ᐊᐃᕐᕆᓕ 10, 2025-ᒥ, ᓴᖅᑭᓐᓂᐊᖅᑕᕗᑦ WSCC Connect ᖃᕆᓴᐅᔭᒃᑯᑦ ᐱᔨᑦᑎᕋᐅᑎᓂᒃ: ᖁᕝᕙᓯᒃᑐᒥᒃ ᐅᓗᕆᐊᓇᕈᓐᓇᖅᑐᓂᒃ ᐱᓕᕆᓂᕐᒧᑦ ᖃᐅᔨᒃᑲᐃᔾᔪᑏᑦ. ᑕᒪᓐᓇ ᐱᔨᑦᑎᕋᐅᑎ ᐊᒃᑐᐃᓪᓗᐊᑕᕐᓂᐊᖅᑐᑦ ᓇᖕᒥᓂᕆᔭᐅᔪᓂᒃ ᐱᓕᕆᐊᖃᓲᓂᒃ ᓴᓇᕝᕕᖕᓂ ᓲᕐᓗ ᐃᒡᓗᓕᐅᕐᓂᕐᒥᒃ, ᐊᖅᑯᓯᐅᕐᓂᕐᒥ, ᐆᒻᒪᖅᑐᑎᓕᕆᓂᕐᒥ, ᐊᒻᒪᓗᑦᑕᐅᖅ ᑕᐃᒃᑯᐊ ᑳᓐᑐᓛᒃᓯᕙᒃᑐᑦ ᐱᓕᕆᐊᓂᒃ ᑖᒃᑯᓇᓂ ᓴᓇᕝᕕᐅᔪᓂ.
ᖁᕝᕙᓯᒃᑐᒥᒃ ᐅᓗᕆᐊᓇᕈᓐᓇᖅᑐᓂᒃ ᐱᓕᕆᓂᕐᒧᑦ ᖃᐅᔨᒃᑲᐃᔾᔪᑏᑦ ᒪᓕᒐᑎᒍᑦ ᐱᑕᖃᕆᐊᓖᑦ ᑭᓇᑐᐃᓐᓇᒧᑦ ᐱᓕᕆᐊᖃᖅᑐᒧᑦ ᐱᓕᕆᐊᒃᓴᒥᒃ, ᐱᓕᕆᐊᒃᓴᖓᓂᒃ, ᐅᕝᕙᓘᓐᓃᑦ ᓄᑖᒥᒃ ᐱᓕᕆᐊᒥ ᐃᓱᒪᒋᖃᓯᐅᔾᔭᐅᔪᑦ ᖁᕝᕙᓯᒃᑐᒃᑯᑦ ᖁᐊᖅᓵᕐᓇᖅᑐᓂᒃ ᐃᖅᑲᓇᐃᔭᖅᑎᓄᑦ. ᐊᕐᕕᓂᓖᑦ ᒪᕐᕉᒃ ᐊᕕᒃᑐᖅᓯᒪᔪᑦ ᖁᕝᕙᓯᒃᑐᒥᒃ ᐅᓗᕆᐊᓇᕈᓐᓇᖅᑐᓂᒃ ᐱᓕᕆᐊᓂᒃ ᑕᕝᕙᓃᑦᑐᑦ WSCC Connect ᐃᒪᐃᑦᑑᔪᑦ:
ᐱᓕᕆᐊᒃᓴᖃᕈᕕᑦ ᐱᒋᐊᓛᖅᑐᒃ ᐅᓪᓗᐊᓂ ᐅᕝᕙᓘᓐᓃᑦ ᑐᖔᓂ ᒪᐃ 9, 2025-ᒥ ᐅᑕᖅᑭᑦᑕᐃᓕᒋᑦ ᓴᖅᑭᑕᐅᓂᒃᓴᖓᓄᑦ ᓄᑖᖅ ᖃᕆᓴᐅᔭᒃᑯᑦ ᐱᔨᑦᑎᕋᐅᑎᓂᒃ. ᑐᓂᓯᔭᕆᐊᖃᖅᑐᓄᑦ ᖃᓄᑐᐃᓐᓇᖅ ᓄᑖᒥᒃ ᖁᕝᕙᓯᒃᑐᒥᒃ ᐅᓗᕆᐊᓇᕈᓐᓇᖅᑐᓂᒃ ᐱᓕᕆᓂᕐᒧᑦ ᖃᐅᔨᒃᑲᐃᔾᔪᑎ 30 ᐅᓪᓗᐃᑦ ᐱᒋᐊᖅᑳᖅᑎᓐᓇᒍ ᐱᓕᕆᐊᑦ. ᑖᓐᓇ ᓄᑖᖅ ᖃᕆᓴᐅᔭᒃᑯᑦ ᐱᔨᑦᑎᕋᐅᑎ ᖃᕆᓴᐅᔭᒃᑰᔾᔮᙱᑦᑐᑦ ᑐᓂᓯᓂᕐᒧᑦ ᐃᓱᓕᖅᑳᖅᑎᓐᓇᒍ. ᑐᓂᓯᓂᖅ ᑭᖑᕙᖅᑐᒥᒃ ᓴᖅᑮᑐᐃᓐᓇᕆᐊᓕᒃ ᑭᖑᕙᕈᑎᓂᒃ ᐱᓕᕆᐊᕕᑦ ᐱᒋᐊᕐᕕᒃᓴᖓᓂᒃ.
ᑖᒃᑯᐊ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ (WSCC) ᐊᑐᐃᓐᓇᐅᑎᑦᑎᔪᑦ ᐊᑕᐅᓯᕐᒥᒃ-ᐊᕐᕌᒍᒥᒃ ᐅᑕᖅᑭᓂᕐᒥ ᐃᓄᐃᑦ ᐃᓕᑦᑎᖁᓪᓗᒋᑦ ᑕᒪᑐᒥᖓ ᖃᓄᖅ ᓄᑖᒥᒃ ᐊᑐᕐᓂᕐᒧᑦ ᐅᓂᒃᑳᓕᐅᕈᓯᕐᒥᒃ. ᐊᔭᐅᖅᑐᕋᓗᐊᖅᐸᑦᑎᒋᑦ ᐋᖅᑭᒃᓯᒪᓕᕐᓗᑎᑦ ᑕᒪᑐᒧᖓ ᐱᔨᑦᑎᕋᐅᑎᒧᑦ ᐃᕐᖐᓐᓈᖅ, ᐱᕕᖃᒃᑲᓐᓂᕈᒪᒍᕕᑦ ᐃᑲᔪᖅᑕᐅᔪᒪᒍᕕᓪᓘᓐᓃᑦ, ᐊᑐᕈᓐᓇᖅᑕᑦ ᐱᑕᖃᖅᐸᒌᖅᑐᖅ PDF ᖁᕝᕙᓯᒃᑐᒥᒃ ᐅᓗᕆᐊᓇᕈᓐᓇᖅᑐᓂᒃ ᐱᓕᕆᓂᕐᒧᑦ ᖃᐅᔨᒃᑲᐃᔾᔪᑎ ᑕᑕᑎᕆᐊᓕᒃ ᑎᑭᓪᓗᒍ ᐊᐃᕐᕆᓕ 9, 2026-ᒧᑦ. ᖄᖏᓚᐅᖅᑎᓪᓗᒍ ᐅᓪᓗᖅ, ᐊᑕᖏᖅᓗᕐᒋᑦ ᖁᕝᕙᓯᒃᑐᒥᒃ ᐅᓗᕆᐊᓇᕈᓐᓇᖅᑐᓂᒃ ᐱᓕᕆᓂᕐᒧᑦ ᖃᐅᔨᒃᑲᐃᔾᔪᑎ ᑐᓂᔭᐅᖃᑦᑕᕆᐊᖃᓕᕐᓂᐊᖅᑐᑦ ᐊᑐᕐᖢᒍ WSCC Connect.
ᐱᓕᕆᓃᑦ ᐃᓱᒪᒋᔭᐅᔪᑦ ᓴᖅᑮᓯᒪᓪᓗᑎᒃ ᐅᓗᕆᐊᓇᕐᔪᐊᕈᓐᓇᕐᓗᑎᒃ ᐃᑲᓇᐃᔭᖅᑎᓄᑦ ᐃᓱᒪᒋᔭᐅᔪᑦ ᖁᕝᕙᓯᒃᑐᒥᒃ ᐅᓗᕆᐊᓇᕈᓐᓇᖅᑐᒥᒃ ᐱᓕᕆᓂᖅ. ᑖᓐᓇ WSCC Connect ᐱᓕᕆᔾᔪᑎ ᐊᕐᕕᓂᓕᖕᓂᒃ ᒪᕐᕉᖕᓂᓪᓗ ᐊᕕᒃᑐᖅᓯᒪᔪᖁᑎᓕᒃ ᒪᓕᒃᑐᑦ ᒪᓕᒐᖅᑎᒍᑦ ᐅᓂᒃᑳᓕᐅᕆᐊᖃᕐᓂᕐᒧᑦ, ᐃᒪᐃᑦᑑᔪᑦ:
ᐃᓄᒃ ᐱᓕᕆᐊᒃᓴᓕᒃ ᐃᖅᑲᓇᐃᔭᕐᕕᖕᒥ ᐱᓕᕆᔭᕆᐊᓕᒃ ᑐᓂᓯᓂᕐᒧᑦ ᖁᕝᕙᓯᒃᑐᒥᒃ ᐅᓗᕆᐊᓇᕈᓐᓇᖅᑐᓂᒃ ᐱᓕᕆᓂᕐᒧᑦ ᖃᐅᔨᒃᑲᐃᔾᔪᑎᒥᒃ. ᑖᓐᓇ ᐃᓄᒃ ᐅᕝᕙᓘᓐᓃᑦ ᓇᖕᒥᓂᕆᔭᐅᔪᖅ ᐃᓛᓐᓂᒃᑯᑦ ᑕᐃᔭᐅᓲᖅ “principal contractor” (ᑳᓐᑐᓛᒃᑐᓪᓗᐊᑕᖅ). ᑭᓯᐊᓂᓕ, ᐃᓄᒃ ᑐᓂᓯᓲᖅ ᖃᐅᔨᒃᑲᐃᔾᔪᑎᒥᒃ ᓇᖕᒥᓂᖃᖅᑎᐅᓇᔭᖅᑐᖅ ᑲᒻᐸᓂᐅᔪᒥᒃ, ᐃᖅᑲᓇᐃᔭᕐᕕᖕᒥ ᑲᒪᔨ, ᐱᓕᕆᐊᒥᒃ ᐊᐅᓚᑦᑎᔨ ᑲᒪᓂᐊᖅᑐᑦ ᐱᓕᕆᐊᓂᒃ, ᐅᕝᕙᓘᓐᓃᑦ ᐃᓄᒃ ᐃᓕᕆᐊᒃᓴᓕᒃ ᐊᑦᑕᕐᓇᖅᑕᐃᓕᒪᓂᖓᓂᒃ ᐃᖅᑲᓇᐃᔭᕐᕕᐅᑉ.
ᑳᖏᓚᐅᖅᑎᓪᓗᒍ ᐊᐃᕐᕆᓕ 10, 2025, ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑎᓄᑦ (WSCC) ᐃᓕᓯᓂᐊᖅᑐᑦ ᓇᓕᐊᖕᓂᑐᐃᓐᓇᖅ ᐱᑕᖃᖅᐸᒌᖅᑐᓂᒃ ᐅᕝᕙᓘᓐᓃᑦ ᑐᓂᔭᐅᓵᖅᑐᓂᒃ ᖁᕝᕙᓯᒃᑐᒥᒃ ᐅᓗᕆᐊᓇᕈᓐᓇᖅᑐᓂᒃ ᐱᓕᕆᓂᕐᒧᑦ ᖃᐅᔨᒃᑲᐃᔾᔪᑎᓂᒃ ᑕᐃᑯᖓ WSCC Connect. ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑎᓄᑦ (WSCC) ᐃᖅᑲᓇᐃᔭᖅᑎᓄᑦ ᐃᓚᒋᔭᐅᔪᖅ ᑐᓴᕋᓱᖃᑦᑕᕐᓂᐊᖅᑐᑦ ᐱᓕᕆᐊᕐᓄᑦ ᐅᖃᕐᕕᒃᓴᒧᑦ ᐃᑲᔪᕐᓂᐊᕐᓗᓂᑎᑦ ᐋᖅᑭᒃᓱᐃᑎᓪᓗᑎᑦ ᐱᓕᕆᔾᔪᑎᓄᑦ. ᐊᐅᓚᑦᑎᔪᓐᓇᖅᓯᓂᐊᖅᐳᑎᑦ ᖃᐅᔨᒃᑲᐃᔾᔪᑎᖕᓂᒃ ᖃᕆᓴᐅᔭᒃᑯᑦ.
ᑭᖑᕝᕕᕐᓂᐊᖅᑕᕗᑦ ᖃᕆᓴᐅᔭᒃᑯᑦ ᐊᐱᔅᑑᔅᓄᑦ ᖃᐅᔨᒃᑲᐃᔾᔪᑎ ᐱᓕᕆᔾᔪᑎ ᑕᒪᑐᒧᖓ ᖁᕝᕙᓯᒃᑐᒥᒃ ᐅᓗᕆᐊᓇᕈᓐᓇᖅᑐᓂᒃ ᐱᓕᕆᓂᕐᒧᑦ ᖃᐅᔨᒃᑲᐃᔾᔪᑎᒧᑦ, ᐅᖃᐅᓯᖃᖅᑐᑦ ᐊᑐᓂ ᐊᕕᒃᑐᖅᓯᒪᔪᓂ ᖁᕙᓯᒃᑐᒥᒃ ᐅᓗᕆᐊᓇᕈᓐᓇᖅᑐᓄᑦ ᐱᓕᕆᐊᓄᑦ ᐱᖃᓯᐅᑎᓪᓗᒋᑦ ᐊᐱᔅᑑᔅᒥᒃ ᐱᓕᕆᐊᓄᑦ.
ᓇᕿᒃᑯᖕᓂ ᖁᕝᕙᓯᒃᑐᒥᒃ ᐅᓗᕆᐊᓇᕈᓐᓇᖅᑐᓂᒃ ᐱᓕᕆᓂᕐᒧᑦ ᖃᐅᔨᒃᑲᐃᔾᔪᑎᒧᑦ ᓇᓗᓇᐃᒃᑯᑕᖅ, ᑐᕌᖅᑎᑕᐅᓂᐊᖅᐳᑎᑦ ᓂᕈᐊᒐᒃᓴᓄᑦ ᐱᓕᕆᔾᔪᑎᓄᑦ ᓂᕈᐊᕈᓐᓇᖁᓪᓗᑎᑦ ᓇᓕᐊᖕᓂᑐᐃᓐᓇᖅ “Demolition and Renovation” (ᐃᒍᒥᑎᕆᓂᖅ ᐊᒻᒪᓗ ᓄᑖᙳᕆᐊᕆᓂᖅ) ᐅᕝᕙᓘᓐᓃᑦ “Residential and Commercial Construction” (ᐊᖏᕐᕋᕆᔭᐅᔪᒥᒃ ᐊᒻᒪᓗ ᓂᐅᕐᕈᑎᖃᖅᐸᒃᑐᓄᑦ ᐃᒡᓗᓕᐅᕐᓂᖅ). ᑕᒪᐃᓐᓂᒃ ᐊᕕᒃᑐᖅᓯᒪᔪᑦ ᐃᓗᓕᖃᖅᑐᑦ ᐊᐱᔅᑑᔅᒥᒃ ᐱᓕᕆᐊᖑᑐᐃᓐᓇᕆᐊᓖᑦ ᓂᕈᐊᕐᕕᒋᔪᓐᓇᖅᑕᑎᑦ ᐃᓚᒋᔭᐅᓪᓗᑎᒃ ᑐᕌᒐᕆᔭᖏᓐᓄᑦ ᐱᓕᕆᐊᓄᑦ.
ᑐᓂᓯᓯᒪᓕᕈᕕᑦ ᖁᕝᕙᓯᒃᑐᒥᒃ ᐅᓗᕆᐊᓇᕈᓐᓇᖅᑐᓂᒃ ᐱᓕᕆᓂᕐᒧᑦ ᖃᐅᔨᒃᑲᐃᔾᔪᑎᒥᒃ ᐊᑐᕐᓗᒍ WSCC Connect, ᖃᐅᔨᒃᑲᐃᔾᔪᑎᒥᒃ ᖃᕆᓴᐅᔭᒃᑯᑦ ᐃᕐᖐᓐᓈᖅᑕᐅᑎᒃᑯᑦ ᑎᑎᕋᕐᕕᐅᓂᐊᖅᑐᑎᑦ, ᐱᖃᓯᐅᔾᔨᓯᒪᓂᐊᖅᑐᑦ ᖁᕝᕙᓯᒃᑐᒥᒃ ᐅᓗᕆᐊᓇᕈᓐᓇᖅᑐᓂᒃ ᐱᓕᕆᓂᕐᒧᑦ ᖃᐅᔨᒃᑲᐃᔾᔪᑎᒧᑦ ᓈᓴᐅᑎᒥᒃ. ᐱᓕᕆᐊᑦ ᐱᒋᐊᕐᕕᒃᓴᖓ ᑎᑭᒃᑯᓂ, ᐅᓄᖅᑐᓕᐅᕐᓗᒍ ᑖᓐᓇ ᖃᐅᔨᒃᑲᐃᔾᔪᑎ ᐊᒻᒪᓗ ᓴᖅᑭᔮᖅᑎᓪᓗᒋᑦ ᐃᖅᑲᓇᕐᔭᕐᕕᒃᐱᑦ ᑐᓴᒐᒃᓴᖃᕐᕕᖓᓂ. ᐃᒪᓐᓈᖅᑐᐃᖕᒥᔪᒍᑦ ᑐᓂᓗᒍ ᐊᔾᔨᖓ ᖃᕆᓴᐅᔭᒃᑯᑦ ᐅᕝᕙᓘᓐᓃᑦ ᐅᓄᖅᑐᓕᐅᖅᓯᒪᔪᑎᒍᑦ ᐊᔾᔨᖓ.
ᐱᓕᕆᐊᕆᓂᐊᖅᑕᑦ ᑎᑎᕋᖅᓯᒪᔪᓃᙱᒃᑯᓂ ᐃᓚᖓᓐᓄᑦ ᖁᕝᕙᓯᒃᑐᒥᒃ ᐅᓗᕆᐊᓇᕈᓐᓇᖅᑐᒥᒃ ᐱᓕᕆᐊᓄᑦ ᑎᑎᕋᖅᓯᒪᔪᓄᑦ ᑕᐃᑲᓂ
