ᐄ ᐊᒻᒪ ᐋᒃᑲ. ᐊᑐᕈᓐᓇᕋᓗᐊᕐᑎᓪᓗᑎᑦ ᐋᓐᓂᐊᕐᓂᕐᒧᑦ ᕿᑲᕈᓐᓇᐅᑎᖕᓂᒃ ᐅᑕᕿᓂᕐᓂᒃ ᐅᑯᐊ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑎᒃᑯᑦ ᐃᓱᒪᓕᐅᕆᓂᖏᓐᓂᒃ, ᐃᖅᑲᓇᐃᔭᖅᑎᐅᔪᑦ ᓂᕈᐊᕈᓐᓇᖅᑐᑦ ᐊᑐᖅᑎᑦᑎᑲᑕᒡᓗᑎᒃ ᐋᓐᓂᐊᕐᓂᕐᒧᑦ ᕿᑲᕈᓐᓇᐅᑎᓂᒃ ᑖᓐᓇ ᐃᖅᑲᓇᐃᔭᖅᑎᑦᑎᔨᐅᔪᖅ ᐊᖏᖅᐸᑦ ᐊᒻᒪᓗ ᐅᑯᐊ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑎᒃᑯᑦ ᐃᓕᖕᓄᐊᕋᔭᖅᑐᓂᒃ ᐃᖅᑲᓇᐃᔭᖅᑎᑎᔨᒧᐊᓯᑲᑕᒡᓗᑎᒃ.
ᐄᖑᑐᐃᓐᓇᕆᐊᓕᒃ. ᐃᖅᑲᓇᐃᔭᕈᕕᑦ ᐃᖅᑲᓇᐃᔭᕋᓱᒃᑯᕕᓪᓘᓐᓃᑦ ᐅᖃᖃᑎᖃᕆᐊᖃᖅᐳᑎ ᐃᖅᑲᓇᐃᔭᖅᑎᓄᑦ ᐊᑦᑕᕐᓇᖅᑕᐃᓕᒪᓂᕐᒧᑦ ᓇᓪᓕᐅᒃᑯᒫᓕᕆᔨᓪᓗ ᐊᖏᖅᑕᖓᓄᑦ ᐅᕝᕙᓘᓐᓃᑦ ᑐᒃᓯᕋᐅᑎᒧᑦ ᑲᒪᔨᖏᓄᑦ.
ᐄ. ᐅᑭᐅᖅᑲᕈᕕᑦ 18 ᑐᖔᓂᒃ, ᐃᖅᑲᓇᐃᔭᕕᖕᓂᒃ ᐋᓐᓂᕈᕕᑦ, ᑐᒃᓯᕋᖅᑕᓪᓗ ᐊᖏᕈᑎᒃᑯᑦ, ᐃᓕᖕᓄᑦ ᓇᖕᒥᓂᖅ ᐊᑭᓖᒐᔭᖅᑐᑦ ᐃᖅᑲᓇᐃᔭᖅᑎᓄᑦ ᐊᑦᑕᕐᓇᖅᑕᐃᓕᒪᓂᕐᒧᑦ ᓇᓪᓕᐅᒃᑯᒫᓕᕆᔨᓪᓗ, ᑐᓂᓯᔪᓐᓇᕐᒥᔪᒍᓪᓘᓐᓃᑦ ᐊᖓᔪᖅᑳᓂᒃ ᐅᕝᕙᓘᓐᓃᑦ ᐸᖅᑭᔨᓐᓄᑦ.
ᐱᖓᓱᓂᒃ ᐃᓱᒪᒃᓴᖅᓯᐅᕈᑎᓂᒃ ᐊᑭᓖᖃᑦᑕᖅᐳᑦ ᐃᖅᑲᓇᐃᔭᖅᑎᓄᑦ ᐊᑦᑕᕐᓇᖅᑕᐃᓕᒪᓂᕐᒧᑦ ᓇᓪᓕᐅᒃᑯᒫᓕᕆᔨᓪᓗ:
- ᓯᑭᒃᑯᑦ, ᑎᑎᖅᑲᑎᒍᑦ ᒪᕐᕉᒃ ᐱᓇᓱᐊᕈᓯᑕᒫᖅ;
- ᓯᑭᒃᑯᑦ, ᔭᓗᓇᐃᒥᑦ ᑎᑎᕋᕐᕕᒃᑎᓄᑦ ᐊᐃᔭᐅᓗᓂ;
- ᑮᓇᐅᔭᑎᑦ ᑮᓇᐅᔭᒃᑯᕕᖕᒧᐊᖅᑕᐅᑲᑎᒋᓗᑎᒃ.
ᑮᓇᐅᔭᑎᑦ ᑮᓇᐅᔭᒃᑯᕕᖕᒧᐊᖅᑕᐅᖁᒍᕕᒋᑦ, ᑐᓂᓯᔭᕆᐊᖃᖅᐳᑎᑦ ᓇᖕᒥᓂᖅ ᓯᑭᓐᓂᒃ ᑎᑎᕋᖅᓯᒪᓗᓂ VOID (ᐊᑐᙱᑦᑐᖅ), ᐅᕝᕙᓘᓐᓃᑦ ᑮᓇᐅᔭᒃᕕᖕᓂᖔᖅᑐᒥᒃ ᐱᔪᓐᓇᖅᑎᑕᐅᔪᓐᓇᕐᓂᕐᓂᒃ ᑕᑕᑎᒐᒃᓴᓂᒃ ᑐᓂᔭᐅᓗᑎᒃ. ᑮᓇᐅᔭᒃᑯᕕᖕᓂᒃ ᑐᓂᓯᔪᓐᓇᖅᑐᑦ ᐱᔪᓐᓇᐅᑎᑕᐅᔪᓐᓇᕐᓂᕐᓂᒃ ᑕᑕᑎᒐᒃᓴᒥᒃ ᐃᖅᑲᓇᐃᔭᖅᑎᓄᑦ ᐊᑦᑕᕐᓇᖅᑕᐃᓕᒪᓂᕐᒧᑦ ᓇᓪᓕᐅᒃᑯᒫᓕᕆᔨᓪᓗ. ᓈᓴᖅᑕᐅᖃᑦᑕᕐᒪᑕ, ᐊᔾᔨᖓᓂᒃ ᓯᑭᓪᓚᕆᖕᓂᒃ ᑎᑎᕋᕐᕕᑦᑎᓐᓄᑦ ᐅᑯᓂᖓ ᑐᖅᑯᓯᕕᖕᓄᑦ.
ᐊᔾᔨᒌᖃᑦᑕᖏᑦᑐᑦ ᑐᒃᓯᕋᖅᑐᑦ ᐃᖅᑲᓇᐃᔭᖅᑎ ᐃᑲᔫᓯᐊᒧᑦ ᐊᑭᓕᖅᑕᐅᑎᓗᒋᑦ. ᐃᖅᑲᓇᐃᔭᖅᑎᓄᑦ ᐊᑦᑕᕐᓇᖅᑕᐃᓕᒪᓂᕐᒧᑦ ᓇᓪᓕᐅᒃᑯᒫᓕᕆᔨᓪᓗ ᐊᑐᖃᑦᑕᖅᐳᑦ ᐅᓂᒃᑳᓕᐊᓂᒃ ᓘᒃᑖᒥᑦ, ᐋᓐᓂᐊᓲᖅᑎᒥᒃ ᐊᓯᖏᓪᓘᓐᓃᑦ ᖃᐅᔨᓴᖅᑎᒻᒪᕆᓂᒃ ᐱᔪᓐᓇᖅᑕᖏᓐᓂᒃ ᐃᑲᔫᓯᐊᖅᑖᖃᑦᑕᖅᑎᓪᓗᒋᑦ.
ᒪᕐᕉᖕᓂᒃ ᐱᓇᓱᐊᕈᓯᑕᒫᖅ ᐊᑭᓕᖅᑕᐅᖃᑦᑕᕐᓂᐊᖅᑐᑎᑦ. ᐃᖅᑲᓇᐃᔭᖅᑎᕕᒃ ᐊᑭᓕᖅᑕᐅᒍᕕᑦ ᐃᖅᑲᓇᐃᔭᕈᓐᓇᖏᑎᓪᓗᑎᑦ, ᐃᖅᑲᓇᐃᔭᖅᑎᓄᑦ ᐊᑦᑕᕐᓇᖅᑕᐃᓕᒪᓂᕐᒧᑦ ᓇᓪᓕᐅᒃᑯᒫᓕᕆᔨᓪᓗ ᐃᑲᔫᓯᐊᓂᒃ ᓇᒃᓯᐅᔾᔨᖃᑦᑕᖅᐳᑦ ᐃᑲᔫᓯᐊᓄᑦ, ᐃᓕᖕᓄᖏᑦᑐᖅ.
ᐋᒃᑲ. ᐃᑲᒻᑕᒃᓯᓂᒃ ᐊᑭᓖᖃᑦᑕᖏᑦᑐᑎᑦ, ᑲᓇᑕᒥᑦ ᐃᑦᑐᓯᐊᑦ ᐅᕝᕙᓘᓐᓃᑦ ᐃᖅᑲᓇᐃᔭᕐᕕᖕᓂᒃ ᓇᓪᓕᐅᒃᑯᒫᓕᖏᓐᓂᒃ ᓴᓂᕝᕙᖅᑕᐅᔪᓂᒃ ᐃᑲᔫᓯᐊᓄᑦ. ᐃᖅᑲᓇᐃᔭᖅᑎᓄᑦ ᐊᑦᑕᕐᓇᖅᑕᐃᓕᒪᓂᕐᒧᑦ ᓇᓪᓕᐅᒃᑯᒫᓕᕆᔨᓪᓗ ᓇᒃᓯᐅᔾᔨᒐᔭᖅᑐᑦ T5007−ᓂᑦ ᑕᒃᓯᔭᕐᓇᖅᓯᑎᓪᓗᒍ ᐅᓂᑳᓪᓗ ᑮᓇᐅᔭᒃᓴᖅᑕᕕᓂᖅᑎᑦ ᐃᒻᑲᒻᑕᒃᓯᕐᕕᑦ ᑕᑕᑎᒐᒃᓴᕐᓄᑦ.
ᐅᓄᕐᓂᕐᓴᐃᑦ ᐃᓄᐃᑦ ᑮᓇᐅᔭᖅᑖᕐᓯᒪᔪᑦ ᐅᓪᓗ 25 ᐃᓗᐊᒍᑦ ᖃᓄᐃᓕᒍᑎᖄᓪᓚᓚᐅᖅᑎᓪᓗᒋᑦ. ᐅᑯᐊ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑎᒃᑯᑦ ᐊᑭᓕᕐᓱᐃᓕᖃᑦᑕᖅᑐᑦ ᐱᒋᐊᖅᖢᑎᒃ ᐋᓐᓂᕐᓯᒪᓕᕐᓂᕐᓄᑦ ᐃᖅᑲᓇᐃᔭᕈᓐᓃᕐᕕᒋᔭᕐᓂᒃ. ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑎᒃᑯᑦ ᐊᑭᓕᕐᓯᕙᙱᑦᑐᑦ ᑖᔅᓱᒧᖓ ᐅᓪᓗᕐᒧᑦ ᐋᓐᓂᕐᕕᒋᔭᕐᓄᑦ.
ᑮᓇᐅᔭᖅᑖᕈᑎᒋᓇᓱᒃᑕᐃᑦ ᒪᓕᒐᔭᕐᒪᑦ ᒫᓐᓇ ᐃᖅᑲᓇᐃᔭᕆᔭᕐᓄᑦ. ᐃᖅᑲᓇᐃᔭᖅᑎᓪᓚᕆᐅᒍᕕᑦ, ᐅᑯᐊ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑎᒃᑯ ᖃᐅᔨᒪᔭᕆᐊᖃᕐᒪᑕ ᑮᓇᐅᔭᓕᐊᕐᓂᒃ ᐋᓐᓂᙱᑎᓪᓗᑎᑦ. ᐅᑭᐅᑉ ᐃᓚᐃᓐᓇᖓᒍᑦ ᐅᕝᕙᓘᓐᓃᑦ ᐃᓱᖃᕐᑐᒥ ᐱᓕᕆᐊᒧᑦ ᐃᖅᑲᓇᐃᔭᖅᑎᐅᒍᕕ, ᐅᑯᐊ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑎᒃᑯᑦ ᖃᐅᔨᔭᕆᐊᖃᕐᒪᑕ ᑮᓇᐅᔭᓕᐊᕕᓂᕐᓂᒃ ᐲᔭᐃᕝᕕᐅᓯᒪᙱᑎᓪᓗᒋ ᑕᖅᑭᑦ 12-ᓅᖓᔪᓂᒃ ᐋᓐᓂᕐᕕᒋᔭᕕᑦ ᓯᕗᓂᐊᓄᑦ.
ᐅᑯᓂᖓ ᓴᖅᑭᑎᑦᑎᔭᕆᐊᖃᖅᑐᑎ ᓇᓕᐊᓐᓂ ᐅᖓᑖᓄᓪᓘᓐᓃᑦ ᑎᑎᖃᖁᑎᒋᔭᐅᔪᓂᒃ:
1. ᑮᓇᐅᔭᒃᓴᖅᑖᕕᓂᕐᐱᑦ ᓇᓕᖅᑲᖏᑦ;
2. T4 (ᑮᓇᐅᔭᓕᐊᕐᓄᑦ ᐃᓐᑲᒻ ᑖᒃᓯᓄᑦ ᓇᓗᓇᐃᔭᕐᓯᒪᔪᑦ); ᐅᕝᕙᓘᓐᓃᑦ
3. ᐃᖅᑲᓇᐃᔭᖅᑎᑦᑎᔨᐅᔫᑉ ᓇᓗᓇᐃᕐᓯᒪᔭᖏᓐᓂᒃ ᐃᖅᑲᓇᐃᔭᕐᓯᒪᓂᖓᓄᑦ ᐊᒻᒪ ᑮᓇᐅᔭᓕᐊᕕᓂᕐᓂᒃ ᐲᔭᐃᕝᕕᐅᓚᐅᖅᑎᓐᓇᒍ ᑕᖅᑭᓄᑦ 12-ᓄᑦ.
ᐋᒃᑲ, ᐃᖅᑲᓇᐃᔭᖅᑎᒧᑦ ᐊᑭᓖᖃᑦᑕᖅᐳᖅ ᐃᑲᔫᓯᐊᓂᒃ ᐃᖅᑲᓇᐃᔭᖅᑎᓄᑦ ᐊᑦᑕᕐᓇᐃᓕᒪᓂᕐᒧᑦ ᓇᓪᓕᐅᒃᑯᒫᓕᕆᔨᓪᓗ ᐃᖅᑲᓇᐃᔭᕐᕕᖕᒥᑦ ᐋᓐᓂᖅᑐᖃᖅᑎᓪᓗᒍ ᐋᓐᓂᐊᖅᑖᑐᖃᖅᑎᓪᓗᒍᓗ. ᐃᖅᑲᖅᑐᒐᓱᙳᖅᑎᑦᑎᔭᕆᐊᖃᖅᑐᑦ.