ᐊᑭᓕᖅᓱᖅᑕᐅᔭᕆᐊᓖᑦ ᓇᓗᓇᐃᕐᓗᒋᑦ

ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒪᓂᑦ ᖃᐅᔨᓴᖅᑎᒃᑯᑦ ᐃᖅᑲᓇᐃᔭᖅᑎᓂᒃ ᐅᖃᐅᓯᖃᖃᑦᑕᖁᔨᕗᑦ ᐊᑭᓕᖅᓱᖅᑕᐅᔭᕆᐊᓖᑦ ᖃᔅᓯᓕᐅᓚᐅᕐᒪᖔᑕ ᐊᒻᒪ ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᖅᑕᐃᓕᒪᓂᕐᒧᑦ ᐊᒻᒪ ᐊᑦᑕᓇᔾᔭᐃᖅᓯᒪᓂᕐᒧᑦ ᑐᑭᓯᒋᐊᕈᑎᓂᑦ ᐊᕐᕌᒍᑕᒫᑦ.

ᐊᑕᖏᖅᖢᒋᑦ ᐃᖅᑲᓇᐃᔭᕐᕖᑦ ᐅᓂᒃᑳᖃᑦᑕᕆᐊᓖᑦ ᖃᐅᔨᓴᖅᑕᐅᔾᔪᑎᒧᑦ ᐊᑭᓖᖃᑦᑕᕐᓂᖏᓐᓄᑦ ᐃᖅᑲᓇᐃᔭᖅᑎᑦ ᐃᑲᕐᕋᖏᓐᓄᑦ ᑖᒃᑯᓄᖓ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑎᓄᑦ. ᐃᖅᑲᓇᐃᔭᕐᕕᐅᑉ ᖃᐅᔨᓴᖅᑕᐅᔭᕆᐊᓖᑦ ᐊᑭᓖᔾᔪᑎᖏᑦ ᐊᑐᖅᑕᐅᓲᑦ ᖃᐅᔨᔭᐅᓇᓱᐊᖅᑎᓪᓗᒋᑦ ᐃᖅᑲᓇᐃᔭᕐᕕᐅᑉ ᐊᕐᕌᒍᑕᒫᑦ ᖃᐅᔨᓴᖅᑕᐅᔾᔪᑎᖏᓐᓄᑦ. ᒪᑐᕝᕕᖓ ᐅᓪᓗᖅ ᑐᓂᓯᓂᐊᕐᓗᑎᒃ ᐊᕐᕌᒍᑕᒫᑦ ᐊᑭᓖᖃᑦᑕᕐᓂᖏᓐᓄᑦ ᐃᖅᑲᓇᐃᔭᖅᑎᑦ ᐃᑲᕐᕋᖏᓐᓄᑦ ᐅᓇᐅᔪᖅ ᕖᕝᕗᐊᕆ 28, ᐊᕐᕌᒍᑕᒫᑦ. ᑕᑕᑎᕆᐊᓖᑦ ᓇᒃᓯᐅᔾᔭᐅᖃᑦᑕᖅᑐᑦ ᐊᑕᖏᖅᖢᒋᑦ ᐃᖅᑲᓇᐃᔭᕐᕕᖕᓄᑦ ᑎᑭᓚᐅᖅᑳᖅᑎᓐᓇᒍ ᐊᕐᕌᒍᑕᒫᑦ ᐊᑭᓖᖃᑦᑕᕐᓂᖏᓐᓄᑦ ᐃᖅᑲᓇᐃᔭᖅᑎᑦ ᐃᑲᕐᕋᖏᓐᓄᑦ ᐅᓪᓗᖅ ᒪᑐᕝᕕᒃᓴᖓ. ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᐊᑐᓕᖅᑎᑦᑎᓲᑦ ᓱᒋᐊᖅᑕᐅᔾᔪᑎᒥᒃ ᐃᖅᑲᓇᐃᔭᕐᕕᖕᒧᑦ ᑐᓂᓯᓐᓂᙱᒃᑳᖓᑕ ᐊᕐᕌᒍᑕᒫᑦ ᐊᑭᓖᖃᑦᑕᕐᓂᖏᓐᓄᑦ ᐃᖅᑲᓇᐃᔭᖅᑎᑦ ᐃᑲᕐᕋᖏᓐᓄᑦ ᐅᓂᒃᑳᓂᑦ ᐅᓪᓗᖅ ᕖᕝᕗᐊᕆ 28 ᖄᖏᖅᓯᒪᓕᕌᖓᑦ. ᑎᑭᑕᐅᓐᓂᙱᒃᑯᕕᑦ ᑕᑕᑎᕆᐊᓕᖕᓂᒃ ᑎᑭᖅᑳᖅᑎᓐᓇᒍ ᒪᑐᕝᕕᖓ, ᐅᖃᖃᑎᒋᑲᐅᑎᒋᒃᑭᑦ ᖃᐅᔨᓴᕐᓂᕐᓄᑦ ᑭᒡᒐᖅᑐᐃᔩᑦ ᐊᔾᔨᖓᓂᒃ ᐱᔪᒪᓗᑎᑦ.

ᑐᓂᓗᒋᑦ ᐊᕐᕌᒍᑕᒫᑦ ᐊᑭᓖᖃᑦᑕᕐᓂᖏᓐᓄᑦ ᐃᖅᑲᓇᐃᔭᖅᑎᑦ ᐃᑲᕐᕋᖏᓐᓄᑦ ᐅᓂᒃᑳᓕᐊᓄ, ᐅᐸᒡᓗᒍ WSCC Connect ᐊᒻᒪᓗ Payroll (ᐊᑭᓖᖃᑦᑕᕐᓂᖏᓐᓄᑦ ᐃᖅᑲᓇᐃᔭᖅᑎᑦ ᐃᑲᕐᕋᖏᓐᓄᑦ) ᓇᕿᓪᓗᒍ, Report or Revise Payroll (ᐅᓂᒃᑳᖅ ᐅᕝᕙᓘᓐᓃᑦ ᐋᖅᑭᒋᐊᖅᓯᒪᔪᑦ ᐊᑭᓖᖃᑦᑕᕐᓂᖏᓐᓄᑦ ᐃᖅᑲᓇᐃᔭᖅᑎᑦ ᐃᑲᕐᕋᖏᓐᓄᑦ). ᐱᖃᖅᐸᒌᙱᒃᑯᕕᑦ WSCC Connect ᖃᕆᓴᐅᔭᓕᕆᔾᔪᑎᒥᒃ (ᐃᓚᒋᔭᐅᓪᓗᑎᒃ ᑮᓇᐅᔭᓂᒃ ᓈᓴᐅᓯᕆᔨᑦ), ᑖᔅᓱᒥᖓ ᐅᓂᒃᑳᓕᐊᒥᒃ ᑐᓂᓯᔪᓐᓇᖅᑐᑎᑦ ᓱᒃᑲᔪᒃᑐᑦ ᑐᖅᑯᖅᓯᓂᖅ ᑮᓇᐅᔾᔭᒃᓵᓂᒃ ᐅᓂᒃᑳᓕᐅᕐᕕᒃᑎᒍᑦ. ᐱᓯᒪᔭᕆᐊᖃᖅᑕᑎᑦ ᑐᓴᐅᒪᔾᔪᑏᑦ ᓇᓂᔭᐅᔪᓐᓇᖅᑐᑦ ᐊᕐᕌᒍᑕᒫᑦ ᐊᑭᓖᖃᑦᑕᕐᓂᖏᓐᓄᑦ ᐃᖅᑲᓇᐃᔭᖅᑎᑦ ᐃᑲᕐᕋᖏᓐᓄᑦ ᐅᓂᒃᑳᓄᑦ ᑎᑎᖅᑲᑦ ᓇᒃᓯᐅᔾᔭᐅᓂᐊᖅᑐᓂᑦ.

ᐃᑲᔪᖅᑕᐅᔭᕆᐊᖃᕈᕕᑦ ᑐᓂᓯᓂᕐᒧᑦ ᐊᕐᕌᒍᑕᒫᑦ ᐃᖅᑲᓇᐃᔭᖅᑏᑦ ᐊᑭᓕᖅᑕᐅᔾᔪᑎᖏᓐᓂᒃ ᐅᓂᒃᑳᓕᐊᕐᓂᒃ ᐃᑭᐊᖅᑭᕕᒃᑯᑦ ᓯᕗᕙᓯᖕᓂᖅᓴᒥᒃ ᐊᑭᓕᖅᑕᐅᔾᔪᑎᖏᓐᓂᒃ ᐅᓂᒃᓕᐅᓂᕐᒧᑦ, ᐅᕗᙵᐅᓗᑎᑦ “ᖃᓄᖅ ᑐᓂᔪᓐᓇᖅᐸᕋ ᐊᕐᕌᒍᑕᒫᑦ ᐃᖅᑲᓇᐃᔭᖅᑏᑦ ᐊᑭᓕᖅᑕᐅᔾᔪᑎᖏᓐᓂᒃ ᐅᓂᒃᑳᓕᐅᕐᓂᕋ (APR) ᐊᑐᕐᓗᒍ ᓯᕗᕙᓯᖕᓂᖅᓴᒥᒃ ᐊᑭᓕᖅᑕᐅᔾᔪᑎᖏᓐᓂᒃ ᐅᓂᒃᓕᐅᓂᖅ?” ᐊᒡᒋᖅᐸᓪᓕᐊᔪᓄᑦ ᒪᓕᒐᒃᓴᓄᑦ.

ᐃᑲᔪᖅᑐᐅᔪᒪᒍᕕᑦ ᑐᓂᓯᓂᕐᒧᑦ ᐊᕐᕌᒍᑕᒫᑦ ᐃᖅᑲᓇᐃᔭᖅᑏᑦ ᐊᑭᓕᖅᑕᐅᔾᔪᑎᖏᓐᓂᒃ ᐅᓂᒃᑳᓕᐅᕐᓂᖅ ᓱᒃᑲᔪᒃᑯᑦ ᑐᖅᑯᖅᓯᓂᕐᒧᑦ ᐅᓂᒃᑳᓕᐅᕐᓂᕐᒧᑦ ᐃᑭᐊᖅᑭᕕᒃᑯᑦ, ᐅᕗᙵᐅᓗᑎᑦ “ᖃᓄᖅ ᑐᓂᔪᓐᓇᖅᐸᕋ ᐊᕐᕌᒍᑕᒫᑦ ᐃᖅᑲᓇᐃᔭᖅᑏᑦ ᐊᑭᓕᖅᑕᐅᔾᔪᑎᖏᓐᓂᒃ ᐅᓂᒃᑳᓕᐊᕋ (APR) ᐊᑐᕐᓗᒍ ᓱᒃᑲᔪᒃᑐᑦ ᑐᖅᑯᖅᓯᓂᖅ?” ᐊᒡᒋᖅᐸᓪᓕᐊᔪᓄᑦ ᒪᓕᒐᒃᓴᓄᑦ

WSCC Connect ᐊᑐᖃᑦᑕᖅᑐᑦ ᖃᐅᔨᒋᐊᕐᕕᖃᕆᐊᓖᑦ ᐃᓄᒻᒥᑦ ᐊᐅᓚᑦᑎᔪᒥᑦ ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᖅᑕᐃᓕᒪᓂᕐᒥᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ (OHS) ᐃᕝᕕᑦ ᑎᒥᒋᔭᖓᓂᑦ (ᐅᕝᕙᓘᓐᓃᑦ ᑎᒥᐅᔪᖅ ᑎᑎᕋᐅᑎᒋᔭᕐᓄᑦ) ᐱᑕᖃᖅᑎᑦᑎᓗᓂ ᐃᓕᓐᓄᑦ ᐄ/ᐋᒡᒐ ᑭᐅᔾᔪᑎᓂᑦ OHS ᐊᐱᖅᑯᑎᓄᑦ ᐱᒋᐊᓚᐅᖅᑎᓐᓇᒍ ᑎᑎᕋᖅᑕᐅᕙᓪᓕᐊᓂᖓ. ᑕᑯᖅᑳᕈᒪᒍᕕᒋᑦ ᐊᐱᖅᑯᑏᑦ, ᑕᑯᒋᐊᕐᓗᒍ ᐊᕐᕌᒍᑕᒫᑦ ᐃᖅᑲᓇᐃᔭᖅᑏᑦ ᐊᑭᓕᖅᑕᐅᔾᔪᑎᖏᓐᓂᒃ ᐅᓂᒃᑳᓕᐅᕐᓂᕐᒥᒃ ᒪᓕᒐᒃᓴᖅ ᐱᐊᓂᒃᓯᓂᕐᒧᑦ. ᐃᓕᑦᑎᒃᑲᓐᓂᕈᒪᒍᕕᑦ ᖃᓄᖅ ᑎᑎᕋᕈᓐᓇᕐᒪᖔᖅᐱᐅᒃ ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᖅᑕᐃᓕᒪᓂᕐᒥᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ ᐱᓕᕆᐊᑦ, ᑕᑯᓗᒋᑦ ᐋᓐᓂᐊᖃᖅᑕᐃᓕᒪᓂᕐᒥᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ ᑎᑎᕋᖅᓯᒪᔪᑦ ᖃᕆᑕᐅᔭᒃᑯᑦ ᐃᑭᐊᖅᑭᕕᑦᑎᓐᓂᑦ.

ᐊᑭᓖᖃᑦᑕᕐᓂᖏᓐᓄᑦ ᐃᖅᑲᓇᐃᔭᖅᑎᑦ ᐃᑲᕐᕋᖏᓐᓄᑦ ᐋᖅᑭᒋᐊᕈᑎᑦ

ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ (WSCC) ᐊᑐᖃᑦᑕᖅᑐᑦ ᒥᒃᓴᐅᓴᒃᓯᒪᔪᓂᒃ ᐊᑭᓖᖃᑦᑕᕐᓂᖏᓐᓄᑦ ᐃᖅᑲᓇᐃᔭᖅᑎᑦ ᐃᑲᕐᕋᖏᓐᓄᑦ ᓇᐃᓴᐅᑎᓂᒃ ᑐᓂᔭᐅᔪᑦ ᐃᖅᑲᓇᐃᔭᕐᕕᖕᓂᑦ ᓇᐃᓴᐃᖁᓪᓗᒋᑦ ᐊᑭᖓᓂᒃ ᖃᐅᔨᓴᖅᑕᐅᔫᑉ ᐃᖅᑲᓇᐃᔭᕐᕖᑦ ᐊᑭᓕᕆᐊᖃᕐᓂᐊᖅᑕᖓᓂᒃ ᐊᕐᕌᒍᒥᑦ ᐊᑐᖅᑐᒥᑦ. ᑖᓐᓇ ᒥᒃᓴᐅᓴᒃᓯᒪᔪᖅ ᐋᖅᑭᒋᐊᖅᑐᐅᔪᓐᓇᖅᑐᑦ ᖃᖓᑐᐃᓐᓇᕐ ᐊᕐᕌᒎᑉ ᐃᓗᐊᓂᑦ ᐃᖅᑲᓇᐃᔭᕐᕕᐅᔪᖅ ᐅᔾᔨᕈᓱᓕᕈᓂ ᑕᒻᒪᖅᓯᒪᓂᖓᓂᒃ.

ᐃᖅᑲᓇᐃᔭᕐᕖᑦ ᐅᓂᒃᑳᕈᓐᓇᖅᑐᑦ ᐊᑐᓪᓚᑦᑖᖅᓯᒪᔪᓂᒃ ᐊᑭᓖᖃᑦᑕᕐᓂᖏᓐᓄᑦ ᐃᖅᑲᓇᐃᔭᖅᑎᑦ ᐃᑲᕐᕋᖏᓐᓄᑦ ᓇᐃᓴᐅᑎᓂᒃ, ᖃᓄᐃᓐᓂᖅᓴᐅᖕᒪᖔᑦ ᒥᒃᓴᐅᓴᒃᑕᐅᓯᒪᔪᑦ ᐊᒻᒪᓗ ᐊᑐᓪᓚᑦᑖᖅᓯᒪᔪᑦ ᐊᔾᔨᒌᙱᓐᓂᖏᓐᓂᒃ. ᓱᒋᐊᖅᑕᐅᓂᖅ ᐊᑭᓕᒃᓴᓕᐊᖑᓲᖅ ᐃᖅᑲᓇᐃᔭᕐᕖᑦ ᑐᖓᐅᑦᑎᓗᐊᕌᖓᑕ ᐊᑐᓪᓚᑦᑖᖅᓯᒪᔪᓂᒃ ᐊᑭᓖᖃᑦᑕᕐᓂᖏᓐᓄᑦ ᐃᖅᑲᓇᐃᔭᖅᑎᑦ ᐃᑲᕐᕋᖏᓐᓄᑦ ᑖᒃᑯᓄᖓ ᐊᑐᓪᓚᑦᑖᖅᓯᒪᔪᓄᑦ ᐊᑭᓖᖃᑦᑕᕐᓂᖏᓐᓄᑦ ᐃᖅᑲᓇᐃᔭᖅᑎᑦ ᐃᑲᕐᕋᖏᓐᓄᑦ 25%−ᓗᐊᒥᒃ ᐅᕝᕙᓘᓐᓃᑦ ᐅᖓᑖᓄᑦ.

ᐋᖅᑭᒋᐊᖅᑕᐅᖁᔨᒍᕕᑦ ᐊᑭᓖᖃᑦᑕᖅᑕᕐᓄᑦ ᐃᖅᑲᓇᐃᔭᖅᑎᕕᑦ ᐃᑲᕐᕋᖏᓐᓄᑦ ᑖᒃᑯᓄᖓ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑎᓄᑦ, ᐅᐸᒡᓗᒍ WSCC Connect ᐊᒻᒪᓗ Report or Revise Payroll (ᐅᓂᒃᑳᓄᑦ ᐅᕝᕙᓘᓐᓃᑦ ᐋᖅᑭᒋᐊᖅᓯᓂᕐᒧᑦ ᐊᑭᓖᖃᑦᑕᕐᓂᖏᓐᓄᑦ ᐃᖅᑲᓇᐃᔭᖅᑎᑦ ᐃᑲᕐᕋᖏᓐᓄᑦ) ᐊᑖᓂᑦ “Employer E-Services” (ᐃᖅᑲᓇᐃᔭᕐᕖᑦ ᖃᕆᑕᐅᔭᒃᑯᑦ ᐱᔨᑦᑎᕋᖅᑕᐅᔾᔪᑎᒥᑦ). ᐃᑲᔪᖅᑐᐅᔪᒪᒍᕕᑦ ᑐᓂᓯᓂᕐᒧᑦ ᐊᑭᓕᖅᑕᐅᔾᔪᑎᑦ ᐋᖅᑭᒋᐊᖅᑕᐅᓂᖓᓂᒃ, ᐅᕗᙵᐅᓗᑎᑦ “How do I update my payroll?” (ᖃᓄᖅ ᓄᑖᕈᕆᐊᖅᑎᑦᑐᓐᓇᖅᐸᕋ ᐊᑭᓕᖅᑕᐅᔾᔪᑎᖏᓐᓂᒃ?) (ᐋᖅᑭᒋᐊᕐᓗᒍ ᐊᑭᓕᖅᑕᐅᔾᔪᑎᒐ) ᐊᒡᒋᖅᐸᓪᓕᐊᔪᓄᑦ ᒪᓕᒐᒃᓴᓄᑦ.

ᓇᖕᒥᓂᖅ ᐃᓱᒪᖅᓱᕈᓐᓇᖅᑐᓂ ᓇᓛᒍᑦ ᓇᓪᓕᐅᒃᑯᒫᒥᑦ

ᐃᖅᑲᓇᐃᔭᖅᑎᒧᑦ ᐋᓐᓂᖅᑐᖅᓯᐅᑎᓕᕆᔨᒃᑯᑦ ᒪᓕᒐᖅ ᑕᐃᑲᓂ ᓄᓇᑦᑎᐊᒥᑦ ᐊᒻᒪᓗ ᓄᓇᕘᒥᑦ ᐃᒪᐃᑦᑐᓐᓇᖅᑎᑦᑎᖕᒪᑦ ᐊᔪᙱᑎᑦᑎᓪᓗᓂ ᐃᓚᖏᓐᓂᒃ ᐃᓄᖕᓂᒃ ᐃᓱᒪᒋᔭᐅᙱᑦᑐᓂᒃ ᐃᖅᑲᓇᐃᔭᖅᑎᐅᓂᖏᓐᓂᒃ ᐆᒃᑐᖁᔭᐅᓪᓗᑎᒃ ᓇᓪᓕᐅᑯᒫᖃᕐᓂᕐᒧᑦ. ᑖᓐᓇ ᐃᓄᒃ ᓇᓪᓕᐅᒃᑯᒫᖃᓯᑲᐅᑎᒋᔪᓐᓇᙱᑦᑐᖅ ᐊᑭᓕᖅᑕᐅᓗᓂ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑎᓂᑦ ᐅᑯᐊᖑᔪᑦ ᑐᑭᒧᐊᒃᑎᑦᑎᔨ ᑯᐊᐳᕇᓴᒥᑦ, ᓇᖕᒥᓂᖃᖅᑎ ᐃᖅᑲᓇᐃᔭᖅᑎᖃᕐᓗᑎ, ᐅᕝᕙᓘᓐᓃᑦ ᐃᒻᒥᓂᒃ ᐃᖅᑲᓇᐃᔭᖅᑎᒋᓗᓂ ᐃᖅᑲᓇᐃᔭᖅᑎᖃᑎᓪᓗᓂ.

ᐱᓇᔪᒍᒪᒍᕕᑦ ᓇᖕᒥᓂᖅ ᓇᓛᒍᑦ ᓇᓪᓕᐅᒃᑯᒫᒥᒃ ᐱᑕᖃᖅᐸᒌᖅᑐᒧᑦ ᐃᖅᑲᓇᐃᔭᖅᑎᐅᑉ ᖃᕆᓴᐅᔭᓕᕆᔾᔪᑎᒧᑦ, ᐱᓇᔪᒃᑐᑦ ᐱᐊᓂᒃᓯᔭᕆᐊᓖᑦ ᐱᓇᔫᑎᒥᒃ ᐆᒧᖓ ᓇᖕᒥᓂᖅ ᐃᓱᒪᖅᓱᕈᓐᓇᖅᑐᓂ ᓇᓛᒍᑦ ᓇᓪᓕᐅᒃᑯᒫᒥᑦ. ᐆᒃᑐᖅᑐᑦ ᑐᒃᓯᕋᕆᐊᖃᖅᑐᑦ ᓇᓪᓕᐅᒃᑯᒫᓕᖅᑕᐅᓗᑎᒃ ᒥᑭᓛᒥᒃ ᐊᑕᐅᓯᕐᒧᑦ ᑕᖅᑭᒧᑦ ᐊᒻᒪᓗ ᐊᖏᓛᖅ ᐊᑕᐅᓯᖅ ᑕᖅᑭᖅᓯᐅᑎᓖᑦ ᐊᕐᕌᒍᓕᒫᖅ. ᐃᒪᐃᒃᑲᓗᐊᖅᑎᓪᓗᒍ ᓇᓪᓕᐅᒃᑯᒫᖅᑖᕐᓂᖅ ᓂᕈᐊᖅᑕᐅᔪᓐᓇᖅᑐᖅ, ᐊᑭᖓ ᐆᒃᑐᖅᑑᑉ ᓂᕈᐊᕈᓐᓇᙱᑕᖓ. ᒥᑭᓛᕆᔭᖓ ᓇᖕᒥᓂᖅ ᐃᓱᒪᖅᓱᕈᓐᓇᖅᑐᓂ ᓇᓛᒍᑦ ᓇᓪᓕᐅᒃᑯᒫᒥᑦ (POC) ᐊᑐᐃᓐᓇᐅᔪᖅ 37%-ᖑᕗᖅ ᐊᕐᕌᒍᑕᒫᑦ ᖁᑦᑎᓛᖓᓂ ᓇᓪᓕᐅᒃᑯᒫᓕᐅᖅᑕᐅᓂᕐᒥᑦ (YMIR). ᐊᖏᓛᖅ ᓇᓪᓕᐅᒃᑯᒫᖑᔪᓐᓇᖅᑐᖅ ᐊᑭᖓ ᐊᑐᐃᓐᓇᐅᔪᖅ ᑖᔅᓱᒧᖓ ᓇᖕᒥᓂᖅ ᐃᓱᒪᖅᓱᕈᓐᓇᖅᑐᓂ ᓇᓛᒍᑦ ᓇᓪᓕᐅᒃᑯᒫᕐᒥᑦ ᐅᓇᐅᔪᖅ ᐊᕐᕌᒍᑕᒫᑦ ᖁᑦᑎᓛᖓᓂ ᓇᓪᓕᐅᒃᑯᒫᓕᐅᖅᑕᐅᓂᕐᒧᑦ (YMIR).

ᑖᓐᓇ 2026 ᐊᕐᕌᒍᑕᒫᑦ ᖁᑦᑎᓛᖓᓂ ᓇᓪᓕᐅᒃᑯᒫᓕᐅᖅᑕᐅᓂᕐᒧᑦ (YMIR) ᓄᓇᑦᓯᐊᒧᑦ $116,000, ᐊᒻᒪ ᓄᓇᕗᒻᒧᑦ $117,300.

ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᐊᖏᖅᓯᓇᔭᙱᑦᑐᑦ ᓇᖕᒥᓂᖅ ᐃᓱᒪᖅᓱᕈᓐᓇᖅᑐᓂ ᓇᓛᒍᑦ ᓇᓪᓕᐅᒃᑯᒫᕐᒥᑦ ᐆᒃᑐᖅᑑᑉ ᐊᑐᕈᓐᓇᐅᑎᖓ ᐊᑭᓕᒃᓴᐅᒍᓂ. ᑕᐃᒪᓕ ᓇᖕᒥᓂᖅ ᐃᓱᒪᖅᓱᕈᓐᓇᖅᑐᓂ ᓇᓛᒍᑦ ᓇᓪᓕᐅᒃᑯᒫᕐᒥᑦ ᐊᖏᖅᑕᐅᒍᓂ, ᐆᒃᑐᖅᑐᖅ ᐃᓱᒪᒋᔭᐅᔪᓐᓇᖅᑐᖅ ᐃᖅᑲᓇᐃᔭᖅᑎᐅᓂᖓᓂᒃ ᐊᑕᖏᖅᖢᒋᑦ ᐊᒃᑐᐊᔪᑦ ᐱᔪᓐᓇᐅᑎᖏᑦ ᐊᒻᒪᓗ ᐱᓕᕆᐊᒃᓴᖏᑦ ᐊᑐᖅᖢᑎᒃ ᒪᓕᒐᕐᒥᒃ ᐊᑐᕐᓂᓗᒃᑖᖓᓄᑦ ᓇᓪᓕᐅᒃᑯᒫᒃᓴᖓᓂᒃ.

ᐱᓇᔪᒃᑐᖅ ᐱᖃᖅᐸᒌᙱᑉᐸᑦ ᐃᖅᑲᓇᐃᔭᖅᑏᑦ ᖃᕆᓴᐅᔭᓕᕆᔾᔪᑎᖓᓂᒃ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑎᑯᓐᓂ, ᐅᕗᙵᐅᓗᑎᑦ “ᐱᔅᓇᓯ ᐊᑎᓕᐅᕐᓗᒍ” ᒪᓕᒐᒃᓴᖏᓐᓄᑦ ᖃᓄᖅ ᖁᓂᓯᔪᓐᓇᕐᒪᖔᖅᐱᑦ ᐊᑎᓕᐅᖅᑕᐅᔾᑎᒥᒃ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑎᑯᓐᓄᑦ. ᐆᒃᑐᕐᓂᖅ ᐃᒻᒥᒧᑦ ᓇᓪᓕᐅᒃᑯᒫᒃᓴᒧᑦ ᐃᓚᐅᔪᖅ ᑕᐃᑲᓂ ᖃᕆᑕᐅᔭᒃᑯᑦ ᑎᑎᕋᖅᑕᐅᕙᓪᓕᐊᔾᔪᑎᓂᒃ ᒪᓕᒋᐊᓕᖕᓂᑦ.

ᖃᐅᔨᒋᐊᕐᕕᒋᓗᒋᑦ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᐃᖅᑲᓇᐃᔭᖅᑎᑦᑎᔨᓂᒃ ᐃᑲᔪᖅᓱᖅᑐᓕᔨᖏᑦ ᐊᐱᖅᑯᓯᒃᓴᖃᕈᕕᑦ ᐅᕝᕙᓘᓐᓃᑦ ᐃᑲᔪᖅᑕᐅᔭᕆᐊᖃᕈᕕᑦ.   

ᖃᐅᔨᒪᔾᔪᑎᑦ

ᐅᓇ ᒪᓕᒃᑕᒃᓴᖅ ᐃᑲᔪᓲᖅ ᐃᖅᑲᓇᐃᔭᖅᑎᖁᑎᓕᖕᓂᒃ ᐱᔭᕇᖅᓯᓂᕐᒧᑦ ᐊᕐᕌᒍᑕᒫᑦ ᐃᖅᑲᓇᐃᔭᖅᑏᑦ ᐊᑭᓕᖅᓱᖅᑕᐅᔾᔪᑎᖏᓐᓄᑦ ᐅᓂᒃᑳᓕᐅᕐᓂᕐᒥᑦ (APR) ᖃᕆᑕᐅᔭᒃᑯᑦ ᐅᕘᓇ WSCC Connect.

ᐅᓇ ᒪᓕᒃᑕᒃᓴᖅ ᐃᑲᔪᓲᖅ ᐃᖅᑲᓇᐃᔭᖅᑎᖁᑎᓕᖕᓂᒃ ᐱᔭᕇᖅᓯᓂᕐᒧᑦ ᑳᓐᑐᕌᒃᑎᐅᔪᑦ ᐅᓂᒃᑳᓕᐊᖓᓂ, ᖃᕆᑕᐅᔭᒃᑯᑦ ᐱᐊᓂᒃᑕᐅᓱᖅ ᐅᕘᓇ WSCC Connect.

ᑕᑕᑎᕆᐊᓖᑦ