ᐱᒻᒪᕆᐅᕗᖅ ᐃᓱᒪᒋᓗᒋᑦ ᐊᒻᒪᓗ ᐸᕐᓇᐃᓗᑎᑦ ᖃᓄᐃᓕᐅᕐᓂᐊᕐᒪᖔᖅᐱᑦ ᐱᕐᕈᓗᐊᕿᔪᖃᖅᐸᑦ ᐃᕝᕕᑦ ᐃᖅᑲᓇᐃᔭᕐᕕᖓᓂ ᐃᖅᑲᓇᐃᔭᖅᑎᐅᔪᖅ ᕿᑲᑲᐃᓐᓇᕆᐊᖃᓕᕐᓗᓂ ᐱᔪᓐᓃᓐᓇᓱᓐᓂᖓᓂ. ᖃᐅᔨᓴᕐᓂᖅ ᓴᖅᑭᔮᖅᑎᑦᑎᔪᖅ ᐋᓐᓂᖅᓯᒪᔪᒥ ᓴᓇᔨᒥ ᐅᑎᕐᓂᕐᒧᑦ ᓴᓇᕝᕕᖕᒧᑦ ᐊᑦᑕᕐᓇᕈᓐᓃᕈᓂ ᐃᑲᔪᕐᓂᕐᓂᖅᓴᐅᔪᖅ ᐱᔪᓐᓃᕋᓱᐊᕐᓂᖏᓐᓂ ᐊᓂᒍᖅᑕᐅᔪᓂᑦ. ᑕᒪᓐᓇ, ᑕᐃᒪᒍᑕᐅᕗᖅ, ᐃᑲᔪᖅᑐᖅ ᐃᖅᑲᓇᐃᔭᕐᕕᖕᓂᑦ ᐱᓯᒪᑦᑎᓗᓂ ᐱᓕᕆᓂᑰᔪᓂᑦ, ᐱᒻᒪᕆᐅᒋᔭᐅᔪᓂᑦ ᐃᖅᑲᓇᐃᔭᖅᑎᓂᑦ.
ᐃᖅᑲᐅᒪᓂᐊᖅᐳᑎᑦ: ᐃᖅᑲᓇᐃᔭᖅᑎ ᐅᑎᑐᐃᓐᓇᕆᐊᓕᒃ ᐃᖅᑲᓇᐃᔭᕐᕕᒻᒧᑦ ᐱᔭᒃᓴᕆᔭᖏᓐᓂᒃ ᐱᓕᕆᒍᓐᓇᙱᑎᓪᓗᒍ ᓱᓕ ᐱᓕᕆᑎᑕᐅᖔᕐᓗᓂ ᓈᒻᒪᒐᔭᖅᑐᒥᑦ ᐱᓕᕆᐊᒃᓴᓂᑦ.
ᐃᖅᑲᓇᐃᔮᒧᑦ ᐅᑎᕐᓂᕐᒧᑦ ᐱᓕᕆᐊᒃᓴᐅᔪᖅ:
- ᓇᓗᓇᐃᖅᓯᓲᖅ ᐱᔭᒃᓴᕆᔭᐅᔪᓂᑦ ᐋᓐᓂᖅᓯᒪᔪᒧᑦ ᐃᖅᑲᓇᐃᔭᖅᑎᒧᑦ, ᐃᖅᑲᓇᐃᔭᖅᑎᖁᑎᓕᖕᒧᑦ, ᐋᓐᓂᐊᖃᕐᓇᙱᑦᑐᓕᕆᔩᑦ, ᐊᒻᒪᓗ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᐃᑲᔪᖅᓱᐃᓂᕐᒥᑦ ᐃᖅᑲᓇᐃᔭᖅᑎᒥᑦ ᐅᑎᕐᓂᕐᒥᑦ ᐃᖅᑲᓇᐃᔮᒧᑦ.
- ᑎᑎᕋᖅᓯᒪᕗᖅ ᐱᓕᕆᔾᔪᓯᐅᔪᒥ ᐃᖅᑲᓇᐃᔭᖅᑎᖁᑎᓕᐅᑉ ᒪᓕᓐᓂᐊᖅᑕᖏᑦ ᐃᑲᔪᕐᓂᕐᒧᑦ ᐋᓐᓂᖅᑐᓄᑦ ᐅᕝᕙᓘᓐᓃᑦ ᖃᓂᒪᔪᓄᑦ ᓴᓇᔨᐅᔪᓄᑦ ᐃᖅᑲᓇᐃᔭᕆᐊᒃᑲᓐᓂᕐᓂᐊᖅᑐᓄᑦ.k.
- ᖃᓄᖅ ᓇᓗᓇᐃᖅᓯᓂᕐᒥᑦ ᐋᓐᓂᖅᓯᒪᔪᒥᑦ ᐅᕝᕙᓘᓐᓃᑦ ᐋᓐᓂᐊᔪᒥᑦ ᐃᖅᑲᓇᐃᔭᖅᑎᒥᑦ ᐊᑦᑕᓇᖏᑦᑐᒥᑦ ᒪᒥᓴᕐᓗ ᐃᖅᑲᓇᐃᔭᕐᓗᓂ.
- ᐱᖃᓯᐅᔾᔨᑐᐃᓐᓇᕆᐊᓕᒃ ᐃᖅᑲᓇᐃᔭᕐᓂᖓᓄᑦ ᐋᖅᑭᒋᐊᖅᑕᐅᓯᒪᔪᑦ ᐅᕝᕙᓘᓐᓃᑦ ᐃᑲᕋᑭᓐᓂᖅᓴᐅᓗᓂ ᐱᔪᓐᓃᖅᐸᓪᓕᐊᑎᓪᓗᒍ.
ᖃᓄᐃᑦᑑᒐᓗᐊᕈᓂ ᐃᖅᑲᓇᐃᔮᒧᑦ ᐅᑎᕐᓂᕐᒧᑦ ᐱᓕᕆᐊᒃᓴᕆᔭᐃᑦ, ᑕᐃᒪᐃᒐᔪᓪᓗᑎᑦ, ᐃᑲᔪᖅᓱᕐᓂᒃᑯᑦ ᑐᓴᐅᒪᖃᑎᒌᖃᑎᒋᓗᒍ ᐋᓐᓂᖅᓯᒪᔪᑦ ᐃᖅᑲᓇᐃᔭᖅᑏᑦ ᐱᒻᒪᕆᐅᔪᖅ ᐱᔪᓐᓃᖅᐸᓪᓕᐊᑎᓪᓗᒋᑦ.
ᑎᑎᕋᕐᓂᖅ
- ᐃᖅᑲᓇᐃᔮᒧᑦ ᐅᑎᕐᓂᕐᒧᑦ ᐱᓕᕆᐊᒃᓴᐅᔪᑦ ᐊᒻᒪᓗ ᐊᑐᐊᒐᖅ
- ᐃᓛᒃᑰᖓᔪᑦ ᐃᖅᑲᓇᐃᔮᒧᑦ ᐅᑎᓂᕐᒧᑦ ᐊᑐᐊᒐᐃᑦ ᐋᓐᓂᖅᓯᒪᔪᓄᑦ ᐅᕝᕙᓘᓐᓃᑦ ᐋᓐᓂᐊᔪᓄᑦ ᐃᖅᑲᓇᐃᔭᖅᑎᓄᑦ
ᑐᑭᓯᒋᐊᕈᑎᒃᓴᒃᑲᓐᓂᕐᓄᑦ ᐅᑎᕐᓂᕐᒧᑦ ᐃᖅᑲᓇᐃᔭᕐᕕᖕᒧᑦ ᐸᕐᓇᐃᓂᕐᒥᑦ, ᑕᑯᒋᐊᕐᓕ ᐃᑭᐊᖅᑭᕕᕗᑦ ᐅᕙᓂ.