ᖃᓄᖅ ᑖᒃᑯᐊ WSCC ᓇᓗᓇᐃᖅᓯᓲᖑᕙᑦ ᑮᓇᐅᔭᖅᑖᕋᓲᑎ ᐱᔭᐅᒍᓐᓇᕐᒪᖔᖅ? 

ᓇᓗᓇᐃᖅᓯᓂᕐᒥᑦ ᐋᓐᓂᕐᓂᕐᒧᑦ ᑮᓇᐅᔭᖅᑖᕋᓲᑎ ᐱᔭᐅᒍᓐᓇᕐᒪᖔᖅ, ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ (WSCC) ᒪᑯᓂᖓ ᓇᓗᓇᐃᖅᓯᒋᐊᓖᑦ:

• ᐃᖅᑲᓇᐃᔭᖅᑎᐅᔪᖅ ᐃᖅᑲᓇᐃᔭᖅᑐᖅ ᐃᖅᑲᓇᐃᔭᖅᑎᖁᑎᓕᖕᒧᑦ ᐊᑎᓕᐅᖅᓯᒪᔪᒥᑦ ᑖᒃᑯᓄᖓ WSCC.
• ᐃᖅᑲᓇᐃᔭᖅᑎ ᐋᓐᓂᓚᐅᖅᑐᖅ, ᐊᒻᒪᓗ ᑕᐃᒪᐃᓚᐅᖅᑐᖅ ᐃᖅᑲᓇᐃᔭᖅᑎ ᐃᖅᑲᓇᐃᔭᖅᑎᓪᓗᒍ.
• ᐋᓐᓂᐊᕐᓂᕐᒧᑦ ᑲᓲᒪᓂᖃᖅᑐᖅ ᐃᖅᑲᓇᐃᔭᖅᑎᐅᑉ ᐋᓐᓂᕐᓂᕆᔭᖓᓄᑦ ᐊᒻᒪᓗ ᐃᖅᑲᓇᐃᔭᕐᕕᖓᓂ.

“ᐋᓐᓂᕐᓂᐅᔪᖅ” ᐃᓚᖃᕈᓐᓇᖅᑐᖅ ᑎᒥᒃᑯᑦ ᐋᓐᓂᕐᓂᐅᔪᓂᑦ, ᐃᓱᒪᒃᑯᑦ ᐋᓐᓂᕐᓂᐅᔪᓂᑦ, ᐋᓐᓂᐊᑦ, ᐊᒻᒪᓗ ᑐᖁᓂᕐᒥᑦ.

ᐅᑎᕐᓂᕐᒥᑦ ᐃᖅᑲᓇᐃᔮᒧᑦ ᐊᑦᑕᕐᓇᕈᓐᓃᑐᐊᕈᓂ ᐱᒻᒪᕆᐅᖃᑕᐅᕗᖅ ᐃᒡᕕᑦ ᐱᔪᓐᓃᖅᐸᓪᓕᐊᓂᖓᓄᑦ ᐃᖅᑲᓇᐃᔮᒧᑦ ᐱᔾᔪᑕᐅᔪᒥ ᐋᓐᓂᕐᓂᐅᔪᒥᑦ ᐅᕝᕙᓘᓐᓃᑦ ᖃᓂᒪᓂᕐᒥᑦ ᐊᒻᒪᓗ ᐃᓚᒋᔭᐅᓪᓗᓂ ᐊᔪᕈᓐᓃᖅᓴᕐᓂᕐᒧᑦ ᐱᓕᕆᐊᒃᓴᕆᔭᕐᓄᑦ. ᐅᑎᕐᓂᕐᒥᑦ ᐃᖅᑲᓇᐃᔮᒧᑦ ᐅᕝᕙᓘᓐᓃᑦ ᐃᖅᑲᓇᐃᔭᐃᓐᓇᕐᓂᖅ ᐱᔪᓐᓃᖅᐸᓪᓕᐊᑎᓪᓗᑎᑦ ᐃᑲᔪᕐᓂᖃᓲᖅ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᐊᒻᒪᓗ ᐱᔪᓐᓃᖅᐸᓪᓕᐊᓂᕐᒧᑦ ᐊᓂᒍᖅᑕᐅᔪᓂᑦ.

ᖃᓄᖅ ᑳᒃᑯᐊ WSCC-ᑯᑦ ᓈᓴᐃᓲᖑᕙᑦ ᐊᑭᓕᖅᑕᐅᔾᔪᑎᒻᒪ ᐊᑭᖓᓂ? 

ᐃᖅᑲᓇᐃᔭᖅᑎᐅᒍᕕᑦ ᐃᖅᑲᓇᐃᔭᕐᕕᖕᒥᑦ ᐋᓐᓂᕐᓂᕐᒧᑦ ᐊᑭᓕᖅᑕᐅᔪᒪᔾᔪᑎᑖᖅᓯᒪᒍᕕᑦ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑎᒃᑯᓐᓂ (WSCC), ᐱᒍᓐᓇᖅᑐᑎᑦ ᓇᓕᐊᓐᓂᑐᐃᓐᓇᖅ ᑕᒪᐃᑎᒍᑦ ᐱᒡᒐᓂᕐᒧᑦ ᐅᕝᕙᓘᓐᓃᑦ ᐃᓚᖓᓂ ᐱᒡᒐᓂᕐᒧᑦ ᐊᑭᓕᖅᑕᐅᔾᔪᑎᓂᑦ ᐊᑭᓕᖅᑕᐅᓗᑎᑦ. ᐊᑭᓕᖅᑕᐅᔾᔪᑎᑎᑦ ᐊᑭᓕᐅᑎᖏᑦ ᓈᓴᖅᑕᐅᓲᑦ ᐱᔾᔪᑎᖃᖅᖢᑎᒃ ᖃᓄᐃᑦᑐᒥᑦ ᐃᖅᑲᓇᐃᔭᖅᑎᐅᖕᒪᖔᖅᐱᑦ, ᐊᑭᓕᖅᑕᐅᓂᕆᔭᑎᑦ ᐃᖅᑲᓇᐃᔭᕐᕕᖕᓂᑦ, ᐊᒻᒪᓗ ᐃᖅᑲᓇᐃᔮᖅᐱᑦ ᐅᓪᓗᖏᓐᓂᒃ.