ᖃᓄᐃᙱᓪᓗᓂ ᓈᒻᒪᖅᑰᑦᑎᓗᓂᓗ ᐃᖅᑲᓇᐃᔮᒧᑦ ᐅᑎᕐᓂᐊᕐᓗᓂ ᐃᑲᔫᑕᐅᔪᓐᓇᖅᐳᖅ ᐋᓐᓂᖅᓯᒪᔪᓄᑦ ᐃᖅᑲᓇᐃᔭᖅᑎᓄᑦ ᖃᓄᐃᑦᑐᓐᓃᖅᐸᓪᓕᐊᑎᓪᓗᒋᑦ ᐊᒻᒪ ᒪᒥᑉᐸᓪᓕᐊᑎᓪᓗᒋᑦ. ᐃᖅᑲᓇᐃᔭᖅᑎᑦ ᐋᓐᓂᖅᓯᒪᔪᑦ ᐊᑯᓂᐊᓗᒃ ᐃᖅᑲᓇᐃᔮᒥᓄᑦ ᐅᑎᙱᓕᕌᖓᑕ, ᐊᔪᕐᓇᖅᑐᖅᓯᐅᕐᓂᖅᓴᐅᓕᓲᑦ ᐃᖅᑲᓇᐃᔮᒥᓄᑦ ᐅᑎᑦᑎᐊᕆᐊᒃᓴᖅ.

ᐃᖅᑲᓇᐃᔮᒧᑦ ᐅᑎᕐᓂᐊᕐᓗᓂ ᐱᓕᕆᔾᔪᓯᖅ ᐱᓕᕆᐊᖑᓯᑲᐅᑎᒋᓲᖅ ᐃᖅᑲᓇᐃᔭᖅᑎ ᓴᓇᑎᓪᓗᒍ ᐋᓐᓂᑐᐊᕌᖓᑦ. ᐃᒪᓐᓇᐅᔪᓐᓇᕋᔭᕐᒪᑦ ᐊᔪᕐᓇᙱᑦᑑᑎᓂᒃ ᐱᓕᕆᐊᒃᓴᖃᖅᑎᑕᐅᓗᓂ ᐅᕝᕙᓘᓐᓃᑦ ᐃᑲᕐᕋᑭᓐᓂᖅᓴᐅᓗᓂ ᖃᓄᐃᑦᑐᓐᓃᖅᐸᓪᓕᐊᓂᖓᓂ. ᑐᕌᒐᕆᔭᐅᓪᓗᐊᑕᖅᑐᖅ ᐃᖅᑲᓇᐃᔭᖅᑎᑦ ᐊᓐᓂᖅᑐᑦ ᐅᑎᕈᓐᓇᖁᓪᓗᒋᑦ ᐋᓐᓂᓚᐅᙱᓐᓂᖏᓐᓂᒃ ᓴᓈᕆᓚᐅᖅᑕᒥᓄᑦ.

ᑐᓴᐅᒪᖃᑎᒌᒍᑎᑦ ᐋᓐᓂᐊᕕᖕᒥ ᐃᓗᐊᖅᓴᐃᔨᓄᑦ, ᓇᓪᓕᐅᒃᑯᒫᓂᒃ ᖃᐅᔨᓴᖅᑎᓄᑦ, ᐃᖅᑲᓇᐃᔭᖅᑎᓄᑦ, ᓴᓇᔨᓄᓪᓗ ᐱᕐᔪᐊᖑᖕᒪᑕ ᐱᓕᕆᐊᖑᓵᓕᔪᓐᓇᖁᓪᓗᒋᑦ ᐱᓇᔫᑕᐅᔪᑦ, ᐊᒻᒪ ᐃᖅᑲᓇᐃᔮᒥᓄᑦ ᐅᑎᑦᑎᐊᕈᓐᓇᓛᖁᓪᓗᒋᑦ.  

ᐅᑯᐊ ᑎᑎᕋᖅᓯᒪᔪᑦ ᐋᓐᓂᐊᕕᖕᒥᙶᖅᑐᑦ ᐅᓂᒃᑳᑦ ᑕᑕᑎᕆᐊᓖᑦ ᐱᔭᒃᓴᐅᔪᑦ ᐃᓗᐊᖅᓴᐃᔨᓄᑦ ᓇᓪᓕᐅᒃᑯᒫᓂᒃ ᖃᐅᔨᓴᖅᑎᓄᑦ ᑐᓴᐅᒪᔾᔪᑎᒃᓴᑦ:

ᐃᓕᙵᒃᑐᖃᕌᖓᑦ, ᐃᖅᑲᓇᐃᔭᖅᑎ ᑕᑎᖃᓕᕈᓐᓇᕐᒪᑦ ᖃᔅᓯᑲᓪᓚᖕᓂᒃ ᐃᓄᖕᓂᒃ ᑐᓴᐅᒪᑎᑦᑎᔭᕆᐊᖃᖅᐸᒃᖢᓂ ᐱᓇᔫᑎᒃᑯᑦ ᐱᓕᕆᐊᖑᑎᓪᓗᒍ. ᐋᓐᓂᐊᕕᖕᒥ ᐃᓗᐊᖅᓴᐃᔨᐅᒍᕕᑦ, ᐱᓕᕆᐊᒃᓴᖃᕐᔪᐊᕋᔭᕋᕕᑦ ᖃᐅᔨᕙᒡᓗᒋᑦ ᐋᓐᓂᐊᖅᑐᑦ ᐊᑲᐅᙱᓪᓕᐅᕈᑎᒋᕙᒃᑕᖏᑦ, ᖃᐅᔨᓴᖅᑕᐅᔾᔪᓯᖏᓪᓗ, ᑲᒪᒋᔭᐅᔾᔪᑎᒃᓴᖏᓪᓗ ᐋᖅᑭᒃᓲᑎᕙᒡᓗᒋᑦ ᐋᓐᓂᖅᑐᑦ ᐃᖅᑲᓇᐃᔭᖅᑎᑦ, ᓇᓪᓕᐅᒃᑯᒫᓂᒃ ᖃᐅᔨᓴᖅᑎᑦ ᑐᓴᐅᒪᑎᑦᑎᐊᖅᐸᒡᓗᒋᑦ.

ᐅᕙᓂ ᓇᓂᓯᔪᓐᓇᖅᐳᑎᑦ ᑐᑭᓯᒋᐊᒐᒃᓴᓂᒃ ᐃᓕᙵᒃᑐᑦ ᐅᓂᒃᑲᐅᓯᕆᔭᕆᐊᖃᕐᓂᖏᓐᓂᒃ ᐋᓐᓂᐊᕕᖕᒥ ᐃᓗᐊᖅᓴᐃᔨᓄᑦ, ᐊᒻᒪᓗ ᐋᓐᓂᐊᕕᖕᒨᖓᔪᓂᒃ ᑎᑎᕋᕆᐊᓕᖕᓂᒃ ᖃᐅᔨᒪᔾᔪᑎᒋᓗᒋᓪᓗ ᖃᓄᐃᓕᐅᕆᐊᖃᕐᒪᖔᖅᐱᑦ ᐃᖅᑲᓇᐃᔭᖅᑎᓄᑦ ᓇᓪᓕᐅᒃᑯᒫᓕᕆᔨᑦ ᐱᓕᕆᔾᔪᓯᐊᓄᑦ.

ᖃᓄᑐᐃᓐᓇᖅ ᐃᑲᔪᖅᑕᐅᔭᕆᐊᖃᕈᕕᑦ ᐱᓇᔫᑎᓕᕆᓂᐊᖅᑎᓪᓗᑎᑦ, ᐅᕙᑦᑎᓐᓄᑦ ᐅᖄᓚᔪᓐᓇᖅᐳᑎᑦ ᐅᑯᓇᓂ ᓇᓕᐊᖕᓂᑐᐃᓐᓇᖅ ᐊᑭᖃᙱᑦᑐᒃᑯᑦ ᓈᓴᐅᑎᓄᑦ:

ᐅᖃᓕᒫᑦᑎᐊᕐᓗᒋᑦ ᑕᑕᑎᒐᒃᓴᑦ ᑕᒻᒪᖅᓯᒪᔪᖃᖏᒃᑲᓗᐊᕐᒪᖔ. ᐅᖄᓚᕕᒋᓗᑕ 1-800-661-0792 ᐃᑲᔪᖅᑕᐅᔪᒪᓐᓂᕈᕕᑦ, ᐅᕝᕙᓘᓐᓃᑦ ᑐᓴᒃᑲᓐᓂᕈᒪᓐᓂᕈᕕᑦ.

ᐃᖅᑲᓇᐃᔭᖅᑎᖁᑎᓕᖕᓄᑦ ᐅᓂᒃᑳᓕᐊᖓᓂ ᖃᓄᐃᓐᓂᐅᔪᒥ

ᐅᓂᒃᑳᕆᓂᕐᒥ ᖃᓄᐃᓐᓂᐅᔪᒥ, ᐋᓐᓂᕐᓂᐅᔪᒥᑦ ᐅᕝᕙᓘᓐᓃᑦ ᐅᓗᕆᐊᓇᖅᑐᒥ ᖃᓄᐃᓐᓂᐅᔪᒥ ᐱᔭᕇᖅᓯᔭᕆᐊᖃᖅᐳᑎᑦ ᐊᒻᒪ ᑐᓂᓯᓗᑎᑦ ᐃᖅᑲᓇᐃᔭᖅᑎᖁᑎᓕᖕᓄᑦ ᐅᓂᒃᑳᓕᐊᖓᓂ ᖃᓄᐃᓐᓂᐅᔪᒥ.

ᐃᖅᑲᓇᐃᔭᖅᑎᐅᑎᓪᓗᑎᑦ, ᐱᔭᒃᓴᕆᕙᑎᑦ:

• ᐃᖅᑲᓇᐃᔭᕐᕕᖕᒥᑦ ᐊᑦᑕᕐᓇᖅᑕᐃᓕᒪᑎᑦᑎᓂᖅ;
• ᐊᑦᑕᕐᓇᖏᒃᑲᓗᐊᕐᒪᖔᑕ ᐊᑐᖅᑕᐅᓲᑦ ᐊᐅᓚᑎᒨᖅᑐᓪᓗ ;
• ᑲᒪᔨᖃᑦᑎᐊᕐᓗᓂ ᐃᖅᑲᓇᐃᔭᕐᕕᖕᒥᑦ ᒪᓕᒃᑕᐅᒐᓗᐊᕐᒪᖔᑕ ᐊᑦᑕᕐᓇᖅᑕᐅᓕᒪᑎᑦᑎᓇᓱᐊᖃᑦᑕᖅᑐᒥᒃ;
• ᐃᖅᑲᓇᐃᔭᖅᑎᑦ ᑐᓴᖅᑎᑕᐅᑦᑎᐊᖃᑦᑕᕐᓗᑎᒃ ᐱᔪᓐᓇᐅᑎᑦ ᐱᔭᒃᓴᖏᑦ;
• ᐃᓕᓐᓂᐊᖅᑎᑦᑎᐊᖃᑦᑕᕐᓂᖅ;
• ᐃᓕᓐᓂᐊᖅᑕᐅᓗᑎᒃ ᐃᖅᑲᓇᐃᔭᖅᑎᑦ ᖃᓄᑐᐃᓐᓇᖅ ᐊᑦᑕᕐᓇᑐᐃᓐᓇᕆᐊᖃᖅᑐᓂᒃ; ᖃᓄᖅ ᐊᑐᕈᓐᓇᕐᒪᖔᑦ ᐊᑦᑕᕐᓇᖅᑐᖃᖏᓪᓗᓂ, ᑲᒪᒋᔭᖃᕐᓗᓂ, ᐃᓂᖃᕐᓗᓂ ᐊᒻᒪ ᐃᒋᑦᑎᓂᖅ ᐊᑦᑕᕐᓇᖅᑑᔪᑦ; ᖃᓄᕐᓗ ᑐᐊᕕᕐᓇᖅᑐᓂᒃ ᑲᒪᒋᔭᖃᕐᓂᖅ;
• ᓇᖕᒥᓂᖅ ᓴᐳᒻᒥᔾᔪᑎᓄᑦ ᐊᑐᖅᑎᖃᑦᑕᕐᓗᒋᑦ ᐃᖅᑲᓇᐃᔭᖅᑎᓪᓗ ᖃᐅᔨᒪᒐᓗᐊᕐᒪᖔᑕ ᖃᓄᖅ ᐊᑐᑦᐊᕈᓐᓇᕐᒪᖔᑦ ᐊᑦᑕᕐ