ᐃᖅᑲᓇᐃᔭᖅᑎᖁᑎᖃᖅᑐᓕᒫᑦ ᑎᓕᓯᒋᐊᓖᑦ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ ᑭᒡᒐᖅᑐᐃᔨᒥᑦ ᐅᕝᕙᓘᓐᓃᑦ ᐋᖅᑭᒃᓯᓗᑎ ᑲᑎᙵᔪᓂ ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᖅᑕᐃᓕᒪᓂᕐᒥᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ ᑲᑎᒪᔨᕋᓛᓂ (JOHSC). ᑖᒃᑯᐊ ᐱᓕᕆᐊᖑᔪᑦ ᐊᒻᒪᓗ ᐊᐅᓚᓂᐅᔪᑦ ᐃᑲᔪᓲᑦ ᐃᖅᑲᓇᐃᔭᖅᑎᖁᑎᓕᖕᒥᑦ ᑲᒪᒋᔭᖃᕐᓂᕐᒥᑦ ᐋᓐᓂᐊᖃᕐᓇᙱᑦᑐᓕᕆᓂᕐᒥᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ ᐃᓱᒫᓘᑕᐅᔪᓂᑦ, ᐋᖅᑭᒃᓱᐃᓂᕐᒥᑦ ᐱᓕᒻᒪᒃᓴᐃᓂᕐᒧᑦ ᐊᒻᒪᓗ ᐱᓕᕆᔾᔪᓯᐅᔪᓂᑦ, ᐊᒻᒪᓗ ᖃᐅᔨᓴᕐᓂᕐᒥᑦ ᐃᖅᑲᓇᐃᔭᕐᕕᖕᒥᑦ ᐊᑦᑕᕐᓇᔾᔭᐃᖅᓯᒪᓂᕐᒧᑦ ᐱᓕᕆᐊᖑᔪᓂᑦ.
ᐃᖅᑲᓇᐃᔭᕐᕖᑦ 1-19-ᓂᒃ ᐃᖅᑲᓇᐃᔭᖅᑎᓖᑦ: ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᖅᑕᐃᓕᒪᓂᕐᒥᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ ᑭᒡᒐᖅᑐᐃᔨ
ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᖅᑕᐃᓕᒪᓂᕐᒥᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ ᑭᒡᒐᖅᑐᐃᔨᐅᔪᖅ ᑎᓕᔭᐅᑐᐃᓐᓇᕆᐊᓕᒃ ᐃᖅᑲᓇᐃᔭᖅᑎᖁᑎᓕᖕᒧᑦ, ᐅᕝᕙᓘᓐᓃᑦ ᐃᓱᒪᓕᐅᖅᑕᐅᓗᓂ ᐃᖅᑲᓇᐃᔭᖅᑎᖃᑎᖏᓐᓄᑦ. ᐱᓕᕆᐊᒃᓴᖓ ᑭᒡᒐᖅᑐᐃᔨᐅᓗᓂ ᐃᖅᑲᓇᐃᔭᖅᑎᓄᑦ ᐊᒻᒪᓗ ᐃᖅᑲᓇᐃᔭᖅᑎᖁᑎᓕᖕᒧᑦ ᐋᓐᓂᐊᖃᕐᓇᙱᑦᑐᓕᕆᓂᕐᒥᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ ᐱᒻᒪᕆᐅᕗᖅ. ᐱᔭᒃᓴᕆᔭᖏᑦ ᐃᓚᖃᖅᑐᑦ:
- ᐱᖃᑕᐅᓂᕐᒥᑦ ᓇᓗᓇᐃᖅᓯᓂᕐᒥᑦ ᐊᒻᒪᓗ ᐊᐅᓚᑦᑎᓂᕐᒥᑦ ᐅᓗᕆᐊᓇᖅᑐᓂᒃ.
- ᓴᖅᑭᔮᖅᑎᑦᑎᓂᕐᒥᑦ ᐋᓐᓂᐊᖃᕐᓇᙱᑦᑐᓕᕆᓂᕐᒥᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ ᐃᖅᑲᓇᐃᔭᖅᑎᓕᒫᓂᑦ.
- ᐱᓕᕆᐊᖃᕐᓂᕐᒥᑦ ᐊᓯᖏᓐᓂᒃ ᐱᓕᕆᐊᒃᓴᓂᑦ ᑐᕌᖓᔪᓄᑦ ᐋᓐᓂᐊᖃᕐᓇᙱᑦᑐᓕᕆᓂᕐᒥᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ ᑕᐃᒪᐃᒋᐊᖃᖅᑎᓪᓗᒍ.
ᐃᖅᑲᓇᐃᔭᕐᕖᑦ 20-ᓂᒃ ᐅᖓᑖᓂᓘᓐᓃᑦ ᐃᖅᑲᓇᐃᔭᖅᑎᓖᑦ: ᑲᑎᙵᔪᓂ ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᖅᑕᐃᓕᒪᓂᕐᒥᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ ᑲᑎᒪᔨᕋᓛᑦ (JOHSC)
ᑲᑎᙵᔪᓂ ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᖅᑕᐃᓕᒪᓂᕐᒥᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ ᑲᑎᒪᔨᕋᓛᑦ ᑲᑐᔾᔨᖃᑎᖃᖅᖢᑎᒃ ᑲᒪᒋᔭᖃᓲᑦ ᐋᓐᓂᐊᖃᕐᓇᙱᑦᑐᓕᕆᓂᕐᒥᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ ᐊᑲᐅᙱᓕᐅᕈᑕᐅᔪᓂᑦ ᑲᑎᒪᒐᔪᓂᒃᑯᑦ, ᐱᖃᑕᐅᓂᕐᒥᑦ ᐅᓗᕆᐊᓇᖅᑐᖃᕐᒪᖔᑦ ᖃᐅᔨᓴᕈᑎᓂᑦ, ᖃᐅᔨᓴᕐᓂᕐᒥᑦ ᖃᓄᐃᓐᓂᐅᔪᓂᑦ, ᐃᖅᑲᓇᐃᔭᕐᕕᖕᒥᑦ ᖃᐅᔨᓴᕐᓂᒃᑯᑦ, ᐊᒻᒪᓗ ᐊᑐᓕᖁᔨᓂᕐᒥᑦ ᐋᖅᑭᒋᐊᖅᓯᓂᕐᒧᑦ ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᕐᓇᙱᑦᑐᓕᕆᓂᕐᒥᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ. ᐱᔭᒃᓴᕆᔭᖏᑦ ᐃᓚᖃᖅᑐᑦ, ᐊᒻᒪ ᑖᒃᑯᓂᖓᑐᐊᖑᓇᓂ ᐅᑯᓂᖓ:
- ᐱᖃᑕᐅᓂᕐᒥᑦ ᓇᓗᓇᐃᖅᓯᓂᕐᒥᑦ ᐊᒻᒪᓗ ᐊᐅᓚᑦᑎᓂᕐᒥᑦ ᐅᓗᕆᐊᓇᖅᑐᓂᒃ.
- ᖃᐅᔨᓴᕐᓂᕐᒥᑦ ᐊᑦᑕᕐᓇᖅᑐᓂᑦ ᐃᖅᑲᓇᔭᕈᒪᙱᑦᑐᓂᑦ.
- ᓴᖅᑭᔮᖅᑎᑦᑎᓂᕐᒥᑦ ᐋᓐᓂᐊᖃᕐᓇᙱᑦᑐᓕᕆᓂᕐᒥᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ ᐃᖅᑲᓇᐃᔭᖅᑎᓕᒫᓂᑦ.
- ᐱᓕᕆᐊᖃᕐᓂᕐᒥᑦ ᐊᓯᖏᓐᓂᒃ ᐱᓕᕆᐊᒃᓴᓂᑦ ᓇᓗᓇᐃᖅᓯᒪᔪᓂᑦ ᐊᑦᑕᓇᔾᔭᐃᖅᓯᒪᓂᕐᒧᑦ ᐱᖁᔭᕐᒥᑦ ᐅᕝᕙᓘᓐᓃᑦ ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᖅᑕᐃᓕᒪᓂᕐᒥᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ ᒪᓕᒐᖏᓐᓂᒃ.
- ᐱᓯᒪᑦᑎᐊᖅᓯᓂᕐᒥᑦ ᐋᓐᓂᐊᖃᕐᓇᙱᑦᑐᓕᕆᓂᕐᒥᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ ᑎᑎᖅᑲᓂᑦ, ᓲᕐᓗ ᑲᑎᒪᔨᕋᓛᑦ ᑲᑎᒪᔾᔪᑎᕕᓂᖏᓐᓂᒃ, ᐅᓗᕆᐊᓇᖅᑐᖃᕐᒪᖔᑦ ᖃᐅᔨᓴᕐᓂᕐᒥᑦ, ᖃᐅᔨᓴᕐᓂᕐᒧᑦ ᐅᓂᒃᑳᓕᐊᑦ, ᐊᒻᒪᓗ ᖃᐅᔨᓴᕐᓂᐅᔪᓂᑦ.