ᒪᑐᖓᑦᓯᐊᕐᓂᖅ ᐱᒻᒪᕆᐅᒋᔭᕗᑦ ᐅᑦᓱᕉᑎᖃᖅᐳᒍᓪᓗ ᑐᑭᓯᓇᑦᓯᐊᕐᓂᕐᒥᑦ ᑕᑯᑦᓴᐅᑎᑦᓯᓯᐊᕐᓂᕐᒥᓪᓗ ᑲᒪᒋᔭᓕᒫᑦᑎᓐᓂᑦ. ᐸᕐᓇᑦᑕᐃᓐᓇᓕᒫᕗᑦ ᐱᓕᕆᓯᒪᓂᕐᒧᑦ ᐅᓂᒃᑳᓕᐊᑦ ᐊᑐᐃᓐᓇᐅᔪᑦ ᐱᖃᖃᑕᐅᔪᓄᑦ.   

ᐱᓕᕆᔪᒪᑦᑎᐅᕋᑦᑕ ᐅᐸᒃᑕᐅᖃᑦᑕᕈᒪᓪᓗᑕ, ᑐᑭᓯᓇᑦᑎᐊᕐᓗᑕ, ᐊᒻᒪᓗ ᐃᔨᖅᓯᒪᓂᖃᖏᓪᓗᑕ ᑭᓱᑐᐃᓐᓇᓕᒫᓂ ᐱᓕᕆᐊᕆᔭᑦᑎᓐᓂ, ᓴᖅᑭᔮᖅᑎᑦᑎᓗᑕ ᐱᕕᐊᕐᓇᖅᑐᖁᑎᑦᑎᓐᓂᑦ ᐊᑐᐃᓐᓇᐅᑦᑎᐋᕐᓂᕐᑎᓐᓂ.

ᐊᑎᓕᐅᕆᑦ ᐊᑦᑕᖕᓇᖅᑕᐃᓕᒪᖃᑎᒌᓄᑦ ᐅᓪᓗᒥ!

ᐅᑯᐊ ᐃᖅᑲᓇᐃᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ (WSCC) ᑲᒪᒋᔭᐅᕙᒃᑐᑦ 7-ᓂ ᐃᓄᖕᓄᑦ ᒐᕙᒪᓕᕆᓂᕐᒧᑦ ᑲᑎᒪᔨᓄᑦ. ᒐᕙᒪᓕᕆᓂᕐᒧᑦ ᑲᑎᒪᔩᑦ ᑲᒪᒋᔭᖃᖅᑐᑦ ᐱᓕᕆᐊᖃᖅᑎᐅᓂᕐᒥᒃ ᐊᒻᒪ ᐊᐅᓚᑦᑎᓂᖅᒥᒃ ᑲᒪᒋᔭᖃᖅᑎᓪᓗᒋᑦ ᐱᓕᕆᔪᓐᓇᕐᓂᖏᑦᑎᒍᑦ ᐊᒻᒪᓗ ᐱᒻᒪᕆᐅᓂᒃᑯᑦ ᐅᑯᓄᖓ ᐃᖅᑲᓇᐃᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑎᓄ (WSCC). ᒐᕙᒪᓕᕆᓂᖅ ᐅᑯᓇᙶᖅᓯᒪᔪᑦ ᐃᓄᖕᓂᑦ ᓄᓇᕗᒥᙶᖅᑐᓂᒃ ᐊᒻᒪᓗ ᓄᓇᑦᓯᐊᖅᒥ, ᐊᒻᒪᓗ ᑭᒡᒐᖅᑐᐃᓪᓗᑎᒃ ᐃᖅᑲᓇᐃᔭᖅᑎᐅᔪᑦ ᐱᔪᒪᕙᒃᑕᖏᓐᓂᒃ, ᐃᖅᑲᓇᐃᔭᖅᑎᑦᑎᔨᐅᔪᑦ ᐊᒻᒪᓗ ᑭᒃᑯᑐᐃᓐᓇᖅᓄᑦ. ᐃᓚᒋᔭᐅᔪᑦ ᑎᒃᑯᐊᖅᑕᐅᖃᑦᑕᖅᑐᑦ ᓄᓇᑦᓯᐊᕐᒥ ᒥᓂᔅᑕᓄᑦ ᑲᒪᒋᔭᖃᖅᑐᓄᑦ ᐃᖅᑲᓇᐃᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑎᓂᒃ (WSCC) ᐅᖃᖃᑎᖃᖅᓯᒪᓂᒃᑯᑦ ᓄᓇᕗᒥᑦ ᒥᓂᔅᑕᒥ.

ᐃᓱᒪᒋᓯᒪᔭᕗᑦ:

ᐲᔭᕐᓗᒋᑦ ᐃᖅᑲᓇᐃᔭᕐᕕᖕᒥ ᐋᓐᓂᐊᖅᑖᕐᓇᖅᑐᑦ ᐋᓐᓂᕈᑎᓪᓗ.

ᐱᓕᕆᐊᒃᓴᕆᔭᕗᑦ:

ᓴᖅᑭᔮᖅᑎᑦᑎᓲᖑᔪᒍᑦ ᐃᖅᑲᓇᐃᔭᕐᕕᖕᒥ ᖃᓄᐃᙱᑦᑎᐊᕈᑎᓂᒃ ᐊᑦᑕᕐᓇᖅᑕᐃᓕᒪᓂᕐᒥᒃᓗ ᐱᑎᑦᑎᓯᒻᒫᑦ ᐱᔾᔪᑎᖃᙱᑦᑐᒥᒃ ᓇᓪᓕᐅᒃᑯᒫᒥᒃ ᐃᖅᑲᓇᐃᔭᖅᑎᑦᑎᔨᓄᑦ ᑲᒪᓂᕐᒧᓪᓗ ᐋᓐᓂᖅᑐᓄᑦ ᐃᖅᑲᓇᐃᔭᖅᑎᓄᑦ.

ᐅᖓᑖᓄᑦ 100−ᓄ ᐊᕐᕌᒍᐃᑦ ᖄᖏᖅᑐᑦ, ᓲ ᕗᐃᓕᐊᒻ ᒥᐅᕆᑎᑦ ᐅᖃᓪᓚᐅᑎᖃᓚᐅᖅᓯᒪᔪᖅ ᐅᓂᒃᑳᓕᐊᒥᑦ ᐋᓐᑎᐅᕆᐅᑉ ᒪᓕᒐᓕᐅᕐᕕᖓᓂᑦ, ᓴᖅᑭᑎᑦᓯᓂᕐᒥᑦ ᖃᐅᔨᒪᔭᐅᓕᕐᓂᐊᖅᑎᓪᓗᒍ ᒥᐅᕆᑎᑦ ᐱᔾᔪᑎᒋᔭᖏᓐᓄᑦ. ᒥᐅᕆᑎᑦ ᐱᔾᔪᑎᒋᔭᖏᓐᓄᑦ ᑐᙵᕕᖃᖅᑎᑦᓯᔪᖅ WSCC ᐃᖅᑲᓇᐃᔭᖅᑎᓕᒫᓄᑦ ᐃᑲᔫᑎᓕᕆᓂᕐᒧᑦ ᐊᑐᖅᑕᐅᕙᑦᑐᓂᑦ ᑲᓇᑕᒥ.

ᒥᐅᕆᑎᑦ ᐱᔾᔪᑎᒋᔭᖏᓐᓄᑦ ᓄᑕᐅᖏᓪᓚᖅ ᐊᖏᖃᑎᒌᒍᑕᐅᓯᒪᔪᖅ ᐃᖅᑲᓇᐃᔭᖅᑎᓯᔩᑦ ᑮᓇᐃᔭᐃᑦ ᐃᑲᔫᑎᓕᕆᓂᕐᒧᑦ ᐊᑐᖅᑕᐅᕙᑦᑐᓂᑦ ᐸᓯᔭᐅᒍᓐᓇᖃᑎᒌᑉᐳᓪᓗ ᐋᓐᓂᖅᓯᒪᔪᓄᑦ ᐃᖅᑲᓇᐃᔭᖅᑎᓄᑦ. ᐱᑎᑕᐅᖔᖅᓱᑎᒃ, ᐋᓐᓂᖅᓯᒪᔪᑦ ᐃᖅᑲᓇᐃᔭᖅᑏᑦ ᐱᖃᑦᑕᖅᑐᑦ ᐃᑲᔫᑎᓂᑦ ᒪᒥᓇᓱᐊᖅᑎᓪᓗᒋᑦ, ᓴᒃᑯᐃᑦᓱᑎᒃ ᐱᔪᓐᓇᐅᑎᒥᓂᑦ ᐃᖅᑲᖅᑐᐃᕕᒻᒨᖅᑎᑦᓯᓂᕐᒥᑦ ᐃᖅᑲᓇᐃᔭᖅᑎᑕᐅᕕᒻᒥᓂᑦ.

ᑖᓐᓇ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ (WSCC) ᐃᓚᒋᔭᐅᔪᖅ ᒐᕙᒪᒃᑯᑦ ᑎᒥᖁᑎᖏᓐᓂᒃ ᐱᓕᕆᐊᒃᓴᖃᖅᑎᑕᐅᓪᓗᓂ ᑲᒪᓂᕐᒧᑦ ᑖᒃᑯᓂᖓ ᐃᖅᑲᓇᐃᔭᖅᑏᑦ ᓇᓪᓕᐅᒃᑯᒫᓄᑦ ᐱᖁᔭᕐᓂᒃ, ᐊᑦᑕᕐᓇᖅᑕᐃᓕᒪᓂᕐᒧᑦ ᐱᖁᔭᕐᓂᒃ, ᖄᖅᑕᔫᓂᒃ ᐊᑐᕐᓂᕐᒧᑦ ᐱᖁᔭᕐᓂᒃ ᐊᒻᒪᓗ ᑖᒃᑯᐊ ᐅᔭᕋᖕᓂᐊᕐᕕᖕᒥᑦ ᐋᓐᓂᐊᖃᖅᑕᐃᓕᒪᓂᕐᒧᑦ ᐊᒻᒪᓗ ᐊᑦᑕᕐᓇᖅᑕᐃᓕᒪᓂᕐᒧᑦ ᐱᖁᔭᕐᓂᒃ.

ᑭᓲᕙ ᐱᓕᕆᐊᒃᓴᑦᑎᐊᕙᐅᔪᖅ?

ᐱᓕᕆᐊᒃᓴᑦᑎᐊᕙᐃᑦ ᐃᒪᐃᑦᑕᕆᐊᓖᑦ:

  • ᐃᖅᑲᓇᐃᔭᖅᑎᐅᑉ ᐊᔪᙱᓐᓂᕆᔭᖓᑕ ᐃᓗᐊᓃᓪᓗᓂ;
  • ᐊᑦᑕᕐᓇᙱᓪᓗᓂ ᐊᒻᒪ ᐱᓕᕆᔨ ᐱᓕᕆᔩᓪᓘᓐᓃᑦ ᐊᑦᑕᕐᓇᖅᑐᒦᑎᑦᑕᐃᓕᓗᒋᑦ, ᐅᕝᕙᓘᓐᓃᑦ ᑭᖑᕙᕆᐊᕈᑕᐅᔪᓐᓇᖅᑐᑦ;
  • ᐅᑎᖅᑎᑦᑎᓂ ᐋᓐᓂᓚᐅᙱᑎᓪᓗᒍ ᑮᓇᐅᔭᓕᐊᖏᓐᓂᒃ, ᐊᔪᕐᓇᙱᑎᑕᐅᔪᓂ; ᐊᒻᒪ
  • ᐅᖃᐅᓯᕆᑦᑎᐊᕐᓗᒍ ᐊᒻᒪ ᐃᖅᑲᓇᐃᔭᖅᑎᐅᑉ ᖃᓄᐃᑦᑐᓐᓃᖅᐸᓪᓕᐊᓂᖓ ᐅᔾᔨᕆᔭᐅᑎᓪᓗᒍ. ᐃᒪᓐᓇ ᑐᑭᖃᖅᑐᖅ ᐱᓕᕆᐊᖓ ᐱᔾᔪᑎᖃᕆᐊᖃᖅᐳᖅ ᐅᕝᕙᓘᓐᓃᑦ ᐊᑐᕐᓂᖃᕆᐊᖃᖅᐳᖅ ᑲᑐᔾᔨᖃᑎᒌᓄᑦ.

ᓂᒃᓯᒍᑎᖏᑦ

 

ᐃᖅᑲᓇᐃᔭᖅᑎᓄᑦ ᐊᑦᑕᕐᓇᖅᑐᓂᒃ ᓇᓪᓕᐅᒃᑯᒫᓂᓪᓗ ᖃᐅᔨᓴᖅᑎᑦ ᖃᐅᔨᒋᐊᕐᕕᒋᓗᒋᑦ ᐋᓐᓂᐊᓯᐅᖅᑎᓄᑦ ᑲᒪᒋᔭᐅᔾᔪᑕᐅᔪᑎᐅᑉ ᒥᒃᓵᓄᑦ ᐅᖃᖃᑎᖃᕈᒪᒍᕕᑦ, ᐊᐱᖅᑯᑎᒃᓴᖃᕈᕕᑦ ᐃᓱᒫᓘᑎᖃᕈᕕᓪᓘᓐᓃᑦ, ᐅᕝᕙᓘᓐᓃᑦ ᑐᑭᓯᒋᐊᒃᑲᓐᓂᕈᑎᒃᓴᓂᒃ ᑐᒃᓯᕋᕈᒪᒍᕕᑦ.

ᓯᕗᓪᓕᖅᐹᖅ ᐋᓐᓂᐊᕐᕕᖕᒥ ᐅᓂᒃᑳᓕᐊᖅ 

ᑖᓐᓇ ᒫᓐᓇᐅᔪᖅ ᐊᑐᐃᓐᓇᐅᔪᖅ ᖃᓪᓗᓈᑐᑦ ᐅᐃᕖᑐᓪᓗ.
ᑖᓐᓇ ᐊᓯᖏᑦᑎᒍᑦ ᐅᖃᐅᓯᒃᑯᑦ ᑎᑎᕋᖅᑕᐅᓯᒪᖁᒍᕕᐅᒃ, ᖃᐅᔨᒋᐊᕐᕕᒋᑎᒍᑦ.

ᐅᕘᓇ ᓇᕿᓪᓗᒍ ᑎᑎᕋᖅᓯᒪᔪᑦ ᑕᑯᔪᒪᒍᕕᒋᑦ

 

Subscribe to