ᐋᓐᓂᕐᓂᕐᒧᑦ ᐅᓂᒃᑳᓕᐅᕐᓂᖅ ᐊᒻᒪ ᑮᓇᐅᔭᖅᑖᕋᓱᒃᑐᓄᑦ ᐃᑲᔫᑎᒃᓴᑦ ᐋᓐᓂᐊᖃᖅᑕᐃᓕᓂᕐᒧᑦ ᑲᒪᔨᐅᕙᒃᑐᓄᑦ

ᐃᓕᙵᒃᑐᖃᕌᖓᑦ, ᐃᖅᑲᓇᐃᔭᖅᑎ ᑕᑎᖃᓕᕈᓐᓇᕐᒪᑦ ᖃᔅᓯᑲᓪᓚᖕᓂᒃ ᐃᓄᖕᓂᒃ ᑐᓴᐅᒪᑎᑦᑎᔭᕆᐊᖃᖅᐸᒃᖢᓂ ᐱᓇᔫᑎᒃᑯᑦ ᐱᓕᕆᐊᖑᑎᓪᓗᒍ. ᐋᓐᓂᐊᕕᖕᒥ ᐃᓗᐊᖅᓴᐃᔨᐅᒍᕕᑦ, ᐱᓕᕆᐊᒃᓴᖃᕐᔪᐊᕋᔭᕋᕕᑦ ᖃᐅᔨᕙᒡᓗᒋᑦ ᐋᓐᓂᐊᖅᑐᑦ ᐊᑲᐅᙱᓪᓕᐅᕈᑎᒋᕙᒃᑕᖏᑦ, ᖃᐅᔨᓴᖅᑕᐅᔾᔪᓯᖏᓪᓗ, ᑲᒪᒋᔭᐅᔾᔪᑎᒃᓴᖏᓪᓗ ᐋᖅᑭᒃᓲᑎᕙᒡᓗᒋᑦ ᐋᓐᓂᖅᑐᑦ ᐃᖅᑲᓇᐃᔭᖅᑎᑦ, ᓇᓪᓕᐅᒃᑯᒫᓂᒃ ᖃᐅᔨᓴᖅᑎᑦ ᑐᓴᐅᒪᑎᑦᑎᐊᖅᐸᒡᓗᒋᑦ.

ᐅᕙᓂ ᓇᓂᓯᔪᓐᓇᖅᐳᑎᑦ ᑐᑭᓯᒋᐊᒐᒃᓴᓂᒃ ᐃᓕᙵᒃᑐᑦ ᐅᓂᒃᑲᐅᓯᕆᔭᕆᐊᖃᕐᓂᖏᓐᓂᒃ ᐋᓐᓂᐊᕕᖕᒥ ᐃᓗᐊᖅᓴᐃᔨᓄᑦ, ᐊᒻᒪᓗ ᐋᓐᓂᐊᕕᖕᒨᖓᔪᓂᒃ ᑎᑎᕋᕆᐊᓕᖕᓂᒃ ᖃᐅᔨᒪᔾᔪᑎᒋᓗᒋᓪᓗ ᖃᓄᐃᓕᐅᕆᐊᖃᕐᒪᖔᖅᐱᑦ ᐃᖅᑲᓇᐃᔭᖅᑎᓄᑦ ᓇᓪᓕᐅᒃᑯᒫᓕᕆᔨᑦ ᐱᓕᕆᔾᔪᓯᐊᓄᑦ.

ᖃᓄᑐᐃᓐᓇᖅ ᐃᑲᔪᖅᑕᐅᔭᕆᐊᖃᕈᕕᑦ ᐱᓇᔫᑎᓕᕆᓂᐊᖅᑎᓪᓗᑎᑦ, ᐅᕙᑦᑎᓐᓄᑦ ᐅᖄᓚᔪᓐᓇᖅᐳᑎᑦ ᐅᑯᓇᓂ ᓇᓕᐊᖕᓂᑐᐃᓐᓇᖅ ᐊᑭᖃᙱᑦᑐᒃᑯᑦ ᓈᓴᐅᑎᓄᑦ:

ᓄᓇᑦᓯᐊᒥ: 1-800-661-0792
ᓄᓇᕘᒥ: 1-877-404-4407