ᐃᖃᓗᐃᑦ, ᓄᓇᕗᑦ (ᓯᑎᐱᕆ 15, 2025) – ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ (WSCC) ᖁᕕᐊᓱᒃᑐᑦ ᓴᖅᑮᔭᕆᐊᒃᓴᖅ ᓄᑖᒥᒃ ᐃᖅᑲᓇᐃᔭᖅᑏᑦ ᐱᔪᓐᓇᐅᑎᖏᓐᓂᒃ ᐅᔾᔨᕈᓱᖕᓂᕐᒧᑦ ᐅᔾᔨᕈᓱᓕᖅᑎᑦᑎᓇᓱᐊᕐᓂᕐᒥᒃ ᐅᓪᓗᒥ ᑕᐃᑲᓂ ᓄᓇᕘᒥ ᐱᓕᕆᕝᕖᑦ ᓇᒻᒥᓂᕆᔭᐅᔪᓪᓗ ᑕᑯᒃᓴᐅᑎᑦᑎᓂᖏᑦ ᐃᖃᓗᖕᓂ.
ᐅᔾᔨᕈᓱᓕᖅᑎᑦᑎᓇᓱᐊᕐᓂᖅ – ᐃᖅᑲᓇᐃᔭᕐᓂᖅ ᐊᑦᑕᓇᔾᔭᐃᖅᓯᒪᓂᒃᑯᑦ. ᑭᒃᑯᓕᒫᑦ ᐱᓕᕆᐊᒃᓴᖓ – ᑐᕌᒐᖃᖅᑐᑦ ᑭᒃᑯᓕᒫᓂᒃ ᐅᔾᔨᕈᓱᒃᑎᑦᑎᒋᐊᓪᓚᒡᓗᑎᒃ ᐱᖓᓱᓂᑦ ᑐᑦᑕᕐᕕᓪᓗᐊᑕᕐᓂᒃ ᐊᑦᑕᕐᓇᖅᑕᐃᓕᒪᓂᕐᒥ ᐱᔪᓐᓇᐅᑎᖏᓐᓂᒃ ᓄᓇᓕᖕᓂ ᓄᓇᕗᓗᒃᑖᒥ. ᑕᒪᒃᑯᐊ ᐱᔪᓐᓇᐅᑏᑦ ᐃᒪᐃᑦᑑᔪᑦ:
ᐃᖅᑲᓇᐃᔭᕐᕖᑦ, ᐊᑕᐅᓯᕐᒥᒃ ᐃᖅᑲᓇᐃᔭᖅᑏᑦ ᑐᑭᓯᔭᕆᐊᖃᕈᑎᒃ, ᐃᒪᐃᑦᑑᔪᖅ ᑭᒃᑯᓕᒫᑦ ᐱᓕᕆᐊᒃᓴᓖᑦ ᐃᖅᑲᓇᐃᔭᕐᕕᖕᒥ ᐊᑦᑕᕐᓇᖅᑕᐃᓕᒪᓂᕐᒥᒃ. ᐃᑲᔪᕐᓗᒋᑦ ᐃᖅᑲᓇᐃᔭᖅᑎᑎᑦ ᑐᑭᓯᓗᑎᒃ ᐱᔪᓐᓇᐅᑎᖏᓐᓂᒃ ᐱᓕᕆᐊᒃᓴᖏᓐᓂᓪᓗ ᖃᐅᔨᑎᑦᑎᓂᒃᑯᑦ ᐅᖃᐅᓯᐅᔪᒥᒃ ᐃᖅᑲᓇᐃᔭᕐᕕᔅᓯᓐᓄᑦ. ᐊᔭᐅᖅᑐᐃᓐᓇᐅᔭᕐᓗᒋᑦ ᐃᖅᑲᓇᐃᔭᖅᑏᑦ ᐊᐱᕆᖁᓗᒋᑦ ᐊᐱᖅᑯᑎᓂᒃ ᐊᒻᒪ ᐃᒪᓐᓈᖅᑑᑎᓕᐅᕐᓗᑎᒃ.
ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ (WSCC) ᐃᑲᔫᑎᓕᖕᓂᒃ ᑕᑯᔭᒃᓴᓖᑦ ᖃᐅᔨᒪᔾᔪᑎᑕᖃᖅᖢᓂᓗ ᐃᑲᔪᕈᓐᓇᖅᑐᑦ ᐊᑐᕐᓗᑎᑦ ᐃᑲᔪᖁᓪᓗᒋᑦ ᑎᑎᕋᐅᔭᖅᓯᒪᔪᑦ ᐃᖅᑲᓇᐃᔭᖅᑏᑦ ᐱᔪᓐᓇᐅᑎᖏᑦ ᐊᑐᖅᑕᐅᑎᓪᓗᒋᑦ ᐅᑭᐅᖅᑕᖅᑐᒥ ᐃᖅᑲᓇᐃᔭᕐᕕᐅᒐᔪᒃᑐᓂ.
ᐊᑕᖏᐸᓗᒃᖢᑎᒃ ᐃᖅᑲᓇᐃᔭᕐᕕᖕᒥ ᐱᕐᕈᓗᐊᕿᓃᑦ ᑕᐃᒪᐃᑎᑦᑕᐃᓕᔭᒃᓴᑦ. ᐃᓚᖓ ᐊᑲᐅᓛᖅ ᐊᑦᑕᕐᓇᖅᑕᐃᓕᒪᐃᓐᓇᕐᓂᕐᒧᑦ ᐃᖅᑲᓇᐃᔮᒥ ᐃᓕᑦᑎᓗᑎᒃ ᐊᒻᒪ ᐱᐅᓯᕆᓕᕐᓗᒍ 3 ᐱᓪᓗᐊᑕᑦ ᐱᔪᓐᓇᐅᑏᑦ – ᖃᐅᔨᒪᔾᔪᑕᐅᓂᐊᖅᑐᑦ ᐊᒻᒪ ᓴᐳᔾᔨᓯᒪᓗᑎᒃ ᐃᓕᖕᓂᒃ ᐊᑕᖏᖅᖢᒋᑦ ᐃᖅᑲᓇᐃᔭᖅᑎᓪᓗᑎᑦ ᖃᓄᐃᓕᖓᓂᐅᔪᓄᑦ.
ᔭᓗᓇᐃᕝ, ᓄᓇᑦᓯᐊᖅ / ᐃᖃᓗᐃᑦ, ᓄᓇᕗᑦ (ᔪᓚᐃ 15, 2025) – ᐅᑯᐊ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ (WSCC) ᒫᓐᓇ ᐱᔪᒪᔪᑦ ᐱᓇᔪᒍᑎᓂᒃ ᐃᖏᕐᕋᓯᑎᑕᐅᓂᐊᖅᑐᓄᑦ ᑐᕌᖅᑐᑦ ᐊᑦᑎᒃᓯᒋᐊᖅᑎᑦᑎᓇᓱᖕᓂᖅ ᐃᖅᑲᓇᐃᔭᖅᖢᑎᒃ ᐋᓐᓂᖅᑐᓄᑦ ᐊᒻᒪᓗ ᐋᓐᓂᐊᓕᖅᑐᓄᑦ.
ᐊᐅᓚᑦᓯᔩᑦ ᐅᑯᐊ ᑐᓂᓯᓯᒪᔪᑦ ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᖅᑕᐃᓕᒪᓂᕐᒥᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ ᐱᔨᑦᑎᕋᐅᑎᓂᒃ, ᐃᓕᓐᓂᐊᖅᑎᑦᑎᓂᕐᒥᒃ ᐅᕝᕙᓘᓐᓃᑦ ᐱᔭᕆᐅᖅᓴᑎᑦᑎᓂᕐᒥᒃ ᓄᓇᓕᖕᓂ ᓄᓇᑦᓯᐊᕐᒥ ᐊᒻᒪᓗ ᓄᓇᕗᒻᒥ ᑲᔪᖏᖅᓴᔭᐅᕗᑦ ᐱᓇᔪᖁᓪᓗᒋᑦ.
ᐆᒃᑑᑎᑦ ᐃᖏᕐᕋᓯᑎᑕᐅᓯᒪᔪᑦ ᐅᑯᓂᖓ ᐃᓚᖃᖅᑐᑦ:
