ᑖᒃᑯᐊ ᐃᖅᑲᓇᐃᔭᖅᑎᓄᑦ ᐊᑦᑕᖕᓇᖅᑐᓂᒃ ᓇᓪᓕᐅᒻᑯᒻᒫᓂᒃᓗ ᖃᐅᔨᓴᖅᑏᑦ ᐊᖏᖅᓯᒪᖕᒪᑕ ᐱᐅᓛᓂᑦ ᐱᔨᑦᑎᕋᕈᒪᓪᓗᑎᒃ. ᒪᓕᑦᑎᐊᖏᓐᓇᕐᓗᑎᒍᑦ ᐊᖏᕈᑎᒋᓯᒪᔭᕗᑦ ᐃᖏᕐᕋᑦᑎᐊᖅᓗᑕ ᐱᔨᑦᑎᕋᑦᑎᐊᖕᓃᓪᓗ ᐱᓪᓗᐊᑕᕆᔭᐅᔪᑦ ᑲᑐᔾᔨᖃᑎᒌᑦᑕ ᐱᒻᒪᕆᐅᒋᔭᖏᓐᓂᑦ. ᐱᔨᑦᑎᕋᐅᓯᕗᑦ ᓇᓗᓇᐃᔭᖅᓯᒪᕙᔾᔪᒃ ᐱᓕᕆᐊᖑᓇᔭᖕᓂᖓᑕ ᐊᑯᓂᐅᓂᖏᓐᓂᑦ ᑭᓱᓂᒡᓗ ᐅᕙᑦᑎᓐᓂᑦ ᓂᕆᐅᒐᔭᖕᒪᖔᑦ.
ᐅᖃᐅᓯᒃᓴᓯ ᐱᒻᒪᕆᐅᔪᑦ ᐅᕙᑦᑎᓐᓄᑦ. ᐱᔨᑦᑎᕋᐅᓯᕗᑦ ᐱᓕᕆᐊᕆᓪᓚᕆᒃᐸᕗᑦ ᑎᑎᕋᕐᕕᐅᕙᖕᓂᕗᓪᓗ ᐃᕐᖐᓐᓇᒃᑰᕈᑎᒃᑯᑦ ᕿᒥᕐᕈᔭᐅᖃᑦᑕᖅᐳᑦ ᐊᖓᔪᖅᑳᑦᑎᓐᓄᑦ. ᐱᔨᑦᑎᕋᑦᑎᐊᕋᓱᒋᙱᒃᑯᑦᑎᒍᑦ, ᑐᓴᖅᑎᑎᒍᑦ:
ᐅᖃᓘᑎᖓ: 867-920-3888
ᐊᑭᖃᙱᑦᑐᒃᑯᑦ: 1-800-661-0792
ᐃᕐᙲᓐᓈᖅᑕᐅᑦ: ᐃᕐᙲᓐᓇᒃᑯᑦ ᑎᑎᕋᕐᕕᖕᓴᖅ
ᒪᑐᖓᑦᓯᐊᕐᓂᖅ ᐱᒻᒪᕆᐅᒋᔭᕗᑦ ᐅᑦᓱᕉᑎᖃᖅᐳᒍᓪᓗ ᑐᑭᓯᓇᑦᓯᐊᕐᓂᕐᒥᑦ ᑕᑯᑦᓴᐅᑎᑦᓯᓯᐊᕐᓂᕐᒥᓪᓗ ᑲᒪᒋᔭᓕᒫᑦᑎᓐᓂᑦ. ᐸᕐᓇᑦᑕᐃᓐᓇᓕᒫᕗᑦ ᐱᓕᕆᓯᒪᓂᕐᒧᑦ ᐅᓂᒃᑳᓕᐊᑦ ᐊᑐᐃᓐᓇᐅᔪᑦ ᐱᖃᖃᑕᐅᔪᓄᑦ.
ᐱᓕᕆᔪᒪᑦᑎᐅᕋᑦᑕ ᐅᐸᒃᑕᐅᖃᑦᑕᕈᒪᓪᓗᑕ, ᑐᑭᓯᓇᑦᑎᐊᕐᓗᑕ, ᐊᒻᒪᓗ ᐃᔨᖅᓯᒪᓂᖃᖏᓪᓗᑕ ᑭᓱᑐᐃᓐᓇᓕᒫᓂ ᐱᓕᕆᐊᕆᔭᑦᑎᓐᓂ, ᓴᖅᑭᔮᖅᑎᑦᑎᓗᑕ ᐱᕕᐊᕐᓇᖅᑐᖁᑎᑦᑎᓐᓂᑦ ᐊᑐᐃᓐᓇᐅᑦᑎᐋᕐᓂᕐᑎᓐᓂ.
ᐊᑎᓕᐅᕆᑦ ᐊᑦᑕᖕᓇᖅᑕᐃᓕᒪᖃᑎᒌᓄᑦ ᐅᓪᓗᒥ!
ᐅᑯᐊ ᐃᖅᑲᓇᐃᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ (WSCC) ᑲᒪᒋᔭᐅᕙᒃᑐᑦ 7-ᓂ ᐃᓄᖕᓄᑦ ᒐᕙᒪᓕᕆᓂᕐᒧᑦ ᑲᑎᒪᔨᓄᑦ. ᒐᕙᒪᓕᕆᓂᕐᒧᑦ ᑲᑎᒪᔩᑦ ᑲᒪᒋᔭᖃᖅᑐᑦ ᐱᓕᕆᐊᖃᖅᑎᐅᓂᕐᒥᒃ ᐊᒻᒪ ᐊᐅᓚᑦᑎᓂᖅᒥᒃ ᑲᒪᒋᔭᖃᖅᑎᓪᓗᒋᑦ ᐱᓕᕆᔪᓐᓇᕐᓂᖏᑦᑎᒍᑦ ᐊᒻᒪᓗ ᐱᒻᒪᕆᐅᓂᒃᑯᑦ ᐅᑯᓄᖓ ᐃᖅᑲᓇᐃᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑎᓄ (WSCC). ᒐᕙᒪᓕᕆᓂᖅ ᐅᑯᓇᙶᖅᓯᒪᔪᑦ ᐃᓄᖕᓂᑦ ᓄᓇᕗᒥᙶᖅᑐᓂᒃ ᐊᒻᒪᓗ ᓄᓇᑦᓯᐊᖅᒥ, ᐊᒻᒪᓗ ᑭᒡᒐᖅᑐᐃᓪᓗᑎᒃ ᐃᖅᑲᓇᐃᔭᖅᑎᐅᔪᑦ ᐱᔪᒪᕙᒃᑕᖏᓐᓂᒃ, ᐃᖅᑲᓇᐃᔭᖅᑎᑦᑎᔨᐅᔪᑦ ᐊᒻᒪᓗ ᑭᒃᑯᑐᐃᓐᓇᖅᓄᑦ. ᐃᓚᒋᔭᐅᔪᑦ ᑎᒃᑯᐊᖅᑕᐅᖃᑦᑕᖅᑐᑦ ᓄᓇᑦᓯᐊᕐᒥ ᒥᓂᔅᑕᓄᑦ ᑲᒪᒋᔭᖃᖅᑐᓄᑦ ᐃᖅᑲᓇᐃᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑎᓂᒃ (WSCC) ᐅᖃᖃᑎᖃᖅᓯᒪᓂᒃᑯᑦ ᓄᓇᕗᒥᑦ ᒥᓂᔅᑕᒥ.
ᐲᔭᕐᓗᒋᑦ ᐃᖅᑲᓇᐃᔭᕐᕕᖕᒥ ᐋᓐᓂᐊᖅᑖᕐᓇᖅᑐᑦ ᐋᓐᓂᕈᑎᓪᓗ.
ᓴᖅᑭᔮᖅᑎᑦᑎᓲᖑᔪᒍᑦ ᐃᖅᑲᓇᐃᔭᕐᕕᖕᒥ ᖃᓄᐃᙱᑦᑎᐊᕈᑎᓂᒃ ᐊᑦᑕᕐᓇᖅᑕᐃᓕᒪᓂᕐᒥᒃᓗ ᐱᑎᑦᑎᓯᒻᒫᑦ ᐱᔾᔪᑎᖃᙱᑦᑐᒥᒃ ᓇᓪᓕᐅᒃᑯᒫᒥᒃ ᐃᖅᑲᓇᐃᔭᖅᑎᑦᑎᔨᓄᑦ ᑲᒪᓂᕐᒧᓪᓗ ᐋᓐᓂᖅᑐᓄᑦ ᐃᖅᑲᓇᐃᔭᖅᑎᓄᑦ.
ᐅᖓᑖᓄᑦ 100−ᓄ ᐊᕐᕌᒍᐃᑦ ᖄᖏᖅᑐᑦ, ᓲ ᕗᐃᓕᐊᒻ ᒥᐅᕆᑎᑦ ᐅᖃᓪᓚᐅᑎᖃᓚᐅᖅᓯᒪᔪᖅ ᐅᓂᒃᑳᓕᐊᒥᑦ ᐋᓐᑎᐅᕆᐅᑉ ᒪᓕᒐᓕᐅᕐᕕᖓᓂᑦ, ᓴᖅᑭᑎᑦᓯᓂᕐᒥᑦ ᖃᐅᔨᒪᔭᐅᓕᕐᓂᐊᖅᑎᓪᓗᒍ ᒥᐅᕆᑎᑦ ᐱᔾᔪᑎᒋᔭᖏᓐᓄᑦ. ᒥᐅᕆᑎᑦ ᐱᔾᔪᑎᒋᔭᖏᓐᓄᑦ ᑐᙵᕕᖃᖅᑎᑦᓯᔪᖅ WSCC ᐃᖅᑲᓇᐃᔭᖅᑎᓕᒫᓄᑦ ᐃᑲᔫᑎᓕᕆᓂᕐᒧᑦ ᐊᑐᖅᑕᐅᕙᑦᑐᓂᑦ ᑲᓇᑕᒥ.
ᒥᐅᕆᑎᑦ ᐱᔾᔪᑎᒋᔭᖏᓐᓄᑦ ᓄᑕᐅᖏᓪᓚᖅ ᐊᖏᖃᑎᒌᒍᑕᐅᓯᒪᔪᖅ ᐃᖅᑲᓇᐃᔭᖅᑎᓯᔩᑦ ᑮᓇᐃᔭᐃᑦ ᐃᑲᔫᑎᓕᕆᓂᕐᒧᑦ ᐊᑐᖅᑕᐅᕙᑦᑐᓂᑦ ᐸᓯᔭᐅᒍᓐᓇᖃᑎᒌᑉᐳᓪᓗ ᐋᓐᓂᖅᓯᒪᔪᓄᑦ ᐃᖅᑲᓇᐃᔭᖅᑎᓄᑦ. ᐱᑎᑕᐅᖔᖅᓱᑎᒃ, ᐋᓐᓂᖅᓯᒪᔪᑦ ᐃᖅᑲᓇᐃᔭᖅᑏᑦ ᐱᖃᑦᑕᖅᑐᑦ ᐃᑲᔫᑎᓂᑦ ᒪᒥᓇᓱᐊᖅᑎᓪᓗᒋᑦ, ᓴᒃᑯᐃᑦᓱᑎᒃ ᐱᔪᓐᓇᐅᑎᒥᓂᑦ ᐃᖅᑲᖅᑐᐃᕕᒻᒨᖅᑎᑦᓯᓂᕐᒥᑦ ᐃᖅᑲᓇᐃᔭᖅᑎᑕᐅᕕᒻᒥᓂᑦ.
ᑖᓐᓇ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ (WSCC) ᐃᓚᒋᔭᐅᔪᖅ ᒐᕙᒪᒃᑯᑦ ᑎᒥᖁᑎᖏᓐᓂᒃ ᐱᓕᕆᐊᒃᓴᖃᖅᑎᑕᐅᓪᓗᓂ ᑲᒪᓂᕐᒧᑦ ᑖᒃᑯᓂᖓ ᐃᖅᑲᓇᐃᔭᖅᑏᑦ ᓇᓪᓕᐅᒃᑯᒫᓄᑦ ᐱᖁᔭᕐᓂᒃ, ᐊᑦᑕᕐᓇᖅᑕᐃᓕᒪᓂᕐᒧᑦ ᐱᖁᔭᕐᓂᒃ, ᖄᖅᑕᔫᓂᒃ ᐊᑐᕐᓂᕐᒧᑦ ᐱᖁᔭᕐᓂᒃ ᐊᒻᒪᓗ ᑖᒃᑯᐊ ᐅᔭᕋᖕᓂᐊᕐᕕᖕᒥᑦ ᐋᓐᓂᐊᖃᖅᑕᐃᓕᒪᓂᕐᒧᑦ ᐊᒻᒪᓗ ᐊᑦᑕᕐᓇᖅᑕᐃᓕᒪᓂᕐᒧᑦ ᐱᖁᔭᕐᓂᒃ.
