ᐱᔭᔅᓴᐅᓂᖓ WSCC Connect ᐊᒻᒪ ᖁᕝᕙᓯᑦᑐᒥᑦ ᐊᑦᑕᓇᖅᑐᒥᑦ ᐃᖅᑲᓇᐃᔮᖑᔪᒥᑦ ᑐᓴᖅᑎᑦᑎᒍᑎᓂᑦ ᓯᕗᓪᓕᖅᐹᒥᑦ
ᐃᕝᕕᑦ ᐅᕝᕙᓘᓐᓃᑦ ᑎᒥᒋᔭᐃᑦ ᐊᑐᕈᑎ ᖁᕝᕙᓯᑦᑐᒥᑦ ᐊᑦᑕᓇᖅᑐᑦᒥᑦ ᐃᖅᑲᓇᐃᔮᖑᔪᒥᑦ ᑐᓴᖅᑎᑦᑎᒍᑎᒥᑦ ᖃᕋᓴᐅᔭᒃᑯᑦ ᐱᔨᑦᑎᖅᑕᐅᔪᑦ ᓯᕗᓪᓕᖅᐹᒥ, ᒪᕐᕉᓐᓂᒃ ᐊᑐᕆᐊᖃᓂᐊᖅᑐᑎᑦ ᐱᒋᐊᖅᑎᓪᓗᒍ:
- ᖁᕝᕙᓯᒃᑐᒥᒃ ᐅᓗᕆᐊᓇᕈᓐᓇᖅᑐᓂᒃ ᐱᓕᕆᓂᕐᒧᑦ ᖃᐅᔨᒃᑲᐃᔾᔪᑎᒥᒃ ᐊᑐᖅᑎᓄᑦ: ᐅᐸᓪᓗᒋ WSCC Connect-ᒧ. ᐃᓯᖅᕕᒋᓯᒪᓕᑐᐊᕈᕕᐅᒃ, ᑐᔅᓯᕋᓂᕐᒧᑦ ᐱᔪᓐᓇᖅᑎᑕᐅᓂᕐᒧᑦ ᐱᓗᒍ “ᖁᕝᕙᓯᑦᑐᒥᑦ ᐊᑦᑕᓇᖅᑐᑦ ᑐᓴᖅᑎᑦᑎᒍᑏᑦ” ᐊᑐᖅᑐᒧᑦ ᐱᓕᕆᐊᕆᒋᐊᓕᖓ. ᒪᓕᒡᓗᒋᑦ ᐅᑯᐊ ᒪᓕᒋᐊᓖᑦ ᑐᒃᓯᕋᐅᑏᑦ ᐊᑐᕈᓐᓇᕐᓂᕐᒧᑦ ᖃᕆᓴᐅᔭᒃᑯᑦ ᐃᑭᐊᖅᑭᕕᒃᑯᑦ ᖃᕆᓴᐅᔭᒃᑯᑦ ᐱᔨᑦᑎᕋᐅᑏᑦ.
- ᐅᐸᒡᓗᒍ ᐊᐅᓚᑦᑎᔾᔪᑎᓕᕆᔨᑦ*: ᐃᖅᑲᓇᐃᔭᖅᑎᑦᑎᔪᒧᑦ WSCC Connect ᐱᔭᐅᓂᖓ ᐊᐅᓚᑎᔨ ᑐᓂᓯᔪᖅ ᐊᑐᖅᑐᒥ ᐱᔪᓐᓇᕐᓗᓂ ᐃᕐᖏᓐᓈᕈᑎᒃᑯᑦ ᖃᕋᓴᐅᔭᒃᑯᑦ ᐱᔨᑦᑎᖅᑕᐅᔪᓂᑦ, ᐱᖃᓯᐅᑎᓪᓗᑎ “ᖁᕝᕙᓯᑦᑐᒥᑦ ᐊᑦᑕᓇᖅᑐᑦ ᑐᓴᖅᑎᑦᑎᒍᑏᑦ”. ᐃᓯᕈᕕᑦ, ᐊᖏᖅᓯᔪᓐᓇᖅᑐᑦ ᖃᓄᑐᐃᓐᓇᖅ ᑐᒃᓯᕋᐅᑏᑦ ᐊᑐᕈᓐᓇᕐᓂᕐᒧᑦ ᐅᕝᕙᓘᓐᓃᑦ “Manage Users” (ᐊᐅᓚᑦᑎᓂᖅ ᐊᑐᖅᑎᓂᒃ) ᐃᓚᓯᓗᓂ ᐊᑐᖅᑎᒥᒃ.
- ᐱᓕᕆᒃᑲᓐᓂᕐᓗᒍ ᑲᔪᓯᓂᐅᔪᖅ ᓇᓕᐊᖕᓄᑐᐃᓐᓇᖅ ᐊᓯᖏᓐᓄᑦ ᐊᑐᖅᑎᓄᑦ ᑐᓂᓯᔭᕆᐊᖃᖅᑐᓂᒃ ᐅᕝᕙᓘᓐᓃᑦ ᐋᖅᑭᒋᐊᕆᔭᕆᐊᖃᓲᑦ ᖁᕝᕙᓯᒃᑐᒥᒃ ᐅᓗᕆᐊᓇᕈᓐᓇᖅᑐᓂᒃ ᐱᓕᕆᓂᕐᒧᑦ ᖃᐅᔨᒃᑲᐃᔾᔪᑎ ᓇᖕᒥᓂᖁᑎᖕᓄᑦ.
ᐃᖅᑲᐃᑎᑦᑎᔾᔪᑦ: ᐃᓄᐃᑦ ᐊᑐᕈᓐᓇᕐᓂᕐᒧᑦ ᐊᖏᖅᑕᐅᓯᒪᔪᑦ ᖁᕝᕙᓯᒃᑐᒥᒃ ᐅᓗᕆᐊᓇᕈᓐᓇᖅᑐᓂᒃ ᐱᓕᕆᓂᕐᒧᑦ ᖃᐅᔨᒃᑲᐃᔾᔪᑎᓄᑦ ᑕᑯᔪᓐᓇᕋᔭᖅᑐᑦ ᖃᓄᑐᐃᓐᓇᖅ ᑐᓴᐅᒪᔾᔪᑎᓄᑦ ᐊᒃᑐᐊᓂᓖᑦ ᑖᒃᑯᓄᖓ ᐅᓂᒃᑳᓄᑦ. ᐃᖅᑲᓇᐃᔭᖅᑎᑦᑎᔪᖅ ᑲᒪᒋᔭᖃᖅᑐᖅ ᓇᓗᓇᐃᖅᓯᔪᖅ ᑭᓇᒥᑦ ᐱᔪᓐᓇᖅᑐᒥᑦ ᑖᔅᓱᒧᖓ ᐱᔨᑦᑎᖅᑕᐅᔪᒧᑦ.
* ᐃᖅᑲᓇᐃᔭᕐᕖᑦ ᐊᑐᕈᓐᓇᕐᓂᕐᒧᑦ ᑲᒪᔨᖃᑖ ᐃᓄᒃ ᐱᓕᕆᐊᒃᓴᓕᒃ ᑎᑎᕋᕐᕕᖕᒥ ᐊᐅᓚᑦᑎᓂᕐᒥᒃ ᐅᕝᕙᓘᓐᓃᑦ ᑐᓂᓯᖃᑦᑕᖅᑐᖅ ᐃᖅᑲᓇᐃᔭᕐᕖᑦ ᐊᕐᕌᖑᑕᒫᑦ ᑮᓇᐅᔾᔭᒃᓵᓂᒃ ᐅᓂᒃᑳᓕᐅᖃᑦᑕᖅᑐᑦ ᑖᒃᑯᓄᖓ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑎᓄᑦ (WSCC).
ᐱᑕᖃᖅᑎᑦᑎᒍᓐᓇᖏᒃᑯᒪᓕ 30 ᐅᓪᓗᓂᑦ ᑐᓴᖅᑎᑦᑎᒍᑎᒥᑦ?
OHS ᒪᓕᑦᑕᐅᔭᕆᐊᓖᑦ ᓄᓇᑦᓯᐊᒧᑦ ᐊᒻᒪ ᓄᓇᕗᒻᒧᑦ ᐃᓚᒍᑕᖃᖅᑎᑦᑎᔪᑦ ᐃᖅᑲᓇᐃᔭᖅᑎᑎᑐᔪᓄᑦ ᑐᓂᓯᒍᓐᓇᖏᑦᑐᓂᑦ ᓴᖅᑎᑦᑎᒍᑎᒥᑦ 30 ᐅᓪᓗᓂ ᐱᑕᖃᕆᐊᖃᖅᑎᑕᐅᔪᓂᑦ. ᑖᓐᓇ ᐱᔪᓐᓇᖅᑎᑕᐅᓂᖓᓄᑦ, ᑐᓂᔭᐅᔪᑦ ᓈᒻᒪᓐᓂᖃᖅᑐᒥᑦ ᕿᓚᒥᐅᑕᐅᒐᓱᐊᕆᐊᓖᑦ. ᐱᖃᓯᐅᑎᓗᓂ ᑐᓴᖅᑎᑦᑎᒍᑎ, ᑐᓂᓯᒋᐊᖃᖅᑎᑕᐅᒍᕕᑦ ᓇᓗᓇᐃᔭᐃᓂᕐᒥᑦ ᐃᕝᕕᑦ ᑐᓂᔭᖓᓂ ᐱᔾᔪᑎᖓᓄᑦ ᑭᖑᕙᓂᕐᒧᑦ. ᐃᓚᖏᑦ ᐆᑦᑐᕋᐅᑏᑦ ᐊᖏᖅᑕᐅᔪᓐᓇᖅᑐᑦ ᐱᔾᔪᑎᖏᓐᓄᑦ ᑭᖑᕙᖅᑐᒧᑦ ᑐᓴᖅᑎᑦᑎᒍᑎᒥᑦ ᐅᑯᐊᖑᔪᑦ:
- ᓇᒻᒥᓂᕆᔭᐃᑦ ᑐᓂᓯᔭᐅᕋᑖᕐᓂᖓᓄᑦ ᑳᓐᑐᕌᒥᑦ, ᐊᒻᒪ ᐱᓕᕆᐊᒧᑦ ᐱᒋᐊᕐᕕᖓ ᐅᓪᓗᖓ ᑐᖔᓃᑦᑐᓂ 30 ᐅᓪᓗᐃᑦ.
- ᖃᓄᐃᓕᖓᓂᐅᔪᖅ ᓴᖅᑭᖅᓯᒪᓪᓗᓂ ᐱᑕᖃᕆᐊᖃᖅᑎᑎᓪᓗᓂ ᑐᐊᕕᕐᓇᖅᑐᒥᑦ ᐱᒋᐊᕐᒃᕕᖓ ᐅᓪᓗᖓ ᐃᖅᑲᓇᐃᔮᒧᑦ. ᓲᕐᓗ, ᐃᓪᓗᓕᐅᓂᕐᒧᑦ ᐱᑕᖃᕆᐊᖃᖅᑎᑦᑎᔪᖅ ᐱᔾᔪᑎᒋᓪᓗᒍ ᓄᓇᖓᓂ ᐱᓂᕐᓗᓂᕐᒧᑦ ᐅᕝᕙᓘᓐᓃᑦ ᓂᕆᐅᓇᖏᑦᑐᒥᑦ ᖃᓄᐃᓐᓂᐅᔪᒥᑦ.
ᐊᐱᖅᑯᑎᔅᓴᖃᕈᕕᑦ ᐱᔾᔪᑎᖃᖅᑐᓂᑦ ᐃᓕᓐᓄᑦ ᖃᖓᒃᑰᓂᖓᓂ ᑐᓂᓯᓂᕐᒧᑦ ᖁᕝᕙᓯᑦᑐᒥᑦ ᐊᑦᑕᓇᖅᑐᒥᑦ ᐃᖅᑲᓇᐃᔮᖑᔪᒥᑦ ᑐᓴᖅᑎᑦᑎᒍᑎᒥᑦ, ᖃᐅᔨᒋᐊᕐᕕᒋᓗᒋᑦ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᐊᒻᒪ ᐅᖃᖃᑎᖃᕈᒪᓗᑎᑦ ᐱᓕᕆᔨᒥᑦ ᐃᖅᑲᓇᐃᔭᖅᑐᒥᑦ.
ᓇᒃᓯᐅᑎᔪᓐᓇᖅᐸᕌ ᑐᒃᓯᕋᐅᑦ ᐃᓄᒃᑐᑦ ᐅᕝᕙᓘᓐᓃᑦ ᐊᓯᐊᒍᑦ ᐅᖃᐅᓯᒃᑯᑦ ᐃᓕᓴᕆᔭᐅᓯᒪᔪᑎᒍᑦ ᓄᓇᕗᒻᒥ ᓄᓇᑦᓯᐊᒥᓘᓐᓃᑦ?
ᑐᓂᓯᔪᓐᓇᖅᑐᑎᑦ ᐅᓗᕆᐊᓇᓪᓚᕆᒃᑐᒥᒃ ᐃᖅᑲᓇᐃᔭᕐᓂᕐᒧᑦ ᖃᐅᔨᒃᑲᐃᔾᔪᑎᒥᒃ ᐃᓄᒃᑐᑦ ᐅᕝᕙᓘᓐᓃᑦ ᓇᓕᐊᖕᓂᑐᐃᓐᓇᖅ ᐃᓕᓴᕆᔭᐅᓯᒪᔪᑎᒍᑦ ᐅᖃᐅᓯᒃᑯᑦ ᓄᓇᕗᒻᒥ ᓄᓇᑦᓯᐊᒥᓘᓐᓃᑦ. ᑐᓂᓗᒍ ᑐᒃᓯᕋᐅᑦ, ᖃᕆᓴᐅᔭᒃᑯᑦ ᐃᕐᖐᓐᓵᖅᑕᐅᑏᑦ ᖃᐅᔨᒃᑲᐃᔾᔪᑎᖃᕐᓗᓂ ᐅᕗᖓ ᐊᑦᑕᕐᓇᖅᑕᐃᓕᒪᔪᓕᕆᔨᒻᒪᕆᒃ (CSO) ᐅᑯᓂᖓ ᑐᓴᐅᒪᔾᔪᑎᖃᕐᓗᓂ:
- ᐱᓕᕆᐊᑉ ᐊᑎᖓ
- ᐱᓕᕆᐊᒥᒃ ᓇᖕᒥᓂᓕᒃ, ᐱᖃᓯᐅᑎᓪᓗᒋᑦ ᐅᖃᖃᑎᒋᔭᐅᓂᕐᒧᑦ ᑐᓴᐅᒪᔾᔪᑏᑦ
- ᐱᓕᕆᐊᒧᑦ ᑐᓴᕋᓱᐊᕐᕕᐅᔪᓐᓇᖅᑐᖅ (ᐊᔾᔨᒋᙱᒃᑯᓂᐅᒃ), ᐱᖃᓯᐅᑎᓪᓗᒋᑦ ᐅᖃᖃᑎᒋᔭᐅᓂᕐᒧᑦ ᑐᓴᐅᒪᔾᔪᑏᑦ
- ᖃᕆᓴᐅᔭᒃᑯᑦ ᐃᑭᐊᖅᑭᕕᐅᑉ ᑐᕌᕈᑖ ᐅᕝᕙᓘᓐᓃᑦ ᑕᒻᒪᕇᒃᑯᑎᑎᒍᑦ ᓇᓃᓐᓂᖓ, ᐊᑏ ᐃᓚᓕᐅᑎᓯᒪᓗᒋᑦ ᖃᓄᑐᐃᓐᓇᖅ ᖄᒃᑲᓐᓂᐊᒍᑦ ᓇᓗᓇᐃᔭᐅᑏᑦ ᐃᖅᑲᓇᐃᔭᕐᕕᐅᑉ ᐃᓂᐊᓄᑦ (ᓲᕐᓗ ᓯᕐᓗᐊᒥ ᑐᓄᐊᓂ ᐱᖁᑎᒋᔭᐅᔫᑉ)
- ᓇᓗᓇᐃᕐᓗᒋᑦ ᖃᓄᐃᑦᑐᑦ ᐅᓗᕆᐊᓇᓗᐊᕐᒪᖔᑕ ᐱᓕᕆᓃᑦ ᐱᓕᕆᐊᖑᓂᐊᖅᑐᑦ:
- ᑐᐊᐸᒃᑕᕐᓂᖅ, ᓯᖃᓕᑦᑎᓂᖅ, ᐅᕝᕙᓘᓐᓃᑦ ᖄᖅᑎᑦᑎᖃᑦᑕᕐᓂᖅ
- ᐆᒻᒪᒃᑯᑏᑦ ᐅᐊᔭᖏᓐᓂᒃ ᓴᓇᓂᖅ ᐅᕝᕙᓘᓐᓃᑦ ᐋᖅᑭᐅᒪᑎᑦᑎᓂᖅ
- ᓄᓇᓕᕆᓂᖅ, ᓴᒡᒐᕐᓂᖅ, ᐅᕝᕙᓘᓐᓃᑦ ᐊᖅᑯᓯᐅᕐᓂᖅ
- ᐳᓪᓚᓕᖕᒧᑦ ᓴᓗᒻᒪᖅᓴᐃᓂᖅ
- ᐃᒡᓗᒥᒃ ᓱᕋᑦᑎᕆᓂᖅ ᐅᕝᕙᓘᓐᓃᑦ ᓄᑖᙳᕆᐊᕆᓂᖅ
- ᓂᐅᕐᕈᑎᖃᖅᐸᒃᑐᓄᑦ ᐅᕝᕙᓘᓐᓃᑦ ᐊᖏᕐᕋᒥᒃ ᓴᓇᓂᕐᒧᑦ
- ᐆᑕᖅᑎᑦᑎᓂᖅ
- ᐱᖃᓯᐅᑎᓪᓗᒋᑦ ᓇᓗᓇᐃᔭᐅᑏᑦ ᐱᓕᕆᐊᒧᑦ ᐱᓕᕆᓂᐊᖅᑕᕐᓄᑦ (ᓲᕐᓗ ᐲᔭᕐᓗᒍ ᓇᑎᖓ ᑕᕝᕙᙵᑦ 8 x 10 ᐃᒡᓗᕈᓯᕐᒥ, ᑯᕕᓗᒍ ᕿᑯᖅ, ᓇᑉᐸᐃᓂᖅ ᐃᑯᕐᕋᓂᒃ, ᐋᖅᑭᒃᓱᐃᓂᖅ ᑭᓴᐅᑎᓂᒃ ᐃᒡᓘᑉ ᖁᓛᓂᑦ, ᐊᓯᖏᓪᓗ)
ᐱᓕᕆᐊᑉ ᐱᒋᐊᕐᕕᒃᓴᖓ ᐅᓪᓗᖅ ᐊᒻᒪ ᐱᓕᕆᐊᑉ ᐃᓱᓕᕝᕕᒃᓴᖓ ᐅᓪᓗᖅ - ᐱᓕᕆᐊᑉ ᐱᒋᐊᕐᕕᒃᓴᖓ ᐅᓪᓗᖅ ᐊᒻᒪ ᐱᓕᕆᐊᑉ ᐃᓱᓕᕝᕕᒃᓴᖓ ᐅᓪᓗᖅ
ᖃᐅᔨᒪᓂᐊᖅᐳᑎᑦ: ᓇᓗᓇᐃᔭᖅᓯᒪᓂᖏᑦ ᐃᖅᑲᓇᐃᔮᕆᔭᕐᓄᑦ ᐊᓯᔾᔨᕈᑎ, ᑲᒪᒋᔭᖃᕆᐊᖃᖅᑐᑎᑦ ᐃᓗᐊᓅᓂᕐᒧᑦ ᐃᕝᕕᑦ ᑭᓱᒃᑯᕕᖓᓄᑦ WSCC Connect ᑭᓱᒃᑯᕕᖓ ᐊᒻᒪ ᐋᖅᑭᒋᐊᕐᓗᒋᑦ ᒫᓐᓇᐅᔪᒥᑦ ᑐᓴᖅᑎᑦᑎᒍᑏᑦ ᐅᕝᕙᓘᓐᓃᑦ ᓴᓇᓗᑎ ᓄᑖᒥᑦ ᐱᑕᖃᕆᐊᖃᖅᑎᑕᐅᒍᓂ (ᓲᕐᓗ, ᐊᖏᓂᖓ ᐃᖅᑲᓇᐃᔮᖑᔪᖅ ᐊᓯᔾᔨᕈᓂ ᖃᓄᐃᑦᑑᓂᖓ ᖁᕝᕙᓯᑦᑐᒥᑦ ᐊᑦᑕᓇᖅᑐᑦ ᐃᖅᑲᓇᐃᔮᖑᔪᖅ ᐱᔭᕇᖅᑕᐅᕙᓪᓕᐊᔪᖅ).
ᐱᓕᕆᐊᑦ ᐱᒋᐊᖅᓯᒪᓕᕈᓂ, ᑕᑯᔭᖅᑐᖅᑕᐅᑐᐃᓐᓇᕆᐊᓕᒃ ᖃᐅᔨᓴᖅᑕᐅᔭᖅᑐᕐᓗᓂ ᐱᔾᔪᑎᒋᓪᓗᒋᑦ ᑐᓴᐅᒪᔾᔪᑏᑦ ᑐᓴᖅᑕᐅᑎᑕᕐᓂ. ᐱᒻᒪᕆᐅᔪᖅ ᐊᑕᖏᖅᑐᑎ ᐱᓕᕆᐊᒧᑦ ᑐᑭᓯᒋᐊᕈᑏᑦ ᑕᒻᒪᖅᓯᒪᖏᓪᓗᑎ ᐊᒻᒪ ᐅᓪᓗᒥᒨᖓᓗᑎ.
ᑭᓲᕙ ᖁᕝᕙᓯᒃᑐᒥᒃ ᐅᓗᕆᐊᓇᕈᓐᓇᖅᑐᒥᒃ ᐱᓕᕆᓂᖅ?
ᐱᓕᕆᓃᑦ ᐃᓱᒪᒋᔭᐅᔪᑦ ᓴᖅᑮᓯᒪᓪᓗᑎᒃ ᐅᓗᕆᐊᓇᕐᔪᐊᕈᓐᓇᕐᓗᑎᒃ ᐃᑲᓇᐃᔭᖅᑎᓄᑦ ᐃᓱᒪᒋᔭᐅᔪᑦ ᖁᕝᕙᓯᒃᑐᒥᒃ ᐅᓗᕆᐊᓇᕈᓐᓇᖅᑐᒥᒃ ᐱᓕᕆᓂᖅ. WSCC Connect ᓴᓇᕐᕈᑎ ᐊᕐᕕᓂᓕᓐᓂᑦ ᖃᓄᐃᑦᑐᒡᒍᑕᐅᓂᖃᖅᑐᑦ ᒪᓕᓐᓂᖃᖅᑐᑦ ᒪᓕᒐᖅᑎᒎᖅᑎᑕᐅᔪᑦ ᑐᓴᖅᑎᑦᑎᓂᕐᒧᑦ ᐱᑕᖃᕆᐊᖃᖅᑎᑕᐅᔪᓂᑦ, ᐅᑯᐊᖑᔪᑦ:
- ᑐᐊᐸᒃᑕᕐᓂᖅ, ᓯᖃᓕᑦᑎᓂᖅ, ᐅᕝᕙᓘᓐᓃᑦ ᖄᖅᑎᑦᑎᖃᑦᑕᕐᓂᖅ
- ᐆᒻᒪᒃᑯᑏᑦ ᐅᐊᔭᖏᓐᓂᒃ ᓴᓇᓂᖅ ᐅᕝᕙᓘᓐᓃᑦ ᐋᖅᑭᐅᒪᑎᑦᑎᓂᖅ
- ᓄᓇᓕᕆᓂᖅ, ᓴᒡᒐᕐᓂᖅ, ᐅᕝᕙᓘᓐᓃᑦ ᐊᖅᑯᓯᐅᕐᓂᖅ
- ᐳᓪᓚᓕᖕᒧᑦ ᓴᓗᒻᒪᖅᓴᐃᓂᖅ
- ᐃᒡᓗᒥᒃ ᓱᕋᑦᑎᕆᓂᖅ ᐅᕝᕙᓘᓐᓃᑦ ᓄᑖᙳᕆᐊᕆᓂᖅ
- ᓂᐅᕐᕈᑎᖃᖅᐸᒃᑐᓄᑦ ᐅᕝᕙᓘᓐᓃᑦ ᐊᖏᕐᕋᒥᒃ ᓴᓇᓂᕐᒧᑦ
- ᐆᑕᖅᑎᑦᑎᓂᖅ
ᐱᑕᖃᕆᐊᖃᖅᑎᑕᐅᔪᖅ ᐊᑖᓂ ᓄᓇᕗᒻᒥ ᐊᒻᒪ ᓄᓇᑦᓯᐊᒥ ᐋᓐᓂᐊᖅᑐᓕᕆᓂᕐᒧᑦ ᐊᒻᒪ ᐊᑦᑕᓇᐃᖅᓯᒪᓂᕐᒧᑦ ᒪᓕᒐᕐᓂᑦ ᐃᖅᑲᓇᐃᔭᖅᑎᑦᑎᔪᓄᑦ ᖃᐅᔨᒃᑲᕐᓗᒋᑦ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᖁᕝᕙᓯᑦᑐᒥᑦ ᐊᑦᑕᓇᖅᑐᑦ ᐃᖅᑲᓇᐃᔮᖑᔪᓂᑦ ᐱᓕᕆᐊᓂᑦ ᐊᒻᒪ ᐱᓕᕆᔭᐅᔪᓂᑦ ᕿᓚᒥᐅᓛᕆᔪᓐᓇᖅᑕᖓ 30 ᐅᓪᓗᐃᑦ ᓯᕗᓂᐊᒍᑦ ᐱᒋᐊᕐᕕᖓ ᐅᓪᓗᖓ ᐅᕝᕙᓘᓐᓃᑦ ᓈᒻᒪᓐᓂᖃᖅᑐᓂ ᕿᓚᒥᐅᓇᓱᐊᖅᑐᓂᑦ (ᑕᑯᓗᒍᐱᑕᖃᖅᑎᑦᑎᒍᓐᓇᖏᒃᑯᒪᓕ 30 ᐅᓪᓗᓂᑦ ᑐᓴᖅᑎᑦᑎᒍᑎᒥᑦ?). ᐱᓕᕆᐊᖅ ᐱᓕᕆᓂᐊᖅᑕᑦ ᓈᒻᒪᒃᑯᓂ ᖃᓄᑐᐃᓐᓇᖅ ᑖᒃᑯᓄᖓ ᐊᕕᒃᑐᖅᓯᒪᔪᓄᑦ, ᑐᓂᓯᔭᕆᐊᖃᖅᑐᑎᑦ ᖁᕝᕙᓯᒃᑐᒥᒃ ᐅᓗᕆᐊᓇᕈᓐᓇᖅᑐᓂᒃ ᐱᓕᕆᓂᕐᒧᑦ ᖃᐅᔨᒃᑲᐃᔾᔪᑎᒧᑦ ᐊᖓᔪᖅᑳᒻᒪᕆᖕᒧᑦ ᐊᑦᑕᕐᓇᖅᑕᐃᓕᒪᕐᓂᕐᒧᑦ ᑲᒪᔨᒧᑦ ᑕᕝᕘᓇ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑎᓄᑦ (WSCC) ᐊᑐᕐᓗᒋᑦ ᓴᖅᑭᑕᐅᓯᒪᔪᑦ ᖃᐅᔨᒃᑲᐃᓐᓂᕐᒧᑦ ᑲᔪᓯᓂᐅᕙᒃᑐᓂᒃ.
ᑭᓇ ᐱᓕᕆᐊᒃᓴᖃᖅᐸ ᑐᓂᓯᓂᕐᒧᑦ ᖁᕝᕙᓯᒃᑐᒥᒃ ᐅᓗᕆᐊᓇᕈᓐᓇᖅᑐᓂᒃ ᐱᓕᕆᓂᕐᒧᑦ ᖃᐅᔨᒃᑲᐃᔾᔪᑎᓂᒃ?
ᐃᓄᒃ ᐱᓕᕆᐊᒃᓴᓕᒃ ᐃᖅᑲᓇᐃᔭᕐᕕᖕᒥ ᐱᓕᕆᔭᕆᐊᓕᒃ ᑐᓂᓯᓂᕐᒧᑦ ᖁᕝᕙᓯᒃᑐᒥᒃ ᐅᓗᕆᐊᓇᕈᓐᓇᖅᑐᓂᒃ ᐱᓕᕆᓂᕐᒧᑦ ᖃᐅᔨᒃᑲᐃᔾᔪᑎᒥᒃ. ᑖᓐᓇ ᐃᓄᒃ ᐅᕝᕙᓘᓐᓃᑦ ᓇᖕᒥᓂᕆᔭᐅᔪᖅ ᐃᓛᓐᓂᒃᑯᑦ ᑕᐃᔭᐅᓲᖅ “principal contractor” (ᑳᓐᑐᓛᒃᑐᓪᓗᐊᑕᖅ). ᑭᓯᐊᓂᓕ, ᐃᓄᒃ ᑐᓂᓯᓲᖅ ᖃᐅᔨᒃᑲᐃᔾᔪᑎᒥᒃ ᓇᖕᒥᓂᖃᖅᑎᐅᓇᔭᖅᑐᖅ ᑲᒻᐸᓂᐅᔪᒥᒃ, ᐃᖅᑲᓇᐃᔭᕐᕕᖕᒥ ᑲᒪᔨ, ᐱᓕᕆᐊᒥᒃ ᐊᐅᓚᑦᑎᔨ ᑲᒪᓂᐊᖅᑐᑦ ᐱᓕᕆᐊᓂᒃ, ᐅᕝᕙᓘᓐᓃᑦ ᐃᓄᒃ ᐃᓕᕆᐊᒃᓴᓕᒃ ᐊᑦᑕᕐᓇᖅᑕᐃᓕᒪᓂᖓᓂᒃ ᐃᖅᑲᓇᐃᔭᕐᕕᐅᑉ.
ᐃᖅᑲᓇᐃᔭᖅᑎᑦᑎᔨᐅᒍᕕᑦ ᐃᖅᑲᓇᐃᔭᓕᖅᑎᑦᑎᓯᒪᓗᑎᒃ ᑳᓐᑐᓛᒃᑎᓂᒃ ᐱᓕᕆᐊᖃᖁᓪᓗᖏᑦ ᐱᓕᕆᐊᒥᒃ, ᐃᖅᑲᓇᐃᔭᖅᕖᑦ ᐱᓕᕆᐊᒃᓴᓖᑦ ᑐᓂᓯᓗᑎᒃ ᖁᕝᕙᓯᒃᑐᒥᒃ ᐅᓗᕆᐊᓇᕈᓐᓇᖅᑐᓂᒃ ᐱᓕᕆᓂᕐᒧᑦ ᖃᐅᔨᒃᑲᐃᔾᔪᑎᒥᒃ ᑭᓯᐊᓂ ᑎᒃᑯᐊᖅᓯᓯᒪᒍᕕᑦ ᐱᓕᕆᐊᒃᓴᓕᖕᒥᒃ ᑳᓐᑐᓛᒃᑕᐅᒃᑲᓐᓂᐅᔭᖅᐸᒃᑐᒥᒃ ᑲᒪᔪᒥᒃ ᐱᓕᕆᐊᒥᒃ ᐊᑐᕐᓗᒍ ᐱᕆᓕᕆᐊᕐᓄᑦ ᑳᓐᑐᓛᒃ. ᑳᓐᑐᕌᖅᑎᓪᓗᐊᑕᐅᔪᖅ ᐸᓯᔭᔅᓴᐅᑎᑕᐅᔪᓐᓇᖅᑐᖅ ᐊᑖᒍᑦ ᑳᓐᑐᕌᖅᑎ ᒪᓕᓐᓂᖃᖏᒃᑯᓂ ᑖᔅᓱᒥᖓ ᒪᓕᒐᕐᒥᑦ. ᑕᐃᒪᐃᓐᓂᖓᓄᑦ, ᐱᐅᔫᓪᓗᓂ ᐱᐅᓯᐅᔪᖅ ᒪᓕᓪᓚᑦᑖᖁᓪᓗᖏᑦ ᐊᒻᒪ ᑎᑎᕋᖅᑕᐅᓯᒪᓗᑎᒃ ᑕᒻᒪᖅᓯᒪᙱᑦᑐᑦ ᐱᓕᕆᔾᔪᓰᑦ.
ᖃᓄᖅ ᑐᓂᓯᒍᓐᓇᖅᑯᖓ ᐃᑭᒍᓐᓇᖏᑦᑐᓂ ᐊᑦᑕᓇᖅᑐᓂᑦ ᑐᓴᖅᑎᑦᑎᒍᑎᒥᑦ?
ᓇᕿᒃᑯᖕᓂ ᖁᕝᕙᓯᒃᑐᒥᒃ ᐅᓗᕆᐊᓇᕈᓐᓇᖅᑐᓂᒃ ᐱᓕᕆᓂᕐᒧᑦ ᖃᐅᔨᒃᑲᐃᔾᔪᑎᒧᑦ ᓇᓗᓇᐃᒃᑯᑕᖅ, ᑐᕌᖅᑎᑕᐅᓂᐊᖅᐳᑎᑦ ᓂᕈᐊᒐᒃᓴᓄᑦ ᐱᓕᕆᔾᔪᑎᓄᑦ ᓂᕈᐊᕈᓐᓇᖁᓪᓗᑎᑦ ᓇᓕᐊᖕᓂᑐᐃᓐᓇᖅ “Demolition and Renovation” (ᐃᒍᒥᑎᕆᓂᖅ ᐊᒻᒪᓗ ᓄᑖᙳᕆᐊᕆᓂᖅ) ᐅᕝᕙᓘᓐᓃᑦ “Residential and Commercial Construction” (ᐊᖏᕐᕋᕆᔭᐅᔪᒥᒃ ᐊᒻᒪᓗ ᓂᐅᕐᕈᑎᖃᖅᐸᒃᑐᓄᑦ ᐃᒡᓗᓕᐅᕐᓂᖅ). ᑕᒪᐃᓐᓂᒃ ᐊᕕᒃᑐᖅᓯᒪᔪᑦ ᐃᓗᓕᖃᖅᑐᑦ ᐊᐱᔅᑑᔅᒥᒃ ᐱᓕᕆᐊᖑᑐᐃᓐᓇᕆᐊᓖᑦ ᓂᕈᐊᕐᕕᒋᔪᓐᓇᖅᑕᑎᑦ ᐃᓚᒋᔭᐅᓪᓗᑎᒃ ᑐᕌᒐᕆᔭᖏᓐᓄᑦ ᐱᓕᕆᐊᓄᑦ.
ᖃᓄᐃᓐᓂᐊᖅᐸ ᑐᓂᓯᒍᒪ ᖁᕝᕙᓯᒃᑐᒥᒃ ᐅᓗᕆᐊᓇᕈᓐᓇᖅᑐᓂᒃ ᐱᓕᕆᓂᕐᒧᑦ ᖃᐅᔨᒃᑲᐃᔾᔪᑎᒥᒃ?
ᑐᓂᓯᓯᒪᓕᕈᕕᑦ ᖁᕝᕙᓯᒃᑐᒥᒃ ᐅᓗᕆᐊᓇᕈᓐᓇᖅᑐᓂᒃ ᐱᓕᕆᓂᕐᒧᑦ ᖃᐅᔨᒃᑲᐃᔾᔪᑎᒥᒃ ᐊᑐᕐᓗᒍ WSCC Connect, ᖃᐅᔨᒃᑲᐃᔾᔪᑎᒥᒃ ᖃᕆᓴᐅᔭᒃᑯᑦ ᐃᕐᖐᓐᓈᖅᑕᐅᑎᒃᑯᑦ ᑎᑎᕋᕐᕕᐅᓂᐊᖅᑐᑎᑦ, ᐱᖃᓯᐅᔾᔨᓯᒪᓂᐊᖅᑐᑦ ᖁᕝᕙᓯᒃᑐᒥᒃ ᐅᓗᕆᐊᓇᕈᓐᓇᖅᑐᓂᒃ ᐱᓕᕆᓂᕐᒧᑦ ᖃᐅᔨᒃᑲᐃᔾᔪᑎᒧᑦ ᓈᓴᐅᑎᒥᒃ. ᐱᓕᕆᐊᑦ ᐱᒋᐊᕐᕕᒃᓴᖓ ᑎᑭᒃᑯᓂ, ᐅᓄᖅᑐᓕᐅᕐᓗᒍ ᑖᓐᓇ ᖃᐅᔨᒃᑲᐃᔾᔪᑎ ᐊᒻᒪᓗ ᓴᖅᑭᔮᖅᑎᓪᓗᒋᑦ ᐃᖅᑲᓇᕐᔭᕐᕕᒃᐱᑦ ᑐᓴᒐᒃᓴᖃᕐᕕᖓᓂ. ᐃᒪᓐᓈᖅᑐᐃᖕᒥᔪᒍᑦ ᑐᓂᓗᒍ ᐊᔾᔨᖓ ᖃᕆᓴᐅᔭᒃᑯᑦ ᐅᕝᕙᓘᓐᓃᑦ ᐅᓄᖅᑐᓕᐅᖅᓯᒪᔪᑎᒍᑦ ᐊᔾᔨᖓ.
ᖃᓄᑐᐃᓐᓇᖅ ᓄᑖᙳᕆᐊᕆᔭᕆᐊᖃᕈᕕᑦ ᖃᐅᔨᒃᑲᐃᔾᔪᑎᖕᓄᑦ (ᓲᕐᓗ ᐊᓯᔾᔨᕐᓗᒍ ᐱᓕᕆᐊᑉ ᐃᓱᓕᕝᕕᒃᓴᖓ), ᐃᓯᕐᓗᑎᑦ ᑕᐃᑯᖓ WSCC Connect ᐊᒻᒪ ᐅᒃᑯᐃᕐᓗᒍ ᖁᕝᕙᓯᒃᑐᒥᒃ ᐅᓗᕆᐊᓇᕈᓐᓇᖅᑐᓂᒃ ᐱᓕᕆᓂᕐᒧᑦ ᖃᐅᔨᒃᑲᐃᔾᔪᑎᓄᑦ ᐱᓕᕆᔾᔪᑎ. ᑕᐃᑲᓂ, ᓇᓂᓯᓂᐊᖅᑐᑎᑦ ᑎᑎᕋᖅᓯᒪᔪᓂᒃ ᑭᖑᓂᖔᑦᑎᓐᓂ ᐊᒻᒪ ᒫᓐᓇ ᖃᐅᔨᒃᑲᐃᔾᔪᑎᓂᒃ ᓇᖕᒥᓂᖁᑎᖕᓄᑦ. ᐅᒃᑯᐃᕐᓗᒍ ᖃᐅᔨᒃᑲᐃᔾᔪᑎ ᐋᖅᑭᒋᐊᕈᒪᔭᑦ, ᐊᓯᔾᔨᕆᐊᓖᑦ ᐊᓯᔾᔨᕐᓗᒋᑦ, ᐊᒻᒪ ᓇᖁᓪᓗᒍ “save” (ᐃᓕᓯᒪᐃᓐᓇᓕᕐᓕ). ᑐᓂᔭᐅᓂᐊᖅᑐᑎᑦ ᖃᐃᔨᒃᑲᐃᔾᔪᑎᒥᒃ ᖃᕆᓴᐅᔭᒃᑯᑦ ᐃᕐᖐᓐᓈᖅᑕᐅᑎᒃᑯᑦ ᓄᑖᙳᕆᐊᖅᑕᕐᓄᑦ. ᐅᓄᖅᑐᓕᐅᕐᓗᒋᑦ ᖃᓄᑐᐃᓐᓇᖅ ᓄᑖᙳᕆᐊᖅᑕᑎᑦ ᓴᖅᑭᓪᓗᒋᓪᓗ ᖃᕆᓴᐅᔭᒃᑯᑦ ᖃᐅᔨᒃᑲᐃᔾᔪᑎ ᐱᖃᓯᐅᑎᓗᒍ ᖃᐅᔨᒃᑲᐃᔾᔪᑎᐅᕐᖓᓚᐅᖅᑐᖅ.
ᐱᓕᕆᐊᑉ ᐃᓱᓕᕝᕕᐊ
ᑐᓂᔭᐅᓂᐊᖅᑐᑎᑦ ᖃᕆᓴᐅᔭᒃᑯᑦ ᐃᕐᖐᓐᓈᖅᑕᐅᑎᒃᑯᑦ ᖃᐅᔨᒃᑲᐃᔾᔪᑎᒥᒃ ᑕᓪᓕᒪᑦ ᐃᖅᑲᓇᐃᔭᕐᓇᑦ ᐅᓪᓗᐃᑦ ᐃᓱᓕᖅᑳᖅᑎᓐᓇᒍ ᐱᓕᕆᐊᑦ. ᐱᓕᕆᐊᖅ ᓱᓕ ᐱᓕᕆᐊᖑᒍᓂ, ᐱᒻᒪᕆᐅᔪᖅ ᐃᓯᕐᓗᑎᑦ WSCC Connect ᐊᒻᒪ ᓄᑖᙳᕆᐊᕐᓗᒍ ᕿᓚᒻᒥᐅᓛᒃᑯᑦ, ᐋᖅᑭᒋᐊᒃᑲᓐᓂᕈᓐᓇᐃᓪᓕᓂᐊᕋᖕᓂ ᐅᖃᖅᑕᐃᓯᒪᔪᖅ ᐃᓱᓕᕝᕕᒃ ᐅᓪᓗᖅ ᑎᑭᓯᒪᓕᕈᓂ.
ᑭᖑᓪᓕᖅᐹᖅ ᖃᐅᔨᒃᑲᐃᔾᔪᑎ ᖃᕆᓴᐅᔭᒃᑯᑦ ᐃᕐᖐᓐᓈᖅᑕᐅᑎᒃᑯᑦ ᐱᓕᕆᐊᑦ ᐃᓱᓕᒃᑯᓂ ᐅᓪᓗᐊ ᖄᖏᖅᓯᒪᓕᕈᓂ. ᑕᐃᒪᓕ ᐱᓕᕆᐊᑦ ᑲᔪᓯᕙᓪᓕᐊᖑᒍᓂ ᓱᓕ, ᑐᓂᓯᔭᕆᐊᖃᕐᓂᐊᖅᑐᑎᑦ ᓄᑖᒥᒃ ᖁᕝᕙᓯᒃᑐᒥᒃ ᐅᓗᕆᐊᓇᕈᓐᓇᖅᑐᓂᒃ ᐱᓕᕆᓂᕐᒧᑦ ᖃᐅᔨᒃᑲᐃᔾᔪᑎ, ᓴᖅᑮᓂᐊᖅᑐᑦ ᐱᓕᕆᐊᒧᑦ ᑭᖑᕙᕆᐊᕈᑎᓂᒃ.
ᐱᓕᕆᐊᕋ ᑎᑎᕋᖅᑕᐅᓯᒪᔪᓃᙱᒃᑯᓂᓕ, ᖃᓄᐃᓕᐅᕆᐊᖃᖅᐳᖔ?
ᐱᓕᕆᐊᕆᓂᐊᖅᑕᑦ ᑎᑎᕋᖅᓯᒪᔪᓃᙱᒃᑯᓂ ᐃᓚᖓᓐᓄᑦ ᖁᕝᕙᓯᒃᑐᒥᒃ ᐅᓗᕆᐊᓇᕈᓐᓇᖅᑐᒥᒃ ᐱᓕᕆᐊᓄᑦ ᑎᑎᕋᖅᓯᒪᔪᓄᑦ ᑕᐃᑲᓂ WSCC Connect ᐱᓕᕆᔾᔪᑎᒥ, ᑐᓂᓯᔭᕆᐊᖃᙱᑦᑐᑎᑦ ᖃᐅᔨᒃᑲᐃᑲᔾᔪᑎᒥᒃ. ᑭᓯᐊᓂᓕ, ᐊᑕᖏᖅᖢᒋᑦ ᐃᖅᑲᓇᐃᔭᕐᕖᑦ ᐱᓕᕆᐊᒃᓴᓖᑦ ᐊᑐᐃᓐᓇᐅᑎᑦᑎᓗᑎᒃ ᐋᓐᓂᐊᖃᖅᑕᐃᓕᒪᕐᓂᕐᒧᑦ ᐊᒻᒪ ᐊᑦᑕᕐᓇᖅᑕᐃᓕᒪᓂᕐᒧᑦ ᐃᖅᑲᓇᐃᔭᕐᕕᖕᓂᒃ ᐃᖅᑲᓇᐃᔭᖅᑎᖏᓐᓄᑦ.
ᑐᕌᒐᖏᑦ ᐱᓕᕆᐊᒪ ᐅᕝᕙᓘᓐᓃᑦ ᐱᓕᕆᐊᑉ ᖃᖓᒃᑰᓂᖏᑦ ᐊᓯᔾᔨᕈᑎᒃ ᑐᓂᕐᖓᓚᐅᖅᑕᓐᓂᑦ?
ᐃᓯᕈᓐᓇᖅᑐᑎᑦ WSCC Connect-ᒧᑦ ᖃᖓᑐᐃᓐᓇᖅ ᑕᑯᔪᒪᒍᕕᒋᑦ ᑎᑎᕋᖅᑕᐅᓯᒪᔪᓗᒃᑖᑦ ᑲᔪᓯᕙᓪᓕᐊᔪᑦ ᐊᒻᒪ ᑭᖑᓂᖔᑦᑎᓐᓂ ᖁᕝᕙᓯᒃᑐᒥᒃ ᐅᓗᕆᐊᓇᕈᓐᓇᖅᑐᓂᒃ ᐱᓕᕆᓂᕐᒧᑦ ᖃᐅᔨᒃᑲᐃᔾᔪᑎᓄᑦ. ᓇᓕᐊᖕᓄᑐᐃᓐᓇᖅ ᒫᓐᓇ ᖁᕝᕙᓯᒃᑐᒥᒃ ᐅᓗᕆᐊᓇᕈᓐᓇᖅᑐᓂᒃ ᐱᓕᕆᓂᕐᒧᑦ ᖃᐅᔨᒃᑲᐃᔾᔪᑎᓄᑦ, ᐋᖅᑭᒋᐊᕈᓐᓇᖅᑕᑦ ᐊᒻᒪ ᑐᓕᒃᑲᓐᓂᕐᓗᒋᑦ ᖃᓄᑐᐃᓐᓇᖅ ᖄᒃᑲᓐᓂᐊᒍᑦ ᑎᑎᕋᖅᓯᒪᔪᑦ, ᓇᓗᓇᐃᔭᐅᑏᑦ ᐱᓕᕆᐊᒥ ᐱᓕᕆᐊᖑᕙᓪᓕᐊᔪᑦ, ᐊᒻᒪ ᐅᓪᓗᐃᑦ ᐊᓯᔾᔨᐅᑏᑦ ᐊᑐᖅᑕᐅᔪᑦ ᑎᑭᓪᓗᒍ ᐱᔭᕇᖅᑕᐅᓇᓱᖕᓂᖓᓄᑦ ᐱᓕᕆᐊᑦ.
ᖃᓄᐃᑦᑑᓂᖏᑦ ᐱᓕᕆᐊᑦ ᐊᓯᔾᔨᕈᑎᒃ ᐅᕝᕙᓘᓐᓃᑦ ᐱᓕᕆᐊᑦ ᒪᑐᓕᒪᓕᖅᐸᑦ, ᑐᓂᓯᔭᕆᐊᖃᕐᓂᐊᖅᑐᑎᑦ ᓄᑖᒥᒃ ᖁᕝᕙᓯᒃᑐᒥᒃ ᐅᓗᕆᐊᓇᕈᓐᓇᖅᑐᓂᒃ ᐱᓕᕆᓂᕐᒧᑦ ᖃᐅᔨᒃᑲᐃᔾᔪᑎᒥᒃ.*
* ᐊᑏ ᐃᓱᒪᒌᓐᓇᕐᓂᐊᖅᐸᑦ ᖃᓄᑐᐃᓐᓴᖅ ᓄᑖᑦ ᖃᐅᔨᒃᑲᐃᔾᔪᑏᑦ ᑐᓂᔭᐅᓯᒪᔪᑦ ᑐᖔᓂ 30 ᐅᓪᓗᐃᑦ ᐱᒋᐊᖅᑕᐅᖅᑳᖅᑎᓐᓇᒍ ᐱᓕᕆᐊᖅ ᓴᖅᑮᓇᔭᖅᑐᑦ ᐱᓕᕆᐊᒥ ᑭᖑᕙᕆᐊᕈᑎᒥ.
