ᑕᒪᕐᒥ ᐃᖅᑲᓇᐃᔭᖅᑎᑦᑎᔨᐅᔪᑦ ᒪᓕᒐᖅᑎᒍᑦ ᐃᖅᑲᓇᐃᔭᖅᕕᖃᖅᑎᑦᑎᔭᕆᐊᓖᑦ ᐊᑦᑕᓇᕐᔭᐃᓯᒪᔪᒥᒃ ᒪᓕᒡᓗᑎᒃ ᐊᑐᖁᔭᐅᓯᒪᔪᓂᒃ ᐅᕙᓂ ᐊᑦᑕᓇᖅᑐᒦᑦᑕᐃᓕᓂᕐᒧᑦ ᒪᓕᒐᖅᒥᑦ ᐊᒻᒪ ᐃᖅᑲᓇᐃᔭᖅᕕᖕᒥᑦ ᐋᓐᓂᐊᖃᖅᑕᐃᓕᒪᓂᕐᒧᑦ ᐊᒻᒪᓗ ᐊᑦᑕᓇᕐᔭᐃᖅᓯᒪᓂᕐᒧᑦ ᐱᖁᔭᓂᒃ (OHS ᐱᖁᔭᓂᒃ). ᒪᓕᒐᐃᑦ ᐊᒻᒪ ᐃᖅᑲᓇᐃᔭᖅᕕᖕᒥᑦ ᐋᓐᓂᐊᖃᖅᑕᐃᓕᒪᓂᕐᒧᑦ ᐊᒻᒪᓗ ᐊᑦᑕᓇᕐᔭᐃᖅᓯᒪᓂᕐᒧᑦ ᐱᖁᔭᐃᑦ (OHS ᐱᖁᔭᐃᑦ) ᐃᑲᔪᕈᑎᐅᔪᑦ ᐋᓐᓂᐊᖃᖅᑕᐃᓕᑎᑦᑎᓂᕐᒧᑦ ᐊᒻᒪ ᐊᑦᑕᓇᖅᑐᒦᑎᑦᑎᑦᑕᐃᓕᓂᕐᒧᑦ ᐃᖅᑲᓇᐃᔭᖅᑎᓂᒃ ᐊᒻᒪ ᐃᖅᑲᓇᐃᔭᖅᑎᑦᑎᔨᓂᒃ ᓄᓇᕗᒥᑦ ᐊᒻᒪ ᓄᓇᑦᓯᐊᕐᒥ.
ᖃᐅᔨᓴᕐᑎᓪᓗᒍ, ᐅᓇ ᐊᑦᑕᓇᖅᑐᒦᑦᑕᐃᓕᑎᑦᑎᔨ ᐃᖅᑲᓇᐃᔭᖅᕕᒋᔭᕐᓄᑦ ᐅᐸᒐᔭᖅᑐᖅ ᐊᒻᒪ ᖃᐅᔨᓴᕐᓗᓂ ᐃᖅᑲᓇᐃᔭᑎᓪᓗᓯ ᖃᓄᖅ ᐱᓕᕆᐊᖃᖅᐸᒻᒪᖔᑦ. ᐃᖅᑲᓇᐃᔭᖅᑎᑦᑎᔨ ᐱᑎᑕᐅᓇᔭᖅᑐᖅ ᖃᐅᔨᓴᕐᓂᖅᒧᑦ ᐅᓂᒃᑳᓕᐊᓂ ᐃᒪᐃᑦᑐᓂᒃ:
- ᑕᑯᔭᒥᖕᓂᒃ ᐱᓕᕆᔪᐃᑦ ᐱᓕᕆᑦᑎᐊᕐᒪᖔᑕ, ᐊᒻᒪ
- ᖃᓄᐃᓕᐅᖁᔭᐅᔾᔪᑎᓂᒃ ᖃᐅᔨᔭᐅᔪᓂᒃ ᒪᓕᒃᓯᒪᙱᑦᑐᓂᒃ ᐊᑐᕆᐊᓕᖕᓂᒃ.
ᐅᓇ ᐊᑦᑕᓇᖅᑐᒦᑦᑕᐃᓕᑎᑦᑎᔨ ᐊᒻᒪ ᐃᖅᑲᓇᐃᔭᖅᑎᑦᑎᔪᖅ ᐊᖏᖃᑎᒌᒍᑎᖃᕐᓗᑎᒃ ᐅᓪᓗᕐᒥ ᐋᖅᑭᒃᓯᓯᒪᔭᕆᐊᖃᕐᓂᖏᓐᓂᒃ ᑖᓐᓇ ᖃᐅᔨᓴᖅᑐᖅ ᐱᐊᓂᓚᐅᙱᑎᓪᓗᒍ. ᐊᑐᖁᔨᔾᔪᑎ ᐅᖃᐅᓯᖃᖅᑐᖅ ᐊᑦᑕᓇᕐᔭᐃᖅᓯᒪᓂᕐᒧᑦ ᒪᓕᒐᕐᓂ ᒪᓕᒋᐊᖃᖅᑕᕐᓂᒃ.
ᖃᐅᔨᒪᔭᕆᐊᓖᑦ ᐃᖅᑲᓇᐃᔭᖅᕕᒃᒥᑦ ᖃᐅᔨᓴᖅᑕᐅᕙᒃᑐᓂᒃ
- ᐊᑦᑕᓇᖅᑐᒦᑦᑕᐃᓕᑎᑦᑎᔨ ᖃᐅᔨᓴᕋᔭᕐᑐᖅ ᖃᐅᔨᓴᖅᑕᐅᔾᔪᑎᐅᕙᒃᑐᓂ ᐅᑯᓂᖓ:
- ᐃᓂᒃᓴᓕᐅᖅᓯᒪᓂᒃᑯᑦ ᖃᐅᔨᓴᕐᓂᖅ – ᖃᐅᔨᓴᕐᓂᖅ ᐊᑐᖅᑕᐅᓂᖅᐹᖑᕙᒃᑐᖅ. ᐱᓕᕆᐊᕆᔭᐃᑦ ᓂᕈᐊᕆᔭᐅᒍᓂ ᖃᐅᔨᓴᖅᑕᐅᓂᕐᒧᑦ ᒪᓕᒃᓯᒪᓗᑎᒃ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ (WSCC) ᖃᐅᔨᓴᕈᓯᒋᕙᒃᑕᖏᓐᓂᒃ, ᐅᕝᕙᓘᓐᓃᑦ ᐃᖅᑲᓇᐃᔭᖅᑎᑦᑎᔪᖅ ᐅᑯᓄᖓ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑎᓄᑦ (WSCC) ᑕᑯᔭᖅᑐᖅᑕᐅᔪᒪᓗᓂ.
- ᑐᕌᒐᖃᕐᓂᒃᑯᑦ ᖃᐅᔨᓴᕐᓂᖅ – ᐅᓗᕆᐊᓇᓗᐊᖅᑐᕕᓂᖅᒥᒃ ᓇᓗᓇᐃᖅᑕᐅᓯᒪᔪᒥᒃ ᐅᑯᓇᙵᑦ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑎᓄᑦ ᑕᒪᒃᑯᐊ ᐃᖅᑲᓇᐃᔭᖅᑎᑦᑎᔪᑦ ᖃᐅᔨᒪᔭᕆᐊᖃᖅᑕᖓᓂᒃ. ᓲᕐᓗ ᐃᒪᓐᓇ, ᖃᓄᐃᓕᐅᕈᑎ ᓇᓗᓇᐃᖅᑕᐅᓯᒪᓪᓚᕆᒡᓗᓂ ᐋᓐᓂᖃᑦᑕᖅᓯᒪᔪᓂ ᐅᕝᕙᓘᓐᓃᑦ ᒪᓕᒐᖅᑎᒍᑦ ᐊᓯᙳᖅᑎᑕᐅᓂᕐᒧᑦ ᐊᒃᑐᐊᓗᓂ ᐃᕝᕕᑦ ᐱᓕᕆᐊᖓᓄᑦ.
- ᖃᐅᔨᓴᕐᑕᐅᖁᔨᓂᕐᒧᑦ ᖃᐅᔨᓴᕐᓂᖅ – ᖃᐅᔨᓴᕐᑕᐅᖁᔨᓂᕐᒧᑦ ᖃᐅᔨᓴᕐᓂᖅ ᐅᑯᓇᙵᑦ ᐅᓂᒃᑳᑦ ᐊᑦᑕᓇᖅᑐᒥ ᐃᖅᑲᓇᐃᔮᖃᕐᓂᕐᒥᒃ ᐅᕝᕙᓘᓐᓃᑦ ᐆᒧᖓ ᐃᖅᑲᓇᐃᔭᖅᑎᑦᑎᔫᑉ ᐋᓐᓂᖅᑐᒥᒃ ᐅᓂᒃᑳᓂ.
- ᖃᐅᔨᒋᐊᒃᑲᓐᓂᕐᓂᖅ ᖃᐅᔨᓴᕐᓂᖅ – ᖃᐅᔨᓴᕐᓃᑦ ᑭᖑᓪᓕᕐᒥ ᖃᐅᔨᓴᖅᑕᐅᓂᕐᒧᑦ ᐱᓕᕆᐊᖑᖁᔭᐅᓂᑯᓂᒃ ᖃᓄᐃᓕᐅᖁᔭᐅᓂᑯᓂᒡᓘᓐᓃᑦ. ᐃᖅᑲᓇᐃᔭᖅᑎᑦᑎᔪᖅ ᖃᐅᔨᓴᖅᑕᐅᒃᑲᓐᓂᕈᒪᔪᓐᓇᕐᑐᖅ ᖃᐅᔨᓴᖅᑕᐅᓚᐅᖅᑎᓪᓗᒋᑦ.
- ᖃᐅᔨᓴᕐᓂᖅᑕᖃᖅᑎᓪᓗᒍ ᐱᐊᓂᒃᐸᑕ ᑲᑎᒪᓗᑎᒃ ᐊᒻᒪ ᐅᓂᒃᑳᓕᐊᑦ ᖃᐅᔨᓴᕐᓂᕐᒧᑦ ᑐᓂᔭᐅᓚᐅᖅᑎᓐᓇᒍ ᐃᖅᑲᓇᐃᔭᖅᑎᑦᑎᔨᒧᑦ ᐅᓇ ᐊᑦᑕᓇᖅᑐᒦᑦᑕᐃᓕᑎᑦᑎᔨ ᐊᒻᒪᓗ ᐃᖅᑲᓇᐃᔭᖅᑎᑦᑎᔫᑉ ᑭᒡᒐᖅᑐᐃᔨᖓ ᐅᖃᐅᓯᖃᕋᔭᖅᑐᑦ ᐊᑐᖁᔭᐅᔪᓂᒃ ᐊᒻᒪ ᐋᖅᑭᒃᓯᒪᕝᕕᒃᓴᖓᑕ ᐅᓪᓗᖏᓐᓂᒃ.
- ᒪᓕᙱᒃᑯᕕᑦ ᐅᓪᓗᖅ ᐱᔭᐅᔪᒪᔾᔪᑎᓂᒃ, ᐃᖅᑲᐃᑎᑕᐅᒃᑲᓐᓂᕋᔭᖅᑐᑎᑦ ᐃᑲᕋᑦ 24 ᐊᓂᒍᖅᐸᑕ. ᐊᑯᓂᒃᑲᓐᓂᖅ ᐱᓕᕆᐊᖃᕆᐊᖃᕈᕕᑦ, ᐅᖃᕐᕕᒋᓗᒍ ᐊᑦᑕᓇᖅᑐᒦᑦᑕᐃᓕᑎᑦᑎᔨ ᖃᐅᔨᓴᓚᐅᕐᑐᖅ.
- ᑭᖑᓪᓕᖅᐹᒥ ᖃᐅᔨᑎᑕᐅᒃᑲᓐᓂᕋᔭᖅᑐᑎᑦ ᖃᕋᓴᐅᔭᒃᑯᑦ ᑎᑎᕋᕐᕕᐅᓗᑎᒃ ᐅᓪᓗᑦ 14 ᐊᓂᒍᕐᓯᒪᓕᖅᐸᑕ ᐱᐊᓂᒃᓯᒪᕝᕕᒋᔭᕆᐊᖃᓚᐅᖅᑕᐃᑦ.
ᑐᓂᔭᐅᓇᔭᖅᑐᑎᑦ ᓄᖅᑲᖁᔨᓯᒪᔪᓂᒃ ᖃᕋᓴᐅᔭᒃᑯᑦ ᐅᓪᓗᑦ 28 ᐊᓂᒍᖅᑎᓪᓗᒋᑦ ᐱᐊᓂᒃᓯᒪᕝᕕᒋᔭᕆᐊᖃᓚᐅᖅᑕᐃᑦ. - ᐅᓪᓗᑦ 28 ᐊᓂᒍᖅᐸᑕ, ᐃᖅᑲᓇᐃᔭᖅᑎᑦᑎᔪᖅ ᒪᓕᙱᒃᑯᓂ ᐊᑐᖁᔭᐅᔪᓂᒃ ᐊᒻᒪᓗ ᒪᓕᙱᓐᓂᖅ ᖁᐊᕐᓵᕐᓇᖅᑐᒦᔾᔪᑎᐅᔪᓐᓇᕐᓗᓂ ᐅᕝᕙᓘᓐᓃᑦ ᐃᖅᑲᓇᐃᔭᖅᑎᑦᑎᔪᖅ ᐅᖃᖃᑎᖃᑲᑕᙱᑉᐸᑦ ᐅᕙᑦᑎᓐᓂ, ᐅᑯᐊ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ (WSCC) ᐃᖅᑲᖅᑐᐃᕕᒃᑰᖅᑎᑦᑎᓕᑐᐃᓐᓇᕆᐊᓖᑦ.
- ᑕᒪᑐᒥᖓ ᐱᓕᕆᐊᖃᖅᑎᓪᓗᒋᑦ, ᐅᓇ ᐊᑦᑕᓇᖅᑐᒦᑦᑕᐃᓕᑎᑦᑎᔨ ᑐᓂᓯᓇᔭᖅᑐᖅ ᓄᖅᑲᖁᔨᓂᕐᒥᒃ ᓴᓇᔭᐅᔪᒥᒃ ᐅᕝᕙᓘᓐᓃᑦ ᓄᖅᑲᖁᔨᓂᕐᒥᒃ ᐊᑐᖅᑕᐅᔪᓂᒃ ᖁᐊᕐᓵᕐᓇᖅᑐᖃᓪᓚᕆᒃᐸᑦ ᐃᖅᑲᓇᐃᔭᖅᑐᓄᑦ ᐃᖅᑲᓇᐃᔭᖅᕕᒋᔭᖏᓐᓂᒃ. ᐊᑦᑕᓇᖅᑐᒦᑦᑕᐃᓕᑎᑦᑎᔨ ᓄᖅᑲᖁᔨᔾᔪᑎᓂ ᐊᑐᕈᓐᓃᖅᑎᑦᑎᓇᔭᖅᑐᖅ ᐃᖅᑲᓇᐃᔭᖅᑎᑦᑎᔪᖅ ᓴᖅᑭᑦᑎᔪᓐᓇᖅᐸᑦ ᑎᑎᖃᓂᒃ ᒪᓕᖁᔭᐅᔪᓂᒃ ᓇᓗᓇᐃᕐᓯᒪᔪᓂᒃ.
ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ (WSCC) ᐃᑲᔪᖅᑎᐅᔪᑦ ᐃᖅᑲᓇᐃᔭᖅᕕᖕᓂᒃ ᒪᓕᖃᑦᑕᖁᔨᓂᕐᒥᒃ ᐊᑐᖁᔭᐅᔪᓂᒃ ᓄᓇᕗᒥᑦ ᐊᒻᒪ ᓄᓇᑦᓯᐊᕐᒥ ᐊᑦᑕᓇᖅᑐᒦᑦᑕᐃᓕᓂᕐᒧᑦ ᐱᖁᔭᕐᓂ. ᐃᓕᔅᓯᓐᓂ ᐅᖃᓪᓚᖃᑦᑕᖁᔨᔪᒍᑦ ᐅᕙᑦᑎᓐᓄᑦ ᐊᐱᖅᑯᑎᒃᓴᖃᕌᖓᔅᓯ ᐅᕝᕙᓘᓐᓃᑦ ᐃᓱᒫᓘᑎᖃᕈᔅᓯ ᐃᖅᑲᓇᐃᔭᖅᕕᒃᒥ ᐋᓐᓂᐊᖃᖅᑕᐃᓕᓂᕐᒥᒃ ᐊᒻᒪ ᐊᑦᑕᓇᖅᑐᒦᑦᑕᐃᓕᓂᕐᒥᒃ. ᐊᐱᖅᑯᑎᒃᓴᖃᕈᔅᓯ ᖃᐅᔨᓴᖅᑎᐅᔾᔪᑎᓄᑦ ᐅᓂᒃᑳᓕᐊᓂᒃ ᐅᕝᕙᓘᓐᓃᑦ ᒪᓕᖁᔭᐅᔪᓂᒃ ᑖᒃᑯᓄᖓ, ᐊᑏᑐᖅ ᖃᐅᔨᑎᓪᓗᒍ ᐊᑦᑕᓇᖅᑐᒦᑦᑕᐃᓕᑎᑦᑎᔨ ᖃᐅᔨᓴᓚᐅᖅᑐᖅ. ᐊᐱᖅᑯᑎᖃᕈᕕᑦ ᖃᐅᔨᓴᖅᓂᖅᒥᒃ ᐱᓕᕆᔾᔪᑎᒥ ᒪᓕᒋᐊᓕᖕᓂᓪᓘᓐᓃᑦ, ᐅᕙᑦᑎᓐᓄ ᖃᐅᔨᒋᐊᕈᓐᓇᖅᑐᑎᑦ ᐅᓪᓗᒥ.
