ᔭᓗᓇᐃᕝ, ᓄᓇᑦᓯᐊᖅ / ᐃᖃᓗᐃᑦ, ᓄᓇᕗᑦ (ᐅᒃᑑᐱᕆ 01, 2026) – ᐅᑯᐊ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ (WSCC) ᑐᓴᖅᑎᑦᑎᔾᑎᖃᕐᒪᑕ ᐱᓇᓱᒻᒪᕆᒃᑐᓂᒃ ᐃᖅᑲᓇᐃᔭᖅᑎᑦᑎᔨᓄᑦ ᐃᑲᔪᖅᑐᐃᔨᐅᓂᐊᖅᑐᓂ ᐱᐅᓯᕚᓪᓕᖅᑎᑦᑎᓇᓱᒃᖢᑎᒃ ᐱᓕᕆᐊᕆᔭᐅᔪᓂᒃ ᓄᓇᑦᓯᐊᕐᒥ ᐊᒻᒪ ᓄᓇᕗᒥᑦ.
ᐱᓕᕆᖃᑎᒌᒃᑐᑦ ᐃᖅᑲᓇᐃᔭᖅᑎᑦᑎᔪᓂ ᐅᖃᕐᕕᖃᖅᑎᑦᑎᓂᐊᖅᑐᑦ ᐊᑕᐅᓯᑐᐊᕐᒥ ᐊᒻᒪ ᐃᑲᔪᕋᓱᓕᑲᐅᑎᒋᔪᓐᓇᕐᓗᑎᒃ ᐊᐱᕐᓱᑲᑕᖕᓂᒃᑯᑦ ᐊᒻᒪ ᑮᓇᐅᔭᓕᕆᓂᕐᒥ ᐊᐅᓚᑦᑎᓂᒃᑯᑦ, ᓲᕐᓗ ᖃᐅᔨᓴᑲᑕᖕᓂᖅ ᖃᕋᓴᐅᔭᒃᑯᑦ ᐱᔨᑦᑎᕋᐅᑎᒋᔭᐅᔪᓂᒃ ᐅᑯᓇᙵᑦ WSCC Connect, ᓇᖕᒥᓂᖅ ᐱᓕᕆᐊᓂ ᐊᑎᓕᐅᖅᑎᑦᑎᓂᒃᑯᑦ, ᐊᒻᒪ ᐊᓂᒍᐃᑎᑦᑎᔪᓐᓇᕐᓗᑎᒃ ᐊᑭᓕᐅᑎᐅᔭᕆᐊᓕᖕᓂ ᑐᓂᓯᑎᓪᓗᒋᑦ.
ᖃᓄᐃᓕᐅᕈᑎᒋᔭᐅᓂᐊᖅᑐᑦ ᓄᑖᓄ ᐃᑲᔪᖅᑐᐃᓂᕐᒧᑦ ᐱᓕᕆᔨᓄᑦ:
- WSCC Connect ᐃᑲᔪᖅᑐᐃᓂᖅ: ᐱᓕᕆᕙᓪᓕᐊᓂᒃᑯᑦ ᐃᑲᔪᖃᑦᑕᕐᓗᑎᒃ ᐋᖅᑭᒃᓱᐃᑎᓪᓗᒋᑦ ᑮᓇᐅᔭᖃᕐᕕᒃᓴᖏᓐᓂ, ᐊᓂᒍᐃᑎᑦᑎᓂᕐᒥᒃ, ᖃᕋᓴᐅᔭᒃᑯᑦ ᑎᑎᕋᐅᓯᖃᕐᓂᕐᒥᒃ ᐋᓐᓂᖅᑐᕕᓂᕐᓂᒃ ᐊᒻᒪ ᖃᓄᐃᓕᔪᕕᓂᕐᓄᑦ ᐅᓂᒃᑳᓕᐅᕐᓂᕐᒥ, ᖃᐅᔨᓴᕈᓐᓇᕐᓂᕐᒥ ᐊᑦᑕᓇᖅᑐᒦᑦᑕᐃᓕᑎᑦᑎᓂᕐᒥ ᐃᖅᑲᓇᐃᔭᕐᕕᖕᒥ ᐊᒻᒪᓗ ᕿᒥᕐᕈᐊᕐᓂᕐᒥ ᖃᓄᐃᓕᐅᕈᑎᕕᓂᕐᓂ ᐅᕘᓇ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ (WSCC) ᖃᕋᓴᐅᔭᒃᑯᑦ ᐱᔨᑦᑎᕋᐅᑎᑎᒍᑦ.
- ᐊᑕᐅᓯᕐᒧᑦ-ᐅᖄᓚᓗᓂ ᐊᑐᐃᓐᓇᖃᕐᓇᖅᑐᖅ: ᐅᖃᖃᑎᖃᕈᓐᓇᖅᑐᑎᑦ ᐱᓕᕆᖃᑎᒋᔭᐅᔪᒥ ᖃᐅᔨᓇᓱᒃᑕᑎᑦ ᖃᐅᔨᑲᐅᕐᑐᕈᓐᓇᕐᓂᐊᕋᕕᒋᑦ, ᑮᓇᐅᔭᖃᕐᕕᖕᓂ ᖃᐅᔨᒪᓂᐊᕋᕕᑦ ᐊᒻᒪᓗ ᐊᑭᓕᐅᑎᓂ ᐃᖅᑲᓇᐃᔭᖅᑎᓄᑦ ᐅᓂᒃᑳᓕᐅᕐᓂᕐᒥ ᐊᑕᐅᓰᕋᓗᐊᕐᓗᓯ ᐅᖃᓪᓚᖃᑎᒌᒡᓗᓯ.
- ᐋᖅᑭᒃᓱᖅᐸᓪᓕᐊᓂᖅ ᐃᑲᔫᕈᑎᒃᓴᖅ: ᐋᖅᑭᒃᓱᖅᓯᒪᔪᖅ ᐃᑲᔫᑎᒃᓴᖅ ᓇᖕᒥᓂᖅ ᐱᓕᕆᐊᒧᑦ ᓇᖕᒥᓂᓕᖕᓄᑦ ᐊᑎᓕᐅᖅᑕᐅᓂᖏᓐᓂ ᒪᐅᖓ ᖃᓄᖅ ᖃᐅᔨᓇᓱᖕᓂᕐᒥ ᐃᖅᑲᓇᐃᔭᖅᑏᑦ ᓇᐅᑦᑎᐅᒃᑯᒫᖏᓐᓂ.
- ᐊᑦᑕᓇᖅᑐᒦᑦᑕᐃᓕᓂᕐᒧᑦ ᐊᒻᒪ ᖃᓄᐃᓕᑦᑕᐃᓕᓂᕐᒧᑦ ᐃᑲᔪᕈᑎᒃᓴᑦ: ᐊᑦᑕᓇᖅᑐᒦᑦᑕᐃᓕᓂᕐᒧᑦ ᐱᓕᕆᔨᒧᑦ ᐅᖃᖃᑎᖃᑦᑎᑕᐅᓄᑎ ᐅᕝᕙᓘᓐᓃᑦ ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᖅᑕᐃᓕᒪᓂᕐᒧᑦ ᐊᒻᒪᓗ ᑦᑕᓇᔾᔭᐃᖅᓯᒪᓂᕐᒧᑦ (OHS) ᐱᓕᕆᔨᒻᒪᕆᖕᒥ ᐃᑲᔪᕐᓂᐊᕐᒪ ᐃᖅᑲᓇᐃᔭᖅᑎᑦᑎᔪᓂᒃ ᐃᖅᑲᓇᐃᔭᖅᕕᖕᒥᑦ
ᖃᓄᖅ ᐃᖅᑲᓇᐃᔭᖅᑎᑦᑎᔪᓄᑦ ᐃᑲᔪᖅᑐᐃᔨᓂ ᐅᖃᖃᑎᖃᕈᓐᓇᕆᐊᒃᓴᖅ:
ᐃᖅᑲᓇᐃᔭᖅᑎᑦᑎᔪᑦ ᐅᖃᖃᑎᖃᕈᓐᓇᖅᑐᑦ ᐃᖅᑲᓇᐃᔭᖅᑎᑦᑎᔨᓄᑦ ᐃᑲᔪᖅᑐᐃᓂᕐᒧᑦ ᐱᓕᕆᔨᓄᑦ ᓇᒡᒐᔾᔭᒥ ᑕᓪᓕᕐᒥᕐᒧᑦ, 8:30 ᐅᓪᓛᕐᒥ 4:00 ᐅᓪᓗᕐᒧᑦ.
- ᓄᓇᑦᓯᐊᖅ: 1-800-661-0792 | employer@wscc.nt.ca
- ᓄᓇᕗᑦ: 1-877-404-4407 | employer@wscc.nu.ca
ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ (WSCC) ᑲᔪᓯᔪᑦ ᐱᔨᑦᑎᕋᐅᑎᓄᑦ ᓂᕈᐊᕈᑎᐅᔪᓐᓇᖅᑐᓂᒃ. ᐅᖄᓚᐅᑎᓂ ᑭᐅᔨᐅᔪᑦ ᑕᒪᐃᓐᓂ ᔭᓗᓇᐃᒥ ᐊᒻᒪ ᐃᖃᓗᖕᓂ ᑎᑎᕋᕐᕕᖕᓂ ᐊᑐᐃᓐᓇᐅᔪᑦ ᑭᐅᔪᓐᓇᖅᖢᑎᒃ ᐅᐸᒃᑕᐅᓗᑎᒃ ᖃᐅᔨᔭᐅᔪᒪᔪᓂᒃ ᐃᖅᑲᓇᐃᔭᖅᑎᓄᑦ, ᑮᓇᐅᔭᖅᑖᕋᓱᒃᑐᓄᑦ, ᐋᓐᓂᐊᕐᕕᓕᕆᔨᓄᑦ ᐊᒻᒪᓗ ᑭᒃᑯᑐᐃᓐᓇᕐᓄᑦ.
ᐱᔨᑦᑎᕋᐅᑎᓄ ᖃᐅᔨᔭᐅᔪᒪᔪᑦ ᐊᒻᒪ ᑐᓴᒐᒃᓴᐃᑦ ᓄᑖᖑᓛᑦ ᐊᑐᐃᓐᓇᐅᔪᑦ ᐅᑯᓇᓂ wscc.nt.ca ᐅᕝᕙᓘᓐᓃᑦ wscc.nu.ca, ᐊᒻᒪᓗ ᖃᕋᓴᐅᔭᒃᑯᑦ ᐱᔨᑦᑎᕋᐅᑎᑦ ᓇᓂᔭᐅᔪᓐᓇᖅᑐᑦ ᐅᕙᓂ WSCC Connect.
-30-
Maggie Collins (ᒫᒋ ᑳᓕᓐᔅ)
ᑐᓴᒐᒃᓴᓕᕆᓂᖅ ᐊᒻᒪᓗ ᑭᒃᑯᑐᐃᓐᓇᕐᓄᑦ ᐱᓇᓱᐊᖅᑎᑦ ᐊᐅᓚᑦᓯᔨᖓ
ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᓄᓇᑦᓯᐊᕐᒥ ᐊᒻᒪᓗ ᓄᓇᕗᒻᒥ
ᐅᖄᓚᐅᑦ: (867) 920-3854
ᐃᕐᖐᓐᓈᖅᑕᐅᑖ: maggie.collins@wscc.nt.ca