ᔭᓗᓇᐃᕝ, ᓄᓇᑦᓯᐊᖅ / ᐃᖃᓗᐃᑦ, ᓄᓇᕗᑦ (ᔪᓚᐃ 15, 2025) – ᐅᑯᐊ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ (WSCC) ᒫᓐᓇ ᐱᔪᒪᔪᑦ ᐱᓇᔪᒍᑎᓂᒃ ᐃᖏᕐᕋᓯᑎᑕᐅᓂᐊᖅᑐᓄᑦ ᑐᕌᖅᑐᑦ ᐊᑦᑎᒃᓯᒋᐊᖅᑎᑦᑎᓇᓱᖕᓂᖅ ᐃᖅᑲᓇᐃᔭᖅᖢᑎᒃ ᐋᓐᓂᖅᑐᓄᑦ ᐊᒻᒪᓗ ᐋᓐᓂᐊᓕᖅᑐᓄᑦ.
ᐊᐅᓚᑦᓯᔩᑦ ᐅᑯᐊ ᑐᓂᓯᓯᒪᔪᑦ ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᖅᑕᐃᓕᒪᓂᕐᒥᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ ᐱᔨᑦᑎᕋᐅᑎᓂᒃ, ᐃᓕᓐᓂᐊᖅᑎᑦᑎᓂᕐᒥᒃ ᐅᕝᕙᓘᓐᓃᑦ ᐱᔭᕆᐅᖅᓴᑎᑦᑎᓂᕐᒥᒃ ᓄᓇᓕᖕᓂ ᓄᓇᑦᓯᐊᕐᒥ ᐊᒻᒪᓗ ᓄᓇᕗᒻᒥ ᑲᔪᖏᖅᓴᔭᐅᕗᑦ ᐱᓇᔪᖁᓪᓗᒋᑦ.
ᐆᒃᑑᑎᑦ ᐃᖏᕐᕋᓯᑎᑕᐅᓯᒪᔪᑦ ᐅᑯᓂᖓ ᐃᓚᖃᖅᑐᑦ:
- ᐅᔾᔨᖅᑐᖅᑎ ᐊᑦᑕᕐᓇᖅᑕᐃᓕᑎᑦᑎᓂᕐᒧᑦ ᖃᐅᔨᒪᔭᕆᐊᖃᖅᑕᖏᓐᓂᒃ ᐱᔭᕆᐅᖅᓴᑎᑦᑎᓂᖅ
- ᐋᓐᓂᖅᑐᓕᕆᓂᕐᒧᑦ ᐊᔪᕈᓐᓃᕐᓴᕐᓂᖅ
- ᑐᐊᕕᕐᓇᖅᑐᓕᕆᓂᕐᒧᑦ ᐱᕙᒌᔭᖅᓯᒪᓂᕐᒧᑦ ᐃᓕᓐᓂᐊᕐᓂᖅ
- ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᖅᑕᐃᓕᒪᓂᕐᒥᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ (OHS) ᐃᓕᓴᕆᔭᐅᓂᕐᒧᑦ ᐱᔨᑦᑎᕋᐅᑏᑦ
- ᐱᑕᖃᖅᑎᑦᑎᓂᖅ ᐱᑕᖃᖅᐸᒌᖅᑐᓂᒃ ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᖅᑕᐃᓕᒪᓂᕐᒥᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ (OHS) ᐱᔨᑦᑎᕋᐅᑎᓂᒃ ᓄᓇᖃᖅᑳᖅᓯᒪᔪᑦ ᐅᖃᐅᓯᖏᑦᑎᒍᑦ
- ᐱᔪᒥᓴᐃᓂᖅ ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᖅᑕᐃᓕᒪᓂᕐᒥᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ ᒪᒃᑯᒃᑐᓄᑦ
- ᐃᖏᕐᕋᓯᑎᑕᐅᓯᒪᔪᑦ ᐅᑯᐊ ᐅᓄᖅᓯᒋᐊᖁᓪᓗᒋᑦ ᐊᑐᕈᓐᓇᖅᑐᑦ ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᖅᑕᐃᓕᒪᓂᕐᒥᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ ᐱᔨᑦᑎᕋᐅᑎᓂᒃ ᐅᓄᕐᓂᖅᓴᓄᑦ ᓄᓇᓕᖕᓄᑦ ᓄᓇᑦᓯᐊᕐᒥ ᐊᒻᒪᓗ ᓄᓇᕗᒻᒥ
ᐃᓱᓕᕕᖃᖅᑐᑦ ᐱᓇᔪᒍᑎᑦ ᓯᑎᐱᕆ 8, 2025.
ᐱᓇᔪᒃᑐᑦ ᑐᒃᓯᕋᕈᓐᓇᖅᑐᑦ ᐊᕙᑖᓂᑦ $5,000 – $250,000 ᐊᑐᓂ ᐃᖏᕐᕋᓯᑎᑕᐅᓯᒪᔪᖅ ᐊᒻᒪᓗ ᐱᓇᔪᒃᓗᑎᒃ ᐊᑕᐅᓯᐅᓐᖏᑦᑐᒧᑦ ᐃᖏᕐᕋᓯᑎᑕᐅᓯᒪᔪᒧᑦ ᐊᕐᕌᒍᒥ. ᑖᓐᓇ ᐊᑐᐅᓯᑐᐊᒧᑦ ᐊᕐᕌᒍᒧᑦ ᐱᒋᐸᖅᑕᐅᔪᒪᔫᔪᓐᓇᖅᑐᖅ, ᐅᕝᕙᓘᓐᓃᑦ ᐊᒥᓱᒐᓚᖕᓄᑦ ᐊᕐᕌᒍᓄᑦ ᐱᒋᐊᖅᑕᐅᔪᒪᔫᓗᑎᒃ. ᐊᒥᓱᒐᓚᖕᓄᑦ-ᐊᕐᕌᒍᓄᑦ ᑮᓇᐅᔭᖃᖅᑎᑕᐅᔾᔪᑎᓄᑦ ᑐᒃᓯᕋᐅᑏᑦ ᐊᑐᐃᓐᓇᐅᓂᐊᖅᑐᑦ ᐱᓇᔪᒃᑐᓄᑦ ᑎᑎᕋᖅᓯᒪᔪᖁᑎᖃᕈᑎᒃ ᐱᓕᕆᖃᑎᖃᓚᐅᖅᓯᒪᓂᖏᓐᓂᒃ ᑖᒃᑯᓂᖓ WSCC ᐅᕝᕙᓘᓐᓃᑦ ᑐᓂᔭᐅᓯᒪᓂᑰᒍᑎᒃ ᑮᓇᐅᔭᖃᖅᑎᑕᐅᔾᔪᑎᓂᒃ ᑭᖑᓂᖔᑦᑎᓐᓂ.
ᑐᓴᒐᒃᓴᑦ ᑭᒃᑯᑦ ᐱᔪᓐᓇᒍᓐᓇᕐᒪᖔᑕ ᐊᒻᒪᓗ ᐱᓇᔪᒍᑎ ᐱᓕᕆᔾᔪᓯᖏᓐᓂᒃ, ᐊᑏ ᒪᑐᐃᕐᓗᒍ ᐅᓇ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᖃᕆᓴᐅᔭᖃᕐᕕᖓᑦ.
-30-
ᒫᒋ ᑳᓕᓐᔅ
ᑐᓴᒐᒃᓴᓕᕆᓂᖅ ᐊᒻᒪᓗ ᑭᒃᑯᑐᐃᓐᓇᕐᓄᑦ ᐱᓇᓱᐊᖅᑎᑦ ᐊᐅᓚᑦᓯᔨᖓ
ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᓄᓇᑦᓯᐊᕐᒥ ᐊᒻᒪᓗ ᓄᓇᕗᒻᒥ
ᐅᖄᓚᐅᑦ: (867) 920-3854