ᑭᓲᖕᒪ ᐋᓐᓂᐊᖃᕐᓇᙱᑦᑐᓕᕆᓂᕐᒥᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ ᐱᓕᕆᐊᖑᖅ?
ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᖅᑕᐃᓕᒪᓂᕐᒥᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ (OHS) ᐱᓕᕆᐊᒃᓴᖅ ᐃᓚᖃᖅᐳᖅ ᐸᕐᓇᐅᑎᓂᑦ, ᐱᓕᕆᔾᔪᓯᐅᔪᓂᑦ, ᐅᓂᒃᑳᕆᐊᖃᕐᓂᕐᒧᑦ ᐃᑲᔫᑎᒃᓴᓂᑦ, ᐊᒻᒪᓗ ᑎᑎᕋᖅᓯᒪᔪᓂᒃ ᐸᐸᑦᑎᖃᑦᑕᕐᓂᕐᒥᑦ. ᑲᒻᐸᓂᐅᔪᖅ ᑕᐃᒪᐃᑦᑐᒥᑦ ᐋᖅᑭᒃᓱᐃᓯᒪᓕᖅᐸᑕ, ᖃᐅᔨᒪᑦᑎᐊᕆᐊᕈᑕᐅᓲᖅ ᐊᐅᓚᑦᑎᓂᐅᔪᑦ ᑲᔪᓯᑎᑕᐅᔪᑦ ᐊᑦᑕᕐᓇᙱᑦᑐᒃᑯᑦ, ᐋᓐᓂᐊᖃᕐᓇᙱᑦᑐᒃᑯᑦ ᐊᔪᙱᓐᓂᓕᒫᖏᓐᓂᒃ.
ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᕐᓇᙱᑦᑐᓕᕆᓂᕐᒥᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ ᐸᕐᓇᐃᓂᖅ ᐱᒻᒪᕆᐅᔪᖅ ᐃᕝᕕᑦ ᐃᖅᑲᓇᐃᔭᖅᑎᑎᓪᓗ ᐊᑦᑕᕐᓇᖅᑐᒦᓂᐊᖏᓐᓇᔅᓯ, ᐱᐅᔫᒻᒥᔪᖅ ᐊᑐᐃᓐᓇᐅᔭᕐᓗᒍ ᐊᒻᒪᓗ ᑮᓇᐅᔭᖅᑖᕋᓱᐊᖅᑐᓄᑦ ᐊᑭᑭᓐᓂᖅᓴᐅᓕᕋᔭᖅᑐᖅ.
ᐃᖅᑲᓇᐃᔭᕐᕖᑦ ᐃᕝᕕᑦ ᖃᐅᔨᒪᑦᑎᐊᕆᒐᕕᐅᒃ!
ᐃᖅᑲᓇᐃᔭᕐᕕᓕᒫᑦ ᐊᔾᔨᒌᙱᑦᑐᓂᑦ ᐱᖃᕆᐊᖃᓲᖑᒻᒪᑕ ᐊᑦᑕᕐᓇᔾᔭᐃᖅᓯᒪᓂᕐᒧᑦ ᐸᕐᓇᐃᓂᕐᒥᑦ – ᐱᑕᖃᙱᑦᑐᖅ “ᐊᑕᐅᓯᕐᒥᑦ ᐊᑕᖏᖅᑐᒨᖓᔪᒥᑦ” ᐱᓕᕆᔾᔪᓯᕐᒥᑦ ᐊᑦᑕᕐᓇᔾᔭᐃᖅᓯᒪᓂᕐᒧᑦ ᐸᕐᓇᐃᓂᕐᒥᑦ. ᖃᓄᐃᑦᑑᒐᓗᐊᕈᓂ, ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᖅᑕᐃᓕᒪᓂᕐᒥᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ ᐱᓕᕆᒃᓴᕆᔭᐃᑦ ᓴᖅᑮᓪᓗᐊᖅᑐᖅ ᐊᒻᒪᓗ ᐱᓯᒪᑦᑎᓪᓗᑎᑦ ᐸᕐᓇᐅᒻᒥᑦ ᐃᓕᓐᓄᑦ ᖃᓄᐃᓐᓂᐊᕐᒪᖔᖅᐱᑦ:
- ᑐᑭᓕᐅᕆᓇᔭᕐᒪᖔᖅᐱᑦ ᐊᑦᑕᓇᖅᑐᒦᑎᑦᑎᑦᑕᐃᓕᒪᓂᕐᒧᑦ ᐱᓕᕆᐊᒃᓴᕆᔭᕐᓂᒃ.
- ᓇᓗᓇᐃᖅᓯᓇᔭᕐᒪᖔᖅᐱᑦ ᐊᒻᒪᓗ ᐊᐅᓚᑦᑎᓇᔭᕐᒪᖔᖅᐱᑦ ᐅᓗᕆᐊᓇᖅᑐᓂᒃ.
- ᖃᐅᔨᑎᒋᐊᕐᓗᒋᑦ ᐊᒻᒪᓗ ᐃᓕᓐᓂᐊᖅᑎᓪᓗᒋᑦ ᐃᖅᑲᓇᐃᔭᖅᑎᐅᔪᑦ.
- ᖃᐅᔨᓴᕐᓗᒋᑦ ᐃᖅᑲᓇᐃᔭᕐᕕᖕᒥᑦ ᖃᓄᐃᓐᓂᐅᔪᓂᑦ, ᐋᓐᓂᕐᓂᐅᔪᓂᑦ, ᐊᒻᒪᓗ ᐊᑦᑕᕐᓇᕐᓂᖓᓄᑦ ᐃᖅᑲᓇᐃᔭᕈᒪᙱᑦᑐᓄᑦ.
- ᓇᐅᑦᑎᖅᓱᕐᓂᕐᒥᑦ ᐋᓐᓂᐊᖃᕐᓇᙱᑦᑐᓕᕆᓂᕐᒥᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ ᐊᑲᐅᙱᓕᐅᕈᑕᐅᔪᖅs ᐊᒻᒪᓗ ᖃᓄᐃᓕᐅᕈᑏᑦ ᐃᕝᕕᑦ ᓇᖕᒥᓂᕆᔭᖓᓂ.
ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᖅᑕᐃᓕᒪᓂᕐᒥᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ ᐱᓕᕆᐊᒃᓴᕆᔭᐃᑦ ᑭᓱᖃᕆᐊᖃᕐᒪ?
ᐃᓚᖏᓐᓂᒃ ᐃᖅᑲᓇᐃᔭᕐᕕᖕᒥᑦ ᐊᑦᑕᕐᓇᔾᔭᐃᖅᓯᒪᓂᕐᒧᑦ ᐱᓕᕆᐊᖑᔪᑦ ᐱᑕᖃᕆᐊᓖᑦ ᒪᓕᒐᑦᑎᒍᑦ, ᐃᓚᒋᓕᐅᒃ ᑎᑎᕋᖅᓯᓂᕐᒥᑦ ᖃᐅᔨᓴᕐᓂᐅᔪᓂᑦ, ᐊᑦᑕᕐᓇᙱᑦᑐᒥ ᐱᓕᕆᔾᔪᓯᐅᔪᓂᑦ, ᐊᒻᒪᓗ ᐅᓗᕆᐊᓇᖅᑐᖃᕐᒪᖔᑦ ᖃᐅᔨᓴᕐᓂᕐᒥᑦ.
ᑭᓱᓂᑦ ᐱᒋᐊᖃᕐᒪᖔᖅᐱᑦ ᐊᑦᑕᕐᓇᔾᔭᐃᖅᓯᒪᓂᕐᒧᑦ ᐱᓕᕆᐊᒃᓴᕐᓄᑦ ᓇᓗᓇᐃᖅᑕᐅᔪᖅ ᖃᔅᓯᐅᒻᒪᖔᑦᑕ ᐃᖅᑲᓇᐃᔭᖅᑎᐅᔪᑦ ᐃᕝᕕᑦ ᐃᖅᑲᓇᐃᔭᕐᕕᖓᓂ (ᑐᖔᓂᓘᓐᓃᑦ ᐅᕝᕙᓘᓐᓃᑦ ᐅᖓᑖᓂ ᐊᕙᑏᑦ ᐃᖅᑲᓇᐃᔭᖅᑏᑦ), ᐊᒻᒪᓗ ᐅᓗᕆᐊᓇᕐᓂᖓᓂ ᑐᕌᖓᔪᒥᑦ ᐃᖅᑲᓇᐃᔮᓄᑦ ᐱᓕᕆᐊᖑᔪᓂᑦ. ᑕᐃᒫᒃ ᐱᒻᒪᕆᐅᔪᖅ ᑐᑭᓯᐅᒪᓂᕐᒥᑦ ᐅᓗᕆᐊᓇᖅᑐᓂᑦ ᐃᖅᑲᓇᐃᔭᖅᑏᑦ ᓴᖅᑭᔮᕐᕕᐅᑐᐃᓐᓇᕆᐊᓕᖕᓂᑦ ᐃᕝᕕᑦ ᐃᖅᑲᓇᐃᔭᕐᕕᖓᓂ, ᑐᕌᖓᓕᕈᑕᐅᒐᔭᕐᖓᑦ ᖃᓄᖅ ᐋᖅᑭᒃᓱᐃᓂᐊᕐᒪᖔᖅᐱᑦ ᐊᑦᑕᕐᓇᔾᔭᐃᖅᓯᒪᓂᕐᒧᑦ ᐱᓕᕆᐊᒃᓴᕆᔭᕐᓂᑦ.
