ᒪᓕᒐᖅᑎᒍᑦ ᐱᓕᕆᐊᖑᔭᕆᐊᓕᒃ ᐃᖅᑲᓇᐃᔭᖅᑎᑦᑎᔪᓕᒫᓄᑦ, ᖃᓄᑐᐃᓐᓇᖅ ᐊᖏᔫᒐᓗᐊᕈᓂ, ᐱᓯᒪᑦᑎᓗᑎ ᖃᓄᐃᖏᑎᐊᖅᑐᒥᑦ ᐊᒻᒪ ᐊᑦᑕᓇᖏᑦᑐᒥᑦ ᐃᖅᑲᓇᐃᔭᕐᕕᐅᔪᒥᑦ. Safe Workplace ᐱᓕᕆᐊᖅ ᓇᓗᓇᐃᔭᐃᔪᑦ ᒪᓕᒐᖅᑎᒍᑦ ᐱᑕᖃᕆᐊᖃᖅᑎᑕᐅᔪᓕᒫᑦ ᑖᒃᑯᐊ ᐃᖅᑲᓇᐃᔭᖅᑎᑦᑎᔪᑦ ᑎᑭᑦᑕᕆᐊᖃᖅᑕᖏᑦ ᐊᑖᓂ ᐊᑦᑕᓇᐃᖅᓯᒪᓂᕐᒧᑦ ᒪᓕᒐᕐᓂᑦ ᐊᒻᒪ ᐃᖅᑲᓇᐃᔭᖅᑎᒧᑦ ᐋᓐᓂᖅᑐᖅᓯᐅᑎᓕᕆᔨᒃᑯᑦ ᒪᓕᒐᕐᓂᑦ. ᐱᓕᕆᐊᖅ ᓴᓇᕐᕈᑎᖃᖅᑎᑦᑎᔪᖅ ᐃᖅᑲᓇᐃᔭᖅᑎᑦᑎᔪᓂᑦ ᐱᔪᓐᓇᕐᓗᑎ ᐃᑲᔪᖅᑕᐅᓂᕐᒧᑦ ᐱᔨᑦᑎᖅᑕᓄᑦ ᐊᒻᒪ ᖃᐅᔨᒪᓗᒋᑦ ᐱᕙᓪᓕᐊᓂᖓ ᑐᕌᖅᑐᑦ ᑎᑭᑦᑎᓂᕐᒥᑦ ᑖᒃᑯᓂᖓ ᐱᑕᖃᕆᐊᖃᖅᑎᑕᐅᔪᓂᑦ.
ᐃᖅᑲᓇᐃᔭᖅᑎᑦᑎᔪᓂᑦ ᐱᑕᖃᕆᐊᖃᖅᑎᑕᐅᔪᑦ ᐊᑖᓂ ᐊᑦᑕᓇᐃᖅᓯᒪᓂᕐᒧᑦ ᒪᓕᒐᕐᓂᑦ ᐊᒻᒪ ᐃᖅᑲᓇᐃᔭᖅᑎᒧᑦ ᐋᓐᓂᖅᑐᖅᓯᐅᑎᓕᕆᔨᒃᑯᑦ ᒪᓕᒐᕐᓂᑦ ᓇᓗᓇᐃᔭᖅᓯᒪᔪᑦ ᐱᖓᓲᔪᖅᑑᓕᖓᓪᓗᑎ ᑐᑭᓯᒡᒐᓇᖏᑦᑐᑦ ᐋᖅᑭᔅᓯᒪᓂᖏᑦ:
- ᐱᓕᕆᓂᖃᖅᑐᒥᑦ ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᖅᑕᐃᓕᒪᓂᕐᒥᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ (OHS) ᐱᓕᕆᐊᖃᕐᓗᓂ ᐃᓂᖓᓃᑦᑐᒥᑦ.
- ᐅᕙᓃᓪᓗᑎ “ᐱᐅᔪᒦᑦᑐᖅ ᓇᒦᓐᓂᖓ” – ᓲᕐᓗ, ᐅᓪᓗᒥᒨᖓᔪᓂᑦ ᐅᓂᒃᑳᓕᐅᖃᑦᑕᕐᓂᖅ ᑮᓇᐅᔭᖅᑖᓄᑦ ᐊᒻᒪ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᖃᐅᔨᓴᓂᕐᒧᑦ ᐊᑭᓕᐅᑎᓂᑦ.
- ᐱᑕᖃᖏᓂᖅᓴᐅᓗᑎ ᔭᒐᐃᔭᐅᓯᒪᔪᑦ ᐱᓂᕋᓂᕐᒧᑦ ᐱᓕᕆᓂᕆᔭᖏᓐᓄᑦ ᖃᓄᐃᑦᑑᓂᖓᓄᑦ ᑐᓐᖓᓂᖃᖅᑐᑦ 5 ᐊᕐᕌᒎᓯᒪᓕᖅᑐᓂᑦ ᖃᓄᐃᓘᖃᑦᑕᕐᓂᖓᓄᑦ.
- ᐱᑕᖃᖏᓪᓗᑎ “ᐱᓕᕆᐊᖑᓚᐅᖅᓯᒪᖏᑦᑐᑦ” ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᑐᑭᒧᐊᕈᑎᖏᓐᓂ.
- ᐃᖅᑲᖅᑐᕋᔅᓴᐅᓯᒪᖏᓪᓗᑎ ᐊᑖᓂ ᐊᑦᑕᓇᐃᖅᓯᒪᓂᕐᒧᑦ ᒪᓕᒐᕐᓂᑦ ᐊᒻᒪ ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᖅᑕᐃᓕᒪᓂᕐᒥᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ ᒪᓕᑦᑕᐅᔭᕆᐊᓖᑦ ᐅᑯᓇᓂᐅᓯᒪᔪᑦ 12 ᑕᖅᑭᓂᑦ.
- ᐃᖅᑲᓇᐃᔭᕐᕕᖃᖅᓯᒪᖏᑦᑐᑦ ᐃᓪᓗᓂᑦ 12 ᑕᖅᑭᐅᓕᖅᑐᓂᑦ.
ᑭᓇᑐᐃᓐᓇᖅ ᐃᐃᖅᑲᓇᐃᔭᖅᑎᑦᑎᔪᖅ ᑐᓴᖅᑎᑦᑎᖃᑦᑕᖅᑐᑦ ᑮᓇᐅᔭᖅᑖᓂᑦ ᓄᓇᑦᓯᐊᒥ ᐊᒻᒪ/ᐅᕝᕙᓘᓐᓃᑦ ᓄᓇᕗᒻᒥ ᖃᐅᔨᓴᖅᑕᐅᑦᑕᐅᑎᒋᔭᖅᑐᑦ ᐅᑯᑎᒎᓇ Safe Workplace ᐱᓕᕆᐊᒥᑦ. ᐃᖅᑲᓇᐃᔭᖅᑎᑦᑎᔪᑦ ᑎᑭᑦᑎᔪᑦ ᐊᑕᖏᖅᑐᒋᑦ ᐱᖓᓲᔪᖅᑐᑦ ᐋᖅᑭᔅᓯᒪᓂᖏᑦ ᓇᓗᓇᐃᖅᑕᐅᓂᖃᖅᑐᑦ Safe Workplace ᐅᑯᓄᖓ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ.
ᐱᓕᕆᐊᖅ ᐊᑐᐃᓐᓇᐅᔪᖅ ᐅᕙᓂ WSCC Connect ᐊᒻᒪ ᐱᖃᓯᐅᔾᔨᔪᑦ ᐅᑯᓂᖓ ᓴᓇᕐᕈᑎᓂᑦ:
- Safe Workplace ᖃᕋᓴᐅᔭᒃᑯᑦ ᑕᑯᔅᓴᐅᔾᔪᑎᖓ – ᐃᖅᑲᓇᐃᔭᖅᑎᑦᑎᔪᓂᑦ ᑕᑯᔅᓴᐅᑎᑦᑎᔪᑦ ᓇᓪᓕᐊᓐᓂ ᐋᖅᑭᔅᓯᒪᓂᖓᓂ ᑎᑭᑦᑎᒻᒪᖔᑕ ᐊᒻᒪ ᓇᓪᓕᐊᓐᓂ ᑎᑭᑦᑎᖏᒻᒪᖔᑕ. ᑎᑭᑕᐅᓯᒪᖏᑦᑐᑦ ᐋᖅᑭᔅᓯᒪᓂᖏᑦ ᐊᐅᐸᖅᑐᖃᓂᐊᖅᑐᑦ ᖃᔾᔪᓐᖑᐊᒥ ᐊᒻᒧᐊᖓᔪᒥᑦ ᓴᓂᐊᓂ. ᖃᕋᓴᐅᔭᒃᑯᑦ ᑕᑯᔅᓴᐅᔾᔪᑎᖓ ᑐᕌᕈᑎᖃᖅᑎᑎᒻᒥᔪᖅ ᑭᓱᓕᕆᔾᔪᑎᓄᑦ ᐱᐅᓯᑎᒋᐊᕐᓗᒍ ᐊᑦᑕᓇᐃᖅᓯᒪᓂᖅ.
- ᓇᓖᕌᕋᔅᓴᐅᔪᑦ ᑎᑎᕋᖅᑕᐅᑎᓪᓗᒋᑦ/ᖃᕋᓴᐅᔭᕐᒨᕐᓗᒍ Safe Workplace ᓇᓗᓇᐃᒃᑯᑕᖅ – ᐃᓕᓴᖅᓯᔪᓂᑦ ᐃᖅᑲᓇᐃᔭᖅᑎᑦᑎᔪᓂᑦ ᑕᑯᔅᓴᐅᑎᑦᑎᔪᓂᑦ ᐱᒻᒪᕆᐅᑎᑦᑎᓪᓗᑎ ᐊᑦᑕᓇᐃᖅᓯᒪᓂᕐᒧᑦ ᑎᑭᑕᐃᓐᓇᕆᓪᓗᒋᑦ ᐱᖓᓲᔪᖅᑐᓕᒫᑦ ᐋᖅᑭᔅᓯᒪᓂᖏᑦ.
- ᐱᔭᔅᓴᐅᓂᖏᑦ ᐃᓄᓐᓄᑦ ᑭᒃᑯᑐᐃᓐᓇᕐᓄ ᑐᑭᓯᒋᐊᕈᑏᑦ Safe Workplace ᐃᖅᑲᓇᐃᔭᖅᑎᑦᑎᔪᑦ – ᐱᑕᖃᖅᑎᑦᑎᔪᑦ ᑎᑎᕋᖅᓯᒪᔪᓂᑦ ᐃᖅᑲᓇᐃᔭᖅᑎᑦᑎᔪᑦ ᐃᓕᓴᕆᔭᐅᓯᒪᔪᑦ ᐅᑯᓄᖓ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᐊᑦᑕᓇᖏᑑᓪᓗᓂ ᐃᖅᑲᓇᐃᔭᕐᕕᒃ (Safe Workplace) ᐊᒻᒪ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᐊᖏᖅᓯᒪᓪᓗᓂᒋᑦ ᐊᑎᖏᑦ ᑕᑯᔅᓴᐅᓗᑎ ᐅᕙᓂ ᑐᑭᓯᒋᐊᕈᑎᓂᑦ.
ᑐᑭᓯᒋᐊᒃᑲᓐᓂᕈᒪᒍᕕᑦ ᐱᔾᔪᑎᖃᖅᑐᓂᑦ Safe Workplace ᐱᓕᕆᐊᒥ, ᖃᐅᔨᒋᐊᕐᕕᒋᓗᒍ Safe Workplace ᐃᖅᑲᓇᐃᔭᖅᑏᑦ ᖃᕋᓴᐅᔭᒃᑯᑦ ᐅᕙᓂ ᓄᓇᕗᑦ ᐅᕝᕙᓘᓐᓃᑦ ᓄᓇᑦᓯᐊᖅ, ᐅᕝᕙᓘᓐᓃᑦ ᐅᖄᓚᓗᑎᑦ 1-833-315-2057.
ᖃᐅᔨᒪᒋᑦ: ᐅᓇ Safe Workplace ᓇᓗᓇᐃᒃᑯᑎᐅᔪᖅ ᐅᑯᓂᖓ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑎᑦ (WSCC) ᐊᓂᒍᐃᓂᕐᒧᑦ ᑎᑎᖃᖏᓐᓂᒃ ᐃᓇᙱᕐᓯᒍᑎᐅᙱᑦᑐᖅ. ᑐᓂᔭᐅᒍᕕᑦ ᐅᕝᕙᓘᓐᓃᑦ ᑐᓂᓯᓂᐊᕈᕕᑦ ᐱᓕᕆᑎᑦᑎᔾᔪᑎᓂᒃ, ᐱᔭᕆᐊᖃᖅᑐᓂᒃ ᐅᑯᓄᖓ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑎᑦ (WSCC) ᐊᓂᒍᐃᓂᕐᒧᑦ ᑎᑎᖃᓂᒃ ᐅᕘᓇ ᓇᕿᓪᓗᒍ.
