ᓄᕙᒡᔪᐊᕐᓇᖅ-19 (COVID-19) ᓄᑖᖑᓛᖅ ᑐᓴᒐᒃᓴᖅ

ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᑎᑎᕋᕐᕕᖏᑦ ᐃᖃᓗᖕᓂᑦ ᐊᒻᒪ ᐃᓅᕕᒃᒥᑦ ᒪᑐᐃᖓᓕᕐᑐᑦ ᑭᒃᑯᑐᐃᓐᓇᕐᓄᑦ. ᔭᓗᓇᐃᒥ ᑎᑎᕋᕐᕕᒃ ᒪᑐᐃᒃᑲᓐᓂᓛᖅᑐᖅ ᐅᓗᕆᐊᓇᕈᓐᓃᖅᑎᑕᐅᓚᐅᕐᑎᓪᓗᒋᑦ ᑎᑎᕋᕐᕕᒃᓴᕆᓂᐊᕐᑕᕗᑦ. ᑕᑯᒋᐊᕐᓗᒍ ᓄᕙᒡᔪᐊᕐᓇᖅ-19-ᒧᑦ ᒪᒃᐱᒐᖅ ᐱᔨᑦᑎᕋᐅᑎᓄᑦ ᐱᒻᒪᕆᖕᓂ ᑕᑯᔪᓐᓇᕐᓂᐊᕋᕕᑦ ᓄᑖᖑᓛᓂᒃ, ᐊᒻᒪᓗ ᓄᕙᒡᔪᐊᕐᓇᖅ-19 ᐃᑲᔫᑎᒃᓴᓄᑦ ᒪᒃᐱᒐᖅ ᐃᖅᑲᓇᐃᔭᕐᕕᖕᓄ ᐃᑲᔫᑎᐅᔪᓐᓇᖅᑐᓄᑦ.

ᐲᖅᑕᐅᖁᔨᔾᔪᑎᑦ ᑐᒃᓯᕋᐅᑎᑦ

ᐲᖅᑕᐅᖁᔨᔾᔪᑎᑦ ᑐᒃᓯᕋᐅᑎᑦ

ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ (WSCC) ᐃᒪᐃᖁᔨᓯᒪᔪᑦ ᐊᖏᔪᖅᑳᖅ ᐱᓯᒪᓗᓂ ᐊᓂᒍᐃᓂᕋᐃᓯᒪᔪᒥᒃ ᑎᑎᖅᑲᒥᒃ ᐱᓕᕆᓂᐊᖅᑎᓪᓗᒍ ᑳᓐᑐᕌᒃᓯᒪᓂᒃᑯᑦ ᐃᓕᕿᐊᒃᓴᒥᒃ ᐸᓯᔭᒃᓴᐅᔾᔪᑎᖃᖁᓇᒍ ᖃᐅᔨᓴᕐᓂᕐᓄᑦ ᐊᒃᑐᐊᔪᓄᑦ ᑳᓐᑐᕌᒃᒧᑦ ᑲᓐᑐᕌᒃᑕᖏᑦ ᐊᑭᓕᒃᓴᖃᖅᑎᓪᓗᒋᑦ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑎᓄᑦ. ᑕᐃᒪᓐᓇᑐᐃᓐᓇᖅᑕᐅᖅ, ᑳᓐᑐᕌᒃᑏᑦ ᐃᒪᐃᖁᔭᐅᓯᒪᔪᑦ ᐱᓯᒪᓗᓂᑎᒃ ᐊᓂᒍᐃᓂᕋᐃᓯᒪᔪᒥᒃ ᑎᑎᖅᑲᒥᒃ ᐱᓕᕆᓂᐊᖅᑎᓪᓗᒍ ᑳᓐᑐᕌᒃᓯᓯᒪᖃᑎᖃᕐᓂᐊᖅᑎᓪᓗᒍ ᑳᓐᑐᖄᖕᒧᑦ ᐱᓕᕆᖃᑎᖃᕐᓂᐊᖅᑐᓪᓗᒍ ᐊᓯᔭᒃᓴᐅᑐᐃᓐᓇᕆᐊᖃᕐᓂᖏᓐᓄᑦ ᖃᐅᔨᓴᕈᑎᑐᐃᓐᓇᕐᓂᒃ ᐊᒃᑐᐊᔪᓂᒃ ᑳᓐᑐᕌᒃᓯᖃᑎᖏᑦ ᐊᑭᓕᒃᓴᖃᖅᐸᑕ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑎᓄᑦ. ᐱᒃᑲᓐᓂᕈᒪᒍᕕᑦ ᑐᓴᐅᒪᔾᔪᑎᒃᑲᓐᓂᕐᓂᒃ ᐊᒃᑐᐊᔪᓄᑦ ᐸᓯᔭᒃᓴᐅᔾᔪᑕᐅᑐᐃᓐᓇᕆᐊᓕᖕᓄᑦ ᐃᖅᑲᓇᐃᔭᖅᑎᑦᑎᓂᐊᖅᑎᓪᓗᑎᑦ ᑳᓐᑐᕌᒃᑎᒥᒃ/ᑳᓐᑐᕌᒃᓯᓯᒪᖃᑎᒃᓴᒥᒃ, ᐊᑏ ᕿᒥᕐᕈᖑᑦ ᐊᑐᐊᖓᖅ 02.12, ᐃᖅᑲᓇᐃᔭᖅᕕᖕᓄᑦ ᐊᓂᒍᖅᑕᐅᓯᒪᔭᕆᐊᓖᑦ.

ᑎᑎᖃᖅᑖᕈᒪᒍᕕᑦ ᐊᑮᑦᑐᖃᙱᓐᓂᕋᐃᔪᒥᒃ ᐅᕝᕙᓘᓐᓃᑦ ᑭᖑᓪᓕᖅᐹᒥᒃ ᐊᓂᒍᐃᓯᒪᓂᕋᐃᔪᒥᒃ ᑎᑎᖅᑲᕐᒥᒃ, ᐅᐸᒡᓗᒍ WSCC Connect ᐊᒻᒪᓗ ᐱᔪᒪᓂᕋᕐᓗᑎᒃ ᐊᓂᒍᐃᔾᔪᑎᒥᒃ ᓇᓂᔭᐅᔪᓐᓇᖅᑐᖅ ᐊᑖᓂᑦ ᐃᖅᑲᓇᐃᔭᕐᕖᑦ ᖃᕆᑕᐅᔭᒃᑯᑦ−ᐱᔨᑦᑎᕋᖅᑕᐅᔾᔪᑎᒥᑦ. ᐊᑭᑦᑐᕋᐅᑎᓂᕐᒧᑦ ᐊᓂᒍᐃᓯᒪᒍᕕᑦ, ᐅᐸᒡᓗᒍ WSCC Connect ᐊᒻᒪᓗ ᐱᔪᒪᓂᕋᕐᓗᑎᒃ ᐊᓂᒍᐃᔾᔪᑎᒥᒃ, ᐊᑭᖅᑐᕋᐅᑎᒧᑦ ᐊᓂᒍᐃᔾᔪᑎ.

ᐃᑲᔪᖅᑕᐅᔪᒪᒍᕕᑦ ᐱᔪᒪᓂᕋᐅᑎᒥᒃ ᖃᕆᑕᐅᔭᒃᑯᑦ, ᑕᑯᔭᖅᑐᕐᓗᒍ ᑎᑎᖃᖅᑖᕈᒪᒍᕕᑦ ᐊᑮᑦᑐᖃᙱᓐᓂᕋᐃᔪᒥᒃ ᐅᕝᕙᓘᓐᓃᑦ ᑭᖑᓪᓕᖅᐹᒥᒃ ᐊᓂᒍᐃᓯᒪᓂᕋᐃᔪᒥᒃ ᑎᑎᖅᑲᕐᒥᒃ ᒪᓕᒃᐸᓪᓕᐊᓗᒋᑦ ᒪᓕᒋᐊᓕᖕᓂᒃ.

ᐅᖃᓕᒫᒐᑯᓗᐃᑦ

ᓇᓪᓕᐅᒃᑯᒫᓕᕆᔨᒃᑯᓐᓂᑦ ᐊᓂᒍᐃᔾᔪᑎᑦ
ᖃᐅᔨᒪᕕᑦ ᐊᑖᒍᑦ ᐃᖅᑲᓇᐃᔭᖅᑏᑦ ᓇᓪᓕᐅᒃᑯᒫᖏᓐᓄᑦ ᐱᖁᔭᑦ ᐃᖅᑲᖅᑐᐃᕕᒃᑎᒍᑦ ᐊᑭᓖᔭᕆᐊᖃᖅᑎᑕᐅᔪᓐᓇᖅᑐᑎᑦ ᐊᑭᓕᖅᑕᐅᙱᑦᑐᓄᑦ ᖃᐅᔨᒋᐊᖅᑕᐅᓂᒃᑯᑦ ᐊᑭᓕᒃᓴᖏᑦ ᑳᓐᑐᓛᖃᖅᑎᑕᑎᑦ... more