ᐱᕙᓪᓕᐊᔪᑦ ᓴᖅᑭᑎᑕᐅᔪᑦ: ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᐃᖃᖅᑐᒐᒃᓴᖑᖅᑎᑦᑎᓯᒪᕗᑦ ᖁᓪᓕᒃᑯᑦ ᐆᒻᒪᖅᑯᑎᓕᕆᔨᖏᑦᑕ ᑎᒥᖁᑖ ᐊᑖᒍᑦ ᐊᑦᑕᕐᓇᔾᔭᐃᖅᓯᒪᓂᕐᒧᑦ ᐱᖁᔭᕐᔪᐊᖅ

ᐃᖃᓗᐃᑦ, ᓄᓇᕗᑦ (ᔪᓚᐃ 3, 2025) – ᑕᐃᑲᓂ ᔫᓂ 26, 2025, ᐅᑯᐊ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᐃᖃᖅᑐᒐᒃᓴᐅᖅᑎᑦᑎᔾᔪᑎᖃᖅᓯᒪᔪᑦ 9-ᓂᒃ ᑖᒃᑯᓄᖓ ᖁᓪᓕᒃᑯᑦ ᐆᒻᒪᖅᑯᑎᓕᕆᔨᖏᑦᑕ ᑎᒥᖁᑖ ᑖᒃᑯᑎᒍᑦ ᓄᓇᕗᒻᒥ ᐃᖃᖅᑐᐃᕕᒃᑯᑎᒍᑦ ᐊᑖᒍᑦ ᐊᑦᑕᕐᓇᔾᔭᐃᖅᓯᒪᓂᕐᒧᑦ ᐱᖁᔭᕐᔪᐊᖅ.

ᐅᑯᐊ ᐃᖅᑲᖅᑐᒐᒃᓴᖑᖅᑎᑕᐅᓂᖏᑦ ᐱᓯᒪᓂᖃᖅᑐᑦ ᖃᓄᐃᓕᖓᓚᐅᖅᑐᓂᒃ ᔪᓚᐃ 5, 2024 ᓇᐅᔮᑦ ᐃᑯᒪᓕᕆᔨᒃᑯᓂ ᑐᖁᔪᖃᓚᐅᕐᒪᑦ ᓴᓇᔨᖓᓂᒃ.

ᐱᔭᕇᖅᑎᓪᓗᒋᑦ ᖃᐅᔨᓴᖅᑕᐅᓂᖓ ᑖᒃᑯᓇᖓᑦ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᐊᑦᑕᕐᓇᖅᑐᖃᕐᒪᖔᑕ ᓴᓇᔨᓂᑦ, ᖁᓪᓕᒃᑯᑦ ᐆᒻᒪᖅᑯᑎᓕᕆᔨᖏᑦᑕ ᑎᒥᖁᑖ ᐃᖃᖅᑐᒐᒃᓴᖑᓚᐅᖅᑐᖅ ᐊᒥᓱᓄᑦ ᓱᕋᐃᓂᖏᓐᓂᒃ ᐊᑦᑕᕐᓇᔾᔭᐃᖅᓯᒪᓂᕐᒧᑦ ᐱᖁᔭᕐᔪᐊᖅ ᐊᒻᒪᓗ ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᖅᑕᐃᓕᒪᓂᕐᒥᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ ᐱᖁᔭᕋᓛᑦ (ᓄᓇᕗᒻᒥ), ᐃᓚᒋᔭᐅᓪᓗᑎᒃ ᐋᕿᒃᑕᐅᓯᒪᓐᖏᒻᒪᑕ ᐊᑦᑕᕐᓇᖅᑐᓄᑦ ᐱᐅᓯᑦ ᐊᒻᒪᓗ ᐊᓯᖏᓐᓄᑦᑕᐅᖅ ᒪᓕᒐᕐᓂᒃ ᓱᕋᒃᓯᒪᔭᖏᓐᓄᑦ.

ᓯᕗᓪᓕᖅ ᓴᕿᑦᑕᕆᐊᖃᕐᕕᖓᑦ ᐃᖃᖅᑐᐃᕕᖕᒧᑦ ᐃᓂᓕᐅᖅᓯᒪᕗᖅ ᐋᒡᒌᓯ 11, 2025, ᑕᐃᑲᓂ ᐃᖃᓗᐃᑦ, ᓄᓇᕗᑦ.

ᒫᒋ ᑳᓕᓐᔅ
ᐊᐅᓚᑦᑎᔨ, ᑐᓴᐅᒪᔾᔪᑎᓕᕆᓂᕐᒧᑦ ᐊᒻᒪ ᐃᓄᓐᓄᑦ ᐱᓕᕆᔭᐅᔪᓂᑦ
ᐅᖄᓚᐅᑦ: (867) 920-3854

ᖃᐅᔨᒪᒋᑦ:
1. ᑕᒪᓐᓇ ᐃᖅᑲᖅᑐᐃᕕᒻᒦᓕᖅᑐᖅ, ᑐᑭᓯᒋᐊᕈᑎᖃᖅᑎᑦᑎᕕᔅᓴᐅᑎᐊᖏᑦᑐᖅ ᑕᐃᒪᐃᓐᓂᖓᓄᑦ.
2. ᐊᑦᑕᓇᖅᑐᒦᑦᑕᐃᓕᓂᕐᒧᑦ ᐱᖁᔭᖅ, ᐃᓚᖓ 11, ᓇᓗᓇᐃᔭᐃᔪᖅ ᐱᑕᖃᕆᐊᖃᖅᑎᑕᐅᔪᓂᑦ ᑲᓐᖑᓇᖅᑎᑕᐅᓂᖓᓄᑦ ᐊᑦᑐᐊᓂᖃᖅᑐᑦ ᖃᓄᖅ ᐃᓄᒻᒧᑦ ᑐᑭᓯᑎᒋᐊᕈᑎᖏᓐᓂᑦ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᓴᖅᑭᖅᑎᒍᓐᓇᖅᑕᖏᓐᓂᑦ. ᐱᔭᔅᓴᐅᓂᖏᓐᓄᑦ ᑐᑭᓯᒋᐊᕈᑏᑦ ᐊᒻᒪ ᓴᐳᒻᒥᑦᑎᓂᕐᒧᑦ ᑲᓐᖑᓇᖅᑐᓂ ᐱᖁᔭᕐᒥᑦ ᐅᖃᖅᓯᒪᒻᒥᔪᑦ ᖃᓄᐃᑦᑐᓂ ᐃᓄᒻᒧᑦ ᑐᑭᓯᒋᐊᕈᑎᖏᓐᓂᑦ ᒐᕙᒪᒃᑯᑦ ᑎᒥᖓᓄᑦ ᓴᖅᑭᑎᑦᑎᒍᓐᓇᖅᑎᑕᐅᔪᑦ. ᑖᒃᑯᓕᖓ ᐱᖁᔭᕐᓂᑦ, ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᓴᖅᑭᑎᑦᑎᔪᓐᓇᖏᑦᑐᑦ ᐃᓄᒻᒥ ᑐᑭᓯᒋᐊᕈᑎᖏᓐᓂᑦ ᐅᕝᕙᓘᓐᓃᑦ ᑐᑭᓯᒋᐊᕈᑎᓂᑦ ᓇᓗᓇᐃᖅᓯᒍᓐᓇᖅᑐᓂᑦ ᑭᓇᐅᓂᖓᓂᑦ ᐃᓅᔪᖅ.