ᑕᑕᑎᕆᐊᓖᑦ ᑕᒪᕐᒥᒃ ᐅᖃᓕᒫᑦᑎᐊᕐᓗᒋᑦ ᖃᐅᔨᒪᔾᔪᑎᒋᓂᐊᕋᕕᒋᑦ ᑕᒻᒪᖅᑕᙱᑦᑎᐊᕐᓗᑎᑦ ᐱᐊᓂᑦᑎᐊᕈᓐᓇᖁᓪᓗᑎᑦ.
ᖃᓄᑐᐃᓐᓇᖅ ᐃᑲᔪᖅᑕᐅᔭᕆᐊᖃᕈᕕᑦ ᐅᕙᑦᑎᓐᓄᑦ ᖃᐅᔨᒋᐊᕈᓐᓇᖅᐳᑎᑦ ᐅᕗᖓ ᓈᓴᐅᑎᒧᑦ 1-800-661-0792, ᑐᑭᓯᒋᐊᒃᑲᓐᓂᕈᒪᒍᕕᓪᓘᓐᓃᑦ.
ᐊᑦᑕᖕᓇᖅᑕᐃᓕᒪᓂᖕᒧᑦ ᐊᐅᓚᑎᔾᔪᓯᓄᑦ ᐊᐱᖅᑯᑏᑦ
ᓯᕗᓪᓕᖅ: ᐱᕐᕈᓗᐊᕿᑦᑕᐃᓕᖅ
ᐊᐃᑉᐸᖓ: ᐅᑎᖕᓂᖅ ᐃᖅᑲᓇᐃᔭᕐᕕᖕᒧᑦ/ᓇᓪᓕᐅᒃᑯᒻᒫᓂᑦ ᐊᐅᓚᑦᑎᓂᖅ
ᓇᓪᓕᐅᒃᑯᒫᓂᒃ ᖃᐅᔨᓴᖅᑎᒃᑯᑦ ᒪᓂᒻᒪᐃᓲᑦ ᑭᒃᑯᓕᒫᓄᑦ ᓵᑕᐅᓕᕈᑎᒃᓴᓂᒃ, ᓇᓪᓕᐅᒃᑯᒫᓕᕆᔨᓂᒃ ᐊᑐᖅᑕᐅᒐᔪᒃᑐᖅ. ᑕᒪᓐᓇ ᑐᑭᖃᖅᐳᖅ ᐃᖅᑲᓇᐃᔭᖅᑎᓕᒫᑦ ᐊᑦᑕᕐᓇᖅᑐᒦᑦᑐᐃᓐᓇᐅᓂᖏᓐᓂᒃ ᓴᓇᕝᕕᖕᓂᒃ ᐱᕐᔪᐊᖑᙱᓐᓂᖅᓴᓂᒡᓘᓐᓃᑦ. ᓴᐳᔾᔨᔾᔪᑕᐅᔪᓐᓇᕐᒪᑦ ᑕᒪᐃᓐᓄᑦ ᐃᖅᑲᓇᐃᔭᖅᑎᓄᑦ ᐊᖏᓗᐊᖅᑐᐊᓗᖕᒥᒃ ᐊᑭᑦᑐᕆᐊᖅᑕᐅᓗᑎᒃ ᖃᔅᓯᓕᐅᕐᒪᖔᑕ ᖃᐅᔨᓴᖅᑕᐅᔾᔪᑎᖏᓐᓂᒃ ᐃᒪᐃᓐᓂᖅᐸᑕ ᓂᕆᐅᓇᙱᑦᑐᒃᑯᑦ ᐱᓇᔫᑕᐅᓲᑦ ᐊᑭᑦᑐᕆᐊᖅᑕᐅᓐᓂᖅᐸᑕ.
ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒪᓂᑦ ᖃᐅᔨᓴᖅᑎᒃᑯᑦ ᐃᖅᑲᓇᐃᔭᖅᑎᓂᒃ ᐅᖃᐅᓯᖃᖃᑦᑕᖁᔨᕗᑦ ᐊᑭᓕᖅᓱᖅᑕᐅᔭᕆᐊᓖᑦ ᖃᔅᓯᓕᐅᓚᐅᕐᒪᖔᑕ ᐊᒻᒪ ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᖅᑕᐃᓕᒪᓂᕐᒧᑦ ᐊᒻᒪ ᐊᑦᑕᓇᔾᔭᐃᖅᓯᒪᓂᕐᒧᑦ ᑐᑭᓯᒋᐊᕈᑎᓂᑦ ᐊᕐᕌᒍᑕᒫᑦ.
ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ (WSCC) ᐃᒪᐃᖁᔨᓯᒪᔪᑦ ᐊᖏᔪᖅᑳᖅ ᐱᓯᒪᓗᓂ ᐊᓂᒍᐃᓂᕋᐃᓯᒪᔪᒥᒃ ᑎᑎᖅᑲᒥᒃ ᐱᓕᕆᓂᐊᖅᑎᓪᓗᒍ ᑳᓐᑐᕌᒃᓯᒪᓂᒃᑯᑦ ᐃᓕᕿᐊᒃᓴᒥᒃ ᐸᓯᔭᒃᓴᐅᔾᔪᑎᖃᖁᓇᒍ ᖃᐅᔨᓴᕐᓂᕐᓄᑦ ᐊᒃᑐᐊᔪᓄᑦ ᑳᓐᑐᕌᒃᒧᑦ ᑲᓐᑐᕌᒃᑕᖏᑦ ᐊᑭᓕᒃᓴᖃᖅᑎᓪᓗᒋᑦ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑎᓄᑦ. ᑕᐃᒪᓐᓇᑐᐃᓐᓇᖅᑕᐅᖅ, ᑳᓐᑐᕌᒃᑏᑦ ᐃᒪᐃᖁᔭᐅᓯᒪᔪᑦ ᐱᓯᒪᓗᓂᑎᒃ ᐊᓂᒍᐃᓂᕋᐃᓯᒪᔪᒥᒃ ᑎᑎᖅᑲᒥᒃ ᐱᓕᕆᓂᐊᖅᑎᓪᓗᒍ ᑳᓐᑐᕌᒃᓯᓯᒪᖃᑎᖃᕐᓂᐊᖅᑎᓪᓗᒍ ᑳᓐᑐᖄᖕᒧᑦ ᐱᓕᕆᖃᑎᖃᕐᓂᐊᖅᑐᓪᓗᒍ ᐊᓯᔭᒃᓴᐅᑐᐃᓐᓇᕆᐊᖃᕐᓂᖏᓐᓄᑦ ᖃᐅᔨᓴᕈᑎᑐᐃᓐᓇᕐᓂᒃ ᐊᒃᑐᐊᔪᓂᒃ ᑳᓐᑐᕌᒃᓯᖃᑎᖏᑦ ᐊᑭᓕᒃᓴᖃᖅᐸᑕ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑎᓄᑦ.
ᐃᖅᑲᓇᐃᔭᕐᕕᓕᒫᑦ ᐊᐅᓚᑎᑦᑎᔪᑦ ᐅᕝᕙᓘᓐᓃᑦ ᐋᖅᑭᒃᓯᓯᒪᔪᑦ ᓇᖕᒥᓂᕐᒥᓂᒃ ᑕᐃᑲᓂ ᓄᓇᑦᓯᐊᒥᑦ ᐊᒻᒪᓗ/ᐅᕝᕙᓘᓐᓃᑦ ᓄᓇᕘᒥᑦ ᑎᑎᕋᖅᑕᐅᓯᒪᔭᕆᐊᖃᖅᑐᖅ ᐅᑯᓄᖓ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᓄᑦ (WSCC), ᑭᓯᐊᓂ ᑭᐅᒪᒍᑎᒃ ᕿᓚᒻᒥᐅᔪᒃᑯᑦ ᐃᖅᑲᓇᐃᔭᖅᑎᖁᑎᓕᖕᓄᑦ ᓈᒻᒪᒋᔭᐅᔪᓂᑦ ᐋᖅᑭᒃᑕᐅᓯᒪᓂᖏᑎᒍᑦ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᐊᑐᐊᒐᖓᓐᓂ 00.05.01– ᐃᓱᒪᓕᐅᕆᓂᕐᒥ ᖃᓄᐃᓕᖓᓂᖓᓂ ᐃᓄᖕᓄᑦ ᐅᕘᓈᖅᑐᓄᑦ ᐃᖅᑲᓇᐃᔭᖅᑎᒧᑦ ᐋᓐᓂᖅᑐᖅᓯᐅᑎᓕᕆᔨᒃᑯᑦ ᒪᓕᒐᖏᑎᒍᑦ: ᐃᖅᑲᓇᐃᔭᖅᑎᖁᑎᓕᑦ. ᐃᖅᑲᓇᐃᔭᕐᕖᑦ ᑎᑎᕋᖅᑕᐅᓐᓂᖏᑦᑐᑦ ᐊᑭᓖᔭᕆᐊᖃᖅᐳᑦ ᓱᒋᐊᖅᑕᐅᔾᔪᑎᒥᒃ ᑖᒃᑯᓄᖓ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᓄᑦ (WSCC).
ᐃᖅᑲᓇᐃᔭᖅᑎᓄᑦ ᐱᔨᑦᑎᕋᐅᑎᑦ ᑐᑭᓯᒋᐊᒐᒃᓴᖃᓲᑦ ᒪᑯᓂᖓ ᓇᖕᒥᓂᕆᔭᐅᔪᓂᒃ ᐊᑎᓕᐅᖅᑕᐅᑎᑦᑎᔾᔪᑎᓂᒃ, ᐲᖅᑕᐅᖁᔨᔾᔪᑎᑦ ᑐᒃᓯᕋᐅᑎᓂᒃ, ᐊᑭᓕᖅᓱᖅᑕᐅᔭᕆᐊᓖᑦ ᓇᓗᓇᐃᕈᑎᓂᒃ, ᖃᔅᓯᓕᐅᕐᒪᖔᑕ ᓇᓗᓇᐃᕈᑎᓂᒃ, ᐊᒃᑐᐊᓂᓖᓪᓗ ᐅᖃᓕᒫᒐᕋᓛᑦ, ᖃᐅᔨᒪᔾᔪᑎᓂᒃ, ᐊᒻᒪ ᑕᑕᑎᕆᐊᓕᖕᓂᒃ.
ᖃᓄᑐᐃᓐᓇᖅ ᐃᑲᔪᖅᑕᐅᔭᕆᐊᖃᒃᑲᓐᓂᕈᕕᑦ, ᖃᐅᔨᒋᐊᕈᓐᓇᖅᐳᑎᑦ ᐃᖅᑲᓇᐃᔭᖅᑎᓄᑦ ᐱᔨᑦᑎᕋᖅᑎᒃᑯᓐᓄᑦ ᐅᑯᓇᓂ ᓈᓴᐅᑎᓂ:
ᐊᑭᖃᙱᑦᑐᒃᑯᑦ: 1-800-661-0792
ᐃᕐᖐᓐᓈᖅᑕᐅᒃᑯᑦ: ᓄᓇᑦᓯᐊᒥ ᐃᖅᑲᓇᐃᔭᖅᑎᓄᑦ ᐱᔨᑦᑎᕋᐅᑎᑦ
ᐊᕐᕌᒍᑕᒫᓐ ᐊᐃᕐᕆᓕ 28-ᒥᒃ, ᐃᖅᑲᐅᒪᖃᑦᑕᖅᑐᒍᑦ ᐃᖅᑲᓇᐃᔭᖅᑎᓕᒫᓂᒃ ᐃᓅᔪᓐᓃᖅᓯᒪᔪᓂᒃ, ᐋᓐᓂᖅᑐᕕᓂᕐᓂᖅ ᐅᕝᕙᓘᓐᓃᑦ ᐋᓐᓂᐊᖃᓕᖅᑐᓂᒃ ᐃᖅᑲᓇᐃᔭᖅᕕᒃᒥᑦ ᖃᓄᐃᓕᓂᑰᓂᖅᒧᑦ ᐊᒻᒪᓗ ᐱᓇᓱᒋᐊᒃᑲᓐᓂᖅᐸᒃᖢᑕ ᐃᖅᑲᓇᐃᔭᖅᕖᑦ ᖁᐊᖅᓵᖅᓇᖅᑐᒦᑎᑦᑕᐃᓕᒪᓪᓗᒋᑦ.
ᐃᖃᐅᒪᓂᖃᕐᓂᐊᕐᒪᑕ ᔭᓗᓈᐃᒥᒃ ᐃᖃᓗᖕᓂᓪᓗ, ᑲᒪᒋᔭᐅᓗᓂ ᓄᓇᑦᑎᐊᕐᒥᒃ ᑲᑐᔾᔨᖃᑎᒌᑦ ᐃᖅᑲᓇᐃᔭᖅᑎᓄᑦ, ᐄᑉᐳ 28-ᒥᑦ ᐅᓐᓄᓴᒃᑯᑦ ᑲᑎᓐᓂᖃᓛᖅᑐᖅ ᒪᓕᒐᓕᐅᕐᕕᖕᒥᒃ.
ᓴᖅᑭᔮᖅᑎᑦᑎᓗᑎᒃ ᑲᓇᑕᒥ ᐅᓪᓗᖓᓂᒃ ᕿᔅᓵᖕᓂᖅᒧᑦ ᐊᑭᓐᓇᖅᒥᐅᑕᒥᒃ ᐅᕝᕙᓘᓐᓃᑦ ᐃᑲᔪᖅᑐᐃᓃᑦ ᓴᖅᑭᔮᖅᑎᓪᓗᒍ ᑐᓴᐅᒪᔾᔪᑎᓕᕆᓂᒃᑯᑦ ᐊᑐᕐᓗᑎᒃ ᐃᓚᐅᔾᔪᑎᒥᒃ ᐆᒥᖓ #dayofmourning.
ᐃᖅᑲᐅᒪᒋᑦ ᐅᔾᔨᕈᓱᑦᑎᐊᕐᓂᖅ ᐃᖅᑲᓇᐃᔭᖅᕕᒃ ᖁᐊᖅᓵᖅᓇᑕᐃᓕᒪᓪᓗᒍ ᐃᓅᓯᕐᓂᒃ ᖃᓄᐃᑎᑦᑎᙱᑦᑐᓐᓇᖅᑐᖅ.
ᐊᑦᑕᓇᔾᔭᐃᖅᓯᒪᓂᕐᒧᑦ ᐊᒻᒪᓗ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᐱᓇᓱᐊᕈᓯᖅ ᖁᕕᐊᓲᑎᒋᔭᐅᓲᖑᕗᖅ ᐊᕐᕌᒍᑕᒫᑦ ᐊᒥᐊᓕᒐᐃᑦ ᐅᐊᖕᓇᖓᓂ ᒪᐃ ᓯᕗᓪᓕᖅᐹᖓᑕ ᐱᓇᓱᐊᕈᓯᖓᓂ. ᐱᓇᓱᐊᕈᓯᖅ ᓴᖅᑭᔮᖅᑎᑦᑎᓲᖅ ᐱᒻᒪᕆᐅᓂᖓᓂ ᐃᖅᑲᓇᐃᔭᕐᕕᖕᒥᑦ ᖃᓄᐃᑦᑕᐃᓕᓂᕐᒥᒃ, ᐋᓐᓂᕈᑎᐅᔭᑦᑐᓂᒃ, ᐊᒻᒪᓗ ᐋᓐᓂᐊᕆᔭᐅᔭᑦᑐᓂᒃ. 2026-ᒥᑦ, ᐊᑦᑕᓇᔾᔭᐃᖅᓯᒪᓂᕐᒧᑦ ᐊᒻᒪᓗ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᐱᓇᓱᐊᕈᓯᖓ ᑕᐃᑲᓂᐅᓛᖅᑐᖅ ᒪᐃ 4-ᒥᑦ ᒪᐃ 9-ᒧᑦ.
