ᓄᓇᕗᒻᒥ ᐅᕝᕙᓘᓐᓃᑦ ᓄᓇᑦᓯᐊᕐᒥ ᐃᓄᓕᒫᓄᑦ ᓇᓗᓇᐃᖅᓯᓂᕐᒥᑦ ᑭᒡᒐ
ᐃᓚᖓ ᐊᑲᐅᓛᖅ ᐊᑦᑕᕐᓇᖅᑕᐃᓕᒪᐃᓐᓇᕐᓂᕐᒧᑦ ᐃᖅᑲᓇᐃᔮᒥ ᐃᓕᑦᑎᓗᑎᒃ ᐊᒻᒪ ᐱᐅᓯᕆᓕᕐᓗᒍ 3 ᐱᓪᓗᐊᑕᑦ ᐱᔪᓐᓇᐅᑏᑦ – ᖃᐅᔨᒪᔾᔪᑕᐅᓂᐊᖅᑐᑦ ᐊᒻᒪ ᓴᐳᔾᔨᓯᒪᓗᑎᒃ ᐃᓕᖕᓂᒃ ᐊᑕᖏᖅᖢᒋᑦ ᐃᖅᑲᓇᐃᔭᖅᑎᓪᓗᑎᑦ ᖃᓄᐃᓕᖓᓂᐅᔪᓄᑦ.
ᖃᓄᐃᑦᑐᑐᐃᓐᓇᐅᒐᓗᐊᕈᓂ ᐃᖅᑲᓇᐃᔮᖓ ᐃᖅᑲᓇᐃᔭᖅᑎ ᐱᓕᕆᔭᖓ, ᐅᕝᕙᓘᓐᓃᑦ ᐃᖅᑲᓇᐃᔭᕐᕕᖓᓂ ᐊᕙᑎᖓᓂ, ᐱᐅᔪᑦ ᐃᓄᓐᓂᑦ ᐱᓕᕆᔪᓐᓇᑎᐊᕐᓂᖏᓐᓄᑦ ᖃᐅᔨᓴᕐᓂᐅᔪᑦ ᐊᑐᖅᑕᐅᕙᑦᑐᑦ ᓇᓗᓇᐃᖅᓯᔪᑦ ᐃᖅᑲᓇᐃᔮᖑᒋᐊᓖᑦ ᐊᒻᒪ ᓱᓇᒃᑯᑖᑦ ᓈᒻᒪᓪᓗᑎ ᐃᖅᑲᓇᐃᔭᖅᑎᒧᑦ ᐱᔭᕆᐊᓕᖏᓐᓂ ᐋᓐᓂᖅᑕᐃᓕᒪᓗᓂ.
ᑎᒥᒧᑦ ᐃᓗᐊᖅᓯᔾᔪᑏᑦ ᐱᕐᕈᓗᐊᕿᑦᑕᐃᓕᓂᕐᒧᑦ ᐅᖃᐅᓯᐅᕙᒃᑐᖅ ᐊᒃᑐᐃᓯᒪᓂᖓᓄᑦ ᐃᖅᑲᓇᐃᔭᖅᑎᓕᒫᓂᒃ, ᖃᓄᐃᑦᑑᒐᓗᐊᖅᐸᑦ ᐃᖅᑲᓇᐃᔮᕆᔭᐅᔪᖅ ᐃᖅᑲᓇᐃᔭᕐᕕᐅᔪᕐᓘᓐᓃᑦ. ᐃᒥᒧᑦ ᐃᓗᐊᖅᓯᔾᔪᑎᓂ ᐊᑐᖃᑦᑕᕐᓗᓂ ᐃᖅᑲᓇᐃᔮᒧᑦ ᓈᒻᒪᒃᑐᓂ ᐊᒻᒪ ᐱᓕᕆᐊᕆᔭᔪᑦ ᑕᐃᒪᓕ ᐱᕐᕈᓗᐊᕿᓐᓇᙱᓐᓂᕐᓴᐅᕙᒃᑐᖅ. ᑎᒥᒧᑦ ᐃᓗᐊᖅᓯᔾᔪᑎᓂ ᐊᑐᖃᑦᑕᕐᓂᖅ ᐱᒻᒪᕆᐊᓗᒃ ᐃᖅᑲᓇᐃᔭᖅᑐᒧᑦ ᐅᖁᒪᐃᑦᑐᓂᒃ ᓴᓇᔾᔪᑎᓂᒃ ᐊᑐᖃᑦᑕᖅᑐᓂᒃ ᒪᑯᓄᖓᓗᑦ ᑎᑎᕋᖅᕕᒃᒥᑦ ᐃᖅᑲᓇᐃᔭᖅᑎᓄᑦ ᐃᒃᓯᕚᖃᑦᑕᕆᐊᓕᖕᓄᑦ ᐃᑲᕐᕋᒐᓴᖕᓄᑦ.
ᖁᑦᑎᓛᖑᔪᑦ ᐱᖓᓱᑦ ᐃᖅᑲᓇᐃᔭᕐᕕᒃᒥ ᑎᒥᒃᑯᑦ ᐋᓐᓂᕈᑎᐅᕙᒃᑐᑦ ᓄᓇᑦᓯᐊᕐᒥ ᐊᒻᒪ ᓄᓇᕗᒥᑦ ᐅᑯᐊᖑᔪᑦ:
ᐊᑐᓂ ᐃᖅᑲᓇᐃᔭᖅᑎ ᐱᖓᓱᓂᒃ ᑐᙵᕕᓪᓗᐊᑕᕐᓂᒃ ᐱᔪᓐᓇᐅᑎᖃᖅᑐᖅ ᑐᕌᖓᔪᓂᑦ ᐃᖅᑲᓇᐃᔭᕐᕕᖕᒥᑦ ᐊᑦᑕᕐᓇᔾᔭᐃᖅᓯᒪᓂᕐᒥᑦ:
2025−ᒥᑦ, ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᓴᖅᑮᓚᐅᖅᑐᑦ ᑖᔅᓱᒥᖓ ᑐᕌᒐᕆᔭᐅᔪᒥᑦ ᐅᖃᐅᓯᖃᕐᓂᕐᒥᑦ ᐱᒻᒪᕆᐅᔪᒥᑦ ᐅᖃᐅᓯᒃᓴᒥᑦ ᐃᖅᑲᓇᐃᔭᖅᑏᑦ ᐱᔪᓐᓇᐅᑎᖏᓐᓂᒃ. ᓱᓇᒃᑯᑖᑦ ᑐᕌᒐᕆᔭᐅᔪᒧᑦ ᐃᓚᖃᖅᑐᑦ ᐅᑭᐅᖅᑕᖅᑐᒥ ᓂᔾᔭᐅᓯᔭᖅᑎᓂᑦ ᐊᒻᒪᓗ ᓴᓇᙳᐊᖅᑎᓂᑦ, ᓴᓇᔭᐅᓯᒪᔪᖅ ᓇᓗᓇᐃᔭᐃᓂᕐᒥᑦ ᐃᖅᑲᓇᐃᔭᖅᑏᑦ ᐱᔪᓐᓇᐅᑎᖏᓐᓂᒃ ᐃᓕᓴᕐᓇᖅᑐᒃᑯᑦ ᑐᕌᖓᓂᖃᕋᔭᖅᑐᒥᑦ ᐅᑭᐅᖅᑕᖅᑐᒥ ᐃᖅᑲᓇᐃᔭᖅᑎᓄᑦ.
ᓲᖃᐃᒻᒪ ᑖᓐᓇ ᑐᓴᒐᒃᓴᖅ ᐱᒻᒪᕆᐅᖕᒪᑦ ᐊᑐᓂ ᐃᖅᑲᓇᐃᔭᖅᑎᒧᑦ ᐅᑭᐅᖅᑕᖅᑐᓕᒫᒥᑦ, ᖃᐅᔨᒪᑦᑎᐊᕆᐊᓚᐅᖅᑐᒍᑦ ᑖᒃᑯᐊ ᓱᓇᒃᑯᑖᑦ ᐊᑐᐃᓐᓇᐅᓂᖏᓐᓂᒃ ᐊᑐᓂ ᐃᓕᓴᕆᔭᐅᓯᒪᔪᓂᑦ ᐅᖃᐅᓯᓕᒫᓂᑦ ᓄᓇᕗᒻᒥ ᓄᓇᑦᓯᐊᕐᒥᓪᓗ. ᐃᓕᓐᓂᐊᕈᓐᓇᖅᑐᑎᑦ ᖃᓄᖅ ᐊᑐᕆᐊᖃᕐᒪᖔᑦ ᑐᕌᒐᕆᔭᐅᔪᑦ ᐃᒡᕕᑦ ᐃᖅᑲᓇᐃᔭᕐᕕᖓᓂ ᐅᐸᒡᓗᒍ ᑖᓐᓇ ᐃᖅᑲᓇᐃᔭᖅᑏᑦ ᐱᔪᓐᓇᐅᑎᖏᓐᓄᑦ ᐃᑲᔫᑎᒃᓴᓄᑦ ᒪᒃᐱᒐᖅ.
ᐊᑐᕐᓗᒍ ᐃᖅᑲᓇᐃᔭᕆᑦ ᐊᑦᑕᕐᓈᕿᖏᓪᓗᑎᑦ. ᑭᒃᑯᓕᒫᑦ ᐱᓕᕆᐊᒃᓴᖓ! ᓱᓇᒃᑯᑖᑦ ᑐᑭᒧᐊᕈᑏᑦ ᐊᒻᒪᓗ ᐃᑲᔪᖅᓱᐃᓂᕐᒧᑦ ᐅᖃᖃᑎᒌᖕᓂᐅᔪᓂᑦ ᐃᖅᑲᓇᐃᔭᕐᕕᖕᒥᑦ. ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᐋᖅᑭᒃᓱᐃᓯᒪᔪᑦ ᑎᓴᒪᓂᒃ ᐱᓕᕆᐊᒃᓴᓂᑦ ᐅᖃᖃᑎᒌᖕᓂᕐᒧᑦ ᑖᒃᑯᐊ ᐃᑲᔪᕈᑎᒃᓴᐃᑦ ᐊᑐᕐᓗᒋᑦ.
ᐳᐃᒍᖅᑕᐃᓕᒋᑦ, ᐱᒻᒪᕆᐅᕗᖅ ᐃᓄᖕᓅᖓᑎᒋᐊᕐᓗᒍ ᐅᖃᖃᑎᒌᖕᓂᕆᔭᓯ ᐃᖅᑲᓇᐃᔭᕐᕕᖕᒥᑦ. ᐃᓱᒪᒃᓴᖅᓯᐅᕐᓗᑎᑦ ᐆᒃᑐᕋᙳᐊᖅᑐᓂᑦ ᐊᒻᒪᓗ ᖃᓄᐃᓕᖓᓂᐅᒧᓂᑦ ᐃᖅᑲᓇᐃᔭᖅᑏᑦ ᐊᑐᑐᐃᓐᓇᕆᐊᖃᖅᑕᖏᓐᓂᒃ ᖃᐅᔨᒪᑦᑎᐊᕆᐊᕐᓂᕐᒥᑦ ᑐᑭᓯᐅᒪᑦᑎᐊᕋᓗᐊᕐᒪᖔᑦ ᖃᓄᖅ ᐃᖅᑲᓇᐃᔭᖅᑏᑦ ᐱᔪᓐᓇᐅᑎᖏᑦ ᐃᓱᒪᒋᔭᐅᑐᐃᓐᓇᖏᓪᓗᓂ ᐱᓕᕆᐊᖑᓪᓚᕆᓕᕐᓗᓂ.