ᐱᒻᒪᕆᐅᕗᖅ ᐃᓱᒪᒋᓗᒋᑦ ᐊᒻᒪᓗ ᐸᕐᓇᐃᓗᑎᑦ ᖃᓄᐃᓕᐅᕐᓂᐊᕐᒪᖔᖅᐱᑦ ᐱᕐᕈᓗᐊᕿᔪᖃᖅᐸᑦ ᐃᕝᕕᑦ ᐃᖅᑲᓇᐃᔭᕐᕕᖓᓂ ᐃᖅᑲᓇᐃᔭᖅᑎᐅᔪᖅ ᕿᑲᑲᐃᓐᓇᕆᐊᖃᓕᕐᓗᓂ ᐱᔪᓐᓃᓐᓇᓱᓐᓂᖓᓂ. ᖃᐅᔨᓴᕐᓂᖅ ᓴᖅᑭᔮᖅᑎᑦᑎᔪᖅ ᐋᓐᓂᖅᓯᒪᔪᒥ ᓴᓇᔨᒥ ᐅᑎᕐᓂᕐᒧᑦ ᓴᓇᕝᕕᖕᒧᑦ ᐊᑦᑕᕐᓇᕈᓐᓃᕈᓂ ᐃᑲᔪᕐᓂᕐᓂᖅᓴᐅᔪᖅ ᐱᔪᓐᓃᕋᓱᐊᕐᓂᖏᓐᓂ ᐊᓂᒍᖅᑕᐅᔪᓂᑦ. ᑕᒪᓐᓇ, ᑕᐃᒪᒍᑕᐅᕗᖅ, ᐃᑲᔪᖅᑐᖅ ᐃᖅᑲᓇᐃᔭᕐᕕᖕᓂᑦ ᐱᓯᒪᑦᑎᓗᓂ ᐱᓕᕆᓂᑰᔪᓂᑦ, ᐱᒻᒪᕆᐅᒋᔭᐅᔪᓂᑦ ᐃᖅᑲᓇᐃᔭᖅᑎᓂᑦ.
ᐃᖅᑲᐅᒪᓂᐊᖅᐳᑎᑦ: ᐃᖅᑲᓇᐃᔭᖅᑎ ᐅᑎᑐᐃᓐᓇᕆᐊᓕᒃ ᐃᖅᑲᓇᐃᔭᕐᕕᒻᒧᑦ ᐱᔭᒃᓴᕆᔭᖏᓐᓂᒃ ᐱᓕᕆᒍᓐᓇᙱᑎᓪᓗᒍ ᓱᓕ ᐱᓕᕆᑎᑕᐅᖔᕐᓗᓂ ᓈᒻᒪᒐᔭᖅᑐᒥᑦ ᐱᓕᕆᐊᒃᓴᓂᑦ.
ᐃᖅᑲᓇᐃᔮᒧᑦ ᐅᑎᕐᓂᕐᒧᑦ ᐱᓕᕆᐊᒃᓴᐅᔪᖅ:
ᖃᓄᐃᓕᔪᖃᖅᑐᒥᓂᐅᑎᓪᓗᒍ ᐃᕝᕕᑦ ᐃᖅᑲᓇᐃᔭᕐᕕᖓᓂ, ᐋᓐᓂᖅᑐᖃᕐᓂᕈᓂ ᐅᕝᕙᓘᓐᓃᑦ ᐋᓐᓂᖅᑐᖃᕐᓂᖏᒃᑲᓗᐊᕈᓂ, ᖃᐅᔨᓴᓂᕐᒧᑦ ᒪᓕᑦᑕᐅᔭᕆᐊᓖᑦ ᐃᓕᓐᓂ ᐃᑲᔪᕋᔭᖅᑐᑦ ᓇᓗᓇᐃᖅᓯᓗᑎ ᖃᓄᐃᓕᓂᐅᔪᒥᑦ, ᖃᓄᖅ ᐅᓂᒃᑳᓕᐅᕆᐊᖓ ᖃᓄᐃᓕᓂᐅᔪᖅ, ᐊᒻᒪ ᖃᓄᖅ ᓇᓗᓇᐃᕋᔅᓴᐅᓂᖏᓐᓄᑦ ᐋᖅᑭᒍᑎᐅᒍᓐᓇᖅᑐᑦ.
ᖃᐅᔨᓴᓕᕈᕕᑦ, ᖃᐅᔨᓇᓱᑐᐃᓐᓇᙱᓪᓗᑎᑦ ᐅᕝᕙᓘᓐᓃᑦ ᐱᑎᑦᑎᓇᓱᑐᐃᓐᓇᙱᓪᓗᑎᑦ. ᐅᔾᔨᖅᓱᕐᓂᖅᓴᐅᓗᑎᒃ ᑭᓱᓂᑦ ᐱᔾᔪᑎᖃᓚᐅᕐᒪᖔᑦ ᖃᓄᐃᓐᓂᐅᔫᑉ ᖃᓄᕐᓗ ᑕᐃᒪᐃᓐᓂᕐᒪᖔᖅ ᑕᐃᒪᐃᑎᑦᑎᒃᑲᓐᓂᖅᑕᐃᓕᒪᓂᐊᕋᕕᑦ.
ᓄᐊᑦᑎᓗᑎᑦ ᐱᓕᕆᖃᑎᒌᓂᐊᖅᑐᓂᑦ ᖃᐅᔨᓴᕐᓂᕐᒧᑦ ᒪᑯᓂᖓ ᐃᓚᖃᕐᓗᓂ:
ᕿᒥᕐᕈᐊᕐᓂᖅ ᖃᓄᐃᓕᐅᕆᐊᕐᓂᕐᒧᑦ ᓴᓇᕐᕈᑎᐅᕗᖅ ᓴᐳᔾᔨᓂᕐᒧᑦ ᓴᓇᔨᓂ ᐊᒻᒪᓗ ᓇᓗᓇᐃᖅᓯᓂᕐᒥᑦ ᐱᑕᖃᕈᓂ ᐊᑦᑕᕐᓇᖅᑐᒥᑦ ᐃᖅᑲᓇᐃᔭᕐᓂᕐᒧᑦ ᐱᓕᕆᔨᒃᓴᓂᒃ ᐅᕝᕙᓘᓐᓃᑦ ᐃᖅᑲᓇᐃᔭᕐᓂᕐᒧᑦ ᖃᓄᐃᑦᑑᓂᖏᓐᓂᒃ.
ᖃᐅᔨᓴᕐᓃᑦ ᐃᓚᒋᔭᐅᔪᑦ ᑲᒪᑦᑎᐊᕐᓂᕐᒥᑦ ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᕐᓇᙱᑦᑐᓕᕆᓂᕐᒥᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ, ᑕᐃᒪᐃᒐᔪᓲᑦ, ᐊᒻᒪᓗ ᐱᓕᕆᔭᐅᔪᑦ ᓇᓗᓇᐃᖅᑕᐅᓯᒪᔪᒧᑦ ᐃᓄᒻᒧᑦ ᐅᕝᕙᓘᓐᓃᑦ ᐃᖅᑲᓇᐃᔮᒧᑦ ᐃᓂᖓᓄᑦ. ᐊᑐᓂ ᖃᐅᔨᓴᕐᓂᐅᔪᖅ ᐅᑯᓂᖓ ᐃᓚᖃᓪᓗᐊᖅᑐᖅ:
ᐃᖅᑲᓇᐃᔭᕐᕕᖕᒧᑦ ᑐᕌᖓᔪᑦ ᑐᐊᕕᕐᓇᖅᑐᓕᕆᓂᕐᒧᑦ ᐸᕐᓇᐃᓂᕐᒥᑦ ᐱᒻᒪᕆᐅᔪᖅ ᖃᐅᔨᒪᑦᑎᐊᕆᐊᕐᓂᕐᒥᑦ ᐃᓄᓕᒫᑦ ᐃᖅᑲᓇᐃᔭᕐᕕᖕᒥᑦ ᑐᑭᓯᐊᒪᓗᓂ ᖃᓄᐃᓕᐅᕆᐊᖃᕐᒪᖔᑦ ᑐᐊᕕᕐᓇᖅᑐᑕᖃᖅᑎᓪᓗᒍ.
ᑕᐃᒪᐃᓕᖓᕗᖅ, ᑭᒃᑯᓕᒫᑦ ᐃᖅᑲᓇᐃᔭᕐᕕᓐᓂᑦ ᒪᑯᓂᖓ ᖃᐅᔨᒪᔭᕆᐊᓕᒃ:
ᐅᓗᕆᐊᓇᖅᑐᖃᕐᒪᖔᑦ ᖃᐅᔨᓴᕐᓂᖅ ᐱᓕᕆᓂᐅᔪᖅ ᑲᒪᔨᐅᔪᑦ ᐊᒻᒪᓗ ᐃᖅᑲᓇᐃᔭᖅᑏᑦ ᐊᑐᖃᑦᑕᖅᑕᖏᑦ ᓇᓗᓇᐃᖅᓯᓂᕐᒥᑦ ᐊᒻᒪᓗ ᑲᒪᒋᔭᖃᕐᓂᕐᒥᑦ ᐃᖅᑲᓇᐃᔭᕐᕕᖕᒥ ᐅᓗᕆᐊᓇᕆᔭᐅᔪᓂᒃ. ᐃᖅᑲᓇᐃᔭᖅᑏᑦ ᐊᒻᒪᓗ ᑲᒪᔨᐅᔪᑦ ᖃᐅᔨᓴᕆᐊᓖᑦ ᐅᓗᕆᐊᓇᖅᑐᓂᑦ ᐱᓕᕆᖃᑎᒌᓗᑎᒃ ᐱᓕᕆᐊᒃᓴᕆᔭᐅᔪᒥᑦ ᐱᒋᐊᓚᐅᙱᓐᓂᖏᓐᓂᒃ ᓄᑖᒥᑦ ᐃᖅᑲᓇᐃᔭᕐᕕᐅᔪᒥᑦ, ᐅᕝᕙᓘᓐᓃᑦ ᐃᖅᑲᓇᐃᔭᕐᕕᐅᔪᖅ ᐊᕙᑎᖓ ᐊᓯᔾᔨᕐᓂᕈᓂ ᖃᓄᐃᑦᑐᑐᐃᓐᓇᕐᓂᒥᑦ ᐱᔾᔪᑎᖃᕐᓗᓂ (ᓲᕐᓗ ᓯᓚᐅᑉ ᐊᓯᔾᔨᕐᓂᖓᓄᑦ, ᓄᑖᓂᑦ ᐱᖁᑎᓂᑦ).
ᐃᖅᑲᓇᐃᔭᖅᑏᑦ ᐃᒪᐃᑦᑑᔪᑦ: ᓄᑖᖑᔪᑦ ᐃᖅᑲᓇᐃᔭᕐᕕᖕᒧᑦ, ᐅᑎᖅᑐᑦ ᓄᖅᑲᖓᑯᑖᓚᐅᖅᖢᑎᒃ, ᐊᓯᐊᓂᖔᖅ ᐃᖅᑲᓇᐃᔮᖃᓕᖅᑐᑦ ᐱᓕᕆᕝᕕᓐᓂᑦ, ᐅᕝᕙᓘᓐᓃᑦ ᐱᓕᕆᐊᒃᓴᖏᑦ ᐊᓯᔾᔨᖅᓯᒪᔪᑦ ᐅᖃᐅᔾᔪᖅᑕᐅᒋᐊᓖᑦ ᐊᑦᑕᓇᔾᔭᐃᖅᓯᒪᓂᕐᒥ ᐱᓕᒻᒪᒃᓴᐃᓂᕐᒥᑦ. ᓱᖏᐅᓴᐃᓂᕐᒧᑦ ᐃᓚᖃᕐᓗᓂ ᕿᒥᕐᕈᓂᐅᔪᒥᑦ ᒪᑯᓂᖓ:
ᐱᓕᕆᒍᒪᓂᕐᒥᑦ ᐋᓐᓂᐊᖃᕐᓇᙱᑦᑐᓕᕆᓂᕐᒥᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ ᑐᕌᖓᔪᖅ ᓇᒻᒥᓂᕆᔭᑉᐱᑦ ᐱᓕᕆᒍᒪᓂᖓᓂ ᐃᖅᑲᓇᐃᔭᖅᑏᑦ ᐊᑦᑕᕐᓇᖅᑐᒦᓂᐊᖏᒻᒪᑕ ᐱᓕᕆᕝᕕᐅᔪᒥᑦ. ᓇᓗᓇᐃᖅᓯᔪᖅ ᑭᒃᑯᓕᒫᑦ ᐱᓕᕆᕝᕕᒻᒥᑦ ᒪᓕᑦᑎᐊᕐᓂᐊᖅᑐᑦ ᐊᑦᑕᕐᓇᔾᔭᐃᖅᓯᒪᓂᕐᒧᑦ ᐱᓕᕆᓂᕐᒥᑦ ᐱᐅᓯᕐᓂᒃ ᐊᒻᒪᓗ ᐱᓕᕆᔾᔪᓯᕐᓂᑦ ᐊᒻᒪᓗ ᒪᓕᑦᑎᐊᕐᓗᑎᑦ ᐊᑦᑕᕐᓇᔾᔭᐃᖅᓯᒪᓂᕐᒧᑦ ᒪᓕᒐᕐᓂᒃ. ᑖᓐᓇ ᐅᖃᐅᓯᒃᓴᖅ ᐃᓚᒋᔭᐅᔪᖅ ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᖅᑕᐃᓕᒪᓂᕐᒥᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ ᐊᑐᐊᒐᕐᒧᑦ.
ᐃᖅᑲᓇᐃᔭᖅᑎᖁᑎᖃᖅᑐᓕᒫᑦ ᑎᓕᓯᒋᐊᓖᑦ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ ᑭᒡᒐᖅᑐᐃᔨᒥᑦ ᐅᕝᕙᓘᓐᓃᑦ ᐋᖅᑭᒃᓯᓗᑎ ᑲᑎᙵᔪᓂ ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᖅᑕᐃᓕᒪᓂᕐᒥᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ ᑲᑎᒪᔨᕋᓛᓂ (JOHSC). ᑖᒃᑯᐊ ᐱᓕᕆᐊᖑᔪᑦ ᐊᒻᒪᓗ ᐊᐅᓚᓂᐅᔪᑦ ᐃᑲᔪᓲᑦ ᐃᖅᑲᓇᐃᔭᖅᑎᖁᑎᓕᖕᒥᑦ ᑲᒪᒋᔭᖃᕐᓂᕐᒥᑦ ᐋᓐᓂᐊᖃᕐᓇᙱᑦᑐᓕᕆᓂᕐᒥᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ ᐃᓱᒫᓘᑕᐅᔪᓂᑦ, ᐋᖅᑭᒃᓱᐃᓂᕐᒥᑦ ᐱᓕᒻᒪᒃᓴᐃᓂᕐᒧᑦ ᐊᒻᒪᓗ ᐱᓕᕆᔾᔪᓯᐅᔪᓂᑦ, ᐊᒻᒪᓗ ᖃᐅᔨᓴᕐᓂᕐᒥᑦ ᐃᖅᑲᓇᐃᔭᕐᕕᖕᒥᑦ ᐊᑦᑕᕐᓇᔾᔭᐃᖅᓯᒪᓂᕐᒧᑦ ᐱᓕᕆᐊᖑᔪᓂᑦ.
ᐋᓐᓂᐊᖃᕐᓇᙱᑦᑐᓕᕆᓂᕐᒥᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ ᐃᖅᑲᓇᐃᔭᕐᕕᖕᒥᑦ ᑭᒃᑯᓕᒫᓄᑦ ᑲᒪᒋᔭᐅᔭᕆᐊᓕᒃ, ᐃᓚᖏᑦ ᐱᓕᕆᐊᖑᔪᑦ ᒪᓕᒐᑦᑎᒍᑦ ᑲᒪᒋᔭᕆᐊᓕᖏᓐᓂᑦ ᐊᑕᖃᓯᐅᑎᔪᑦ. ᐊᑖᓃᑦᑐᑦ ᓇᐃᓈᖅᓯᒪᔪᑦ ᑕᒪᒃᑯᓂᖓ ᐱᓕᕆᐊᒃᓴᕆᔭᐅᔪᓂᑦ ᑲᒪᒋᔭᕆᐊᓕᖏᓐᓂᒡᓗ.
ᐃᖅᑲᓇᐃᔭᖅᑎᖁᑎᓕᒃ : ᐃᕝᕕᑦ ᐱᔭᒃᓴᕆᔭᐃᑦ ᐃᖅᑲᓇᐃᔭᖅᑎᖁᑎᓕᐅᓗᑎ ᐋᖅᑭᒃᓯᓂᕐᒥᑦ ᐊᒻᒪᓗ ᑲᔪᓯᑎᑦᑎᓂᕐᒥᑦ ᐊᑑᑎᖃᖅᑐᒥᑦ ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᖅᑕᐃᓕᒪᓂᕐᒥᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ ᐱᓕᕆᐊᒃᓴᒥᑦ. ᐃᒪᐃᓕᐅᕐᓂᒃᑯᑦ, ᑎᑭᐅᒪᒐᔭᖅᑐᑎᑦ ᒪᓕᒐᓕᕆᓂᒃᑯᑦ ᐱᔭᒃᓴᕆᔭᕐᓂᒃ:
