ᑐᓂᓯᐊᓂᒃᑯᕕᑦ ᓯᕗᓪᓕᐅᓪᓗᓂ ᐃᑲᔪᕐᓂᕐᒧᑦ ᐋᓐᓂᖅᓯᒪᔪᒧᑦ ᓴᓇᔨᒧᑦ, ᐊᒻᒪᓗ ᐊᒡᔭᕐᓗᒍ ᖃᓂᓛᖑᔪᒧᑦ ᐋᓐᓂᐊᕕᖕᒧᑦ ᐅᕝᕙᓘᓐᓃᑦ ᐃᓅᓕᓴᖅᑕᐅᕝᕕᖕᒧᑦ (ᐱᔭᕆᐊᖃᖅᐸᑦ), ᐃᒪᐃᑦᑕᕆᐊᖃᖅᐳᑎᑦ ᐅᓂᒃᑳᕆᓗᒍ ᖃᓄᐃᓐᓂᐅᔪᖅ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑎᓄᑦ.

ᐃᑲᕐᕋᓄᑦ−24−ᓄᑦ ᖃᓄᐃᑦᑐᕕᓂᕐᓂ ᐅᓂᒃᑳᓕᐅᕐᓂᕐᒧᑦ ᐅᖃᓗᒡᕕᒃᓴᖅ (ᐊᑭᖃᙱᑦᑐᖅ): 1-800-661-0792

ᐃᖅᑲᓇᐃᔭᕐᕕᖕᒥ ᐊᓐᓂᕈᕕᑦ, ᐱᓇᔫᑎᓕᕆᔾᔪᑎᒋᔭᐃᑦ ᐃᑲᔫᓯᐊᖅᑖᕆᓂᐊᖅᑕᕐᓂᒃ ᐋᖅᑭᒍᑕᐅᓂᐊᖅᐳᖅ. ᐅᑯᐊ ᐃᑲᔫᓯᐊᖅᑖᕐᓄᑦ ᐃᓚᒋᔭᐅᑐᐃᓐᓇᕆᐊᓖᑦ:

• ᑐᓂᕐᕈᓯᐊᖅ ᑮᓇᐅᔾᔭᒃᓵᖏᓐᓄᑦ ᐱᔪᓐᓃᖅᑕᒥᓄᑦ ᖃᓄᐃᑦᑐᓐᓃᖅᐸᓪᓕᐊᑎᓪᓗᑎᑦ ᐃᖅᑲᓇᐃᔭᕐᕕᖕᒥ ᐋᓐᓂᕐᓂᖓᓄᑦ;
• ᐋᓐᓂᐊᕕᖕᒥ ᑲᒪᒋᔭᐅᔾᔪᑎᖓᓄᑦ ᐊᓯᖏᓐᓂᒡᓗ ᑮᓇᐅᔭᐅᙱᑦᑐᑦ ᐃᑲᔫᓯᐊᑦ;
• ᐊᔪᕈᑎᖃᐃᓐᓇᓕᕐᓂᕐᒧᑦ ᑐᓐᓂᖅᑯᑎᑦ, ᓲᕐᓗ ᐅᑎᖅᑐᒃᓴᓄᑦ ᐊᑭᓕᐅᑕᐅᕙᒃᑐᑦ;
• ᐃᖅᑲᓇᐃᔮᒥᓄᑦ ᐅᑎᕋᓱᐊᕐᓗᓂ ᐱᔨᑦᑎᕋᖅᑕᐅᓂᖅ, ᐊᒻᒪᓗ
• ᐅᑎᖅᑎᕝᕕᐅᓂᖅ ᐄᔭᒐᖅᑖᕈᑎᒋᔭᕐᒥᓄᑦ ᐊᒻᒪ ᑮᓇᐅᔭᒧᑦ ᐊᑭᓕᕆᐊᖃᖅᑕᒥᓄᑦ.

ᐃᖅᑲᓇᐃᔭᕐᕕᖕᒥ ᐋᓐᓂᕈᕕᑦ ᐃᖢᐊᖅᓴᐃᔨᒧᓪᓗ ᑕᑯᔭᐅᔭᕆᐊᖃᓕᕐᓗᑎᑦ, ᐋᓐᓂᕈᑎᒋᔭᐃᑦ ᐃᖅᑲᓇᐃᔭᕐᕕᖕᓄᑦ ᐊᒻᒪ ᐃᖅᑲᓇᐃᔭᖅᑎᑦ, ᓇᓪᓕᐅᒃᑯᒫᓂᒃ ᖃᐅᔨᓴᖅᑎᓄᑦ ᑐᓴᖅᑎᑦᑎᔭᕆᐊᖃᖅᐳᑎᑦ.

ᐋᓐᓂᖅᑐᖃᖅᑎᓪᓗᒍ ᐅᓂᒃᑳᓕᐅᖅᑎᓪᓗᑎᑦ ᐃᑲᔪᖅᑕᐅᔭᕆᐊᖃᕈᕕᑦ ᐃᖅᑲᓇᐃᔭᖅᑎᑦ ᓇᓪᓕᐅᒃᑯᒫᓂᒃ ᖃᐅᔨᓴᖅᑎᓄᑦ ᐅᖃᓗᒡᓗᑎᑦ ᐅᕗᖓ:

ᓄᓇᑦᓯᐊᒥ ᐅᖃᓘᑎᒃᑯᑦ ᐱᓇᔪᒡᕕᒃ: 1-800-661-0792
ᓄᓇᕗᒻᒥ ᐅᖃᓘᑎᒃᑯᑦ ᐱᓇᔪᒡᕕᒃ: 1-877-404-4407

ᑭᓇᓕᒫᖅ ᐃᖅᑲᓇᐃᔭᖅᑎᐅᔪᖅ ᐱᔪᓐᓇᕐᓂᖃᕐᒪᑦ ᐃᖅᑲᓇᐃᔭᕐᓗᓂ ᐊᑦᑕᕐᓈᕿᓐᓇᖏᑦᑐᒥᒃ ᐃᖅᑲᓇᐃᔭᕐᕕᖃᕐᓗᓂ. ᐱᔭᒃᓴᖃᕆᕗᓪᓗ ᐃᖅᑲᓇᐃᔭᕐᕕᒋᔭᒥᖕᓂᒃ ᑲᐅᔨᒪᒋᐊᕐᓗᑎᒃ ᐊᑦᑕᕐᓇᖅᑐᖃᖏᑦᑎᐊᕋᓗᐊᕐᒪᖔᑕ.

ᐊᑦᑕᓇᔾᔭᐃᖅᓯᒪᓂᕐᒧᑦ ᐊᒻᒪᓗ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᐱᓇᓱᐊᕈᓯᖅ ᐱᒋᐊᕐᓂᐊᖅᑐᖅ ᒪᐃ 5-ᒥ 10-ᒧ ᐊᒻᒪᓗ ᖁᕕᐊᓲᑎᖃᕐᓂᐊᖅᖢᑕ ᐱᒋᐊᖅᑎᑦᑎᓂᕗᑦ ᐆᒥᖓ ᓄᑖᒥ ᑐᑭᒧᐊᕈᑎᓂ ᐃᖅᑲᓇᐃᔭᕐᕕᒃᒥ ᐊᑦᑕᓇᔾᔭᐃᖅᓯᒪᓂᕐᒧᑦ ᐸᕐᓇᐅᑎᓂᒃ! 

ᔭᓗᓇᐃ, ᓄᓇᑦᓯᐊᖅ  / ᐃᖃᓗᐃᑦ, ᓄᓇᕗᑦ (ᒪᐃ 1, 2025) – ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑎᑦ (WSCC) ᖁᕕᐊᒃᑐᑦ ᐆᒥᖓ ᐊᑦᑕᓇᔾᔭᐃᖅᓯᒪᓂᕐᒧᑦ ᐊᒻᒪᓗ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᐱᓇᓱᐊᕈᓯᕐᒥ ᐱᒋᐊᖅᑎᑦᑎᓂᐊᕐᓂᖏᓐᓂᒃ ᓄᑖᒥ ᐃᖅᑲᓇᐃᔭᕐᕕᒃᒥᑦ ᐊᑦᑕᓇᔾᔭᐃᖅᓯᒪᓂᕐᒧᑦ ᐸᕐᓇᐅᓯᐅᕐᓂᕐᒧᑦ ᑐᑭᒧᐊᕈᑎᓂᒃ ᐃᖅᑲᓇᐃᔭᖅᑎᑦᑎᖃᑦᑕᖅᑐᓄᑦ ᓄᓇᕗᒥᑦ ᐊᒻᒪᓗ ᓄᓇᕗᑦ.

ᐊᑦᑕᓇᔾᔭᐃᖅᓯᒪᓂᕐᒧᑦ ᐊᒻᒪᓗ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᐱᓇᓱᐊᕈᓯᖅ ᖁᕕᐊᓲᑎᒋᔭᐅᕙᒃᑐᖅ ᐊᕐᕌᒍᑕᒫᓐ ᓄᐊᑦ ᐊᒥᐊᓕᑲᒥ ᓯᕗᓪᓕᖅᐹᕐᒥ ᐱᓇᓱᐊᕈᓯᕐᒥ ᒪᐃᒥᑦ ᐅᔾᔨᕈᓱᓕᖅᑎᑦᑎᓇᓱᒃᖢᑎ ᐱᒻᒪᕆᐅᓂᖓᓂᒃ ᐃᖅᑲᓇᐃᔭᕐᕕᒃᒥᑦ ᐋᓐᓂᖅᑕᐃᓕᓂᕐᒥᒃ ᐊᒻᒪ ᐋᓐᓂᐊᖅᑖᖅᑕᐃᓕᓂᕐᒥᒃ.