ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᐱᔨᑦᑎᕋᐅᑎᖏᓐᓄᑦ ᓄᑖᖑᓛᑦ

ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑎᑦ (WSCC) ᑎᑎᕋᕐᕕᖏᑦ ᒪᑐᓯᒪᔪᑦ ᐊᒻᒪᓗ ᐃᖅᑲᓇᐃᔭᖅᑎᖏᑦ ᐊᖏᕐᕋᖏᓐᓂᒃ ᐱᓕᕆᐊᖃᖅᖢᑎᒃ. ᐱᔨᑦᑎᕋᐅᑎᕗᑦ ᐊᑐᐃᓐᓇᐅᔪᑦ ᓱᓕ ᖃᕋᓴᐅᔭᒃᑯᑦ ᐊᒻᒪ ᐅᖄᓚᐅᑎᑎᒍᑦ. ᑕᑯᒋᐊᕐᓗᒍ ᓄᕙᒡᔪᐊᕐᓇᖅ-19-ᒧᑦ ᒪᒃᐱᒐᖅ ᐱᔨᑦᑎᕋᐅᑎᓄᑦ ᐱᒻᒪᕆᖕᓂ ᑕᑯᔪᓐᓇᕐᓂᐊᕋᕕᑦ ᓄᑖᖑᓛᓂᒃ, ᐊᒻᒪᓗ ᓄᕙᒡᔪᐊᕐᓇᖅ-19 ᐃᑲᔫᑎᒃᓴᓄᑦ ᒪᒃᐱᒐᖅ ᐃᖅᑲᓇᐃᔭᕐᕕᖕᓄ ᐃᑲᔫᑎᐅᔪᓐᓇᖅᑐᓄᑦ.

ᓇᖕᒥᓂᕆᔭᐅᔪᓂᒃ ᐊᑎᓕᐅᖅᑕᐅᑎᑦᑎᓂᖅ

ᐃᖅᑲᓇᐃᔭᕐᕕᓕᒫᑦ ᐊᐅᓚᑎᑦᑎᔪᑦ ᐅᕝᕙᓘᓐᓃᑦ ᐋᖅᑭᒃᓯᓯᒪᔪᑦ ᓇᖕᒥᓂᕐᒥᓂᒃ ᑕᐃᑲᓂ ᓄᓇᑦᓯᐊᒥᑦ ᐊᒻᒪᓗ/ᐅᕝᕙᓘᓐᓃᑦ ᓄᓇᕘᒥᑦ ᑎᑎᕋᖅᑕᐅᓯᒪᔭᕆᐊᖃᖅᑐᖅ ᐅᑯᓄᖓ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᓄᑦ (WSCC), ᑭᓯᐊᓂ ᑭᐅᒪᒍᑎᒃ ᕿᓚᒻᒥᐅᔪᒃᑯᑦ ᐃᖅᑲᓇᐃᔭᖅᑎᖁᑎᓕᖕᓄᑦ ᓈᒻᒪᒋᔭᐅᔪᓂᑦ ᐋᖅᑭᒃᑕᐅᓯᒪᓂᖏᑎᒍᑦ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᐊᑐᐊᒐᖓᓐᓂ 00.05.01– ᐃᓱᒪᓕᐅᕆᓂᕐᒥ ᖃᓄᐃᓕᖓᓂᖓᓂ ᐃᓄᖕᓄᑦ ᐅᕘᓈᖅᑐᓄᑦ ᐃᖅᑲᓇᐃᔭᖅᑎᒧᑦ ᐋᓐᓂᖅᑐᖅᓯᐅᑎᓕᕆᔨᒃᑯᑦ ᒪᓕᒐᖏᑎᒍᑦ: ᐃᖅᑲᓇᐃᔭᖅᑎᖁᑎᓕᑦ. ᐃᖅᑲᓇᐃᔭᕐᕖᑦ ᑎᑎᕋᖅᑕᐅᓐᓂᖏᑦᑐᑦ ᐊᑭᓖᔭᕆᐊᖃᖅᐳᑦ ᓱᒋᐊᖅᑕᐅᔾᔪᑎᒥᒃ ᑖᒃᑯᓄᖓ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᓄᑦ (WSCC).

ᖃᐅᔨᒪᕖᑦ ᑎᑎᕋᖅᑕᐅᑎᑦᑐᓐᓇᖅᑕᐃᑦ ᓇᖕᒥᓂᖁᑏᑦ ᖃᕆᓴᐅᔭᒃᑯᑦ ᐅᕘᓇ WSCC Connect? ᐅᖃᓕᒫᕐᓗᒋᑦ ᒪᓕᒃᐸᓪᓕᐊᓗᒋᑦ ᒪᓕᒋᐊᓖᑦ ᐅᕘᓇ.

ᖃᐅᔨᒪᒋᑦ: ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᑎᑎᕋᖅᓯᓲᑦ ᐊᑐᕈᓐᓇᐅᑎᖕᓂᒃ ᐱᖓᓱᑦ ᐅᓪᓗᐃᑦ ᐃᓗᐊᓂᑦ ᐃᖅᑲᓇᐃᔭᕐᓇᐅᑎᓪᓗᒍ ᐱᐊᓂᒃᑳᖓᑕ ᐊᑕᖏᖅᖢᒋᑦ ᐱᓯᒪᔭᕆᐊᓕᖏᑦ ᑐᓴᐅᒪᔾᔪᑏᑦ.