ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᐱᔨᑦᑎᕋᐅᑎᖏᓐᓄᑦ ᓄᑖᖑᓛᑦ

ᑕᒪᕐᒥ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᕐᑏᑦ ᑎᑎᕋᕐᕕᖏᑦ ᒪᑐᐃᖓᔪᑦ  ᐋᓐᓂᐊᖃᕐᓇᙱᑦᑐᓕᕆᓂᕐᒥᒃ ᐊᒻᒪ ᐊᑦᑕᓇᔾᔭᐃᖅᓯᒪᓂᕐᒥᒃ ᐱᓕᕆᐊᓂᒃ ᐊᑐᖅᖢᑎᒃ. ᐱᔨᑦᑎᕋᖅᑕᐅᕙᒃᑐᑦ ᐃᓂᒃᓴᓕᐅᖅᐸᒌᖅᐸᒡᓗᑎᒃ ᐅᐸᓚᐅᙱᓐᓂᖏᓐᓂᒃ. ᑕᑯᒋᐊᕐᓗᒍ ᓄᕙᒡᔪᐊᕐᓇᖅ-19-ᒧᑦ ᒪᒃᐱᒐᖅ ᐱᔨᑦᑎᕋᐅᑎᓄᑦ ᐱᒻᒪᕆᖕᓂ ᑕᑯᔪᓐᓇᕐᓂᐊᕋᕕᑦ ᓄᑖᖑᓛᓂᒃ, ᐊᒻᒪᓗ ᓄᕙᒡᔪᐊᕐᓇᖅ-19 ᐃᑲᔫᑎᒃᓴᓄᑦ ᒪᒃᐱᒐᖅ ᐃᖅᑲᓇᐃᔭᕐᕕᖕᓄ ᐃᑲᔫᑎᐅᔪᓐᓇᖅᑐᓄᑦ.

ᐃᓐᓇᓵᑦ ᐃᖅᑲᓇᐃᔭᖅᑏᑦ ᐱᔭᕇᕈᑎᑖᕈᑎᒥᑦ ᐃᓕᓐᓂᐊᕈᑎ

ᑎᑭᓛᓕᖅᑐᑦ ᐃᓄᑦᑎᑑᖓᔪᑦ

ᐊᑎᓕᐅᕆᑦ ᐅᓪᓗᒥ!

ᐅᓇ ᐃᑲᕐᕌᓐᓂᒃ ᒪᕐᕉᓐᓂᒃ ᖃᕋᑕᐅᔭᒃᑯᑦ ᐃᓕᓐᓂᐊᕈᑎᐅᔪᖅ ᓴᓇᔭᐅᓯᒪᔪᖅ ᐅᐸᓗᖓᐃᔭᐅᑎᐅᖁᓪᓗᒍ ᐃᓐᓇᓵᓄᑦ ᐃᖅᑲᓇᐃᔭᖅᑎᓄᑦ ᐃᓗᓕᖏᓐᓂᑦ ᓱᓇᑐᐃᓐᓇᕐᓂᑦ ᑐᑭᓯᐅᒪᖁᔭᐅᑦᑎᐊᖅᑐᑎᒃ ᐃᖅᑲᓇᐃᔭᕐᕕᓐᓂ ᐊᑦᑕᓇᑦᑕᐃᓕᒪᓂᕐᒥᑦ ᐊᒻᒪ ᐱᔪᓐᓇᐅᑎᖏᓐᓂᑦ ᐊᒻᒪ ᐃᑉᐱᒋᔭᒐᖏᓐᓂᑦ ᐱᓕᕆᔾᔪᑎᒍᑦ ᐃᖅᑲᓇᐃᔭᖅᑎᐅᓂᖏᑦ ᐱᓪᓗᒋᑦ.

ᐅᓇ ᐃᓕᓐᓂᐊᕈᑎ ᑭᖑᕝᕕᐅᑎᐅᖕᖏᑦᑐᖅ ᐃᖅᑲᓇᐃᔭᕐᕕᓐᓂ ᐱᓪᓗᐊᑕᓂᑦ ᐱᓕᒻᒪᑦᓴᐅᑏᓂᑦ, ᑭᓯᐊᓂ ᐱᑕᖃᖅᑎᑦᑎᔾᔪᑎᐅᔪᖅ ᑕᖏᖃᑦᑎᐊᖅᑐᒥᑦ ᑐᖕᖓᓂᐅᔪᒥᑦ ᓴᖕᖏᓂᖃᑦᑎᐊᖅᑐᒥᑦ ᐊᑦᑕᓇᑦᑕᐃᓕᒪᓂᕐᒥᑦ ᐃᓕᖅᑯᓯᑦᓴᓂᑦ. ᐱᒋᐊᕈᑎᐅᓂᐊᖅᑐᖅ ᓇᓗᓇᐃᔭᕐᓯᒪᓂᕐᓴᐅᔪᓂᑦ ᐃᖅᑲᓇᐃᔭᕐᕕᓐᓂ ᐱᓕᒻᒪᑦᓴᐃᑎᓄᑦ ᐋᖅᑭᑦᓱᐃᔾᔪᑎᐅᒐᔭᖅᑐᓂᑦ ᐃᓐᓇᓵᓂᑦ ᐃᖅᑲᓇᐃᔭᖅᑎᓂᑦ ᓯᕗᒧᐊᑦᑎᓪᓗᒋᑦ ᑲᔪᓯᔾᔪᑎᐅᔪᓐᓇᓯᐊᖅᑐᓂᑦ.

ᐃᖅᑲᓇᐃᔭᖅᑏᑦ ᐱᑎᑕᐅᒐᔭᖅᑐᑦ ᐱᔭᕇᕈᑎᒥᑦ ᑲᔪᓯᑦᓯᐊᕐᓗᑎᒃ ᐱᔭᕇᕈᑎᒃ, ᑐᖅᑯᖅᑕᐅᓯᒪᔪᓐᓇᖅᑐᒥᑦ ᐃᓚᒋᔭᐅᓗᓂ ᑎᑎᕋᖅᑕᐅᕙᓪᓕᐊᔪᓄᑦ ᐱᓕᒻᒪᓴᖅᑕᐅᓯᒪᔪᓂᑦ.