ᐊᑐᓂ ᐃᖅᑲᓇᐃᔭᖅᑎ ᐱᖓᓱᓂᒃ ᑐᙵᕕᓪᓗᐊᑕᕐᓂᒃ ᐱᔪᓐᓇᐅᑎᖃᖅᑐᖅ ᑐᕌᖓᔪᓂᑦ ᐃᖅᑲᓇᐃᔭᕐᕕᖕᒥᑦ ᐊᑦᑕᕐᓇᔾᔭᐃᖅᓯᒪᓂᕐᒥᑦ:
- ᖃᐅᔨᒪᓂᕐᒥᑦ ᖃᓄᖅ ᐱᓕᕆᐊᕆᔭᕆᐊᖃᕐᒪᖔᑦ ᐃᖅᑲᓇᐃᔮᖅ ᐊᑦᑕᕐᓇᙱᑦᑐᒃᑯᑦ
- ᐱᖃᑕᐅᓂᕐᒥᑦ ᐃᖅᑲᓇᐃᔭᕐᕕᒃ ᐊᑦᑕᓇᔾᔭᐃᖅᓯᒪᓗᓂ, ᐊᒻᒪᓗ
- ᐋᒃᑳᕈᓐᓇᕐᓂᕐᒥᑦ ᐃᖅᑲᓇᐃᔮᒥᑦ ᐊᑦᑕᓇᖅᑑᔮᖅᑐᒥᑦ ᐃᖅᑲᓇᐃᔭᖅᑎᒧᑦ ᐃᖅᑲᓇᐃᔭᖃᑎᖏᓐᓄᓪᓗ.
ᐱᓪᓚᑦᑖᖅᑐᒃᑯᑦ, ᑕᒪᓐᓇ ᑐᑭᖃᖅᐳᖅ ᐊᑕᖏᖅᑐᑕ ᐱᒻᒪᕆᐅᔪᒥᑦ ᐱᔭᒃᓴᖃᖅᐳᒍᑦ ᐃᖅᑲᓇᐃᔭᕐᕕᖕᒥᑦ ᐊᑦᑕᕐᓇᔾᔭᐃᖅᓯᒪᓂᕐᒥᑦ. ᑕᐃᒪᐃᑦᑑᒐᓗᐊᕈᓂ ᑳᐱᒥᑦ ᑯᕕᔪᒥᑦ ᐊᓪᓚᖅᑎᕆᓂᕐᒥᑦ, ᓂᓪᓕᐊᓂᕐᒥᑦ ᐊᓯᔾᔩᓂᕐᒧᑦ ᖃᐅᔨᓐᓂᕈᑦᑕ ᑭᓱᑐᐃᓐᓇᕐᒥᑦ ᐊᑦᑕᕐᓇᖅᑐᒥᑦ, ᐅᕝᕙᓘᓐᓃᑦ ᐃᖅᑲᓇᐃᔮᕆᔭᕐᓂᒃ ᓄᖅᑲᓂᕐᒥᑦ ᑲᒪᒋᔭᖃᕐᓂᕐᒧᑦ ᐊᑦᑕᕐᓇᔾᔭᐃᖅᓯᒪᓂᕐᒧᑦ ᐃᓱᒫᓗᖕᓇᖅᑐᒥᑦ ᑲᒪᔨᒥᑦ ᑲᔪᓯᓚᐅᙱᓐᓂᕐᓂ, ᐊᑐᓂ ᐃᓄᒃ ᐃᓂᖃᖅᐳᖅ ᓂᐱᖃᖅᖢᓂᓗ ᑐᕌᖓᓂᖃᖅᑎᓪᓗᒍ ᐊᑦᑕᕐᓇᔾᔭᐃᖅᓯᒪᓂᕐᒥᑦ ᐃᖅᑲᓇᐃᔭᕐᕕᖕᒥᑦ.
ᑕᑯᔪᓐᓇᖅᑐᑎᑦ ᓇᓗᓇᐃᔭᖅᓯᒪᑦᑎᐊᖅᑐᒥᑦ ᐊᒻᒪᓗ ᐊᑭᖃᙱᑦᑐᓂᑦ ᐃᑲᔫᑎᒃᓴᓂᑦ ᐅᕙᓂ ᐅᖃᖃᑎᒋᓂᐊᖅᑕᑎᑦ ᖃᐅᔨᒪᓗᒋᑦ ᒪᒃᐱᒐᖅ.