ᐋᓐᓂᐊᖃᕐᓇᙱᑦᑐᓕᕆᓂᕐᒥᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ ᐃᖅᑲᓇᐃᔭᕐᕕᖕᒥᑦ ᑭᒃᑯᓕᒫᓄᑦ ᑲᒪᒋᔭᐅᔭᕆᐊᓕᒃ, ᐃᓚᖏᑦ ᐱᓕᕆᐊᖑᔪᑦ ᒪᓕᒐᑦᑎᒍᑦ ᑲᒪᒋᔭᕆᐊᓕᖏᓐᓂᑦ ᐊᑕᖃᓯᐅᑎᔪᑦ. ᐊᑖᓃᑦᑐᑦ ᓇᐃᓈᖅᓯᒪᔪᑦ ᑕᒪᒃᑯᓂᖓ ᐱᓕᕆᐊᒃᓴᕆᔭᐅᔪᓂᑦ ᑲᒪᒋᔭᕆᐊᓕᖏᓐᓂᒡᓗ.
ᐃᖅᑲᓇᐃᔭᖅᑎᖁᑎᓕᒃ : ᐃᕝᕕᑦ ᐱᔭᒃᓴᕆᔭᐃᑦ ᐃᖅᑲᓇᐃᔭᖅᑎᖁᑎᓕᐅᓗᑎ ᐋᖅᑭᒃᓯᓂᕐᒥᑦ ᐊᒻᒪᓗ ᑲᔪᓯᑎᑦᑎᓂᕐᒥᑦ ᐊᑑᑎᖃᖅᑐᒥᑦ ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᖅᑕᐃᓕᒪᓂᕐᒥᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ ᐱᓕᕆᐊᒃᓴᒥᑦ. ᐃᒪᐃᓕᐅᕐᓂᒃᑯᑦ, ᑎᑭᐅᒪᒐᔭᖅᑐᑎᑦ ᒪᓕᒐᓕᕆᓂᒃᑯᑦ ᐱᔭᒃᓴᕆᔭᕐᓂᒃ:
- ᑎᓕᓗᑎ ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᖅᑕᐃᓕᒪᓂᕐᒥᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ ᑭᒡᒐᖅᑐᐃᔨᐅᔪᒥᑦ (ᐊᕙᑏᑦ ᐃᖅᑲᓇᐃᔭᖅᑏᑦ ᑐᖔᓂ) ᐅᕝᕙᓘᓐᓃᑦ ᐋᖅᑭᒃᓯᓗᓂ ᑲᑎᙵᔪᓂᒃ ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᖅᑕᐃᓕᒪᓂᕐᒥᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ ᑲᑎᒪᔨᕋᓛᓂᑦ (ᐊᕙᑏᑦ ᐃᖅᑲᓇᐃᔭᖅᑏᑦ ᐅᖓᑖᓄᑦ).
- ᐊᑐᐃᓐᓇᐅᑎᑦᑎᓗᓂ ᐃᖅᑲᓇᐃᔭᖅᑎᓄᑦ ᑐᑭᓯᒋᐊᕈᑎᒃᓴᓂᑦ ᐊᒻᒪᓗ ᐱᓕᒻᒪᒃᓴᐃᓂᕐᒥᑦ ᐊᑐᕆᐊᓕᖕᓂᑦ ᐊᑦᑕᕐᓇᙱᑦᑐᒃᑯᑦ ᐱᔭᕇᖅᓯᓂᕐᒧᑦ ᐃᖅᑲᓇᐃᔮᖏᓐᓄᑦ ᐱᔭᒃᓴᕆᔭᖏᓐᓄᑦ.
- ᑳᓐᑐᕌᒃᑎᓂᑦ ᐃᖅᑲᓇᐃᔭᖅᑎᑦᑎᒍᕕᑦ, ᑐᓴᐅᒪᑎᑕᐅᔭᕆᐊᓖᑦ ᐃᕝᕕᑦ ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᖅᑕᐃᓕᒪᓂᕐᒥᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ ᐱᓕᕆᐊᒃᓴᖓᓂ, ᐊᒻᒪᓗ ᐱᖃᑕᐅᑦᑎᐊᕆᐊᓖᑦ. ᖃᐅᔨᒪᔭᐅᓕ ᑳᓐᑐᕌᒃᑎᐅᔪᑦ ᓇᖕᒥᓂᖅ ᐋᓐᓂᐊᖃᕐᓇᙱᑦᑐᓕᕆᓂᕐᒥᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ ᐱᓕᕆᔾᔪᓯᖃᑐᐃᓐᓇᕆᐊᓖᑦ ᒪᓕᒋᐊᖃᖅᑕᖏᓐᓂᒃ (ᓄᓇᓯᐅᑎᖅᐸᔮᓂᑦ ᐊᐅᓚᑦᑎᔩᑦ, ᓲᕐᓗ).
- ᐊᑐᐃᓐᓇᐅᑎᑦᑎᓗᓂ ᐊᑦᑎᖕᓂᖅᐹᒃᑯᑦ ᐅᓪᓗᓂᑦ 30 ᑐᖔᓂ ᑐᓴᐅᒪᑎᑦᑎᓗᓂ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑎᒃᑯᓐᓄᑦ (WSCC) ᖃᓄᐃᑦᑐᑐᐃᓐᓇᕐᒥᑦ ᐅᓗᕆᐊᓇᓪᓚᕆᑦᑐᒥᑦ ᐃᖅᑲᓇᐃᔮᒥᑦ.
- ᑐᓴᐅᒪᑎᑦᑕᐅᑎᒋᓗᒋᑦ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑎᒃᑯᑦ ᐱᕐᕈᓗᐊᕿᔪᖃᕐᔪᐊᕈᓂ ᐃᕝᕕᑦ ᐃᖅᑲᓇᐃᔭᕐᕕᖓᓂ.
ᑲᒪᔨᐅᔪᖅ: ᑲᒪᔨᐅᔪᑦ ᐅᔾᔨᕆᔭᖃᕆᐊᓖᑦ ᐊᒻᒪᓗ ᑐᓴᖅᑎᑦᑎᓗᑎᒃ ᑕᒪᐃᓐᓂᒃ ᐅᓗᕆᐊᓇᖅᑐᓂᑦ ᖃᓄᕐᓗ ᐊᐅᓚᑦᑎᓂᐊᕐᒪᖔᑦ ᐃᖅᑲᓇᐃᔭᖅᑎᓄᑦ, ᐊᒻᒪᓗ ᖃᐅᔨᒪᑦᑎᐊᕆᐊᕐᓂᕐᒥᑦ ᐃᖅᑲᓇᐃᔭᖅᑏᑦ ᐃᓕᓐᓂᖅᑎᑕᐅᓯᒪᓗᑎ ᐊᑦᑕᓇᙱᑦᑐᒥᑦ ᐃᖅᑲᓇᐃᔭᕐᓂᕐᒧᑦ ᐱᓕᕆᔾᔪᓯᐅᔪᓂᑦ. ᐱᓗᐊᙳᐊᖅᑐᒥᑦ, ᑲᒪᔨᐅᔪᑦ ᐃᒪᐃᓕᐅᕆᐊᓖᑦ:
- ᐱᔭᕆᕐᓗᒍ ᐊᖓᔪᖅᑳᖅ ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᖅᑕᐃᓕᒪᓂᕐᒥᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ ᖃᐅᔨᒪᔭᐅᔾᔪᑎᑦ ᐃᓕᓐᓂᐊᕈᑎ, ᐱᓕᕆᐊᖑᓪᓚᕆᒋᐊᓕᒃ ᐃᓕᓐᓂᐊᕐᓂᐅᔪᖅ. ᓇᓂᓗᒋᑦ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ-ᐊᖏᖅᑕᐅᓯᒪᔪᓄᑦ ᐃᓕᓐᓂᐊᕈᑎᒃᓴᑦ ᐊᒻᒪᓗ ᐃᓕᓐᓂᐊᖅᑎᑦᑎᓲᓂᑦ ᐃᑭᐊᖅᑭᕕᑦᑎᓐᓂ.
- ᖃᐅᔨᒪᑦᑎᐊᕆᐊᕐᓂᕐᒥᑦ ᐋᓐᓂᐊᖃᕐᓇᙱᑦᑐᓕᕆᓂᕐᒥᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ ᐃᖅᑲᓇᐃᔭᖅᑎᓕᒫᓄᑦ ᐃᕝᕕᑦ ᑲᒪᒋᔭᖃᑦᑕᖅᑕᖏᓐᓂᒃ ᐃᒪᐃᓕᐅᕐᓂᒃᑯᑦ:
- ᑲᑐᔾᔨᖃᑎᖃᕐᓂᕐᒥᑦ ᐃᖅᑲᓇᐃᔭᖅᑎᓂᑦ ᓇᓗᓇᐃᖅᓯᓂᕐᒧᑦ ᐊᑦᑕᕆᔭᐅᔪᓂᑦ ᐊᒻᒪᓗ ᓈᒻᒪᒋᔭᐅᔪᓂᑦ ᐊᐅᓚᑦᑎᔾᔪᑎᓂᑦ ᑕᐃᒃᑯᓄᖓ.
- ᐊᑐᐃᓐᓇᐃᑎᑦᑎᓂᕐᒥᑦ ᐃᖅᑲᓇᐃᔭᖅᑎᓂᑦ ᓇᒻᒪᒃᑐᓂᑦ ᓇᖕᒥᓂᖅ ᐋᓐᓂᖅᑕᐃᓕᔾᔪᑏᑦ ᐊᑦᑕᕐᓇᙱᑦᑐᒃᑯᑦ ᐱᓕᕆᓂᐊᕐᒪᑕ ᐃᖅᑲᓇᐃᔮᒥᓂ.
- ᖃᐅᔨᒪᑦᓯᐊᕆᐊᕐᓂᕐᒥᑦ ᐃᖅᑲᓇᐃᔭᖅᑏᑦ ᐱᔪᓐᓇᐅᑎᖏᓐᓂᒃ ᖃᐅᔨᒪᓗᑎ ᐊᒻᒪᓗ ᐊᑐᖅᑕᐅᖃᑦᑕᕐᓗᑎᑦ:
- ᐱᔪᓐᓇᐅᑎᖃᕐᓂᖅ ᖃᐅᔨᒪᒋᐊᖃᕐᓂᕐᒥᑦ ᐃᖅᑲᓇᐃᔭᕐᕕᖕᒥᑦ ᐅᓗᕆᐊᓇᖅᑐᓂᑦ ᖃᓄᕐᓗ ᑲᒪᒋᔭᐅᒋᐊᖃᕐᒪᖔᑦ.
- ᐱᔪᓐᓇᐅᑎᖃᕐᓂᖅ ᐃᓚᐅᓂᕐᒧᑦ ᐋᓐᓂᐊᖅᑐᓕᕆᓂᕐᒧᑦ ᐊᒻᒪ ᐊᑦᑕᓇᐃᖅᓯᒪᓂᕐᒧᑦ ᐱᓕᕆᔭᐅᔪᓂᑦ ᐊᒻᒪᓗ ᐋᖅᑭᒋᐊᕈᑎᒃᓴᓂᑦ ᐃᖅᑲᓇᐃᔭᕐᕕᓐᓂ.
- ᐱᔪᓐᓇᐅᑎᖃᕐᓂᖅ ᐋᒃᑳᕈᓐᓇᓂᕐᒧᑦ ᐊᑦᑕᕐᓇᖅᑐᒧᑦ ᐱᓕᕆᐊᖃᕐᓂᕐᒧᑦ ᐅᒃᐱᕆᔭᐅᔪᒥᑦ ᐅᓗᕆᐊᓇᖅᑐᖅ ᐃᓄᖕᒧᑦ ᐅᕝᕙᓘᓐᓃᑦ ᐃᖅᑲᓇᐃᔭᖅᑎᖃᑎᖏᓐᓄᑦ ᓯᕘᕋᖏᓪᓗᓂ ᐃᓂᖅᑎᖅᑕᐅᓂᐊᕐᓂᖓᓂ.
- ᖃᐅᔨᓴᕐᓗᒋᑦ ᐊᑦᑕᕐᓇᖅᑐᒥᑦ ᐃᖅᑲᓇᐃᔭᕈᒪᙱᓐᓂᐅᔪᓂᑦ, ᐊᒻᒪᓗ ᖃᓄᐃᑦᑐᑐᐃᓐᓇᕐᓂᑦ ᐊᑦᑕᕐᓇᖅᑐᓂᑦ ᖃᓄᐃᓕᖓᓂᐅᔪᓂᑦ – ᐱᓕᕆᑦᑕᐅᑎᒋᓗᑎᑦ ᐋᖅᑭᒍᑎᒃᓴᐅᔪᓄᑦ ᐱᓕᕆᓂᐅᔪᓂᑦ.
ᓴᓇᔨ: ᐃᖃᓇᐃᔭᖅᑏᑦ ᐱᒻᒪᕆᐅᖃᑕᐅᔪᑦ ᐃᖅᑲᓇᐃᔭᕐᕕᖕᒥᑦ ᐊᑦᑕᕐᓇᔾᔭᐃᖅᓯᒪᓂᕐᒧᑦ. ᓯᕗᓪᓕᖅᐹᖑᒐᔪᓲᑦ ᐅᔾᔨᕈᓱᓐᓂᕐᒥᑦ ᐃᖅᑲᓇᐃᔭᕐᕕᖕᒥᑦ ᐅᓗᕆᐊᓇᖅᑐᓂᑦ ᐊᒻᒪᓗ ᐃᓱᒪᓕᐅᑐᐃᓐᓇᕆᐊᓖᑦ ᐊᐅᒪᑦᑎᓂᕐᒧᑦ. ᐃᖅᑲᓇᐃᔭᖅᑎᐅᔪᑦ ᐃᒪᐃᑦᑕᕆᐊᓖᑦ:
- ᐱᓕᕆᖃᑎᖃᕐᓂᕐᒥᑦ ᑲᒪᔨᓂᑦ ᓇᓗᓇᐃᖅᓯᓂᕐᒧᑦ ᐊᑦᑕᕆᔭᐅᔪᓂᑦ ᐊᒻᒪᓗ ᓈᒻᒪᒋᔭᐅᔪᓂᑦ ᐊᐅᓚᑦᑎᔾᔪᑎᓂᑦ ᑕᐃᒃᑯᓄᖓ.
- ᖃᐅᔨᒪᓂᕐᒥᑦ ᐊᒻᒪᓗ ᒪᓕᑦᑎᐊᕐᓂᕐᒥᑦ ᑕᒪᐃᓐᓂᒃ ᐊᑦᑕᕐᓇᔾᔭᐃᖅᓯᒪᓂᕐᒧᑦ ᒪᓕᒐᕐᓂᒃ ᐊᒻᒪᓗ ᐃᖅᑲᓇᐃᔮᒥᑦ ᐱᓕᕆᔾᔪᓯᐅᔪᓂᑦ, ᐃᓚᒋᓗᓂᐅᒃ ᐊᑐᖃᑦᑕᕐᓂᕐᒥᑦ ᓇᖕᒥᓂᖅ ᐋᓐᓂᖅᑕᐃᓕᔾᔪᑏᑦ ᐱᖁᑎᓂᑦ (PPE).
- ᐅᖃᐅᓯᕆᑦᑕᐅᑎᓗᒋᑦ ᖃᓄᐃᓐᓂᐅᔪᑦ ᐅᕝᕙᓘᓐᓃᑦ ᓄᑖᖑᔪᑦ ᐅᓗᕆᐊᓇᖅᑐᑦ ᑲᒪᔨᒥᓄᑦ. ᐊᑦᑕᕐᓇᙱᒃᑯᓂ ᑕᐃᒪᐃᓕᐅᕐᓂᕐᒧᑦ, ᐋᖅᑭᒋᐊᕐᓗᒍ ᓄᑖᖑᔪᖅ ᐅᓗᕆᐊᓇᕐᓂᐅᔪᖅ.
- ᐋᓐᓂᖅᑐᖃᕈᓂ, ᐋᓐᓂᐊᕐᕕᓕᐊᕐᓗᓂ, ᐊᒻᒪᓗ ᐅᖃᐅᓯᕆᓗᒍ ᐋᓐᓂᕐᓂᐅᔪᖅ ᐃᖅᑲᓇᐃᔭᖅᑎᖁᑎᓕᖕᒧᑦ ᐊᒻᒪᓗ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑎᒃᑯᓐᓄᑦ.
ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ (WSCC) – ᐅᑯᐊ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ (WSCC) ᐋᓐᓂᐊᖃᖅᑎᑦᑎᑦᑕᐃᓕᓂᕐᒥ ᐊᒻᒪ ᐊᑦᑕᓇᖅᑐᒦᑦᑕᐃᓕᓂᕐᒥ ᑐᓴᐅᒪᑎᑦᑎᕙᒃᑐᑦ ᐃᖅᑲᓇᐃᔭᖅᑎᑦᑎᔪᓂᒃ, ᐃᖅᑲᓇᐃᔭᖅᑐᓂᒃ ᐊᒻᒪ ᑭᒃᑯᓕᒫᓂᒃ ᐊᒻᒪᓗ ᐱᓕᕆᖃᑎᖃᖅᐸᒃᖢᑎᒃ ᐃᖅᑲᓇᐃᔭᖅᑎᓂᒃ ᐱᐅᓯᕚᓪᓕᖅᑎᑦᑎᓇᓱᒃᖢᑎᒃ ᐋᓐᓂᐊᖃᖅᑕᐃᓕᓂᕐᒧᑦ ᐊᒻᒪ ᐊᑦᑕᓇᖅᑐᒦᑦᑕᐃᓕᓂᕐᒧᑦ ᐱᓕᕆᐊᖏᓐᓂᒃ.
ᐅᑯᐊ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ (WSCC) ᐊᑦᑕᓇᖅᑐᒦᑦᑕᐃᓕᑎᑦᑎᔨᖏᑦ ᐃᖅᑲᓇᐃᔭᕐᕕᐅᔪᓂ ᖃᐅᔨᓴᖃᑦᑕᖅᑐᑦ ᐃᖅᑲᓇᐃᔭᖅᑎᑦᑎᔪᑦ ᒪᓕᒃᑲᓗᐊᕐᒪᖔᑕ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᐊᒻᒪ ᐊᑦᑕᓇᔾᔭᐃᖅᒪᓂᕐᒧᑦ ᒪᓕᒋᐊᓕᖕᓂ ᐋᖅᑭᒃᑕᐅᓯᒪᔪᓂᒃ ᐅᕘᓇ ᐊᑦᑕᓇᖅᑐᒦᑦᑕᐃᓕᓂᕐᒧᑦ ᒪᓕᒐᖅᑎᒍᑦ, ᐃᓚᖃᖅᖢᓂ ᐋᖅᑭᒋᐊᖅᓯᒪᔪᓂᒃ ᐊᑦᑕᓇᖅᑐᒦᑦᑕᐃᓕᓂᕐᒧᑦ ᐱᓕᕆᐊᒥᑦ. ᐊᑦᑕᓇᖅᑐᒦᑦᑕᐃᓕᑎᑦᑎᔩᑦ ᐊᑐᖁᔨᓕᑐᐃᓐᓇᕆᐊᖃᕐᑐᑦ ᐊᑦᑕᓇᖅᑐᒦᓐᓇᓗᐊᖅᑐᓂ ᐋᖅᑭᒃᓱᐃᖁᔨᓗᑎᒃ ᐅᕝᕙᓘᓐᓃᑦ ᐃᖅᑲᓇᐃᔮᕆᔭᐅᔪᖅ ᓄᖅᑲᖅᑎᑕᐅᓗᓂ ᐊᑦᑕᓇᖅᑐᖃᓗᐊᖅᐸᑦ. ᑭᐅᓯᕙᒃᑐᑦ ᐃᓱᒫᓘᑎᒋᔭᐅᔪᓂᒃ ᐊᑦᑕᓇᖅᑐᖃᖅᑐᓂᒃ ᐃᖅᑲᓇᐃᔭᕐᕕᒋᔭᐅᔪᓂᒃ ᐊᒻᒪ ᖃᐅᔨᓴᖃᑦᑕᖅᖢᑎᒃ ᐃᖅᑲᓇᐃᔮᒥ ᐋᓐᓂᖅᑐᖃᕐᓂᕌᖓᑦ.
ᐃᖅᑲᓇᐃᔭᕐᕕᒃᒥ ᐋᓐᓂᖅᑐᖃᖅᐸᑦ ᐅᕝᕙᓘᓐᓃᑦ ᐋᓐᓂᐊᓕᖅᑐᖃᖅᐸᑦ ᐅᑯᐊ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ (WSCC) ᐃᑲᔪᖃᑦᑕᖅᑐᑦ ᐃᖅᑲᓇᐃᔭᖅᑐᓂᒃ ᑮᓇᐅᔭᖅᑖᕋᓱᒃᑎᓪᓗᒋᑦ, ᐃᓚᖃᖅᖢᓂ ᓘᒃᑖᓄᑦ ᑕᑯᔭᐅᕝᕕᓕᐅᕈᑎᓂ ᐋᓐᓂᖅᓯᒪᔪᓄᑦ ᐃᖅᑲᓇᐃᔭᖅᑎᓄᑦ. ᐅᑯᐊ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ (WSCC) ᐃᑲᔪᖃᑦᑕᕐᒥᔪᑦ ᐋᓐᓂᐊᖅᑐᓂᒃ ᑲᒪᔨᐅᕙᒃᑐᓂᒃ ᐊᒻᒪ ᐃᖅᑲᓇᐃᔭᖅᑎᑦᑎᔪᓂᒃ ᑮᓇᐅᔭᖅᑖᕋᓱᖕᓂᒃᑯᑦ ᐊᒻᒪ ᐅᑎᕐᓂᖅ ᐃᖅᑲᓇᐃᔮᒧᑦ ᐊᑐᖅᑕᐅᕙᓪᓕᐊᖃᑦᑕᖅᑐᓕᒃ.