ᐅᓗᕆᐊᓇᖅᑐᖃᕐᒪᖔᑦ ᖃᐅᔨᓴᕐᓂᖅ ᐱᓕᕆᓂᐅᔪᖅ ᑲᒪᔨᐅᔪᑦ ᐊᒻᒪᓗ ᐃᖅᑲᓇᐃᔭᖅᑏᑦ ᐊᑐᖃᑦᑕᖅᑕᖏᑦ ᓇᓗᓇᐃᖅᓯᓂᕐᒥᑦ ᐊᒻᒪᓗ ᑲᒪᒋᔭᖃᕐᓂᕐᒥᑦ ᐃᖅᑲᓇᐃᔭᕐᕕᖕᒥ ᐅᓗᕆᐊᓇᕆᔭᐅᔪᓂᒃ. ᐃᖅᑲᓇᐃᔭᖅᑏᑦ ᐊᒻᒪᓗ ᑲᒪᔨᐅᔪᑦ ᖃᐅᔨᓴᕆᐊᓖᑦ ᐅᓗᕆᐊᓇᖅᑐᓂᑦ ᐱᓕᕆᖃᑎᒌᓗᑎᒃ ᐱᓕᕆᐊᒃᓴᕆᔭᐅᔪᒥᑦ ᐱᒋᐊᓚᐅᙱᓐᓂᖏᓐᓂᒃ ᓄᑖᒥᑦ ᐃᖅᑲᓇᐃᔭᕐᕕᐅᔪᒥᑦ, ᐅᕝᕙᓘᓐᓃᑦ ᐃᖅᑲᓇᐃᔭᕐᕕᐅᔪᖅ ᐊᕙᑎᖓ ᐊᓯᔾᔨᕐᓂᕈᓂ ᖃᓄᐃᑦᑐᑐᐃᓐᓇᕐᓂᒥᑦ ᐱᔾᔪᑎᖃᕐᓗᓂ (ᓲᕐᓗ ᓯᓚᐅᑉ ᐊᓯᔾᔨᕐᓂᖓᓄᑦ, ᓄᑖᓂᑦ ᐱᖁᑎᓂᑦ).
- ᐅᓗᕆᐊᓇᖅᑐᖅ: ᖃᓄᐃᓐᓂᐅᔪᖅ, ᓱᓇᑐᐃᓐᓇᖅ, ᐅᕝᕙᓘᓐᓃᑦ ᖃᓄᐃᓕᖓᓂᐅᔪᖅ ᐋᓐᓂᕈᑕᐅᑐᐃᓐᓇᕆᐊᓕᒃ, ᖃᓂᒪᒍᑕᐅᑐᐃᓐᓇᕆᐊᓕᒃ, ᐅᕝᕙᓘᓐᓃᑦ ᓱᕋᐃᑐᐃᓐᓇᕆᐊᓕᒃ ᓱᓇᒃᑯᑖᒥᑦ.
- ᐅᓗᕆᐊᓇᖅᑐᒧᑦ ᐊᐅᓚᑦᑎᔾᔪᑎ: ᖃᓄᐃᓕᐅᕈᑕᐅᔪᑦ ᐃᖅᑲᓇᐃᔭᖅᑎᓄᑦ ᐊᒻᒪᓗ ᐃᖅᑲᓇᐃᔭᖅᑎᖁᑎᓕᖕᓄᑦ ᑕᐃᒪᐃᑎᑦᑎᑦᑎᐊᓕᒪᓂᕐᒥᑦ ᐅᕝᕙᓘᓐᓃᑦ ᐱᓗᐊᖅᑕᐅᓕᒪᑎᑦᑎᓂᕐᒥᑦ ᐅᓗᕆᐊᓇᖅᑐᒥᑦ ᐋᓐᓂᕈᑕᐅᓂᐊᕐᓗᓂ ᐃᖅᑲᓇᐃᔭᕐᕕᖕᒥᑦ.
ᒪᓕᒋᐊᓖᑦ ᐅᓗᕆᐊᓇᖅᑐᖃᕐᒪᖔᑦ ᖃᐅᔨᓴᕐᓂᕐᒧᑦ
- ᓇᓗᓇᐃᖅᓯᓂᕐᒧᑦ ᐊᑦᑕᕆᔭᐅᔪᓂᑦ: ᓇᓗᓇᐃᖅᓯᔪᓐᓇᖅᑐᑎᑦ ᐅᓗᕆᐊᓇᖅᑐᓂᑦ ᐱᓱᓪᓗᑎᑦ ᖃᐅᔨᓴᕐᓗᑎᑦ ᐃᖅᑲᓇᐃᔭᕐᕕᒋᔭᖏᑕ ᐃᓂᒋᔭᖓᓂ, ᕿᒥᕐᕈᐊᕐᓂᕐᒥᑦ ᑭᖑᓂᑦᑎᓐᓂ ᖃᓄᐃᓐᓂᐅᔪᓄᑦ ᐅᓂᒃᑳᓕᐊᓂᑦ, ᐅᖃᖃᑎᖃᕐᓂᕐᒥᑦ ᐃᖅᑲᓇᐃᔭᖅᑎᓂᑦ, ᐱᓕᕆᓂᕐᒥᑦ ᐅᓗᕆᐊᓇᖅᑐᖃᕐᒪᖔᑦ ᖃᐅᔨᓴᕈᑎᓂᑦ, ᐊᒻᒪᓗ ᕿᒥᕐᕈᓂᕐᒥᑦ ᐃᖅᑲᓇᐃᔭᕐᓂᕐᒧᑦ ᐱᓕᕆᓂᐅᔪᓂᑦ.
- ᐊᐅᓚᑦᑎᔾᔪᑏᑦ ᐅᓗᕆᐊᓇᖅᑐᑦ: ᓇᓗᓇᐃᖅᓯᒪᓕᕈᕕᒋᑦ ᐅᓗᕆᐊᓇᖅᑐᑦ, ᐅᖃᐅᓯᕆᓗᒋᑦ ᐱᐅᓛᒃᑯᑦ ᐲᖅᓯᓂᕐᒥᑦ ᐅᓗᕆᐊᓇᖅᑐᒥᑦ ᐅᕝᕙᓘᓐᓃᑦ ᐅᓗᕆᐊᓇᖅᑐᒦᙱᓐᓂᖅᓴᐅᓂᕐᒧᑦ ᐱᓕᕆᖃᑎᒋᔭᕐᓂᒃ. ᑕᒪᓐᓇ ᐃᓚᖃᕈᓐᓇᖅᑐᖅ ᐊᔾᔨᒌᙱᑦᑐᓂᑦ ᐸᕐᓇᒍᑎᓂᑦ ᐱᔾᔪᑎᒋᓪᓗᒍ ᖃᓄᐃᑦᑑᓂᖓ ᐅᓗᕆᐊᓇᖅᑐᖅ.
- ᑲᒪᒋᔭᐅᓛᕐᓂᖓᑕ ᖃᓄᐃᓕᒋᐊᕐᓂᖅ: ᓇᓗᓇᐃᕐᓗᒋᑦ ᑭᖑᓪᓕᕐᒥ ᖃᓄᐃᓕᐅᕆᐊᕈᑎᑦ ᐊᑐᓕᖅᑎᑦᑎᓯᒪᓕᕈᕕᑦ ᐅᓗᕆᐊᓇᖅᑐᓄᑦ ᐊᐅᓚᑦᑎᔾᔪᑎᓂᑦ. ᐃᒪᐃᓕᐅᑐᐃᓐᓇᕆᐊᖃᖅᑐᑎᑦ:
• ᑲᔪᓯᓂᕐᒥᑦ ᐱᓕᕆᐊᒃᓴᒥᑦ ᐅᓗᕆᐊᓇᖅᑐᑦ ᐊᐅᓚᑕᐅᑦᑎᐊᓕᖅᐸᑕ.
• ᐊᓯᔾᔨᕐᓗᒍ ᐃᖅᑲᓇᐃᔭᕐᕕᐅᑉ ᐊᕙᑎᖓ ᐊᒻᒪᓗ ᖃᐅᔨᓴᒃᑲᓐᓂᕐᓗᒋᑦ ᐅᓗᕆᐊᓇᕈᑏᑦ.
• ᐊᓯᔾᔨᕐᓗᒍ ᖃᓄᖅ ᐱᓕᕆᐊᒃᓴᖅ ᑲᒪᒋᔭᐅᓲᖑᖕᒪᖔᖅ ᐊᒻᒪᓗ ᖃᐅᔨᓴᒃᑲᓐᓂᕐᓗᒋᑦ ᐅᓗᕆᐊᓇᕈᑏᑦ.
• ᐱᓕᕆᐊᕆᔭᐅᔪᖅ ᓄᖅᑲᖅᑎᓪᓗᒍ ᐊᒻᒪᓗ ᑐᓴᐅᒪᑎᒋᐊᕐᓗᒍ ᑲᒪᔨᐅᔪᖅ ᐅᓗᕆᐊᓇᖅᑐᑦ ᐊᐅᓚᑕᐅᔪᓐᓇᙱᒻᒪᑕ. - ᐊᑎᓕᖅᑕᐅᔪᖅ: ᐃᖅᑲᓇᐃᔭᖅᑏᑦ ᐊᒻᒪᓗ ᑲᒪᔨᐅᔪᖅ ᐊᑎᓕᐅᓪᓗᐊᖅᑐᑦ ᖃᐅᔨᓴᕐᓂᐅᔪᒥᑦ ᓇᓗᓇᐃᖅᓯᓂᕐᒥᑦ ᑭᒃᑯᓕᒫᑦ ᐊᖏᖅᓯᒪᓂᖏᓐᓂᒃ ᓇᓗᓇᐃᖅᑕᐅᓯᒪᔪᓂᑦ ᐅᓗᕆᐊᓇᖅᑐᓂᑦ ᐊᒻᒪᓗ ᐊᐅᓚᑦᑎᔾᔪᑎᓂᑦ.
ᑎᑎᕋᖅᓯᒪᔪᖅ ᐱᔭᐅᔭᕆᐊᓖᑦ
- ᐃᖅᑲᓇᐃᔭᖅᑏᑦ ᐊᕙᑏᑦ ᐅᖓᑖᓄᑦ:
- ᐅᓗᕆᐊᓇᖅᑐᖃᕐᒪᖔᑦ ᖃᐅᔨᓴᕈᑏᑦ ᐅᓂᒃᑳᓕᐊᑦ: ᐃᖅᑲᓇᐃᔭᖅᑎᖁᑎᓖᑦ ᑎᑎᕋᐃᓐᓇᕆᐊᓖᑦ ᖃᓄᐃᓕᓯᒪᓂᖏᑦ ᐅᓗᕆᐊᓇᖅᑐᖃᕐᒪᖔᑦ ᖃᐅᔨᓴᕐᓂᐅᔪᓂᑦ ᑲᒪᒋᔭᐅᓯᒪᔪᓂᑦ ᐃᖅᑲᓇᐃᔭᕐᕕᖕᒥᑦ. ᑖᒃᑯᐊ ᐅᓂᒃᑳᓕᐊᑦ ᓇᓗᓇᐃᓪᓗᐊᖅᑐᑦ ᐅᓗᕆᐊᓇᖅᑐᓂᑦ ᓇᓗᓇᐃᖅᑕᐅᓯᒪᔪᓂᑦ, ᐊᒻᒪᓗ ᐊᐅᓚᑦᑎᓂᕐᒧᑦ ᐱᓕᕆᓂᐅᔪᑦ ᐊᑐᖅᑕᐅᔪᓂᑦ.
- ᐅᓗᕆᐊᓇᖅᑐᖃᕐᒪᖔᑦ ᖃᐅᔨᓴᕈᑏᑦ ᐅᓂᒃᑳᓕᐊᑦ: ᐃᖅᑲᓇᐃᔭᖅᑎᖁᑎᓖᑦ ᑎᑎᕋᐃᓐᓇᕆᐊᓖᑦ ᖃᓄᐃᓕᓯᒪᓂᖏᑦ ᐅᓗᕆᐊᓇᖅᑐᖃᕐᒪᖔᑦ ᖃᐅᔨᓴᕐᓂᐅᔪᓂᑦ ᑲᒪᒋᔭᐅᓯᒪᔪᓂᑦ ᐃᖅᑲᓇᐃᔭᕐᕕᖕᒥᑦ. ᑖᒃᑯᐊ ᐅᓂᒃᑳᓕᐊᑦ ᓇᓗᓇᐃᓪᓗᐊᖅᑐᑦ ᐅᓗᕆᐊᓇᖅᑐᓂᑦ ᓇᓗᓇᐃᖅᑕᐅᓯᒪᔪᓂᑦ, ᐊᒻᒪᓗ ᐊᐅᓚᑦᑎᓂᕐᒧᑦ ᐱᓕᕆᓂᐅᔪᑦ ᐊᑐᖅᑕᐅᔪᓂᑦ.
ᒪᓕᒐᑦᑎᒍᑦ ᑕᑯᒋᐊᖅᑕᐅᒍᓐᓇᖅᑐᖅ
- ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᖅᑕᐃᓕᒪᓂᕐᒥᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ ᒪᓕᒃᑕᐅᖁᔭᐅᔪᑦ: ᐃᓚᖏᑦ 12, 13, 16 (1)(b)
