ᑖᓐᓇ WSCC-ᒃᑯᑦ ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᖅᑕᐃᓕᒪᓂᕐᒥᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ (OHS) ᑮᓇᐅᔭᖃᖅᑎᑦᑎᓂᕐᒧᑦ ᐱᓕᕆᐊᒃᓴᖅ ᐊᑐᐃᓐᓇᐅᑎᑦᑎᔪᖅ ᑮᓇᐅᔭᖅᑲᖅᑕᐅᔾᔪᑎᒃᓴᓄᑦ ᐱᕕᒃᓴᓂᒃ ᐱᔨᑦᑎᕋᖅᑎᓄᑦ ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᖅᑕᐃᓕᒪᓂᕐᒥᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ ᐱᔨᑦᑎᕋᐅᑎᓄᑦ ᐱᐅᓯᒋᐊᖅᑕᐅᖁᓪᓗᒋᑦ ᐃᖅᑲᓇᐃᔭᕐᕕᖕᒥ ᐊᑦᑕᕐᓇᖅᑕᐃᓕᒪᓂᕐᒧᑦ ᐊᒻᒪᓗ ᐃᑲᔪᖅᑑᑕᐅᓪᓗᑎᒃ ᐃᖅᑲᓇᐃᔭᕐᕕᐅᔪᓂ ᒪᓕᒃᑐᓂᒃ ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᖅᑕᐃᓕᒪᓂᕐᒥᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ ᒪᓕᒐᖅ ᓄᓇᑦᓯᐊᕐᒥ ᐊᒻᒪᓗ ᓄᓇᕗᒻᒥ.
ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᖅᑕᐃᓕᒪᓂᕐᒥᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ ᑮᓇᐅᔭᖃᖅᑎᑦᑎᓂᕐᒧᑦ ᐱᓕᕆᐊᒃᓴᖅ ᓯᕗᕙᕆᐊᖅᑕᐅᖁᓪᓗᒋᑦ WSCC-ᒃᑯᑦ ᑕᐅᑐᙳᐊᖅᑕᖏᑦ ᐱᓗᐊᖁᓇᒋᑦ ᐃᖅᑲᓇᕐᔭᕐᓂᕐᒧᑦ-ᐊᒃᑐᐊᔪᑦ ᐱᕐᕈᓗᐊᕿᓂᕐᓄᑦ, ᐋᓐᓂᕐᓂᕐᓄᑦ, ᐊᒻᒪ ᐋᓐᓂᐊᕐᓂᕐᓄᑦ. ᑐᕌᒐᐅᔪᖅ ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᖅᑕᐃᓕᒪᓂᕐᒥᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ (OHS) ᑮᓇᐅᔭᖃᖅᑎᑦᑎᓂᕐᒧᑦ ᐱᓕᕆᐊᓄᑦ ᐃᒪᐃᑦᑑᔪᑦ:
- ᐱᕙᓪᓕᐊᓂᖏᑦ ᐊᑐᐃᓐᓇᐅᔪᑦ ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᖅᑕᐃᓕᒪᓂᕐᒥᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ (OHS) ᐱᒋᐊᖅᑕᐅᔪᒪᔪᑦ ᓄᓇᓕᖕᓂ ᓯᓚᑖᒍᑦ ᐊᑭᑐᔫᑏᑦ, ᐊᒻᒪᓗ
- ᐱᕙᓪᓕᐊᑎᓪᓗᒋᑦ ᐊᑐᖅᑕᐅᔪᓐᓇᕐᓂᖏᑦ ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᖅᑕᐃᓕᒪᓂᕐᒥᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ (OHS) ᐱᒋᐊᖅᑕᐅᔪᒪᔪᑦ ᐊᒥᓲᓂᖅᓴᓂ ᓄᓇᓕᐅᔪᓂ ᓄᓇᑦᓯᐊᒥ (NWT) ᐊᒻᒪ ᓄᓇᕗᒻᒥ (NU).
2025-2026 ᑮᓇᐅᔭᖃᖅᑎᑦᑎᓂᕐᒥᑦ ᐱᓕᕆᐊᒃᓴᓄᑦ ᖃᓄᐃᓕᐅᕈᑎᒃᓴᑦ
ᑭᒃᑯᑦ ᐆᒃᑐᕈᓐᓇᖅᐸᑦ?
ᑖᒃᑯᐊ WSCC-ᒃᑯᑦ ᑐᙵᓴᐃᔪᑦ ᐱᓇᔫᑎᓂᒃ ᑕᒪᐃᓐᓂᒃ ᑮᓇᐅᔾᔭᒃᓴᓇᓱᐊᖅᑎᓂᑦ ᐊᒻᒪ ᑮᓇᐅᔾᔭᒃᓴᓇᓱᐊᖅᑎᐅᙱᑦᑐᓂ ᑎᒥᐅᔪᓂ ᐊᑐᐃᓐᓇᐅᑎᑦᑎᔪᑦ ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᖅᑕᐃᓕᒪᓂᕐᒥᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ ᐱᔨᑦᑎᕋᐅᑎᓂᒃ, ᐃᓕᓐᓂᐊᖅᑎᑦᑎᓂᕐᒥᑦ ᐅᕝᕙᓘᓐᓃᑦ ᐱᓕᒻᒪᒃᓴᐅᑎᓂᒃ ᓄᓇᓕᖕᓂ ᓄᓇᑦᓯᐊᕐᒥ ᐊᒻᒪᓗ ᓄᓇᕗᒻᒥ. ᐱᔪᒥᒍᓱᒃᑐᑦ ᑲᑐᔾᔨᖃᑎᒌᖑᔪᑦ ᕿᒥᕐᕈᓪᓗᐊᖅᑐᑦ ᐊᔪᙱᑎᑕᐅᓂᕐᒧᑦ ᒪᓕᒃᑕᐅᔪᒃᓴᓂ ᑖᒃᑯᓇᓂ ᐱᓕᕆᐊᒃᓴᒧᑦ ᑐᑭᓯᒋᐊᕈᑎᒃᓴᓂᑦ ᒪᓕᒃᑕᐅᔪᒃᓴᓂᑦ ᐊᑖᓃᑦᑐᓂᑦ.
ᖃᓄᑎᒋᑦ ᑮᓇᐅᔭᖃᖅᑎᑕᐅᓂᖅ ᐊᑐᐃᓐᓇᐅᕙ?
ᐱᓇᔪᒃᑐᑦ ᑐᓯᕋᕈᓐᓇᖅᑐᑦ ᐊᑯᓐᓂᖏᓐᓂ $5,000 – $250,000 ᐊᑐᓂ ᐱᒋᐊᖅᑕᐅᔪᒪᔪᓄᑦ. ᐱᓇᔪᒃᑐᑦ ᐱᓇᔪᒍᓐᓇᖅᑐᑦ ᐊᑕᐅᓯᐅᙱᑦᑐᒧᑦ ᐱᒋᐊᖅᑎᑕᐅᔪᓂᑦ ᐊᕐᕌᒍᒥ. ᑖᓐᓇ ᐊᑐᐅᓯᑐᐊᒧᑦ ᐊᕐᕌᒍᒧᑦ ᐱᒋᐸᖅᑕᐅᔪᒪᔫᔪᓐᓇᖅᑐᖅ, ᐅᕝᕙᓘᓐᓃᑦ ᐊᒥᓱᒐᓚᖕᓄᑦ ᐊᕐᕌᒍᓄᑦ ᐱᒋᐊᖅᑕᐅᔪᒪᔫᓗᑎᒃ. ᐊᒥᓱᒐᓚᖕᓄᑦ-ᐊᕐᕌᒍᓄᑦ ᑮᓇᐅᔭᖃᖅᑎᑕᐅᔾᔪᑎᓄᑦ ᑐᒃᓯᕋᐅᑏᑦ ᐊᑐᐃᓐᓇᐅᓂᐊᖅᑐᑦ ᐱᓇᔪᒃᑐᓄᑦ ᑎᑎᕋᖅᓯᒪᔪᖁᑎᖃᕈᑎᒃ ᐱᓕᕆᖃᑎᖃᓚᐅᖅᓯᒪᓂᖏᓐᓂᒃ ᑖᒃᑯᓂᖓ ᐊᒥᓱᒐᓚᖕᓄᑦ-ᐊᕐᕌᒍᓄᑦ WSCC ᐅᕝᕙᓘᓐᓃᑦ ᑐᓂᔭᐅᓯᒪᓂᑰᒍᑎᒃ ᑮᓇᐅᔭᖃᖅᑎᑕᐅᔾᔪᑎᓂᒃ ᑖᒃᑯᓇᙵᑦ WSCC ᑭᖑᓂᖔᑦᑎᓐᓂ.
ᐱᓇᔫᑎᓄᑦ ᐊᑐᐃᓐᓇᐅᓂᖏᑦ 2025
ᑮᓇᐅᔭᖃᖅᑎᑦᑎᓂᕐᒧᑦ ᐱᓕᕆᐊᒃᓴᖅ ᒪᑐᐃᖓᔪᖅ ᐱᓇᔫᑎᓄᑦ ᐱᒋᐊᕐᓗᓂ ᔪᓚᐃ 15, 2025.
ᐱᓇᔫᑎᓄᑦ ᐃᓱᓕᒡᕕᒃᓴᐅᑖ ᓯᑎᐱᕆ 8, 2025
ᐱᓕᕆᐊᖅ 1: ᑐᒃᓯᕋᕐᓂᖅ
- ᐅᖃᓕᒫᕐᓗᒍ ᐱᓕᕆᐊᒃᓴᒧᑦ ᑐᑭᓯᒋᐊᕈᑎᒃᓴᓂᑦ ᒪᓕᒃᑕᐅᔪᒃᓴᓕᐊᖅ
- ᓇᓗᓇᐃᕐᓗᒍ ᐱᔪᓐᓇᕋᔭᕐᓂᖓᓂ
- ᑕᑕᑎᕐᓗᒍ ᑐᒃᓯᕋᐅᑎ
- ᓄᐊᑦᑎᓗᑎᑦ ᐃᑲᔪᖅᑐᐃᔪᓂᑦ ᑎᑎᖅᑲᓂᑦ
- ᕿᒥᕐᕈᐊᕐᓗᒍ ᐱᓇᔫᑎᓄᑦ ᖃᐅᔨᒋᐊᕐᕕᐅᔪᓐᓇᖅᑐᖅ
- ᐊᑎᓕᐅᕐᓗᒍ ᐊᒻᒪᓗ ᑐᓂᓗᒍ ᐱᓇᔫᑎ ᐊᒻᒪᓗ ᐃᑲᔪᖅᓱᖅᑐᑦ ᑎᑎᖅᑲᑦ
ᐱᓕᕆᐊᖅ 2: ᖃᐅᔨᓴᕐᓂᖅ ᐊᒻᒪᓗ ᕿᒥᕐᕈᓂᖅ
- ᑖᒃᑯᐊ WSCC ᑮᓇᐅᔭᖅᑖᖅᑎᑦᑎᓂᕐᒧᑦ ᖃᐅᔨᓴᕐᓂᕐᒧᑦ ᑲᑎᒪᔨᕋᓛᑦ ᕿᒥᕐᕈᕋᔭᖅᑐᑦ ᐱᓇᓱᑦᑐᓕᒫᓂᑦ ᐊᒻᒪᓗ ᑮᓇᐅᔭᖅᑖᖅᑎᑦᑎᓂᕐᒧᑦ ᐊᑐᓕᖁᔭᒥᓂ ᐅᖃᕋᔭᖅᑐᑦ ᑖᒃᑯᓄᖓ WSCC ᐊᐅᓚᑦᑎᓂᕐᒧᑦ ᑲᑎᒪᔨᓄᑦ.
- ᑖᒃᑯᐊ WSCC ᐊᐅᓚᑦᑎᓂᕐᒧᑦ ᑲᑎᒪᔩᑦ ᓂᕈᐊᕋᔭᖅᑐᑦ ᐊᑐᓕᖁᔭᐅᔪᓂᑦ ᖃᓄᐃᓕᐅᕈᑎᒃᓴᓂᑦ.
ᐱᓕᕆᐊᖅ 3: ᑐᓂᓯᓂᕐᒥᑦ ᑮᓇᐅᔭᕐᓂᒃ
- ᐱᓇᔪᒃᑐᑦ ᑐᓴᕋᔭᖅᑐᑦ ᑖᒃᑯᓇᙵᑦ WSCC ᖃᓄᐃᓕᐅᕈᑎᒃᓴᖏᑦ ᑮᓇᐅᔭᖃᖅᑎᑕᐅᓂᐊᕐᒪᖔᑦ ᐋᒡᒐᓘᓐᓃᑦ ᓄᕕᐱᕆ 1 ᑐᖔᓂ, ᐅᕝᕙᓘᓐᓃᑦ ᐃᖅᑲᓇᐃᔭᕐᓇᐅᑎᓪᓗᒍ ᐅᓪᓗᖓᓂ ᓄᕕᐱᕆ 1 ᓄᙳᖏᓐᓃᑉᐸᑦ ᐅᕝᕙᓘᓐᓃᑦ ᕿᑲᓐᓇᐅᑎᓪᓗᒍ.
- ᐊᖏᖅᑕᐅᔪᑦ ᐱᓇᔪᖃᑕᐅᔪᑦ ᐱᓕᕆᖃᑎᖃᕋᔭᖅᑐᑦ ᑮᓇᐅᔭᖃᖅᑎᑦᑎᓂᕐᒧᑦ ᐱᓕᕆᐊᒃᓴᕐᒧᑦ ᐱᓕᕆᔨᒥᑦ ᐱᔭᕇᖅᓯᓂᕐᒥᑦ ᑐᓂᕐᕈᓯᐊᕐᓂᕐᒧᑦ ᐊᖏᕈᑎᒥᑦ ᐊᒻᒪᓗ ᐊᑭᓕᖅᑕᐅᓂᕐᒧᑦ ᐸᕐᓇᐅᑎᒥ ᑐᖔᓂ ᑎᓯᐱᕆ 15, 2025
2025-2026 ᑮᓇᐅᔭᖃᖅᑎᑦᑎᓂᕐᒥᑦ ᐱᓕᕆᐊᒃᓴᓄᑦ ᖃᓄᐃᓕᐅᕈᑎᒃᓴᑦ
| ᐱᓕᕆᕝᕕᐅᑉ ᐊᑎᖓ | ᖃᓄᐃᓕᐅᕈᑎᒃᓴᐅᑉ ᑕᐃᒎᓯᖓ | ᐱᓕᕆᐊᒃᓴᐅᑉ ᓇᓗᓇᐃᔭᖅᓯᒪᓂᖓ | ᓄᓇᓖᑦ ᐱᔨᑦᑎᕋᖅᑕᐅᔪᑦ | ᑮᓇᐅᔭᖃᖅᑎᑦᑎᓂᖅ |
|---|---|---|---|---|
| ilinniapaa Skills Development Centre | ᐃᓚᒋᐊᖅᓯᓂᕐᒥᑦ ᐊᑐᖅᑕᐅᒐᔪᓲᖅ ᓯᕗᓪᓕᐅᓪᓗᓂ ᐃᑲᔪᕐᓂᕐᒧᑦ ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᖅᑕᐃᓕᒪᓂᕐᒥᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ ᐊᔪᙱᓐᓂᖃᖅᑐᓂᑦ ᓄᓇᕗᒻᒥ | ᑖᓐᓇ ᐱᓕᕆᐊᒃᓴᖅ ᐊᑐᐃᓐᓇᐅᑎᑦᑎᓛᖅᑐᖅ ᐃᓕᓐᓂᐊᕐᓂᕐᒥᑦ ᐃᓄᖕᓄᑦ ᑭᕙᓪᓕᕐᒦᑦᑐᓂᑦ, ᓯᕗᓪᓕᐅᔾᔨᓗᑎᒃ ᐃᓄᖕᓂᒃ ᐃᖃᓇᐃᔭᖅᑎᖁᑎᓕᖕᓂᑦ, ᐃᖅᑲᓇᐃᔭᖅᑎᓂᑦ, ᒪᒃᑯᒃᑐᓂᑦ, ᐊᒻᒪᓗ ᓄᓇᓕᖕᒥᐅᑕᓂᑦ ᐃᑲᔫᑎᒃᓴᖃᓗᐊᙱᑦᑐᓂᑦ. ᐱᓕᕆᐊᖃᓛᖅᑐᑦ ᒪᕐᕉᖕᓂᒃ WSCC-ᐊᖏᖅᑕᐅᓯᒪᔪᓂᑦ ᐊᑐᖅᑕᐅᒐᔪᓲᖅ ᓯᕗᓪᓕᐅᓪᓗᓂ ᐃᑲᔪᕐᓂᕐᒧᑦ ᐃᓕᓐᓂᐊᕐᓂᕐᒥᑦ ᐊᑐᓂ ᓄᓇᓕᐅᔪᓂᑦ ᑲᑎᓪᓗᒋᑦ 12-ᖏᖅᓱᕐᓗᑎ ᐃᓕᓐᓂᐊᖅᑎᑦᑎᓂᕐᒥᑦ ᓇᓗᓇᐃᒃᑯᑕᖅᑖᕐᓂᐊᕐᒪᑕ ᐱᖃᑕᐅᔪᑦ ᐱᒻᒪᕆᐅᔪᒥᑦ ᑐᐊᕕᕐᓇᖅᑐᓕᕆᓂᕐᒥᑦ ᐊᔪᕈᓐᓃᖅᓴᓂᕐᒧᑦ. | ᑭᕙᓪᓕᕐᒥ | $158,535 |
| Advanced Medical Solutions | ᓯᕗᓪᓕᐅᓪᓗᓂ ᐃᑲᔪᕐᓂᕐᒧᑦ ᐃᓕᓐᓂᐊᖅᑎᑦᑎᔨᓂᑦ ᐱᕙᓪᓕᐊᑎᑦᑎᓂᕐᒥᑦ | ᒪᕐᕉᖕᓂᒃ ᓯᕗᓪᓕᐅᓪᓗᓂ ᐃᑲᔪᕐᓂᕐᒧᑦ ᐃᓕᓐᓂᐊᖅᑎᑦᑎᔨᐅᓂᕐᒧᑦ ᐱᕙᓪᓕᐊᑎᑦᑎᓂᕐᒥᑦ ᐃᓕᓐᓂᐊᖅᑎᑦᑎᓛᖅᑐᑦ ᔭᓗᓇᐃᕝᒥᑦ ᐊᒻᒪᓗ ᐃᖃᓗᓐᓂᑦ, ᐊᑐᓂ ᓇᓗᓇᐃᒃᑯᑕᖅᑖᖅᑎᑦᑎᓗᑎᒃ ᐱᖓᓲᔪᖅᑐᓂᑦ ᐱᖃᑕᐅᔪᓂᑦ ᐊᒻᒪᓗ ᑕᓪᓕᒪᓂᑦ ᓄᓇᑦᓯᐊᖅ ᓄᓇᓕᖏᓐᓂᒃ, ᐊᒻᒪᓗ ᐱᖓᓱᓂᑦ ᓄᓇᕗᑦ ᓄᓇᓕᖏᓐᓂᒃ. ᑕᒪᓐᓇ ᐊᔪᙱᓐᓂᖃᖅᑎᑦᑎᓛᖅᑐᖅ ᐊᑐᖅᑕᐅᒐᔪᓲᖅ ᓯᕗᓪᓕᐅᓪᓗᓂ ᐃᑲᔪᕐᓂᕐᒧᑦ ᐱᓕᒻᒪᒃᓴᐃᑎᑦᑎᓂᕐᒥᑦ ᐅᑭᐅᖅᑕᖅᑐᓕᒫᒥᑦ. | ᓄᓇᑦᓯᐊᕐᒥ: ᐃᓅᕕᒃ, ᕗᐊᑦ ᓯᒻᓯᓐ, ᓄᐊᒪᓐ ᐅᐊᓪᔅ, ᔭᓗᓇᐃᕝ, ᕼᐊᐃ ᕆᕗ ᓄᓇᕗᒥᑦ: ᐃᖃᓗᒃᑑᑦᑎᐊᖅ, ᑲᖏᖅᖠᓂᖅ, ᐊᒻᒪᓗ ᐃᖃᓗᐃᑦ | $206,240 |
| Arctic Energy Alliance | ᐅᐊᔭᒨᖅᑐᒧᑦ ᑭᓪᓘᑎᓄᑦ ᐊᑦᑕᕐᓇᔾᔭᐃᖅᓯᒪᓂᕐᒥᑦ | ᑖᓐᓇ ᖃᓄᐃᓕᐅᕈᑎᒃᓴᖅ ᐊᑐᐃᓐᓇᐅᑎᑦᑎᓲᖅ ᐅᐸᒍᑎᓯᒪᓗᑎᒃ ᓇᐹᖅᑐᓂᑦ ᐃᑯᐊᓪᓚᑎᑦᑎᒍᑎᓂᑦ ᐊᑦᑕᕐᓇᔾᔭᐃᖅᓯᒪᓂᕐᒧᑦ ᐃᓕᓐᓂᐊᕈᑎᓂᑦ (ᐃᓚᒋᓗᓂᐅᒃ ᐅᐊᔭᒨᖅᑐᖅ ᑭᓪᓘᑎᓄᑦ ᖁᑦᑎᖕᓂᖓ 3 ᕙᓕᖕᒥᑦ ᐃᓚᖃᕐᓗᓂ) ᐃᓄᖕᓄᑦ ᐱᖓᓱᓂᑦ ᓄᓇᑦᓯᐊᕐᒥᑦ ᓄᓇᓕᐅᔪᓂᑦ. | ᐸᐅᑰᓲ, ᐃᓅᕕᒃ, ᕗᐊᑦ ᓯᒥᑦ | $205,850 |
| Arctic Response | ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᖅᑕᐃᓕᒪᓂᕐᒥᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ ᐱᓕᒻᒪᒃᓴᐃᓂᕐᒧᑦ ᓯᕗᓪᓕᖅᐹᖅᓯᐅᑎ | ᐃᖅᑲᓇᐃᔭᖅᑎᓄᑦ ᐊᑐᐃᓐᓇᐅᑎᑦᑎᓲᖅ ᓄᓇᓕᖕᓂᑦ ᐃᓄᑭᓐᓂᖅᓴᓂᑦ ᐅᑭᐅᖅᑕᖅᑐᓕᒫᒥᑦ ᐃᓕᓐᓂᐊᖅᑎᑦᑎᓂᕐᒥᑦ ᒪᓕᒐᖅᑎᒍᑦ ᐱᔭᐅᔭᕆᐊᓕᖕᓂᑦ ᐊᑦᑕᕐᓇᔾᔭᐃᖅᓯᒪᓂᕐᒧᑦ ᐃᓕᓐᓂᐊᕐᓂᕐᒥᑦ, ᐃᓚᒋᓗᓂᐅᒃ ᑲᒪᔨᐅᓂᕐᒥᑦ ᐊᑦᑕᕐᓇᔾᔭᐃᖅᓯᒪᓂᕐᒧᑦ ᐃᓕᓐᓂᐊᕐᓂᕐᒥᑦ, ᑲᑎᙵᔪᓂᒃ ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᖅᑕᐃᓕᒪᓂᕐᒥᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ ᑲᑎᒪᔨᕋᓛᓄᑦ ᐃᓕᓐᓂᐊᕐᓂᕐᒥᑦ, ᐱᕕᑭᑦᑐᓂᑦ ᐃᓂᒃᓴᓂᑦ, ᑲᑕᔾᔭᐃᕐᓂᕐᒧᑦ ᓴᐳᔾᔨᓯᒪᓂᕐᒧᑦ, ᑯᕕᔪᒥᑦ ᑲᒪᓂᐅᒧᑦ ᖁᑦᑎᖕᓂᖓ 2, ᐊᒻᒪᓗ H2S Alive. | ᐃᖅᑲᓇᐃᔭᖅᑎᖁᑎᓖᑦ ᐊᒻᒪᓗ ᐃᖅᑲᓇᐃᔭᖅᑏᑦ ᓄᓇᓕᖕᓂᑦ ᐃᓄᑭᓐᓂᖅᓴᓂᑦ ᐅᑭᐅᖅᑕᖅᑐᒥ ᑕᒪᒃᑮᓐᓂᒃ ᐊᕕᑦᑐᖅᓯᒪᔪᓂᑦ | $48,575 |
| Northern Safety Association | ᐱᐅᓯᕚᓪᓕᖅᑎᑦᑎᓂᕐᒥᑦ ᐊᑐᐃᓐᓇᐅᖃᕐᕕᐅᓂᕐᒥᑦ COR® ᓇᓗᓇᐃᒃᑯᑕᖅᑖᕐᓂᕐᒥᑦ ᐃᖅᑲᓇᐃᔭᖅᑎᖁᑎᓕᖕᓄᑦ | ᐃᓚᒋᐊᖅᓯᓂᕐᒥᑦ ᐊᑐᐃᓐᓇᖃᕐᕕᐅᓂᕐᒥᑦ ᐊᒻᒪᓗ ᑲᔪᓯᑎᑦᑎᓂᕐᒥᑦ ᓇᓗᓇᐃᒃᑯᑕᖃᖅᑐᑦ ᐃᓕᓴᕆᔭᐅᓯᒪᔪᓄᑦ ᐱᓕᕆᐊᒃᓴᒥᑦ (COR®) ᐃᖅᑲᓇᐃᔭᖅᑎᖁᑎᓕᖕᓄᑦ ᐊᒻᒪᓗ ᐃᖅᑲᓇᐃᔭᖅᑎᓄᑦ ᐅᑭᐅᖅᑕᖅᑐᒥ ᓄᑖᙳᖅᑎᑦᑎᓂᕐᒥᑦ ᐊᒻᒪᓗ ᐅᓪᓕᒥᓯᐅᑎᐅᓕᕐᓗᑎᒃ ᑕᒻᒪᖅᓯᒪᔪᖅᓯᐅᓂᕐᒧᑦ ᐃᑲᔫᑎᒃᓴᖏᑦ ᐊᒻᒪᓗ ᖃᕋᓴᐅᔭᑎᒍᑦ ᐃᓕᓐᓂᐊᕐᓂᕐᒧᑦ ᓇᓖᕌᕈᑎᔅᓴᖏᓐᓂᒃ. | ᐃᖅᑲᓇᐃᔭᖅᑎᖁᑎᓖᑦ ᓴᓇᔪᓕᕆᓂᕐᒨᖓᔪᓕᒫᓂᑦ ᐅᑭᐅᖅᑕᖅᑐᒥ ᑕᒪᒃᑮᓐᓂᒃ ᐊᕕᑦᑐᖅᓯᒪᔪᓂᑦ | $250,000 ᐊᕐᕌᒍᑕᒫᖅ ᑮᓇᐅᔭᖃᖅᑎᑕᐅᓂᕐᒧᑦ ᐊᑯᓂᐅᓂᖓ 5 ᐊᕐᕌᒍᐃᑦ |
| Northern Safety Association | ᓄᑖᙳᖅᑎᑦᑎᓂᕐᒥᑦ ᐊᑦᑕᕐᓇᔾᔭᐃᖅᓯᒪᓂᕐᒧᑦ ᐃᓕᓐᓂᐊᕐᓂᕐᒥᑦ ᖃᕋᓴᐅᔭᒃᑯᑦ ᐊᒻᒪᓗ ᐃᓕᓐᓂᐊᕐᕕᐊᕈᓯᒻᒥᑦ | ᐋᖅᑭᒋᐊᖅᓯᓂᕐᒥᑦ ᐊᒻᒪᓗ ᓄᑖᙳᖅᑎᑦᑎᓂᕐᒥᑦ ᐅᖓᑖᓄᑦ 30-ᓂᒃ ᐊᑦᑕᕐᓇᔾᔭᐃᖅᓯᒪᓂᕐᒧᑦ ᐃᓕᓐᓂᐊᕈᑎᒃᓴᓂᑦ, ᑕᒪᒃᑮᓗᑎᒃ ᖃᕋᓴᐅᔭᑎᒍᑦ ᐊᒻᒪᓗ ᐃᓕᓐᓂᐊᕐᕕᐊᕈᓯᕐᒥᑦ, ᐃᓕᓐᓂᐊᕐᓂᕐᒧᑦ ᓄᖅᑲᖓᕈᑎᖃᙱᓐᓂᕐᒧᑦ ᐃᖅᑲᓇᐃᔭᖅᑎᓕᒫᓄᑦ ᐅᑭᐅᖅᑕᖅᑐᓕᒫᒥᑦ. ᑕᒪᓐᓇ ᐃᓚᖃᕐᓂᐊᖅᑐᖅ ᐱᕙᓪᓕᐊᑎᑦᑎᓂᕐᒥᑦ ᓄᑖᓂᑦ ᐃᓕᓐᓂᐊᕈᑎᒃᓴᓂᑦ ᑲᑐᔾᔨᖃᑎᖃᖅᖢᑎᒃ WSCC ᑭᐅᔾᔪᑎᒋᓪᓗᒍ ᓴᓇᔨᕐᔪᐊᓄᑦ ᐱᑕᖃᕆᐊᖃᕐᓂᖓᓂ, ᐃᖅᑲᓇᐃᔭᕐᕕᖕᒥ ᐊᑦᑕᕐᓇᔾᔭᐃᖅᓯᒪᓂᕐᒧᑦ. | ᐃᖅᑲᓇᐃᔭᖅᑎᖁᑎᓖᑦ ᐊᒻᒪᓗ ᐃᖅᑲᓇᐃᔭᖅᑏᑦ ᓄᓇᓕᖕᓂᑦ ᐃᓄᑭᓐᓂᖅᓴᓂᑦ ᐅᑭᐅᖅᑕᖅᑐᒥ ᑕᒪᒃᑮᓐᓂᒃ ᐊᕕᑦᑐᖅᓯᒪᔪᓂᑦ | $140,000 ᐊᕐᕌᒍᑕᒫᖅ ᑮᓇᐅᔭᖃᖅᑎᑕᐅᓂᕐᒧᑦ ᐊᑯᓂᐅᓂᖓ 3 ᐊᕐᕌᒍᐃᑦ |
