ᐃᖅᑲᓇᐃᔭᕐᕕᖕᒥ ᐊᓐᓂᕈᕕᑦ, ᐱᓇᔫᑎᓕᕆᔾᔪᑎᒋᔭᐃᑦ ᐃᑲᔫᓯᐊᖅᑖᕆᓂᐊᖅᑕᕐᓂᒃ ᐋᖅᑭᒍᑕᐅᓂᐊᖅᐳᖅ. ᐅᑯᐊ ᐃᑲᔫᓯᐊᖅᑖᕐᓄᑦ ᐃᓚᒋᔭᐅᑐᐃᓐᓇᕆᐊᓖᑦ:
ᑮᓇᐅᔭᖅᑖᕋᓱᓕᕋᖓᕕᒃ ᐅᑯᓇᙵᑦ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑎᓄᑦ, ᓇᒡᓯᐅᔨᓗᑎᓪᓗ ᐱᐊᓂᒃᓯᒪᑦᑎᐊᖅᑐᓂᒃ ᐃᖅᑲᓇᐃᔭᖅᑎᐅᑉ ᐅᓂᒃᑳᖏᑦ ᐋᓐᓂᕐᓂᕐᒧᑦ ᑕᑕᑎᒐᒃᓴᓂᒃ, ᑖᓐᓇ ᑮᓇᐅᔭᖅᑖᕋᓲᑎᒋᔭᐃᑦ ᓇᓗᓇᐃᕐᑕᐅᓇᔭᖅᑐᖅ ᐊᒻᒪᓗ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᑮᓇᐅᔭᖅᑖᕋᓲᑎᓕᕆᔨᖏᑦ ᑲᑎᕐᓱᐃᓕᕋᔭᖅᑐᑦ ᐊᓯᖏᓐᓂᒃ ᑐᓴᒃᑲᓐᓂᕆᐊᓕᖕᓂᒃ ᐃᓱᒪᓕᐅᕆᐊᓕᓚᐅᙱᓐᓂᖏᓐᓂᒃ ᑮᓇᐅᔭᖅᑖᕋᓲᑎᖕᓄᑦ. ᐅᓇ ᐃᓚᖃᑐᐃᓐᓇᕆᐊᓕᒃ ᑐᓴᒐᒃᓴᓂᒃ ᐃᖅᑲᓇᐃᔭᕐᕕᒋᔭᕐᓂᒃ ᐊᒻᒪᓗ ᐋᓐᓂᐊᖅᑐᓕᕆᔨᓂᒃ.
ᐃᖅᑲᓇᐃᔭᖅᑎᓄᑦ ᐊᑦᑕᕐᓇᖅᑕᐃᓕᒪᓂᕐᒧᑦ ᓇᓪᓕᐅᒃᑯᒫᓕᕆᔨᓪᓗ ᐃᓱᒪᓕᐅᕆᖃᑦᑕᖅᐳᑦ ᐊᖏᕈᑎᒃ ᐊᖏᖏᓗᑎᒡᓘᓐᓃᑦ ᑐᒃᓯᕋᖅᑕᓐᓄᑦ.
ᑐᒃᓯᕋᖅᑕᕐᓂᖅ ᐃᖅᑲᓇᐃᔭᖅᑎᓄᑦ ᐊᑦᑕᕐᓇᖅᑕᐃᓕᒪᓂᕐᒧᑦ ᓇᓪᓕᐅᒃᑯᒫᓕᕆᔨᓪᓗ ᐊᖏᖅᑎᓪᓗᒋᑦ, ᐃᑲᔪᓯᐊᓐᓂᒃ ᓈᓴᐃᖃᑦᑕᖅᐳᒍᑦ.
ᐱᓕᕆᖃᑎᖃᐃᓐᓇᕐᓗᑎᒃ ᐃᖅᑲᓇᐃᔭᖅᑎᓄᑦ ᐊᑦᑕᕐᓇᖅᑕᐃᓕᒪᓂᕐᒧᑦ ᓇᓪᓕᐅᒃᑯᒫᓕᕆᔨᓪᓗ ᐊᖏᖅᑎᑦᑎᔨᒥᒃ ᐅᕝᕙᓘᓐᓃᑦ ᑐᒃᓯᕋᐅᑎᓄᑦ ᐊᐅᓚᑎᔨᖓᓂᒃ ᖃᓄᐃᑦᑐᓃᐸᓪᓕᐊᑎᓪᓗᑎᑦ.
