WHMIS ᐃᒪᓐᓇ ᑐᑭᖃᖅᐳᖅ ᐃᖅᑲᓇᐃᔭᕐᕕᖕᒥ ᐊᑦᑕᕐᓇᖅᑐᓂᒃ ᑭᓱᑐᐃᓐᓇᓂᒃ ᑐᓴᐅᒪᖃᑎᒌᒃᑎᑦᑎᓂᖅ ᐊᔪᕆᖅᓲᔾᔨᓯᒪᓪᓗᓂᓗ ᐃᖅᑲᓇᐃᔭᕐᕕᖕᒥ ᑭᓱᑐᐃᓐᓇᓂᒃ ᐊᑦᑕᕐᓇᖅᑐᓂᒃ ᓇᓂᔭᐅᔪᓂᒃ ᓇᓗᓇᐃᖅᓯᔪᓐᓇᕐᓂᒃᒥᒃ. ᐃᖅᑲᓇᐃᔭᖅᑎᓂᒃ ᖃᐅᔨᒪᑦᑎᐊᓕᖅᑎᑦᑎᓂᐊᖅᐳᖅ ᑭᓱᑦ ᐊᑦᑕᕐᓇᖅᑐᑦ ᐱᑕᖃᕈᓐᓇᕐᒪᖔᑕ ᐊᒻᒪ ᖃᓄᖅ ᑲᒪᒋᔭᕆᐊᖃᕐᒪᖔᑕ, ᑐᖅᑯᑦᑎᐊᕐᓗᒋᑦ, ᐊᒻᒪ ᐋᖅᑭᑦᑎᐊᕐᓗᒋᑦ ᖁᐊᖅᓵᕐᓇᖅᑐᑦ ᑭᓱᑐᐃᓐᓇᐃᑦ.
ᐅᑯᐊ WHMIS-ᑯᑦ ᐱᓕᕆᐊᒃᓴᖏᑕ ᐃᓚᖏᑦ ᐱᖁᑎᓂᒃ ᐊᑦᑕᕐᓇᖅᑐᑦ ᒥᒃᓵᓄᑦ ᑎᑎᕋᕐᕕᒃᓴᐃᑦ (MSDS), ᓴᖅᑭᑎᑕᐅᔪᑦ ᓇᓕᖅᑲᖏᑦ, ᐊᒻᒪ ᐃᖅᑲᓇᐃᔭᖅᑎᓄᑦ ᐃᓕᓐᓂᐊᖅᑕᐅᔪᒃᓴᑦ.
ᐃᖅᑲᓇᐃᔭᖅᑎᓄᑦ ᐊᑦᑕᕐᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓄᑦ ᖃᐅᔨᓴᖅᑏᑦ ᐅᖃᓕᒫᒐᒃᓴᓂᒃ ᓴᖅᑭᑦᑎᖃᑦᑕᖅᐳᑦ ᐊᑦᑕᕐᓇᖅᑐᑦ ᐅᔾᔨᖅᓱᕆᐊᓖᑦ ᒥᒃᓵᓄᑦ ᐃᖅᑲᓇᐃᔭᖅᑎᑦ ᐃᖅᑲᐃᓯᔪᒪᓪᓗᒋᑦ ᐃᖅᑲᓇᐃᔭᖅᑎᓪᓗᒋᑦ ᐃᖅᑲᓇᐃᔭᙱᑎᓪᓗᒋᓪᓘᓐᓃᑦ ᐊᑐᖅᑕᐅᓕᕈᓐᓇᖅᑐᓂᒃ. ᖁᐊᖅᓵᕐᓇᖅᑐᓂᒃ ᓇᓗᓇᐃᔭᖅᓯᒪᓪᓗᑎᒃ ᐊᒻᒪ ᑐᑭᓯᓇᖅᑐᓂᒃ ᐊᔪᕆᖅᓲᔾᔨᓯᒪᓪᓗᑎᒃ ᖃᓄᕐᓗ ᖁᐊᖅᓵᕐᓇᖅᑐᑦ ᐱᑕᖃᙱᓐᓂᖅᓴᐅᔪᓐᓇᕐᒪᖔᑕ.
ᐃᖅᑲᓇᐃᔭᖅᑎᓄᑦ ᐃᑲᔫᑎᐅᓇᓱᒃᐳᖅ ᒪᓕᒋᐊᖃᖅᑐᑦ ᑐᑭᓯᔪᓐᓇᖁᓗᒋᓪᓗ ᐊᒻᒪ ᐊᑦᑕᕐᓇᖅᑐᒦᖁᓇᒋᑦ ᐱᖅᑯᔭᒃᓴᑦᑎᓐᓂᖔᖅᑐᓂᒃ. ᑐᓴᒃᑲᓐᓂᕈᒪᓐᓂᕈᕕᑦ ᐃᕐᖏᓇᖅᓯᐅᑎᕗᑦ ᑕᑯᒋᐊᕈᓐᓇᖅᑕᑦ safetyregs@wscc.nt.ca - ᒥᑦ, ᐅᕝᕙᓘᓐᓃᑦ ᖃᓄᖅ ᐱᖃᑕᐅᔪᓐᓇᕐᒪᖔᖅᐱᑦ ᒪᓕᒋᐊᖃᖅᑐᓂᒃ ᐋᖅᑭᖅᓱᐃᖃᑕᐅᔪᓐᓇᕐᓗᑎᑦ.
ᐃᖅᑲᓇᐃᔭᕐᓂᖅ ᐊᑦᑕᕐᓇᖅᑕᐃᓕᒪᓗᓂ ᑭᒃᑯᓕᒫᑦ ᐱᓕᕆᐊᒃᓴᕆᔭᖓᑦ, ᐊᒻᒪ ᐊᑐᓂ ᐃᖅᑲᓇᐃᔭᖅᑎ ᐱᔪᓐᓇᐅᑎᖃᖅᖢᓂ ᐊᑦᑕᕐᓇᙱᑦᑐᒥᒃ ᐃᖅᑲᓇᐃᔭᕐᕕᖃᕐᓗᓂ. ᑐᑭᓯᐅᒪᓂᖅ ᐱᔪᓐᓇᐅᑎᓂᒃ ᐊᒻᒪ ᐱᓕᕆᐊᒃᓴᖏᓐᓂᒃ ᐊᑐᓂ ᐃᖅᑲᓇᐃᔭᖅᑎᐅᑉ ᑐᙵᕕᓪᓚᕆᐅᓪᓗᓂ ᐃᓚᒋᔭᐅᔪᖅ ᐃᖅᑲᓇᐃᔭᕐᕕᖕᒥ ᐊᑦᑕᕐᓇᖅᑕᐃᓕᒪᓂᕐᒧᑦ ᐃᓕᓂᓐᓂᐊᕐᓂᕐᒥ.
ᐱᓕᕆᓯᒋᐊᖅᑳᖅᑎᓐᓇᒋᒃ ᐱᓕᕆᐊᒃᓴᖏᓐᓂᒃ, ᑭᒃᑯᓕᒫᑦ ᑐᑭᓯᐊᓪᓗᐊᖅᑐᑦ ᐱᖓᓱᓂᒃ ᑐᙵᕕᐅᔪᓂᒃ ᐱᔪᓐᓇᐅᑎᓂᒃ.
ᐅᑯᐊ ᐱᖁᔭᒃᓴᑦ ᐊᐅᓚᑦᑎᕗᑦ ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᕐᓇᖏᑦᑐᓕᕆᓂᕐᒧᑦ ᐊᑦᑕᕐᓇᖅᑕᐃᓕᒪᓂᕐᒧᓪᓗ ᓄᓇᑦᑎᐊᕐᒥᑦ ᓄᓇᕗᒥᓪᓗ.
ᐋᖅᑭᒃᑕᐃᓐᓇᕆᓇᓱᒡᓗᒋᑦ ᐱᖁᔭᒃᓴᑦ, ᑕᑯᒋᐊᕐᓗᒍ ᒐᕙᒪᖓᑦ ᓄᓇᑦᑎᐊᖅ ᒪᓕᒐᓕᕆᔨᒃᑯᓪᓗ ᐃᑭᐊᕿᕝᕕᖓ, ᐅᕝᕙᓘᓐᓃᑦ ᓄᓇᕗᒥᑦ ᐃᓚᖓᓂᒃ ᑲᓇᑕᒥᑦ ᒪᓕᒐᑦ ᑐᓴᒐᒃᓴᓕᕆᔨᑦ ᐃᑭᐊᕿᕝᕕᐊᓂ.
ᐃᖅᑲᓇᐃᔭᖅᑎᖁᑎᓖᑦ, ᐅᓂᒃᑳᕆᓂᕐᒥ ᖃᓄᐃᓐᓂᐅᔪᒥ, ᐋᓐᓂᕐᓂᐅᔪᒥᑦ ᐅᕝᕙᓘᓐᓃᑦ ᐅᓗᕆᐊᓇᖅᑐᒥ ᖃᓄᐃᓐᓂᐅᔪᒥ ᐱᔭᕇᖅᓯᔭᕆᐊᖃᖅᐳᑎᑦ ᐊᒻᒪ ᑐᓂᓯᓗᑎᑦ ᐃᖅᑲᓇᐃᔭᖅᑎᑦᑎᔨᐅᑉ ᓇᓗᓇᐃᕐᓂᖓ ᐋᓐᓂᖅᑐᒧᑦ.
ᐅᓂᒃᑲᐅᓯᕆᓗᒋᑦ ᖃᓄᐃᓐᓂᐅᔪᒥ, ᐋᓐᓂᕐᓂᐅᔪᒥᑦ ᐅᕝᕙᓘᓐᓃᑦ ᐅᓗᕆᐊᓇᖅᑐᒥ ᖃᓄᐃᓐᓂᐅᔪᒥᑦ ᐅᕘᓇ ᐃᖅᑲᓇᐃᔭᖅᑎᖁᑎᓕᖕᓄᑦ ᐅᓂᒃᑲᐅᓯᐅᓂᕐᒥ ᖃᓄᐃᓐᓂᐅᔪᒥ ᖃᕋᓴᐅᔭᑎᒍᑦ−ᐱᔨᑦᑎᕋᕐᓂᕐᒥ WSCC Connect−ᑯᑦ. ᐅᓂᒃᑳᓕᐊᖑᔪᖅ ᐃᓗᓕᖃᖅᐳᖅ ᒪᕐᕉᖕᓂ ᐃᓚᖓᓐᓂ: ᓯᕗᓪᓕᕐᒥ, ᐱᔭᕇᖅᓯᓂᐊᖅᐳᑎᑦ ᖃᓄᐃᓐᓂᐅᔫᑉ ᐃᓚᖓᓐᓂ ᐊᒻᒪᓗ ᓇᓗᓇᐃᖅᓯᒍᕕᑦ ᐋᓐᓂᕐᓂᖃᓚᐅᕐᓂᖓᓂ, ᖃᕋᓴᐅᔭᑎᒍᑦ−ᐱᔨᑦᑎᕋᕐᓂᕐᒥ ᐅᖓᕙᕆᐊᖅᑎᑦᑎᓂᐊᖅᐳᖅ ᐋᓐᓂᕐᓂᐅᔪᒧᑦ ᐃᓚᖓᓐᓂ ᐅᓂᒃᑳᕆᓂᕐᒧᑦ.
ᐃᖅᑲᓇᐃᔭᕐᕕᖕᒥ ᐋᓐᓂᐊᖅᑖᖅᑕᐃᓕᒪᓂᖅ ᐊᒻᒪ ᐊᑦᑕᕐᓇᖅᑕᐃᓕᒪᓂᕐᒧᑦ ᒪᓕᒐᓕᐊᖑᔪᒪᔪᑦ, ᖃᐅᔨᒪᔭᐅᔪᑦ ᐃᒪᓐᓇ ᐊᑦᑕᕐᓇᖅᑕᐃᓕᒪᓂᕐᒧᑦ ᐱᖁᔭᖅ ᐊᒻᒪ ᑭᒃᑯᑐᐃᓐᓇᓄᑦ ᐊᑦᑕᕐᓇᖅᑕᐃᓕᒪᓂᕐᒧᑦ ᒪᓕᒋᐊᓖᑦ, ᐊᐅᓚᑦᑎᐊᕐᓗᒍ ᐃᖅᑲᓇᐃᔭᕐᕕᖕᒥ ᐋᓐᓂᐊᖅᑖᖅᑕᐃᓕᒪᓂᖅ ᐊᑦᑕᕐᓇᖅᑕᐃᓕᒪᓂᕐᓗ. ᐅᕙᓂ ᓇᓂᓯᓂᐊᖅᐳᑎᑦ ᑐᑭᓯᒋᐊᒐᒃᓴᓂᒃ ᐃᒪᐃᑦᑐᓕᕆᔪᓂᒃ ᐋᓐᓂᖅᑐᖃᖅᑎᓪᓗᒍ ᐅᖃᐅᓯᕆᔭᕆᐊᓖᑦ, ᐃᖅᑲᓇᐃᔭᖅᑎᐅᑉ ᐱᔪᓐᓇᕐᓂᖏᑦ ᑲᒪᒋᔭᒃᓴᖏᓪᓗ, ᒫᓐᓇᓕᓴᐃᑦ ᐊᑦᑕᕐᓇᖅᑐᓂᒃ ᐅᔾᔨᖅᓱᖁᔨᔾᔪᑏᑦ, ᐊᒻᒪ ᐊᑐᕈᓐᓇᕋᔭᖅᑐᑦ ᐃᑲᔫᑎᒋᓇᓱᐊᕐᓗᒋᑦ ᐃᖅᑲᓇᐃᔭᖅᑎᑦᑎᔨᓂᒃ ᐊᒻᒪ ᐃᖅᑲᓇᐃᔭᖅᑎᓂᒃ ᐊᑦᑕᕐᓇᖅᑐᒦᖁᓇᒋᑦ.
ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᖅᑕᐃᓕᒪᓂᕐᒥᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ (OHS) ᓴᐳᔾᔨᓯᒪᓲᖅ ᐃᖅᑲᓇᐃᔭᖅᑎᓂᑦ ᐋᓐᓂᕐᓂᕐᓄᑦ ᐊᒻᒪᓗ ᐋᓐᓂᐊᓕᕐᓂᕐᓄ. ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᑕᐃᒪᐃᑎᑦᑎᑦᑕᐃᓕᒪᓂᕐᒧᑦ ᐱᔨᑦᑎᕋᐅᑏᑦ ᐱᓕᕆᔾᔪᔾᔨᔪᑦ ᐃᖅᑲᓇᐃᔭᕐᕕᖕᓂᒃ ᒪᓕᑦᑎᐊᖁᓪᓗᒋᑦ ᑖᒃᑯᓂᖓ ᒪᓕᒐᕐᓂᒃ ᐃᖅᑲᓇᐃᔭᖅᑎᖏᑦ ᐊᑦᑕᕐᓇᔾᔭᐃᖅᓯᒪᖁᓪᓗᒋᑦ ᐊᒻᒪ ᐃᓐᓂᐊᖅᑎᑦᑎᕙᒡᓗᑎᒃ, ᓱᓇᒃᑯᑖᖃᖅᑎᑦᑎᓗᑎᒃ, ᐊᒻᒪᓗ ᐃᑲᔪᖅᓯᕐᓗᒋᑦ ᓇᖕᒥᓂᕆᔭᐅᔪᑦ ᐃᑲᔪᖅᑕᐅᔭᕆᐊᖃᖅᐸᑕ.
ᐊᑦᑕᕐᓇᖅᑕᐃᓕᒪᓂᕐᒧᑦ ᒪᓕᒐᐃᑦ ᓄᓇᑦᓯᐊᕐᒥ ᓄᓇᕗᒻᒥᓗ ᐊᑦᑕᕐᓇᖅᑕᐃᓕᒪᔪᓕᕆᔨᑦ ᐅᔭᕋᖕᓂᐊᕐᕕᖕᒧᓪᓗ ᖃᐅᔨᓴᖅᑎ ᐃᖅᑲᓇᐃᔭᕐᕕᖕᓂ ᒪᓕᒋᐊᓕᖕᓂᒃ ᒪᓕᒃᑲᓗᐊᕐᒪᖔᑕ.
ᐱᔪᓐᓃᕋᓱᒃᖢᓂ ᐱᒋᐊᖅᓵᓕᓂᖅ ᐃᓗᕆᐊᓇᖏᑦᑐᒥᓪᓗ ᐅᑎᓐᓂᖅ ᐃᖅᑲᓇᐃᔮᒧᑦ ᑎᒥᒧᑦ ᐃᓱᒪᒧᓪᓗ ᐊᖏᓕᒋᐊᕆᓲᖅ.
