ᖃᓄᐃᓕᓂᕐᒧᑦ ᖃᐅᔨᓴᖅᑕᐅᓂᖅ ᐊᒻᒪ ᐅᓂᒃᑳᓕᐅᖅᑕᐅᓂᖅ

ᖃᓄᐃᓕᔪᖃᖅᐸᑦ ᐃᖅᑲᓇᐃᔭᕐᕕᒋᔭᕐᓂ, ᐱᒻᒪᕆᐅᕗᖅ ᖃᐅᔨᓴᕐᓗᒍ ᖃᓄᐃᓕᔪᖃᖅᑐᒧᑦ ᐱᔾᔪᑎᐅᔭᕆᐊᒃᓴᖓᓂ. ᖃᐅᔨᓴᕐᓂᖅ ᐃᑲᔪᕋᔭᖅᑐᖅ ᐃᓕᖕᓂ ᐱᐅᓯᕚᓪᓕᖅᑎᑦᑎᓂᒃᑯᑦ ᖃᓄᐃᓕᕈᑎᐅᔪᑦ ᐊᑐᖅᑕᐅᒃᑲᓐᓂᕐᔮᙱᒻᒪᑕ.

ᖃᓄᐃᓕᔪᖃᖅᑎᓪᓗᒍ ᐃᖅᑲᓇᐃᔭᖅᑎᐅᔪᑦ ᐃᖅᑲᓇᐃᔭᖅᑎᑦᑎᒋᔭᖓᓄᑦ ᐅᖃᕆᐊᖃᖅᑐᑦ. ᐃᖅᑲᓇᐃᔭᖅᑎᑦᑎᔨᐅᔪᖅ ᐅᓂᒃᑲᐅᓯᖃᑐᐃᓐᓇᕆᐊᖃᕐᒪᑦ ᐅᑯᓄᖓ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑎᓄᑦ (WSCC).

ᑭᓲᖕᒪᑦ “ᖃᓄᐃᓕᓂᖅ”? ᐅᖃᐅᓯᖃᖅᑎᓪᓗᒋᑦ ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᖅᑕᐃᓕᒪᓂᕐᒧᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ, ᐃᖅᑲᓇᐃᔭᖅᑎᓪᓗᒋᑦ ᐃᖅᑲᓇᐃᔭᕐᕕᖕᒥ ᐱᓕᕆᐊᖃᕐᓂᒃᑯᑦ ᖃᓄᐃᓕᓂᕐᒥ ᐊᒻᒪ ᐃᒪᐃᓕᔾᔪᑎᐅᔪᓐᓇᖅᖢᑎᒃ:

  • ᐋᓐᓂᕈᑎᐅᓗᓂ 
  • ᐋᓐᓂᐊᓕᕈᑎᐅᓗᓂ
  • ᐅᓗᕆᐊᓇᖅᑐᒥ ᖃᓄᐃᓐᓂᐅᔪᒥᒃ
  • ᐃᓅᔪᓐᓃᕈᑎᐅᓗᓂ
  • ᐱᓕᕆᔾᔪᑎᓂ ᓱᕋᕈᑎᒋᔭᐅᔪᓂᒃ ᐅᕝᕙᓘᓐᓃᑦ ᐃᖅᑲᓇᐃᔭᕐᕕᐅᑉ ᐃᒡᓗᖁᑎᐊᓂ

ᖃᓄᐃᓕᔪᖃᖅᐸᑦ, ᐃᖅᑲᓇᐃᔭᖅᑎᐅᔪᑦ ᖃᓄᐃᓕᔾᔪᑎᖃᖅᑐᑦ ᐅᕝᕙᓘᓐᓃᑦ ᑕᐅᑐᒃᑐᐃᑦ ᐅᓂᒃᑲᐅᓯᖃᖃᐅᑎᖃᕆᐊᓖᑦ ᑲᒪᔨᖏᓐᓄᑦ – ᐋᓐᓂᖅᑐᖃᙱᒃᑲᓗᐊᖅᐸᓪᓘᓐᓃᑦ. ᐅᓂᒃᑲᐅᓯᖃᕐᓂᖅ ᐊᒻᒪ ᖃᐅᔨᓴᕐᓂᖅ “ᖃᓄᐃᓕᕐᔪᐊᕈᑎᐅᑲᓴᒃᑐᓂ” ᐱᐅᓯᕚᓪᓕᕈᑎᐅᔪᖅ ᐊᑦᑕᓇᖅᑐᒦᑦᑕᐃᓕᓂᕐᒧᑦ ᐸᕐᓇᐅᓯᐅᕐᓂᕐᒥᒃ ᐊᒻᒪ ᖃᓄᐃᓕᔾᔭᐃᒃᑯᑎᖃᙱᓐᓂᖅᓴᐅᒍᑎᐅᓗᓂ.

ᖃᐅᔨᒪᒋᑦ: ᖃᓄᐃᓕᔾᔪᑎᐅᔪᖅ ᑎᒥᒃᑯᑦ ᐋᓐᓂᕐᔪᐊᕈᑎᐅᒃᐸᑦ, ᐅᓗᕆᐊᓇᖅᑐᒃᑰᕈᑎᐅᒃᐸᑦ, ᐅᕝᕙᓘᓐᓃᑦ ᐃᓅᔪᓐᓃᕈᑎᐅᒃᐸᑦ ᑖᓐᓇ ᐅᖃᐅᓯᐅᔭᕆᐊᓕᒃ ᐅᑯᓄᖓ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑎᓄᑦ ᕿᓚᒥᐅᓛᒃᑯᑦ. ᐊᑭᖃᙱᑦᑐᖅ ᐅᖄᓚᕝᕕᒃᓴᖅ: 1-800-661-0792.

  • ᐱᕐᕈᓗᐊᕿᓂᐅᔪᓂᑦ ᐱᑎᑦᑎᔪᒥ ᑎᒥᒃᑯᑦ ᐋᓐᓂᕐᓂᕐᔪᐊᖑᔪᒥᑦ: ᐋᓐᓂᕐᓂᐅᔪᖅ ᐃᖅᑲᓇᐃᔭᕐᕕᖕᒥ ᐃᓂᒋᔭᖓᓂ ᐱᔾᔪᑕᐅᔪᖅ ᐅᕝᕙᓘᓐᓃᑦ ᓂᕆᐅᓇᖅᑐᖅ ᑐᖁᕈᑕᐅᔪᖅ ᐃᓄᖕᒧᑦ, ᐅᕝᕙᓘᓐᓃᑦ ᐋᓐᓂᐊᕐᕕᖕᒦᑦᑕᕆᐊᖃᕐᓗᓂ ᐃᓂᓪᓚᖓᓗᓂ 24−ᓂᒃ ᐃᑲᕐᕋᓂᒃ ᐅᖓᑖᓂᓘᓐᓃᑦ. 
  • ᐅᓗᕆᐊᓇᖅᑐᒥ ᖃᓄᐃᓐᓂᐅᔪᒥᑦ: ᑐᑭᖃᖅᐳᖅ ᖃᓄᐃᓐᓂᐅᔪᖅ ᑐᕌᖓᓕᕈᑕᐅᙱᑦᑐᖅ ᑭᓯᐊᓂ ᐱᕐᕈᓗᐊᕿᔾᔪᑕᐅᑐᐃᓐᓇᕆᐊᓕᒥᓂᖅ ᐊᒃᓱᕐᔪᐊᕌᓗᒃ ᑎᒥᒧᑦ ᐋᓐᓂᕈᑕᐅᕐᔪᐊᕐᓗᓂ (ᓲᕐᓗ ᐃᒡᓗᐊᓗᒃ ᑲᑕᓪᓗᓂ, ᓱᑲᓐᓇᖅᑐᒥᑦ ᐊᑦᑐᖅᓯᓗᓂ). 
 > ᖃᓄᐃᓕᔾᔪᑎᐅᔪᒥᑦ ᖃᐅᔨᓴᕐᓂᖅ 

ᖃᐅᔨᓴᕆᐊᖃᖅᑐᑦ ᖃᓄᐃᓕᔾᔪᑎᑕᖃᓵᖅᑎᓪᓗᒍ ᑭᓱᒧᑦ ᐱᔾᔪᑎᖃᕆᐊᒃᓴᖓᓂᒃ. ᐅᓇ ᓈᒻᒪᓛᖑᔪᖅ ᖃᐅᔨᓴᖅᑎᐅᔪᑦ ᕿᒥᕐᕈᐊᕐᓗᑎᒃ ᖃᓄᐃᓕᔾᔪᑎᑕᖃᓵᖅᑎᓪᓗᒍ, ᐱᔾᔪᑎᐅᓇᔭᖅᑐᓪᓗ ᐊᒃᑐᖅᑕᐅᑎᑦᑕᐃᓕᓗᒋᑦ ᐊᒻᒪᓗ ᑕᐅᑐᒃᑐᕕᓂᕐᓂ ᖃᐅᔨᓇᓱᑲᑕᒡᓗᑎᒃ. 

  • ᑐᕌᒐᕆᔭᐅᔪᕐᓕ ᖃᐅᔨᓴᕐᓂᖅ ᐱᒃᑲᖅᑎᑦᑎᓇᓱᖕᓂᕐᒨᙱᑦᑐᖅ ᐅᕝᕙᓘᓐᓃᑦ ᑕᐃᒪᐃᓕᖅᑎᑦᑎᔪᓂᒃ ᐸᓯᒋᔭᖃᕐᓂᕐᒧᑦ. 
  • ᖃᐅᔨᓴᕐᓂᖅ ᓇᓗᓇᐃᖅᓯᔾᔪᑎᐅᔭᕆᐊᓕᒃ ᑭᓱᓄᑦ ᐱᔾᔪᑎᖃᕐᓂᑰᖕᒪᖔᑦ ᖃᓄᐃᓕᔾᔪᑎ ᐊᒻᒪ ᓇᓗᓇᐃᕐᓗᒋᑦ ᐊᑐᒃᑲᓐᓂᕈᑎᐅᔾᔮᙱᑦᑐᑦ ᐱᕐᕈᓗᐊᕿᔪᖃᒃᑲᓐᓂᕐᔮᙱᒻᒪᑦ.
 > ᖃᓄᐃᓕᔾᔪᑎᐅᔪᒥᑦ ᖃᐅᔨᓴᕐᓂᕐᒧᑦ ᐅᓂᒃᑳᓕᐅᕐᓂᖅ

ᖃᓄᐃᓕᔾᔪᑎᓄᑦ ᐅᓂᒃᑳᑦ ᐊᑐᖅᑕᐅᕙᒃᑐᑦ ᐃᖅᑲᓇᐃᔭᖅᑎᑦᑎᔨᓄᑦ ᐊᒻᒪ ᑲᒪᔨᐅᔪᓄᑦ ᖃᐅᔨᒪᓇᓱᒃᖢᑎᒃ ᖃᓄᐃᓕᔾᔪᑎᐅᔪᓂᒃ ᐃᖅᑲᓇᐃᔭᕐᕕᖏᓐᓂ. ᖃᓄᐃᓕᔾᔪᑎᓄᑦ ᐅᓂᒃᑳᓂ ᑎᑎᕋᐅᓯᖃᑦᑎᐊᖅᐸᒡᓗᑎᒃ (ᐊᔾᔨᙳᐊᖃᕐᓗᑎᒡᓗ ᐊᒻᒪ ᓇᓗᓇᐃᔭᑦᑎᐊᖅᓯᒪᓗᑎᒃ) ᐊᒻᒪᓗ ᐅᖃᕐᕕᐅᔪᓐᓇᖅᑐᓂᒃ ᓇᓗᓇᐃᔭᐃᓯᒪᓗᑎᒃ ᐃᖅᑲᓇᐃᔭᖅᑎᒧᑦ(ᓄᑦ) ᖃᓄᐃᓕᔾᔪᑎᒥ ᖃᐅᔨᔪᕕᓂᕐᓂ.

 

ᑎᑎᕋᖅᓯᒪᔪᖅ ᐱᔭᐅᔭᕆᐊᓖᑦ

  • ᖃᓄᐃᓕᔾᔪᑎᐅᔪᖅ ᐋᓐᓂᕈᑎᐅᒃᐸᑦ ᐅᕝᕙᓘᓐᓃᑦ ᐋᓐᓂᐊᓕᕈᑎᐅᒃᐸᑦ:
  • ᐱᕐᕈᓗᐊᕿᔾᔪᑎᐅᔪᑦ ᐋᓐᓂᕐᔪᐊᕈᑎᐅᒃᐸᑦ ᑎᒥᒃᑯᑦ ᐅᕝᕙᓘᓐᓃᑦ ᐅᓗᕆᐊᓇᖅᑐᒦᔾᔪᑎᐅᒃᐸᑦ:
    • ᐅᖃᓪᓚᖕᓂᒃᑯᑦ ᐅᓂᒃᑳᓕᐅᕐᓂᖅ: ᐃᖅᑲᓇᐃᔭᖅᑎᑦᑎᔪᑦ ᐅᖄᓚᐅᓯᖃᕆᐊᖃᖅᑐᑦ ᐊᒻᒪ ᐅᓂᒃᑳᓕᐅᕐᓗᑎᒃ ᐅᑯᓄᖓ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑎᓄᑦ ᕿᓚᒥᐅᓛᒃᑯᑦ ᖃᐅᔨᐊᓪᓚᓚᐅᕐᓗᑎᒃ ᖃᓄᐃᓕᔾᔪᑎᐅᔪᓂ ᐊᒻᒪ ᖃᓄᐃᑦᑐᖃᙱᒃᑲᓗᐊᕐᒪᖔᑦ ᐊᒻᒪᓗ ᑲᒪᒋᔭᐅᓂᐊᓕᕈᑎᒃ ᐋᓐᓂᐊᓯᐅᖅᑎᓄᑦ. ᐃᖅᑲᓇᐃᔭᖅᑎᑦᑎᔨᐅᔪᖅ ᐅᕝᕙᓘᓐᓃᑦ ᑲᒪᔨᐅᔪᖅ ᐅᖄᓚᒋᐊᖃᖅᑐᑦ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᐊᑭᖃᙱᑦᑐᒧᑦ ᐅᖄᓚᐅᑎᖓᓄᑦ ᖃᓄᐃᓕᔾᔪᑎᒧᑦ ᐊᒻᒪ ᐋᓐᓂᖅᑐᓄᑦ ᐅᖄᓚᕝᕕᒃᓴᒧᑦ ᐅᕗᖓ 1-800-661-0792.
    • ᑎᑎᖃᑎᒍᑦ ᐅᓂᒃᑳᓕᐅᕐᓂᖅ: ᐃᖅᑲᓇᐃᔭᖅᑎᑦᑎᔪᑦ ᑐᓂᓯᔭᕆᐊᖃᖅᑐᑦ ᐃᖅᑲᓇᐃᔭᖅᑎᑦᑎᔫᑉ ᐅᓂᒃᑳᓕᐊᖓᓂᒃ ᐋᓐᓂᕐᓂᐅᔪᒥᑦ ᐅᑯᓄᖓ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᐅᓪᓗᑦ ᐱᖓᓱᑦ ᐃᓗᐊᒍᑦ ᐅᕘᓇ WSCC Connect.  

    • ᖃᓄᐃᓕᔪᖃᕌᖓᑦ ᖃᐅᔨᓴᕈᑎ: ᐃᖅᑲᓇᐃᔭᖅᑎᑦᑎᔪᖅ ᑐᑭᒧᐊᖅᑎᑦᑎᓇᔭᖅᑐᖅ ᖃᐅᔨᓴᕐᓂᐅᕙᓪᓕᐊᔪᒥᑦ. ᖃᐅᔨᓴᓚᐅᖅᑎᓪᓗᒋᑦ, ᐃᖅᑲᓇᐃᔭᖅᑎᑦᑎᔪᖅ ᑎᑎᕋᕋᔭᖅᑐᖅ ᖃᓄᐃᓕᔾᔪᑎᒧᑦ ᖃᐅᔨᓴᕐᓂᕐᒧᑦ ᐅᓂᒃᑳᓂ.

       

ᒪᓕᒐᑦᑎᒍᑦ ᑕᑯᒋᐊᖅᑕᐅᒍᓐᓇᖅᑐᖅ

 

 

ᐋᖅᑭᒃᓱᐃᔪᑎᑦ ᑎᑎᕋᕐᕕᒃᓴᑦ

ᖃᓄᐃᓕᔪᖃᖅᑐᒥᓂᐅᑎᓪᓗᒍ ᐃᕝᕕᑦ ᐃᖅᑲᓇᐃᔭᕐᕕᖓᓂ, ᐋᓐᓂᖅᑐᖃᕐᓂᕈᓂ ᐅᕝᕙᓘᓐᓃᑦ ᐋᓐᓂᖅᑐᖃᕐᓂᖏᒃᑲᓗᐊᕈᓂ, ᖃᐅᔨᓴᓂᕐᒧᑦ ᒪᓕᑦᑕᐅᔭᕆᐊᓖᑦ ᐃᓕᓐᓂ ᐃᑲᔪᕋᔭᖅᑐᑦ ᓇᓗᓇᐃᖅᓯᓗᑎ ᖃᓄᐃᓕᓂᐅᔪᒥᑦ, ᖃᓄᖅ ᐅᓂᒃᑳᓕᐅᕆᐊᖓ ᖃᓄᐃᓕᓂᐅᔪᖅ, ᐊᒻᒪ ᖃᓄᖅ ᓇᓗᓇᐃᕋᔅᓴᐅᓂᖏᓐᓄᑦ ᐋᖅᑭᒍᑎᐅᒍᓐᓇᖅᑐᑦ.