ᐃᖅᑲᓇᐃᔭᕐᕕᖕᒥᑦ ᖃᓄᐃᑦᑐᖃᕐᓂᖅᐸᑦ, ᓯᕗᓪᓕᖅᐹᒥᑦ ᐃᑲᔪᕆᐊᖃᖅᑐᑎᑦ ᐋᓐᓂᖅᑐᓂᑦ ᐃᖅᑲᓇᐃᔭᖅᑎᓂᑦ ᐋᓐᓂᐊᖅᑐᓕᕆᓂᕐᒧᑦ ᐃᑲᔪᖅᑕᐅᓂᕐᒥᑦ. ᑕᒪᓐᓇ ᐃᓚᖃᑐᐃᓐᓇᕆᐊᓕᒃ ᓯᕗᓪᓕᐅᓪᓗᓂ ᐃᑲᔪᕐᓂᕐᒧᑦ ᐊᒻᒪᓗ/ᐅᕝᕙᓘᓐᓃᑦ ᐊᔾᔭᕐᓗᒋᑦ ᖃᓂᓛᒧᑦ ᐋᓐᓂᐊᕕᖕᒧᑦ (ᑕᐃᒪᐃᒋᐊᖃᖅᐸᑦ). ᐃᖅᑲᓇᐃᔭᖅᑏᑦ ᐋᓐᓂᐊᖃᖅᑕᐃᓕᒪᑎᑦᑎᓂᕐᒧᑦ ᐃᑲᔪᖅᑕᐅᓚᐅᖅᑎᓪᓗᒋᑦ, ᑕᐃᒪᐃᒋᐊᖃᖅᑐᑎᑦ ᐅᖃᐅᓯᕆᓗᒍ ᖃᓄᐃᓐᓂᐅᔪᖅ ᑖᒃᑯᓄᖓ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᐅᓪᓗᐃᑦ ᐱᖓᓱᑦ ᐃᖅᑲᓇᐃᔭᕐᓇᐅᑎᓪᓗᒍ ᖃᓄᐃᑦᑐᖃᓚᐅᖅᑎᓪᓗᒍ.
ᖃᐅᔨᒪᔭᐅᑦᑎᐊᕐᓕ ᐅᓗᕆᐊᓇᖅᑐᓂ ᖃᓄᐃᓐᓂᐅᔪᓂᑦ ᐊᒻᒪᓗ ᑐᖁᔪᖃᖅᐸᑦ ᐅᓂᒃᑳᓕᐅᕆᐊᖃᖅᑐᑦ ᑕᕝᕘᓇ ᐅᖃᐅᓯᖃᕈᓐᓇᕐᓂᕐᒧᑦ ᐅᖄᓚᐅᑎᒃᑯᑦ ᓄᓇᑦᓯᐊᕐᒥ ᐅᕗᖓ 1-800-661-0792 ᐊᒻᒪᓗ ᓄᓇᕗᒻᒥ ᐅᕗᖓ 1-877-404-4407 ᕿᓚᒻᒥᐅᓛᒃᑯᑦ. ᖃᐅᔨᒋᐊᒃᑲᓐᓂᕐᓂᕐᒧᑦ ᑕᑯᒍᒃ ᐃᑭᐊᖅᑭᕕᑦᑎᓐᓂ ᐅᕙᓂ ᐅᓂᒃᑳᕆᓂᕐᒧᑦ ᐱᔭᕆᐊᖃᕐᓂᐅᔪᓄᑦ.
ᐃᖅᑲᓇᐃᔭᖅᑎᖁᑎᓕᖕᓄᑦ ᐅᓂᒃᑳᓕᐊᖓᓂ ᖃᓄᐃᓐᓂᐅᔪᒥ
ᐅᓂᒃᑲᐅᓯᕆᓗᒋᑦ ᖃᓄᐃᓐᓂᐅᔪᒥ, ᐋᓐᓂᕐᓂᐅᔪᒥᑦ, ᑐᖁᓂᐅᔪᒥᑦ, ᐅᕝᕙᓘᓐᓃᑦ ᐅᓗᕆᐊᓇᖅᑐᒥ ᖃᓄᐃᓐᓂᐅᔪᒥᑦ ᐅᕘᓇ ᐃᖅᑲᓇᐃᔭᖅᑎᖁᑎᓕᖕᓄᑦ ᐅᓂᒃᑳᓕᐊᖓ ᖃᓄᐃᓐᓂᐅᔪᒧᑦ ᖃᕋᓴᐅᔭᑎᒍᑦ ᐱᔨᑦᑎᕋᕐᓂᕐᒥ WSCC Connect−ᑯᑦ. ᐅᓂᒃᑳᓕᐊᖑᔪᖅ ᐃᓗᓕᖃᖅᐳᖅ ᒪᕐᕉᖕᓂ ᐃᓚᖓᓐᓂ: ᓯᕗᓪᓕᕐᒥ, ᐱᔭᕇᖅᓯᓂᐊᖅᐳᑎᑦ ᖃᓄᐃᓐᓂᐅᔫᑉ ᐃᓚᖓᓐᓂ ᐊᒻᒪᓗ ᓇᓗᓇᐃᖅᓯᒍᕕᑦ ᐋᓐᓂᕐᓂᖃᓚᐅᕐᓂᖓᓂ ᐅᕝᕙᓘᓐᓃᑦ ᑐᖁᔪᖃᖅᐸᑦ, ᖃᕋᓴᐅᔭᑎᒍᑦ−ᐱᔨᑦᑎᕋᕐᓂᕐᒥ ᐅᖓᕙᕆᐊᖅᑎᑦᑎᓂᐊᖅᐳᖅ ᐋᓐᓂᕐᓂᐅᔪᒧᑦ ᐊᒻᒪᓗ ᑐᖁᔪᖃᖅᐸᑦ ᐃᓚᖓᓐᓂ ᐅᓂᒃᑳᕆᓂᕐᒧᑦ.
ᐃᖅᑲᓇᐃᔭᖅᑎᖁᑎᓖᑦ ᑐᓂᓯᔭᕆᐊᖃᖅᐳᑦ ᑕᒪᒃᑭᐅᒪᔪᒥ ᐱᔭᕇᖅᓯᒪᔪᒥ ᖃᓄᐃᓐᓂᐅᔪᒧᑦ ᐅᓂᒃᑳᓕᐊᒥᑦ ᐃᓗᐊᓂ ᐱᖓᓱᓂᑦ ᐅᓪᓗᓂᑦ ᐃᖅᑲᓇᐃᔭᕐᓇᐅᑎᓪᓗᒍ, ᐅᕝᕙᓘᓐᓃᑦ ᓵᙵᔭᐅᔾᔪᑎᖃᕐᓂᐊᖅᐳᖅ ᑎᑎᕋᖅᓯᒪᓂᐅᔪᒥ ᐃᖅᑲᓇᐃᔭᖅᑎᒧᑦ ᐋᓐᓂᖅᑐᖅᓯᐅᑎᓕᕆᔨᒃᑯᑦ ᒪᓕᒐᖏᓐᓂ. ᖃᐅᔨᒪᓂᐊᖅᐳᑎᑦ ᐅᓂᒃᑳᕆᓂᕐᒧᑦ ᐱᕐᕈᓗᐊᕿᓂᐅᔪᒥ ᐱᑎᑦᑎᔪᒥᒃ ᑎᒥᒧᑦ ᐋᓐᓂᕐᓂᕐᔪᐊᖑᔪᒥ ᐅᕝᕙᓘᓐᓃᑦ ᐅᓗᕆᐊᓇᖅᑐᒥ ᖃᓄᐃᓐᓂᐅᔪᒥ, ᐅᖃᓗᒋᐊᖃᖅᐳᑎᑦ ᖃᓄᐃᓐᓂᐅᔪᒥ ᐅᓂᒃᑳᕆᕝᕕᐅᔪᒧᑦ ᓄᓇᑦᓯᐊᕐᒥ ᐅᕗᖓ 1-800-661-0792 ᐊᒻᒪᓗ ᓄᓇᕗᒻᒥ ᐅᕗᖓ 1-877-404-4407 ᐊᔪᕐᓇᕈᓐᓃᑐᐊᖅᐸᑦ ᐊᒻᒪᓗ ᐱᔭᕇᖅᓯᓗᑎᑦ ᐊᒻᒪᓗ ᑐᓂᓗᒍ ᖃᓄᐃᓐᓂᐅᔪᒧᑦ ᐅᓂᒃᑳᓕᐊᖅ ᐃᓗᐊᓂ ᐱᖓᓱᓂᑦ ᐅᓪᓗᓂᑦ ᐃᖅᑲᓇᐃᔭᕐᓇᐅᑎᓪᓗᒍ.
