ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᐱᔨᑦᑎᕋᐅᑎᖏᓐᓄᑦ ᓄᑖᖑᓛᑦ

ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑎᑦ (WSCC) ᑎᑎᕋᕐᕕᖏᑦ ᒪᑐᓯᒪᔪᑦ ᐊᒻᒪᓗ ᐃᖅᑲᓇᐃᔭᖅᑎᖏᑦ ᐊᖏᕐᕋᖏᓐᓂᒃ ᐱᓕᕆᐊᖃᖅᖢᑎᒃ. ᐱᔨᑦᑎᕋᐅᑎᕗᑦ ᐊᑐᐃᓐᓇᐅᔪᑦ ᓱᓕ ᖃᕋᓴᐅᔭᒃᑯᑦ ᐊᒻᒪ ᐅᖄᓚᐅᑎᑎᒍᑦ. ᑕᑯᒋᐊᕐᓗᒍ ᓄᕙᒡᔪᐊᕐᓇᖅ-19-ᒧᑦ ᒪᒃᐱᒐᖅ ᐱᔨᑦᑎᕋᐅᑎᓄᑦ ᐱᒻᒪᕆᖕᓂ ᑕᑯᔪᓐᓇᕐᓂᐊᕋᕕᑦ ᓄᑖᖑᓛᓂᒃ, ᐊᒻᒪᓗ ᓄᕙᒡᔪᐊᕐᓇᖅ-19 ᐃᑲᔫᑎᒃᓴᓄᑦ ᒪᒃᐱᒐᖅ ᐃᖅᑲᓇᐃᔭᕐᕕᖕᓄ ᐃᑲᔫᑎᐅᔪᓐᓇᖅᑐᓄᑦ.

ᐃᖅᑲᓇᐃᔭᖅᑎᓄᑦ ᐊᑦᑕᕐᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᐊᒃᑐᐊᓂᕆᔭᖓ

ᐃᖅᑲᓇᐃᔭᖅᑎᓄᑦ ᐊᑦᑕᕐᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᐊᒃᑐᐊᓂᕆᔭᖓ ᖃᕋᓴᐅᔭᒃᑯᑦ−ᓇᖕᒥᓂᕆᔭᐅᔪᓕᕆᓂᐅᕗᖅ ᐱᔨᑦᑎᕋᕐᓂᒃᑯᑦ ᐋᖅᑭᒃᑕᐅᓯᒪᔪᖅ WSCC−ᒃᑯᓐᓄᑦ ᐱᓕᕆᖃᑦᑕᖅᓯᒪᓂᕆᔭᐅᔪᑦ ᐊᔪᕐᓇᙱᓐᓂᖅᓴᒃᑯᑦ!

ᐃᖅᑲᓇᐃᔭᖅᑎᓄᑦ ᐊᑦᑕᕐᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᐊᒃᑐᐊᓂᕆᔭᖓ ᐱᔪᓐᓇᖅᑎᑦᑎᓲᖅ ᐃᖅᑲᓇᐃᔭᕐᕕᐅᔪᓂᑦ ᐊᑐᓕᕈᓐᓇᖅᑎᑦᑎᓂᕐᒥᒃ ᖃᐅᔨᒋᐊᕐᕕᖃᕆᐊᖃᖅᑐᖃᖅᐸᑦ WSCC−ᒃᑯᓐᓂᑦ. ᐅᖄᓚᙱᖔᕐᓗᑎᑦ, ᖃᕋᓴᐅᔭᒃᑯᓪᓘᓐᓃᑦ, ᐅᕝᕙᓘᓐᓃᑦ ᑲᑎᑲᖃᑎᖃᙱᖔᕐᓗᑎᑦ ᐅᕙᑦᑎᓐᓂᒃ ᐱᐊᓂᒃᓯᓂᕐᒧᑦ ᐱᓕᕆᐊᕆᖁᔭᐅᔪᓂᑦ, ᐊᑐᕈᓐᓇᖅᑕᑦ WSCC Connect ᓱᒃᑲᔪᒃᑯᑦ ᐱᔨᑦᑎᕋᖅᑕᐅᑲᐅᑎᒋᓂᖅᑕᖃᓕᖅᑐᖅ.

ᖃᕋᓴᐅᔭᒃᑯᑦ−ᐱᔨᑦᑎᕋᖅᑕᐅᓃᑦ ᐃᓚᖃᖅᐳᑦ

  • ᐊᑎᓕᐅᖅᑕᐅᑎᓚᐅᕈᒃ ᓇᖕᒥᓂᖁᑎᑦ ᐱᓕᕆᐊᖁᑎᑦ: ᑐᓂᓗᒋᑦ ᑐᒃᓯᕋᐅᑎᑦ ᐅᑯᓄᖓ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ (WSCC) ᐊᑎᓕᐅᖅᑕᐅᖁᓪᓗᒍ ᓴᓇᕕᖁᑎᑦ ᐊᑭᓕᖅᑕᐅᔪᓐᓇᖁᓪᓗᒍ.
  • ᑎᑎᕋᖅᐸᓪᓕᐊᓂᖅ ᑮᓇᐅᔭᒃᓴᓕᕆᓂᕐᒥᑦ: ᑐᓐᓂᖅᑯᑎᖃᕐᓂᖅ ᐋᖅᑭᒋᐊᖅᓯᓂᕐᓗ ᐊᕐᕌᒍᑕᒫᖅᓯᐅᑎᑦ ᑮᓇᐅᔭᒃᓴᓕᕆᓂᕐᒧᑦ ᑎᑎᕋᖅᓯᒪᔪᑦ ᖃᕋᓴᐅᔭᒃᑯᑦ.
  • ᓄᑖᙳᕆᐊᖅᑎᓪᓗᒍ ᐱᓕᕆᐊᖃᕈᓐᓃᕐᓂᐊᕐᓂᖅ: ᐋᖅᑭᒃᓱᐃᑲᐅᖅᑐᕐᓗᑎᑦ ᓇᖕᒥᓂᖅ ᐱᓕᕆᐊᖃᕈᓐᓃᕐᓂᐊᕐᓂᕐᓄᑦ ᑎᑎᖅᑲᕐᒥᑦ.
  • ᕿᒥᕐᕈᓗᒋᑦ ᖃᐅᔨᓴᖅᑕᐅᓂᕐᒧᑦ ᐊᑭᓕᐊᕆᔭᐅᔪᑦ: ᕿᒥᕐᕈᒃᑭᑦ ᒫᓐᓇᐅᔪᖅ ᐊᒻᒪ ᐊᑐᖅᑕᐅᕙᒃᑐᑐᖃᕕᓃᑦ ᖃᐅᔨᓴᖅᑕᐅᓂᕐᒧᑦ ᐊᑭᓕᐊᕆᔭᐅᔪᑦ, ᐅᕝᕙᓘᓐᓃᑦ ᕿᒥᕐᕈᓗᒍ WSCC−ᒃᑯᑦ ᑕᒪᐃᓐᓄᑦ ᐊᑭᓕᐅᑎᓄᑦ ᐊᑐᐊᖅᓯᔾᔪᑦ.
  • ᐊᑭᓕᖅᓱᐃᓗᑎᑦ: ᐊᑭᓕᖅᓱᕐᓗᒍ ᐃᖅᑲᓇᐃᔭᕐᕕᒋᔭᕐᐱᑦ ᕿᒥᕐᕈᓂᕐᒧᑦ ᐊᑭᓕᐅᑎᒃᓴᖏᑦ ᖃᕋᓴᐅᔭᒃᑯᑦ ᐅᕝᕙᓘᓐᓃᑦ ᐋᖅᑭᒃᓯᓗᑎᑦ ᐊᑭᓖᕙᒌᕈᑎᒃᓴᓂᒃ.
  • ᑎᑎᕋᖅᓯᒪᔪᑦ: ᑕᑯᓇᒃᑭᑦ ᐊᑭᓕᐅᑎᑎᑦ ᐊᒻᒪ ᐊᑭᓕᖅᓱᖅᑕᐅᕝᕕᒃᐱᑦ ᐃᓂᒃᓴᖏᑦ.
  • ᓇᓗᓇᐃᕐᓗᒋᑦ ᐊᑦᑕᕐᓇᖅᑐᑦ ᐃᖅᑲᓇᐃᔭᕐᕕᖕᒥ: ᓇᓗᓇᐃᕐᓗᒋᑦ ᖁᐊᖅᓵᕐᓇᕐᓂᖏᑦ ᐅᕝᕙᓘᓐᓃᑦ ᐊᑦᑕᕐᓇᙱᓐᓂᕐᒧᑦ ᐃᖅᑲᓇᐃᔭᕐᕕᖕᒥ ᐊᑐᖅᑕᐅᕙᒃᑐᑦ WSCC−ᒃᑯᓐᓄᑦ.
  • ᐱᔪᓐᓇᐅᑏᑦ: ᐅᔭᕋᖕᓂᐊᖅᑐᓕᕆᓂᕐᒧᑦ ᐱᔪᓐᓇᐅᑎᑖᕐᓗᑎᑦ.
  • ​ᑮᓇᐅᔭᒃᑯᕕᖕᒥ ᐊᐅᓚᑦᑎᓂᖅ: ᓄᑖᙳᕆᐊᖅᑎᓪᓗᒍ ᐃᖅᑲᓇᐃᔭᕐᕕᒋᔭᖅᐱᑦ ᖃᐅᔨᒋᐊᕐᕕᒃᓴᖏᑦ ᐊᒻᒪ ᖃᓄᐃᓕᖓᓕᕐᓂᖓᓄᑦ ᑐᓴᐅᒪᔾᔪᑎᖏᑦ.
  • ᐃᖅᑲᓇᐃᔭᖅᑎᖁᑎᓕᖕᓄᑦ ᐅᓂᒃᑳᓕᐊᖓᓂ ᖃᓄᐃᓐᓂᐅᔪᒥ: ᐅᓂᒃᑲᐅᓯᕆᓗᒋᑦ ᖃᓄᐃᓐᓂᐅᔪᒥ, ᐋᓐᓂᕐᓂᐅᔪᒥᑦ ᐅᕝᕙᓘᓐᓃᑦ ᐅᓗᕆᐊᓇᖅᑐᒥ ᖃᓄᐃᓐᓂᐅᔪᒥᑦ. ᐱᔭᕇᕈᕕᑦ ᐊᒻᒪᓗ ᑐᓂᓗᒍ ᑐᓴᒐᒃᓴᓕᐊᖕᓂᑦ ᐱᓂᐊᖅᐳᑎᑦ ᖃᕋᓴᐅᔭᑎᒍᑦ ᓇᒃᓯᐅᔾᔭᐅᔪᒥ ᐊᔾᔨᖓᓂ ᐅᓂᒃᑳᓕᐊᒥ.
  • ᑮᓇᐅᔭᒃᑯᕕᖕᓂᑦ ᖃᓄᐃᓕᐅᕐᓂᐅᔪᑦ ᐊᒻᒪᓗ ᑮᓇᐅᔭᑦ ᐅᓂᒃᑳᖏᑦ (ᐱᒋᐊᕐᓗᒍ ᔮᓐᓄᐊᕆ 2022): ᖃᐅᔨᒋᐊᕐᓗᒍ ᖃᓄᑎᒋᑦ ᑮᓇᐅᔭᖃᕐᒪᖔᖅᐱᑦ ᐊᒻᒪᓗ ᑕᑯᓗᒋᑦ ᐃᖅᑲᓇᐃᔭᖅᑎᑦᑎᔩᑦ ᑕᖅᑭᑕᒫᖅᓯᐅᑎᖏᑦ ᑮᓇᐅᔭᑦ ᐅᓂᒃᑳᖏᑦ ᖃᕆᓴᐅᔭᒃᑯᑦ. ᐸᐃᑉᐹᓂᒃ ᐊᑐᕈᓐᓃᕐᓗᓯ! ᐊᑎᓕᐅᖅᓯᒪᓕᕈᕕᑦ ᓇᒃᓯᐅᔾᔨᕕᐅᖃᑦᑕᕐᓂᕐᒧᑦ ᖃᕆᓴᐅᔭᒃᑯᑦ ᐃᕐᖐᓐᓈᕈᓐᓇᐅᑎᒃᑯᑦ ᖃᐅᔨᒃᑲᐃᔾᔪᑎᒧᑦ ᑕᐃᒃᑯᐊ ᑮᓇᐅᔭᑦ ᐅᓂᒃᑳᖏᑦ ᐊᑐᐃᓐᓇᐅᓕᕐᓂᖏᓐᓂᒃ, ᓇᒃᓯᐅᔾᔨᕕᐅᖃᑦᑕᕈᓐᓃᕐᓂᐊᖅᑐᑦ ᐸᐃᑉᐹᓂᒃ ᑮᓇᐅᔭᑦ ᐅᓂᒃᑳᖏᓐᓂᒃ ᑎᑎᖅᑲᒃᑯᕕᒃᑯᑦ.

ᐊᑐᕈᓐᓇᖅᓯᒍᒃ ᐃᖅᑲᓇᐃᔭᖅᑎᓄᑦ ᐊᑦᑕᕐᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᐊᒃᑐᐊᓂᕆᔭᖓ ᐅᓪᓗᒥ!