ᐃᖅᑲᓇᐃᔭᖅᑎᓄᑦ ᐃᖅᑲᓇᐃᔭᓂᐊᓕᓵᖅᑐᓄᑦ ᐃᓕᓐᓂᐊᖅᕈᑏᑦ
ᐃᖅᑲᓇᐃᔭᖅᑏᑦ ᐃᒪᐃᑦᑑᔪᑦ: ᓄᑖᖑᔪᑦ ᐃᖅᑲᓇᐃᔭᕐᕕᖕᒧᑦ, ᐅᑎᖅᑐᑦ ᓄᖅᑲᖓᑯᑖᓚᐅᖅᖢᑎᒃ, ᐊᓯᐊᓂᖔᖅ ᐃᖅᑲᓇᐃᔮᖃᓕᖅᑐᑦ ᐱᓕᕆᕝᕕᓐᓂᑦ, ᐅᕝᕙᓘᓐᓃᑦ ᐱᓕᕆᐊᒃᓴᖏᑦ ᐊᓯᔾᔨᖅᓯᒪᔪᑦ ᐅᖃᐅᔾᔪᖅᑕᐅᒋᐊᓖᑦ ᐊᑦᑕᓇᔾᔭᐃᖅᓯᒪᓂᕐᒥ ᐱᓕᒻᒪᒃᓴᐃᓂᕐᒥᑦ. ᓱᖏᐅᓴᐃᓂᕐᒧᑦ ᐃᓚᖃᕐᓗᓂ ᕿᒥᕐᕈᓂᐅᔪᒥᑦ ᒪᑯᓂᖓ:
- ᑐᐊᕕᕐᓇᖅᑐᓄᑦ ᐱᓕᕆᔾᔪᓯᕐᓂᒃ ᑭᒃᑯᓕᒫᓄᑦ ᒪᓕᑦᑕᐅᔭᕆᐊᓖᑦ ᐃᑭᑦᑐᖃᕐᓂᕈᓂ ᐅᕝᕙᓘᓐᓃᑦ ᐊᓯᖏᓐᓂᒃ ᑐᐊᕕᕐᓇᖅᑐᓂᒃ.
- ᐃᓂᒋᔭᖏᑦ ᐃᑭᑦᑐᖃᓕᖅᐸᑦ ᖁᖁᐊᕈᑏᑦ, ᑐᐊᕕᕐᓇᖅᑐᒥᑦ ᐊᓂᓵᕆᐊᖃᕐᓗᓂ ᐸᕐᓇᐅᑏᑦ ᐃᑭᑦᑐᖃᓕᖅᐸᓪᓗ ᐊᓂᕖᑦ, ᐊᒻᒪᓗ ᐊᓂᓯᒪᓕᖅᐸᑕ ᑲᑎᕝᕕᐅᒐᔭᖅᑐᖅ(ᑐᑦ).
- ᓇᒥ ᓯᕗᓪᓕᐅᓪᓗᓂ ᐃᑲᔪᕐᓂᕐᒧᑦ ᐅᐸᑲᑦᑕᕐᕕᒃ(ᕖᑦ) ᐊᒻᒪᓗ ᐊᓯᖏᑦ ᓯᕗᓪᓕᐅᓪᓗᓂ ᐃᑲᔪᕐᓂᕐᒧᑦ ᓱᓇᒃᑯᑖᑦ (ᓲᕐᓗ ᐃᔩᓐᓄᑦ ᐃᕐᕈᐃᖅᑐᐃᕕᒃ) ᓇᒦᒻᒪᖔᑦ.
- ᖃᓄᐃᑦᑐᑐᐃᓐᓇᑦ ᐅᐸᒃᑕᐅᔭᕆᐊᖃᙱᑦᑐᑦ ᐃᓂᐅᔪᑦ ᐃᖅᑲᓇᐃᔭᕐᕕᒋᔭᖏᑕ ᐃᓂᒋᔭᖓᓂ.
- ᐅᔾᔨᖅᓱᕈᑏᑦ ᐃᖅᑲᓇᐃᔭᖅᑏᑦ ᒪᓕᒋᐊᓕᖏᓐᓂᒃ ᓇᖕᒥᓂᖅ ᓴᐳᔾᔨᓂᐊᕐᒪᑕ ᓴᖅᑭᔮᕐᕕᐅᓂᕐᒥᑦ ᐅᓗᕆᐊᓇᖅᑐᑦ ᓱᓇᒃᑯᑖᓕᖕᓂᑦ.
- ᕿᒥᕐᕈᓗᒋᑦ ᐋᓐᓂᐊᖃᕐᓇᙱᑦᑐᓕᕆᓂᒃᑯᑦ ᐊᑦᑕᓇᖅᑐᒦᑎᑦᑎᑦᑕᐃᓕᒪᓂᒃᑯᓪᓗ ᑲᒪᒋᔭᕆᐊᓕᖏᓐᓂᒃ ᐃᖅᑲᓇᐃᔭᖅᑎᐅᓪᓗᑎᒃ, ᑕᒪᐃᓐᓂᓗ ᐊᑦᑕᕐᓇᔾᔭᐃᖅᓯᒪᓂᕐᒧᑦ ᐊᑐᐊᒐᕐᓂᒃ ᐊᒻᒪᓗ ᐱᓕᕆᐊᒃᓴᓂᑦ ᐃᖅᑲᓇᐃᔭᕐᕕᓐᓂ ᐱᑕᖃᑐᐃᓐᓇᕆᐊᓕᖕᓂᑦ.
ᐃᓕᓐᓂᐊᕐᓂᖅ
ᐃᖅᑲᓇᐃᔭᕐᕕᓕᒫᑦ ᐱᖃᕆᐊᖃᖅᑐᑦ ᑐᕌᖓᔪᓂᑦ ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᖅᑕᐃᓕᒪᓂᕐᒥᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ ᐃᓕᓐᓂᐊᖅᑎᑕᐅᓂᕐᒥᑦ ᑎᑭᐅᒪᓂᕐᒧᑦ ᒪᓕᒐᒃᑯᑦ ᒪᓕᒋᐊᓕᓐᓂᒃ.
ᑲᒪᔨᐅᔪᑦ: ᑲᒪᔨᐅᔪᑦ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ−ᐊᖏᖅᑕᐅᓯᒪᔪᒥᑦ ᑲᒪᔨᐅᓂᕐᒧᑦ ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᖅᑕᐃᓕᒪᓂᕐᒥᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ ᖃᐅᔨᒪᓕᕐᓂᕐᒧᑦ ᐃᓕᓐᓂᐊᕆᐊᓖᑦ.
ᑖᓐᓇ ᐃᓕᓐᓂᐊᕈᑎᒃᓴᖅ ᐊᑐᐃᓐᓇᐅᑎᑦᑎᓲᑦ ᐊᐅᓚᑦᑎᔨᓂᑦ ᐊᒻᒪᓗ ᑲᒪᔨᐅᔪᓂᑦ ᑐᑭᓯᒋᐊᕈᑎᒃᓴᓂᑦ ᐱᒋᐊᖃᖅᑕᒥᓂ ᑐᑭᓯᐅᒪᓂᕐᒧᑦ ᐱᔭᒃᓴᕆᔭᖏᓐᓂᒃ, ᐃᖅᑲᓇᐃᔭᕐᕕᖕᒥᑦ ᐋᓐᓂᖅᑕᐃᓕᒪᓂᕐᒧᑦ ᖃᓂᒪᑦᑕᐃᓕᒪᓂᕐᒧᓪᓗ, ᐊᒻᒪᓗ ᐋᖅᑭᒃᓯᓂᕐᒥᑦ ᐊᑦᑕᕐᓇᔾᔭᐃᖅᓯᒪᓂᕐᒧᑦ ᐃᓕᖅᑯᓯᕐᒥᑦ ᐃᖅᑲᓇᐃᔭᕐᕕᖕᒥᑦ. ᑕᑯᓗᒍ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᐃᑭᐊᖅᑭᕕᖓ ᓇᓂᓗᒋᑦ ᐊᖏᖅᑕᐅᓯᒪᔪᑦ ᐃᓕᓐᓂᐊᖅᑎᑦᑎᒍᓐᓇᖅᑐᑦ ᑎᑎᕋᖅᓯᒪᔪᓂᑦ.
ᓯᕗᓪᓕᐅᓪᓗᓂ ᐃᑲᔪᕐᓂᕐᒧᑦ: ᓯᕗᓪᓕᐅᓪᓗᓂ ᐃᑲᔪᕐᓂᕐᒧᑦ ᐃᓕᓐᓂᐊᕐᓂᕐᒧᑦ ᒪᓕᒋᐊᓖᑦ ᐱᔾᔪᑎᖃᖅᑐᑦ ᖃᑦᑎᐅᓂᖏᓐᓂᒃ ᐃᖅᑲᓇᐃᔭᖅᑏᑦ ᐊᒻᒪᓗ ᖃᓄᐃᑦᑐᒥᑦ ᐃᖅᑲᓇᐃᔮᖃᕐᒪᖔᑦ. ᑕᑭᒋᐊᕐᓗᒍ ᐊᕕᒃᓯᒪᓂᖓ 5: ᓯᕗᓪᓕᐅᓪᓗᓂ ᐃᑲᔪᕐᓂᕐᒧᑦ ᑕᐃᑲᓂ ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᖅᑕᐃᓕᒪᓂᕐᒥᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ ᒪᓕᒃᑕᐅᔭᕆᐊᓖᑦ ᓇᓗᓇᐃᖅᓯᓂᕐᒥᑦ ᖃᓄᐃᑦᑐᓂᑦ ᓯᕗᓪᓕᐅᓪᓗᓂ ᐃᑲᔪᕐᓂᕐᒧᑦ ᓱᓇᒃᑯᑖᑦ, ᐱᖁᑏᑦ, ᖃᔅᓯᓂᓪᓗ ᐃᑲᔪᖅᑎᑕᖃᕆᐊᖃᕐᒪᖔᖅ ᐃᕝᕕᑦ ᐃᖅᑲᓇᐃᔭᕐᕕᖓᓂ.
ᐅᓗᕆᐊᓇᖅᑐᑦ ᓱᓇᒃᑯᑖᑦ: ᐃᖅᑲᓇᐃᔭᖅᑎᖁᑎᓖᑦ ᐃᓕᓐᓂᐊᖅᑎᑦᑎᒋᐊᓖᑦ ᐃᖅᑲᓇᐃᔭᖅᑎᓂᑦ ᐃᖅᑲᓇᐃᔭᖅᑐᓂᑦ ᐅᕝᕙᓘᓐᓃᑦ ᓴᖅᑭᔮᕐᕕᐅᑐᐃᓐᓇᕆᐊᓕᓐᓂᒃ ᐊᑦᑕᕐᓇᖅᑐᓂᑦ ᐱᖁᑎᓂᑦ. ᑖᓐᓇ ᐃᖅᑲᓇᐃᔭᕐᕕᐅᔫᑉ-ᐃᓂᖓᓄᑦ ᐱᓕᒻᒪᒃᓴᐃᓂᖅ ᐃᓚᖃᕐᓗᓂ:
- ᖃᓄᖅ ᐅᖃᓕᒫᑦᑎᐊᕐᓂᕐᒥᑦ ᐅᓗᕆᐊᓇᖅᑐᓂᑦ ᓱᓇᒃᑯᑖᑦ ᓇᓗᓇᐃᒃᑯᑕᖏᑦ ᐊᒻᒪᓗ ᐊᑦᑕᕐᓇᖅᑕᐃᓕᒪᓂᕐᒧᑦ ᑎᑎᖅᑲᖁᑎᖏᑦ.
- ᖃᓄᖅ ᐊᑦᑕᕐᓇᙱᑦᑐᒃᑯᑦ ᐊᑐᕐᓂᕐᒥᑦ, ᑐᖅᑯᖅᓯᓂᕐᒥᑦ, ᐊᒻᒪᓗ ᐃᒋᑦᑎᓂᕐᒥᑦ ᐊᑐᓂ ᐅᓗᕆᐊᓇᖅᑐᒥᑦ ᓱᓇᒃᑯᑖᒥᑦ ᓇᓂᔭᐅᔪᒥᑦ ᐃᖅᑲᓇᐃᔭᕐᕕᒋᔭᖏᑕ ᐃᓂᒋᔭᖓᓂ.
- ᐱᓕᕆᔾᔪᓯᐅᔪᑦ ᐃᖅᑲᓇᐃᔭᖅᑏᑦ ᒪᓕᒋᐊᖃᖅᑕᖏᓐᓂᒃ ᐅᓗᕆᐊᓇᖅᑐᒥᑦ ᓱᓇᒃᑯᑖᓕᖕᒥᑦ ᐊᓂᐊᑳᓪᓚᒃᐸᑦ ᐅᕝᕙᓘᓐᓃᑦ ᑯᕕᔭᐅᒃᐸᑦ ᐃᖅᑲᓇᐃᔭᕐᕕᒋᔭᖏᑕ ᐃᓂᒋᔭᖓᓂ.
- ᐱᓕᕆᔾᔪᓯᐅᔪᑦ ᐃᖅᑲᓇᐃᔭᖅᑏᑦ ᒪᓕᒋᐊᖃᖅᑕᖏᓐᓂᒃ ᑐᐊᕕᕐᓇᖅᑐᖃᓐᓂᖅᐸᑦ ᐅᓗᕆᐊᓇᖅᑐᒧᑦ ᓱᓇᒃᑯᑖᓕᖕᒥᑦ ᐃᖅᑲᓇᐃᔭᕐᕕᒋᔭᖏᑕ ᐃᓂᒋᔭᖓᓂ.
ᐃᖅᑲᓇᐃᔭᖅᑏᑦ ᐃᓕᓐᓂᐊᕈᓐᓇᖅᑐᑦ ᐅᖃᓕᒫᕐᓂᕐᒥᑦ ᓇᓗᓇᐃᒃᑯᑎᓂᑦ, ᐊᑦᑕᕐᓇᖅᑕᐃᓕᒪᓂᕐᒧᑦ ᖃᐅᔨᒪᔾᔪᑎᒃᓴᑦ ᑎᑎᕋᒃᓯᒪᕕᖓ, ᐊᒻᒪᓗ ᑲᒪᒋᔭᖃᕐᓂᕐᒥᑦ ᐅᓗᕆᐊᓇᖅᑐᓂᑦ ᓱᓇᒃᑯᑖᓂᑦ ᐱᓕᕆᓂᒃᑯᑦ ᐃᖅᑲᓇᐃᔭᕐᕕᖕᒧᑦ ᐊᑦᑕᕆᔭᐅᔪᓂᑦ ᓱᓇᒃᑯᑖᓂᑦ ᐅᖃᐅᓯᒃᓴᓂ ᐱᓕᕆᔾᔪᓯᐅᔪᒥᑦ (WHMIS) ᖃᕋᓴᐅᔭᒃᑯᑦ ᐃᓕᓐᓂᐊᕈᑎᒃᑯᑦ. ᑭᓯᐊᓂ, ᐃᖅᑲᓇᐃᔭᖅᑎᖁᑎᓖᑦ ᑕᐃᒪᐃᑦᑕᕆᐊᓖᑦ ᐊᑐᐃᓐᓇᐅᑎᑦᑎᓗᑎᒃ ᐃᓕᓐᓂᐊᕈᑎᒃᓴᒥᑦ ᑐᕌᖓᔪᓂᑦ ᐅᓗᕆᐊᓇᖅᑐᓄᑦ ᓱᓇᒃᑯᑖᓄᑦ ᐊᑐᖅᑕᐅᔪᓂᑦ ᐃᖅᑲᓇᐃᔭᕐᕕᖕᒥ ᐃᓂᒋᔭᖓᓂ.
ᑎᑎᕋᖅᓯᒪᔪᖅ ᐱᔭᐅᔭᕆᐊᓖᑦ
- ᐃᖅᑲᓇᐃᔭᕐᕕᓕᒫᑦ:
- ᐃᓕᓐᓂᐊᖅᓯᒪᓂᕐᒧᑦ ᑎᑎᖅᑲᖁᑏᑦ: ᐱᓕᒻᒪᒃᓴᐃᓂᕐᒧᑦ ᓇᓗᓇᐃᒃᑯᑕᑦ ᐊᒻᒪᓗ ᐊᔪᙱᓐᓂᕐᒧᑦ ᑎᑎᖅᑲᑦ ᓇᓗᓇᐃᖅᓯᔪᑦ ᖃᖓ ᐱᓕᒻᒪᒃᓴᐃᓂᖅ ᐱᔭᕇᖅᑕᐅᓂᕐᒪᖔᖅ, ᐊᒻᒪᓗ ᓇᓗᓇᐃᒃᑯᑕᖅᑖᒃᑲᓐᓂᕆᐊᖃᕈᓂ ᐅᕝᕙᓘᓐᓃᑦ ᐃᓕᓐᓂᐊᒃᑲᓐᓂᕆᐊᖃᕐᒪᖔᖅ.
ᒪᓕᒐᑦᑎᒍᑦ ᑕᑯᒋᐊᖅᑕᐅᒍᓐᓇᖅᑐᖅ
- ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᖅᑕᐃᓕᒪᓂᕐᒥᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ ᒪᓕᒃᑕᐅᖁᔭᐅᔪᑦ: ᐃᓚᖏᑦ 12 (c), 16(c), 18, 54 – 67, ᐊᒻᒪᓗ 322 – 338
