ᐃᖅᑲᓇᐃᔮᒧᑦ ᐅᑎᕐᓂᐊᖅᑎᓪᓗᒋᑦ ᐃᖅᑲᓇᐃᔭᕐᕕᒋᔭᐅᔪᓄᑦ (ᖃᐅᔨᒪᔭᐅᔭᕆᐊᓖᑦ)

ᖃᐅᔨᓴᖅᑕᐅᖃᑦᑕᖅᑐᑦ ᓇᓗᓇᕈᓐᓃᖅᑎᑦᑎᕗᑦ ᐃᑲᔪᖅᑕᐅᖃᑦᑕᖅᐸᑕ ᓴᓇᔩᑦ ᐃᖅᑲᓇᐃᔮᒥᓄᑦ ᐅᑎᕐᓂᐊᖅᑎᓪᓗᒋᑦ ᕿᓚᒻᒥᐅᓂᖅᐹᒃᑯᑦ ᐊᑦᑕᕐᓇᙱᓐᓂᖅᐹᒃᑯᓪᓗ ᐋᓐᓂᐊᕕᖕᒥᓗ ᑲᒪᒋᔭᐅᔪᓐᓇᖅᑐᓕᒫᑦ ᑲᒪᒋᔭᐅᑎᓪᓗᒋᑦ ᖃᓄᐃᑦᑐᓐᓃᖅᐸᓪᓕᐊᑎᓪᓗᒋᑦ ᐃᑲᔫᑕᐅᓲᖑᕗᖅ. ᐃᖅᑲᓇᐃᔮᒧᑦ ᐅᑎᕐᓂᐊᖅᑎᓪᓗᒋᑦ ᐱᓕᕆᐊᖑᔪᓐᓇᖅᐳᖅ ᓴᓇᔨ ᐱᓕᕆᐊᒃᓴᒥᓂᒃ ᐱᓕᕆᔪᓐᓇᖅᓯᒃᐸᑦ ᓈᒻᒪᒋᔭᖏᓐᓂᒃ ᓴᓇᑎᑕᐅᓗᓂ.

ᐅᕙᓂ ᑐᑭᓯᒋᐊᒐᒃᓴᓂᒃ ᑕᑯᓂᐊᖅᐳᑎᑦ ᐃᖅᑲᓇᐃᔮᒧᑦ ᐅᑎᕐᓂᐊᕐᓗᓂ ᐱᓕᕆᐊᓂᒃ, ᐋᖅᑭᒃᓯᒪᓂᖅᓴᑦ ᐃᖅᑲᓇᐃᔮᒧᑦ ᐅᑎᕐᓂᐊᕐᓗᓂ ᐱᓕᕆᐊᓂᒃ, ᐊᒻᒪᓗ ᐃᖅᑲᓇᐃᔮᒧᒃ ᐅᑎᕐᓂᐊᕐᓗᓂ ᐱᔾᔪᑎᓕᖕᓂᒃ ᑕᑕᑎᕆᐊᓕᖕᓂᒃ, ᓇᓗᓇᐃᔭᐅᑎᓂᒃ, ᐃᑲᔫᑎᒃᓴᓂᒡᓗ ᐃᖅᑲᓇᐃᔭᕐᕕᒋᔭᐅᔪᓄᑦ.

ᐃᖅᑲᓇᐃᔮᒧᑦ ᐅᑎᕐᓂᐊᕐᓗᓂ ᐃᑲᔫᑎᒃᓴᖃᐅᑦᑎᐊᖅᑐᖅ ᐃᖅᑲᓇᐃᔭᕐᕕᒋᔭᐅᔪᓄᑦ

  • ᐸᐸᑦᑎᓲᑦ ᐱᓕᕆᓕᒪᑦᑎᐊᖅᑐᓂᒃ, ᐊᔪᙱᑦᑎᐊᖅᑐᓂᒃ, ᐊᒻᒪ ᖃᐅᔨᒪᑦᑎᐊᖅᑐᓂᒃ ᐃᖅᑲᓇᐃᔭᖅᑎᓂᒃ ᓴᓇᕝᕕᖕᒥ;
  • ᑮᓇᐅᔭᑎᒍᑦ ᐊᑭᖏᑦ ᐃᑲᔫᑎᑦ (ᐱᕕᒃᓴᕆᔭᒧᑦ ᐊᓯᐅᔨᔭᐅᔪᑦ, ᐱᕙᓪᓕᐊᓂᕆᔭᐅᔪᑦ, ᓴᓈᖅᑖᖅᑎᑦᑎᒃᑲᓐᓂᕐᓂᕐᒧᑦ, ᐃᓕᓐᓂᐊᕈᑎᓄᑦ ᐊᑭᒋᔭᓄᑦ, ᐊᓯᖏᓐᓄᓪᓗ);
  • ᒪᓕᒐᓕᐊᙳᖁᔭᓯ ᐱᓕᕆᐊᖑᑦᑎᐊᕈᓐᓇᖅᐳᑦ, ᐃᖅᑲᓇᐃᔭᕐᕕᒋᔭᐅᑎᓪᓗᑎᑦ;
  • ᐱᐅᓯᕚᓪᓕᕈᑕᐅᔪᓐᓇᖅᐳᖅ ᓴᓇᔨᓂᒃ ᐱᓇᔪᒍᓐᓇᕐᓂᕆᔭᐅᔪᓄᑦ ᐊᒻᒪ ᐱᓕᕆᖃᑎᒌᒍᓯᕐᓄᑦ; ᐊᒻᒪ
  • ᓇᓗᓇᐃᖅᓯᔾᔪᑕᐅᓗᓂ ᐃᖅᑲᓇᐃᔭᖅᑎᑦ ᐱᒻᒪᕆᐅᓂᖏᓐᓂᒃ.

ᖃᐅᔨᒋᐊᕐᕕᒋᓗᒋᑦ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᐃᖅᑲᓇᐃᔭᖅᑎᑦᑎᔨᓂᒃ ᐃᑲᔪᖅᓱᖅᑐᓕᔨᖏᑦ ᐊᐱᖅᑯᓯᒃᓴᖃᕈᕕᑦ ᐅᕝᕙᓘᓐᓃᑦ ᐃᑲᔪᖅᑕᐅᔭᕆᐊᖃᕈᕕᑦ.