ᐃᖅᑲᓇᐃᔭᖅᑎᐅᑎᓪᓗᑎᑦ, ᐱᔭᒃᓴᕆᕙᑎᑦ:
- ᐃᖅᑲᓇᐃᔭᕐᕕᖕᒥᑦ ᐊᑦᑕᕐᓇᖅᑕᐃᓕᒪᑎᑦᑎᓂᖅ;
- ᐊᑦᑕᕐᓇᖏᒃᑲᓗᐊᕐᒪᖔᑕ ᐊᑐᖅᑕᐅᓲᑦ ᐊᐅᓚᑎᒨᖅᑐᓪᓗ ;
- ᑲᒪᔨᖃᑦᑎᐊᕐᓗᓂ ᐃᖅᑲᓇᐃᔭᕐᕕᖕᒥᑦ ᒪᓕᒃᑕᐅᒐᓗᐊᕐᒪᖔᑕ ᐊᑦᑕᕐᓇᖅᑕᐅᓕᒪᑎᑦᑎᓇᓱᐊᖃᑦᑕᖅᑐᒥᒃ;
- ᐃᖅᑲᓇᐃᔭᖅᑎᑦ ᑐᓴᖅᑎᑕᐅᑦᑎᐊᖃᑦᑕᕐᓗᑎᒃ ᐱᔪᓐᓇᐅᑎᑦ ᐱᔭᒃᓴᖏᑦ;
- ᐃᓕᓐᓂᐊᖅᑎᑦᑎᐊᖃᑦᑕᕐᓂᖅ;
- ᐃᓕᓐᓂᐊᖅᑕᐅᓗᑎᒃ ᐃᖅᑲᓇᐃᔭᖅᑎᑦ ᖃᓄᑐᐃᓐᓇᖅ ᐊᑦᑕᕐᓇᑐᐃᓐᓇᕆᐊᖃᖅᑐᓂᒃ; ᖃᓄᖅ ᐊᑐᕈᓐᓇᕐᒪᖔᑦ ᐊᑦᑕᕐᓇᖅᑐᖃᖏᓪᓗᓂ, ᑲᒪᒋᔭᖃᕐᓗᓂ, ᐃᓂᖃᕐᓗᓂ ᐊᒻᒪ ᐃᒋᑦᑎᓂᖅ ᐊᑦᑕᕐᓇᖅᑑᔪᑦ; ᖃᓄᕐᓗ ᑐᐊᕕᕐᓇᖅᑐᓂᒃ ᑲᒪᒋᔭᖃᕐᓂᖅ;
- ᓇᖕᒥᓂᖅ ᓴᐳᒻᒥᔾᔪᑎᓄᑦ ᐊᑐᖅᑎᖃᑦᑕᕐᓗᒋᑦ ᐃᖅᑲᓇᐃᔭᖅᑎᓪᓗ ᖃᐅᔨᒪᒐᓗᐊᕐᒪᖔᑕ ᖃᓄᖅ ᐊᑐᑦᐊᕈᓐᓇᕐᒪᖔᑦ ᐊᑦᑕᕐᓇᖅᑐᒦᖏᓪᓗᑎᒃ ᐊᑐᑦᑎᐊᕐᓗᒋᓪᓗ;
- ᐃᑲᔪᕐᓗᓂ ᐱᖃᑕᐅᓗᓂᓗ ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᕐᓇᖏᑦᑐᓕᕆᓂᕐᒧᑦ ᐊᑦᑕᕐᓇᖅᑕᐃᓕᒪᓂᕐᒧᑦ ᑲᑎᒪᔨᕋᓛᓂᒃ;
- ᐋᓐᓂᖅᑐᓕᕆᓂᕐᒧᑦ ᐃᓕᓐᓂᐊᖅᑎᑦᑎᕙᒡᓗᓂ; ᐊᒻᒪ
- ᐅᓂᒃᑳᓕᐅᕐᓂᕐᒥᑦ ᐃᖅᑲᓇᐃᔭᕐᕕᖕᒥ ᖃᓄᐃᓐᓂᐅᔪᓂᑦ, ᐋᓐᓂᕐᓂᐅᔪᓂᑦ, ᑐᖁᔪᖃᖅᐸᑦ, ᐅᕝᕙᓘᓐᓃᑦ ᐅᓗᕆᐊᓇᖅᑐᓂ ᖃᓄᐃᓐᓂᐅᔪᓂᑦ ᑖᒃᑯᓄᖓ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑎᒃᑯᓐᓄᑦ.
ᑐᑭᓯᐊᑦᑎᐊᖁᓪᓗᑎᑦ ᓯᕗᓪᓕᐅᑎᔭᕆᐊᓕᖕᓂᒃ ᐃᓕᓐᓂᐊᕐᓂᕐᒧᑦ, ᕿᒥᕐᕈᔪᓐᓇᖅᑐᑎᑦ ᓇᓪᓕᐅᒃᑯᒫᓄᑦ ᐊᑐᖅᓯᒪᔭᖏᓐᓄᑦ ᐅᓂᒃᑳᖅ ᐅᕘᓇ WSCC Connect. ᐊᓯᖏᓪᓗ, ᑖᓐᓇ ᐅᓂᒃᑳᖅ ᐱᕕᖃᖅᑎᑦᑎᓂᐊᖅᑐᑦ ᐃᖅᑲᓇᐃᔭᖅᑎᑦᑎᔨᓂᒃ ᐃᓛᒃᑯᑦ ᐊᑕᖐᓯᒪᔪᓂᒃ ᖃᓄᐃᓪᓕᔪᖃᖅᑎᓪᓗᒍ ᐃᓕᖅᑯᓯᐅᕙᓪᓕᐊᓕᖅᑐᓂᒃ ᐊᒻᒪ ᓇᓪᓕᐅᒃᑯᒫᓄᑦ ᐱᓕᕆᓃᑦ ᐃᖅᑲᓇᐃᔭᕐᕕᖏᓐᓄᑦ. ᐊᑐᕐᓗᒍ ᑖᓐᓇ ᑐᓴᐅᒪᔾᔪᑎ ᑐᑭᓯᑎᑦᑎᓯᒪᖁᓪᓗᒍ ᐃᖅᑲᓇᐃᔭᕐᕕᖕᓂ ᐊᑦᑕᕐᓇᖅᑕᐃᓕᒪᓂᕐᒧᑦ ᐸᕐᓇᐃᓂᕐᓄᑦ ᐊᒻᒪ ᐃᓕᓐᓂᐊᒐᒃᓴᓄᑦ ᐅᓪᓗᒃᓴᓕᐅᕐᓂᕐᒧᑦ.*
ᐃᖅᑲᓇᐃᔭᖅᑎᖁᑎᓕᐅᓗᑎ ᐅᕝᕙᓘᓐᓃᑦ ᑲᒪᔨᐅᓗᑎ, ᖃᐅᔨᒪᑦᑎᐊᕆᐊᖃᖅᑐᑎᑦ ᐃᖅᑲᓇᐃᔭᖅᑎᑎᑦ ᐅᔾᔨᖅᓱᑦᑎᐊᕆᐊᓖᑦ ᐱᖓᓱᓂᑦ ᑖᒃᑯᓂᖓ ᐱᔪᓐᓇᐅᑎᓂᑦ ᐊᒻᒪ ᖃᐅᔨᒪᓂᕐᒧᑦ ᖃᓄᖅ ᐊᑐᖅᑕᐅᔪᓐᓇᕐᒪᖔᑦ.
ᐱᔪᓐᓇᐅᑎᖃᖅᐳᑦ ᖃᐅᔨᒪᔭᕆᐊᖃᕐᓂᖏᓄᑦ
ᐃᖅᑲᓇᐃᔭᖅᑎᓕᒫᑦ ᐱᔪᓐᓇᐅᑎᖃᖅᐳᑦ ᐊᑦᑕᕐᓇᖅᑐᓂᒃ ᐃᖅᑲᓇᐃᔭᕐᕕᖏᓐᓂᒃ.
ᐱᔪᓐᓇᐅᑎᖃᖅᐳᑦ ᐱᖃᑕᖃᑦᑕᕆᐊᖃᕐᓂᖅ
ᐃᖅᑲᓇᐃᔭᕐᕕᖏᓐᓂᒃ ᐃᖅᑲᓇᐃᔭᖅᑎᓕᒫᑦ ᐱᔪᓐᓇᐅᑎᖃᖅᐳᑦ ᐱᖃᑕᐅᖃᑦᑕᕐᓗᑎᒃ ᑐᕌᖓᔪᓂᒃ ᐋᓐᓂᐊᖃᕐᓇᖏᑦᑐᓕᕆᓂᕐᒧᑦ ᐊᑦᑕᕐᓇᖅᑕᐃᓕᒪᓂᕐᒧᓪᓗ.
ᐱᔪᓐᓇᐅᑎᖃᖅᐳᑦ ᐊᖏᖏᓪᓗᑎᒃ
ᐃᖅᑲᓇᐃᔭᖅᑎᓕᒫᑦ ᐱᔪᓐᓇᐅᑎᖃᖅᐳᑦ ᐊᖏᖏᓪᓗᑎᒃ ᐅᒃᐱᕆᔭᐅᒃᐸᑦ ᐊᑦᑕᕐᓇᖅᑐᖃᑐᐃᓐᓇᕆᐊᖃᖅᑎᓪᓗᒍ ᐱᑕᖃᒐᔪᖏᑦᑐᓂᒃ ᐃᖅᑲᓇᐃᔭᕐᕕᖕᓂᒃ. ᓇᕿᓪᓗᒍ ᒫᓂ ᑕᑯᓇᒡᓗᒍ ᐃᖅᑲᓇᐃᔭᕐᕕᖕᒥᑦ ᐊᖏᖏᑦᑐᓐᓇᕐᓂᖅ.
*ᖃᐅᔨᒪᓂᐊᖅᐳᑎᑦ: ᑕᒪᓐᓇ ᑐᓴᐅᒪᔾᔪᑎ ᐊᑐᐃᓐᓇᐅᔪᖅ ᖃᓪᓗᓈᑐᑦ ᐊᒻᒪ ᐅᐃᕖᑎᑐᑦ. ᑐᒃᓯᕋᕈᓐᓇᖅᑕᑦ ᑕᒪᓐᓇ ᐱᔨᑦᑎᕋᐅᑎ ᐃᓄᒃᑎᑐᑦ, ᐅᖃᖃᑎᒋᓗᒍ ᐊᑭᓕᖅᑕᐅᔪᒪᔾᔪᑎᑦ ᐱᔨᑦᑎᕋᖅᑏᑦ.