖏᑦᑕ ᐃᓗᐊᓃᒃᑲᓐᓂᖅᑐᓂ ᐊᑦᑕᕐᓇᖅᑐᖃᕈᓐᓇᕐᓂᖃᖅᐸᖅ. ᑕᒪᕐᒥᑦᑎᐊᖅ ᓇᖕᒥᓂᕆᔭᐅᔪᑦ ᐊᑎᓕᐅᕆᐊᖃᖅᐳᑦ ᐊᑭᓖᔭᕆᐊᖃᖅᖢᑎᒡᓗ ᖃᐅᔨᓴᖅᑕᐅᔾᔪᑎᓄᑦ ᒪᓕᒐᖅᑎᒍᑦ. ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᓴᐳᒻᒥᔪᑦ ᑲᒻᐸᓂᒋᔭᕐᓂᒃ ᐃᖅᑲᖅᑐᐃᕕᒃᑰᖅᑎᑕᐅᓂᕐᒥᑦ ᐋᓐᓂᖅᓯᒪᔪᓂᒃ ᐃᖅᑲᓇᐃᔭᖅᑎᓂᑦ. ᐃᖅᑲᓇᐃᔭᖅᑎᒥᑦ ᐃᓕᙵᒃᑐᖃᖅᐸᑦ ᐱᔪᖃᖅᐸᓪᓘᓐᓃᑦ ᐃᖅᑲᓇᐃᔭᕐᕕᒋᔭᐅᔪᒥ ᐋᓐᓂᐊᕐᓇᖅᑐᒥᒃ ᐃᖅᑲᓇᐃᔭᕐᓂᕐᓂᒥᓂ, WSCC−ᑯᑦ ᐱᑎᑦᑎᓕᖅᐸᒃᐳᑦ ᐃᖅᑲᓇᐃᔭᖅᑎᐅᑉ ᐃᓗᐊᖅᓴᖅᑕᐅᓂᕐᒧᑦ ᐊᑭᓕᖅᓱᖅᑕᐅᓂᕐᒧᓪᓗ ᐊᓯᐅᔨᓂᕐᒧᑦ ᐊᑭᓕᖅᓱᕆᐊᖃᖅᐸᒃᑐᓂᒃ.

ᐋᒃᑲ, ᑎᑎᕋᖅᑕᐅᖏᒃᑲᓗᐊᕐᓗᑎᒃ, ᑕᐃᒪᐃᑦᑐᓐᓇᖅᖢᑎᑦ ᓇᓗᓇᐃᒃᑯᑕᖃᕈᒪᒍᕕᑦ ᑎᑎᕋᖅᑕᐅᓯᒪᓂᕐᒧᑦ ᐊᑭᑦᑐᕋᐅᑎᓂᕐᒧᑦ ᐱᔪᑎᓄᑦ. ᐃᖅᑲᓇᐃᔭᕐᕕᐅᖏᑦᑐᑦ ᐊᐅᓚᑎᔩᑦ, ᐱᖃᓯᐅᑎᓪᓗᒋᑦ ᐃᓛᒃᑯᖅᑐᑦ ᐊᐅᓚᑎᔩᑦ, ᐊᒻᒪᓗ ᐊᑭᑦᑐᕋᐅᑎᕙᒃᑐᑦ ᑎᑎᕋᖅᑕᐅᔪᓐᓇᖅᑐᑦ WSCC-ᑯᑎᒍᑦ ᐊᒻᒪᓗ ᓇᐃᓴᐅᑎᑖᖅᑎᑕᐅᓗᑎᒃ ᐱᓇᔭᖅᑐᑦ ᐊᑭᓕᒃᓴᖃᐅᑎᖃᕐᕕᖕᒥᒃ ᓴᖅᑭᑦᑎᓚᐅᖏᓐᓂᕐᒥᖕᓂ ᐅᕝᕙᓘᓐᓃᑦ ᑲᔪᓯᑎᑦᑎᓚᐅᖏᓐᓂᕐᒥᖕᓂ ᐱᓕᕆᓂᕐᒧᑦ. 

ᑎᑎᕋᖅᑕᐅᓯᒪᖃᑕᐅᓂᐊᕐᓗᓂ ᐊᒻᒪᓗ WSCC-ᑯᓐᓂ ᓇᐃᓴᐅᑎᖃᓕᕐᓗᓂ, ᐃᖅᑲᓇᐃᔭᖅᑎᖃᙱᑦᑐᑦ ᐊᐅᓚᑎᔪᑦ ᐊᑭᓖᔭᕆᐊᓖᑦ $200.00-ᓂᒃ ᐊᕐᕌᒍᒧᑦ ᐊᒡᓚᒡᕕᓕᕆᓂᕐᒧᑦ ᐊᑭᒥᒃ. ᐃᖅᑲᓇᐃᔭᖅᑎᖃᙱᑦᑐᑦ ᐊᐅᓚᑎᔩᑦ ᑎᑎᕋᖅᑕᐅᑎᑦᑐᖅ ᐃᒻᒥᓂᒃ ᓯᕗᓪᓕᖅᐹᒧᑦ ᐊᑭᓖᔭᕆᐊᓕᑦ ᐃᓘᓐᓇᖏᓐᓂᒃ ᐊᑭᓕᕆᐊᓕᖕᓂᒃ ᓱᖁᑎᒋᓇᒋᑦ ᐅᓪᓗᑦ ᐊᒥᐊᒃᑯᑦ ᐊᕐᕌᒍᒥ. 

ᐊᑭᓖᒍᕕᑦ $200.00-ᓂᒃ ᐊᒡᓚᒡᕕᓕᕆᓂᕐᒧᑦ ᐊᑭᒥᒃ ᐃᒪᐃᑦᑐᓂᒃ ᐱᑎᑕᐅᓇᔭᖅᐳᑎᑦ: 

• ᖃᐅᔨᒪᔭᐅᔪᑎᒥᒃ ᑎᑎᕋᖅᑕᐅᓯᒪᓂᕐᒧᑦ ᑎᑎᖅᑲᒥᒃ  ᑐᓐᓂᖅᑯᑕᐅᓇᔭᖅᑐᒥᒃ ᐊᑭᑦᑐᕋᐅᑎᓂᕐᒧᑦ ᑳᓐᑐᓛᒃᑯᑦ ᓄᓇᑦᓯᐊᕐᒥ ᐊᒻᒪᓗ ᓄᓇᕘᒥ. 

ᑖᓐᓇ ᐊᑭᓕᕆᐊᓕᒃ ᐃᒪᐃᑎᑦᑎᖏᑦᑐᖅ ᐃᓕᖕᓄᑦ, ᓇᖕᒥᓂᖃᖅᑎᐅᑎᓪᓗᑎᑦ ᐅᕝᕙᓘᓐᓃᑦ ᑐᑭᒧᐊᒃᑎᐅᑎᓪᓗᑎᑦ, ᓇᓪᓕᐅᑯᒫᖑᖏᓛᖅ ᑖᑯᑎᒎᓇᖅ ᐃᖅᑲᓇᐃᔭᖅᑏᑦ ᐃᑲᔪᖅᑕᐅᔪᓯᐊᖏᓐᓄᑦ ᐱᖁᔭᖏᑦᑎᒍᑦ. ᓇᓪᓕᐅᒃᑯᒫᖅᑖᕈᒪᒍᕕᑦ ᓇᖕᒥᓂᖃᖅᑎᐅᓗᑎᑦ ᐅᕝᕙᓘᓐᓃᑦ ᑐᑭᒧᐊᒃᑎᐅᓗᑎᑦ, ᐱᓇᔪᖕᓂᐊᖅᐳᑎᑦ ᐊᑐᕐᓗᑎᑦ ᐆᒥᖓ ᓇᖕᒥᓂᕐᒧᑦ ᓇᓪᓖᕋᕐᓂᖅ ᓇᓪᓕᐅᑯᒫᓄᑦ ᑎᑎᕋᕐᕕᒃᓴᖅ.

ᒪᓕᑦᑎᐊᖏᒃᑯᓂ ᐃᖅᑲᓇᐃᔭᖅᑎᒋᓚᐅᑲᒃᑕᑦ, ᖃᐅᔨᓴᕈᑎᒋᔭᑦ ᐊᑭᓕᕆᐊᖃᖅᑕᑦ ᐃᖅᑲᓇᐃᔭᖅᓄᑦ ᐊᑦᑕᕐᓇᖅᑕᐃᓕᒪᔪᓕᕆᔨᑦ  ᓇᓪᓕᐅᒃᑯᒫᓕᕆᔨᓪᓗ, ᐃᖅᑲᓇᐃᔭᖅᑐᖃᓚᑲᒍᑎᒋᔭᕐᓂᒃ.