ᓄᕙᒡᔪᐊᕐᓇᖅ-19 (COVID-19) ᓄᑖᖑᓛᖅ ᑐᓴᒐᒃᓴᖅ

ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᑎᑎᕋᕐᕕᖏᑦ ᐃᖃᓗᖕᓂᑦ ᐊᒻᒪ ᐃᓅᕕᒃᒥᑦ ᒪᑐᐃᖓᓕᕐᑐᑦ ᑭᒃᑯᑐᐃᓐᓇᕐᓄᑦ. ᔭᓗᓇᐃᒥ ᑎᑎᕋᕐᕕᒃ ᒪᑐᐃᒃᑲᓐᓂᓛᖅᑐᖅ ᐅᓗᕆᐊᓇᕈᓐᓃᖅᑎᑕᐅᓚᐅᕐᑎᓪᓗᒋᑦ ᑎᑎᕋᕐᕕᒃᓴᕆᓂᐊᕐᑕᕗᑦ. ᑕᑯᒋᐊᕐᓗᒍ ᓄᕙᒡᔪᐊᕐᓇᖅ-19-ᒧᑦ ᒪᒃᐱᒐᖅ ᐱᔨᑦᑎᕋᐅᑎᓄᑦ ᐱᒻᒪᕆᖕᓂ ᑕᑯᔪᓐᓇᕐᓂᐊᕋᕕᑦ ᓄᑖᖑᓛᓂᒃ, ᐊᒻᒪᓗ ᓄᕙᒡᔪᐊᕐᓇᖅ-19 ᐃᑲᔫᑎᒃᓴᓄᑦ ᒪᒃᐱᒐᖅ ᐃᖅᑲᓇᐃᔭᕐᕕᖕᓄ ᐃᑲᔫᑎᐅᔪᓐᓇᖅᑐᓄᑦ.

ᐅᑯᐊ ᐱᓇᔪᒃᑎᓪᓗᑎᑦ ᓂᕆᐅᒋᔭᕆᐊᖃᕐᓂᐊᖅᑕᑎᑦ

ᐅᑯᐊ ᐱᓇᔪᒃᑎᓪᓗᑎᑦ ᓂᕆᐅᒋᔭᕆᐊᖃᕐᓂᐊᖅᑕᑎᑦ

ᐃᖅᑲᓇᐃᔭᕐᕕᖕᒥ ᐊᓐᓂᕈᕕᑦ, ᐱᓇᔫᑎᓕᕆᔾᔪᑎᒋᔭᐃᑦ ᐃᑲᔫᓯᐊᖅᑖᕆᓂᐊᖅᑕᕐᓂᒃ ᐋᖅᑭᒍᑕᐅᓂᐊᖅᐳᖅ. ᐅᑯᐊ ᐃᑲᔫᓯᐊᖅᑖᕐᓄᑦ ᐃᓚᒋᔭᐅᑐᐃᓐᓇᕆᐊᓖᑦ:

  • ᑐᓂᕐᕈᓯᐊᖅ ᑮᓇᐅᔾᔭᒃᓵᖏᓐᓄᑦ ᐱᔪᓐᓃᖅᑕᒥᓄᑦ ᖃᓄᐃᑦᑐᓐᓃᖅᐸᓪᓕᐊᑎᓪᓗᑎᑦ ᐃᖅᑲᓇᐃᔭᕐᕕᖕᒥ ᐋᓐᓂᕐᓂᖓᓄᑦ;
  • ᐋᓐᓂᐊᕕᖕᒥ ᑲᒪᒋᔭᐅᔾᔪᑎᖓᓄᑦ ᐊᓯᖏᓐᓂᒡᓗ ᑮᓇᐅᔭᐅᙱᑦᑐᑦ ᐃᑲᔫᓯᐊᑦ;
  • ᐊᔪᕈᑎᖃᐃᓐᓇᓕᕐᓂᕐᒧᑦ ᑐᓐᓂᖅᑯᑎᑦ, ᓲᕐᓗ ᐅᑎᖅᑐᒃᓴᓄᑦ ᐊᑭᓕᐅᑕᐅᕙᒃᑐᑦ;
  • ᐃᖅᑲᓇᐃᔮᒥᓄᑦ ᐅᑎᕋᓱᐊᕐᓗᓂ ᐱᔨᑦᑎᕋᖅᑕᐅᓂᖅ, ᐊᒻᒪᓗ
  • ᐅᑎᖅᑎᕝᕕᐅᓂᖅ ᐄᔭᒐᖅᑖᕈᑎᒋᔭᕐᒥᓄᑦ ᐊᒻᒪ ᑮᓇᐅᔭᒧᑦ ᐊᑭᓕᕆᐊᖃᖅᑕᒥᓄᑦ.
ᑎᓴᒪᓂᒃ ᐱᓕᕆᐊᖃᓲᖑᕗᑦ ᑐᒃᓯᕋᐅᑎᓕᕆᑎᓪᓗᒋᑦ:
  • ᑐᓴᒐᒃᓴᓂᒃ ᑲᑎᖅᓱᐃᓂᖅ

    ᑮᓇᐅᔭᖅᑖᕋᓱᓕᕋᖓᕕᒃ ᐅᑯᓇᙵᑦ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑎᓄᑦ, ᓇᒡᓯᐅᔨᓗᑎᓪᓗ ᐱᐊᓂᒃᓯᒪᑦᑎᐊᖅᑐᓂᒃ ᐃᖅᑲᓇᐃᔭᖅᑎᐅᑉ ᐅᓂᒃᑳᖏᑦ ᐋᓐᓂᕐᓂᕐᒧᑦ ᑕᑕᑎᒐᒃᓴᓂᒃ, ᑖᓐᓇ ᑮᓇᐅᔭᖅᑖᕋᓲᑎᒋᔭᐃᑦ ᓇᓗᓇᐃᕐᑕᐅᓇᔭᖅᑐᖅ ᐊᒻᒪᓗ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᑮᓇᐅᔭᖅᑖᕋᓲᑎᓕᕆᔨᖏᑦ ᑲᑎᕐᓱᐃᓕᕋᔭᖅᑐᑦ ᐊᓯᖏᓐᓂᒃ ᑐᓴᒃᑲᓐᓂᕆᐊᓕᖕᓂᒃ ᐃᓱᒪᓕᐅᕆᐊᓕᓚᐅᙱᓐᓂᖏᓐᓂᒃ ᑮᓇᐅᔭᖅᑖᕋᓲᑎᖕᓄᑦ. ᐅᓇ ᐃᓚᖃᑐᐃᓐᓇᕆᐊᓕᒃ ᑐᓴᒐᒃᓴᓂᒃ ᐃᖅᑲᓇᐃᔭᕐᕕᒋᔭᕐᓂᒃ ᐊᒻᒪᓗ ᐋᓐᓂᐊᖅᑐᓕᕆᔨᓂᒃ.

  • ᑐᒃᓯᕋᖅᑕᐅᔪᒧᑦ ᐱᔪᓐᓇᖅᑎᑕᐅᓂᖅ

    ᐃᖅᑲᓇᐃᔭᖅᑎᓄᑦ ᐊᑦᑕᕐᓇᖅᑕᐃᓕᒪᓂᕐᒧᑦ ᓇᓪᓕᐅᒃᑯᒫᓕᕆᔨᓪᓗ ᐃᓱᒪᓕᐅᕆᖃᑦᑕᖅᐳᑦ ᐊᖏᕈᑎᒃ ᐊᖏᖏᓗᑎᒡᓘᓐᓃᑦ ᑐᒃᓯᕋᖅᑕᓐᓄᑦ.

  • ᐃᑲᔫᑎᒧᑦ ᓈᓴᐃᓂᖅ

    ᑐᒃᓯᕋᖅᑕᕐᓂᖅ ᐃᖅᑲᓇᐃᔭᖅᑎᓄᑦ ᐊᑦᑕᕐᓇᖅᑕᐃᓕᒪᓂᕐᒧᑦ ᓇᓪᓕᐅᒃᑯᒫᓕᕆᔨᓪᓗ ᐊᖏᖅᑎᓪᓗᒋᑦ, ᐃᑲᔪᓯᐊᓐᓂᒃ ᓈᓴᐃᖃᑦᑕᖅᐳᒍᑦ.

  • ᑐᓴᒪᑎᑦᑎᓇᕆᐊᖃᕐᓂᖅ

    ᐱᓕᕆᖃᑎᖃᐃᓐᓇᕐᓗᑎᒃ ᐃᖅᑲᓇᐃᔭᖅᑎᓄᑦ ᐊᑦᑕᕐᓇᖅᑕᐃᓕᒪᓂᕐᒧᑦ ᓇᓪᓕᐅᒃᑯᒫᓕᕆᔨᓪᓗ ᐊᖏᖅᑎᑦᑎᔨᒥᒃ ᐅᕝᕙᓘᓐᓃᑦ ᑐᒃᓯᕋᐅᑎᓄᑦ ᐊᐅᓚᑎᔨᖓᓂᒃ ᖃᓄᐃᑦᑐᓃᐸᓪᓕᐊᑎᓪᓗᑎᑦ.

ᑮᓇᐅᔭᖅᑖᕈᒪᔾᔪᑎᑦ ᐱᕙᓪᓕᐊᓂᖓᓂᒃ ᖃᐅᔨᒋᐊᒃᑲᓐᓂᕈᓐᓇᖅᐳᑎᑦ ᐅᕗᖓ ᑕᑯᒋᐊᕐᓗᑎᑦ ᑮᓇᐅᔭᖅᑖᕈᒪᔾᔪᑎᑦ ᐱᕙᓪᓕᐊᓂᖓᓂᒃ ᓇᓗᓇᐃᖅᓯᔾᔪᑎ.

ᑐᒃᓯᕋᐅᑎᒋᔭᐃᑦ ᐋᒃᑳᕈᑦᑎᒍᑦ ᐋᖅᑭᒃᑕᕗᓪᓗ ᐊᖏᖃᑎᒋᙱᓪᓗᒍ, ᐋᖅᑭᒃᑕᐅᔪᒥᒃ ᕿᒥᕐᕈᔭᐅᖁᔨᔪᓐᓇᖅᐳᑎᑦ. ᕿᒥᕐᕈᔭᐅᔾᔪᓯᖓᓂᒃ ᖃᐅᔨᒋᐊᒃᑲᓐᓂᕈᒪᒍᕕᑦ ᐅᕗᙵᕐᓗᑎᑦ.