ᖃᓄᐃᓕᔪᖃᖅᑐᒥᓂᐅᑎᓪᓗᒍ ᐃᕝᕕᑦ ᐃᖅᑲᓇᐃᔭᕐᕕᖓᓂ, ᐋᓐᓂᖅᑐᖃᕐᓂᕈᓂ ᐅᕝᕙᓘᓐᓃᑦ ᐋᓐᓂᖅᑐᖃᕐᓂᖏᒃᑲᓗᐊᕈᓂ, ᖃᐅᔨᓴᓂᕐᒧᑦ ᒪᓕᑦᑕᐅᔭᕆᐊᓖᑦ ᐃᓕᓐᓂ ᐃᑲᔪᕋᔭᖅᑐᑦ ᓇᓗᓇᐃᖅᓯᓗᑎ ᖃᓄᐃᓕᓂᐅᔪᒥᑦ, ᖃᓄᖅ ᐅᓂᒃᑳᓕᐅᕆᐊᖓ ᖃᓄᐃᓕᓂᐅᔪᖅ, ᐊᒻᒪ ᖃᓄᖅ ᓇᓗᓇᐃᕋᔅᓴᐅᓂᖏᓐᓄᑦ ᐋᖅᑭᒍᑎᐅᒍᓐᓇᖅᑐᑦ.
ᖃᐅᔨᓴᓕᕈᕕᑦ, ᖃᐅᔨᓇᓱᑐᐃᓐᓇᙱᓪᓗᑎᑦ ᐅᕝᕙᓘᓐᓃᑦ ᐱᑎᑦᑎᓇᓱᑐᐃᓐᓇᙱᓪᓗᑎᑦ. ᐅᔾᔨᖅᓱᕐᓂᖅᓴᐅᓗᑎᒃ ᑭᓱᓂᑦ ᐱᔾᔪᑎᖃᓚᐅᕐᒪᖔᑦ ᖃᓄᐃᓐᓂᐅᔫᑉ ᖃᓄᕐᓗ ᑕᐃᒪᐃᓐᓂᕐᒪᖔᖅ ᑕᐃᒪᐃᑎᑦᑎᒃᑲᓐᓂᖅᑕᐃᓕᒪᓂᐊᕋᕕᑦ.
ᓄᐊᑦᑎᓗᑎᑦ ᐱᓕᕆᖃᑎᒌᓂᐊᖅᑐᓂᑦ ᖃᐅᔨᓴᕐᓂᕐᒧᑦ ᒪᑯᓂᖓ ᐃᓚᖃᕐᓗᓂ:
- ᐃᖅᑲᓇᐃᔭᖅᑎᖁᑎᓕᒃ ᐅᕝᕙᓘᓐᓃᑦ ᐃᖅᑲᓇᐃᔭᖅᑎᖁᑎᓕᒃ ᑭᒡᒐᖅᑐᐃᔨᖓ.
- ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᖅᑕᐃᓕᒪᓂᕐᒥᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ ᑭᒡᒐᖅᑐᐃᔨᐅᔪᖅ ᐅᕝᕙᓘᓐᓃᑦ ᐃᓚᒋᔭᐅᔪᖅ ᑲᑎᙵᔪᓂ ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᖅᑕᐃᓕᒪᓂᕐᒥᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ ᑲᑎᒪᔨᕋᓛᓄᑦ.
- ᐊᑐᕈᓂ, ᐱᓕᕆᐊᖑᔪᒥᑦ ᖃᐅᔨᒪᔨᑕᑦ (ᓲᕐᓗ ᐊᐅᓚᐅᓯᕆᔩᑦ, ᐅᐊᔭᓕᕆᔩᑦ, ᐊᑦᑕᕐᓇᔾᔭᐃᖅᓯᒪᓂᕐᒧᑦ ᐅᖃᐅᔾᔪᐃᔨ).
ᖃᓄᐃᓕᓂᐅᔪᖅ ᐅᓗᕆᐊᓇᖅᐸᑦ ᓴᖅᑭᓐᓂᖓ, ᖃᓄᐃᓐᓂᐅᔪᖅ ᑎᒥᒧᑦ ᐋᓐᓂᕈᑕᐅᕐᔪᐊᕐᓗᓂ, ᐅᕝᕙᓘᓐᓃᑦ ᑐᖁᔪᖃᖅᐸᑦ, ᐅᖃᐅᓯᕆᒋᐊᖃᓪᓚᕆᑦᑕᐃ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑎᒃᑯᓐᓄᑦ ᕿᓚᒻᒥᐅᓛᒃᑯᑦ – ᐅᖄᓚᓗᑎᑦ ᐊᑭᖃᙱᑦᑐᒧᑦ 1-800-661-0792.
- ᐱᕐᕈᓗᐊᕿᓂᐅᔪᓂᑦ ᐱᑎᑦᑎᔪᒥ ᑎᒥᒃᑯᑦ ᐋᓐᓂᕐᓂᕐᔪᐊᖑᔪᒥᑦ: ᐋᓐᓂᕐᓂᐅᔪᖅ ᐃᖅᑲᓇᐃᔭᕐᕕᖕᒥ ᐃᓂᒋᔭᖓᓂ ᐱᔾᔪᑕᐅᔪᖅ ᐅᕝᕙᓘᓐᓃᑦ ᓂᕆᐅᓇᖅᑐᖅ ᑐᖁᕈᑕᐅᔪᖅ ᐃᓄᖕᒧᑦ, ᐅᕝᕙᓘᓐᓃᑦ ᐋᓐᓂᐊᕐᕕᖕᒦᑦᑕᕆᐊᖃᕐᓗᓂ ᐃᓂᓪᓚᖓᓗᓂ 24-ᓂᒃ ᐃᑲᕐᕋᓂᒃ ᐅᖓᑖᓂᓘᓐᓃᑦ.
- ᐅᓗᕆᐊᓇᖅᑐᒥ ᖃᓄᐃᓐᓂᐅᔪᒥᑦ: ᑐᑭᖃᖅᐳᖅ ᖃᓄᐃᓐᓂᐅᔪᖅ ᑐᕌᖓᓕᕈᑕᐅᙱᑦᑐᖅ ᑭᓯᐊᓂ ᐱᕐᕈᓗᐊᕿᔾᔪᑕᐅᑐᐃᓐᓇᕆᐊᓕᒥᓂᖅ ᐊᒃᓱᕐᔪᐊᕌᓗᒃ ᑎᒥᒧᑦ ᐋᓐᓂᕈᑕᐅᕐᔪᐊᕐᓗᓂ (ᓲᕐᓗ ᐃᒡᓗᐊᓗᒃ ᑲᑕᓪᓗᓂ, ᓱᑲᓐᓇᖅᑐᒥᑦ ᐊᑦᑐᖅᓯᓗᓂ).
ᐱᓕᕆᓂᐅᔪᖅ ᐅᖃᐅᓯᖃᕐᓂᕐᒥᑦ ᐅᓗᕆᐊᓇᖅᑐᒥ ᖃᓄᐃᓐᓂᐅᔪᒥ, ᐱᕐᕈᓗᐊᕿᔪᖃᖅᐸᑦ ᑎᒥᒧᑦ ᐋᓐᓂᕈᑕᐅᕐᔪᐊᕐᓗᓂ, ᐅᕝᕙᓘᓐᓃᑦ ᑐᖁᔪᖃᓐᓂᖅᐸᑦ:
- ᑐᓴᐅᒪᑎᒋᐊᕐᓗᒋᑦ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᑕᐃᒪᐃᒍᓐᓇᖅᓯᑐᐊᕈᕕᑦ (ᐊᑭᖃᙱᑦᑐᒧᑦ ᐅᖄᓚᓗᑎᑦ: 1-800-661-0792).
- ᑐᓂᓗᒋᑦ ᐃᖅᑲᓇᐃᔭᖅᑎᖁᑎᓕᐅᑉ ᐅᓂᒃᑳᓕᐊᖓ ᖃᓄᐃᓐᓂᐅᔪᒧᑦ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑎᒃᑯᓐᓄᑦ ᐃᖅᑲᓇᐃᔭᕐᓇᐅᑎᓪᓗᒍ ᐅᓪᓗᐃᑦ ᐱᖓᓱᑦ ᑐᖔᓂ.
- ᖃᐅᔨᓴᕐᓗᒋᑦ ᐊᒻᒪᓗ ᐋᖅᑭᒃᓯᓗᑎᑦ ᐅᓂᒃᑳᓕᐊᒥᑦ (ᑕᑯᓗᒍ ᐆᒃᑑᑎ ᖃᓄᐃᓐᓂᐅᔪᓄᑦ ᐅᓂᒃᑳᓕᐅᕐᓂᕐᒥᑦ ᐊᒻᒪᓗ ᖃᐅᔨᓴᕐᓂᕐᒥᑦ).
ᑎᑎᕋᖅᓯᒪᔪᖅ ᐱᔭᐅᔭᕆᐊᓖᑦ
- ᐃᖅᑲᓇᐃᔭᕐᕕᓕᒫᑦ
- ᖃᓄᐃᓐᓂᐅᔪᒧᑦ ᖃᐅᔨᓴᓂᕐᒧᑦ ᐅᓂᒃᑳᓕᐊᖅ ᐱᖃᓯᐅᑎᓪᓗᑎ ᑲᒪᒋᔭᕆᐊᓕᖏᑦ ᑲᑎᓐᖓᔪᓂᑦ ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᖅᑕᐃᓕᒪᓂᕐᒥᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ ᑲᑎᒪᔨᕋᓛᓂᑦ ᐅᕝᕙᓘᓐᓃᑦ ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᖅᑕᐃᓕᒪᓂᕐᒥᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ ᑭᒡᒐᖅᑐᐃᔨ, ᑲᒪᔨᖓ ᐊᒻᒪ ᐃᖅᑲᓇᐃᔭᖅᑎ.
ᒪᓕᒐᑦᑎᒍᑦ ᑕᑯᒋᐊᖅᑕᐅᒍᓐᓇᖅᑐᖅ
- ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᖅᑕᐃᓕᒪᓂᕐᒥᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ ᒪᓕᒃᑕᐅᖁᔭᐅᔪᑦ: ᐃᓚᖓᑦ 3; 8; 9; 28, 29
