ᔭᓗᓇᐃ, ᓄᓇᑦᓯᐊᖅ / ᐃᖃᓗᐃᑦ, ᓄᓇᕗᑦ (ᒪᐃ 1, 2025) – ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑎᑦ (WSCC) ᖁᕕᐊᒃᑐᑦ ᐆᒥᖓ ᐊᑦᑕᓇᔾᔭᐃᖅᓯᒪᓂᕐᒧᑦ ᐊᒻᒪᓗ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᐱᓇᓱᐊᕈᓯᕐᒥ ᐱᒋᐊᖅᑎᑦᑎᓂᐊᕐᓂᖏᓐᓂᒃ ᓄᑖᒥ ᐃᖅᑲᓇᐃᔭᕐᕕᒃᒥᑦ ᐊᑦᑕᓇᔾᔭᐃᖅᓯᒪᓂᕐᒧᑦ ᐸᕐᓇᐅᓯᐅᕐᓂᕐᒧᑦ ᑐᑭᒧᐊᕈᑎᓂᒃ ᐃᖅᑲᓇᐃᔭᖅᑎᑦᑎᖃᑦᑕᖅᑐᓄᑦ ᓄᓇᕗᒥᑦ ᐊᒻᒪᓗ ᓄᓇᕗᑦ.
ᐊᑦᑕᓇᔾᔭᐃᖅᓯᒪᓂᕐᒧᑦ ᐊᒻᒪᓗ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᐱᓇᓱᐊᕈᓯᖅ ᖁᕕᐊᓲᑎᒋᔭᐅᕙᒃᑐᖅ ᐊᕐᕌᒍᑕᒫᓐ ᓄᐊᑦ ᐊᒥᐊᓕᑲᒥ ᓯᕗᓪᓕᖅᐹᕐᒥ ᐱᓇᓱᐊᕈᓯᕐᒥ ᒪᐃᒥᑦ ᐅᔾᔨᕈᓱᓕᖅᑎᑦᑎᓇᓱᒃᖢᑎ ᐱᒻᒪᕆᐅᓂᖓᓂᒃ ᐃᖅᑲᓇᐃᔭᕐᕕᒃᒥᑦ ᐋᓐᓂᖅᑕᐃᓕᓂᕐᒥᒃ ᐊᒻᒪ ᐋᓐᓂᐊᖅᑖᖅᑕᐃᓕᓂᕐᒥᒃ.
ᑕᒪᑐᒪᓂ ᐊᕐᕌᒍᒥ, ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑎᑦ (WSCC) ᓴᖅᑭᑎᑦᑎᒃᑲᓐᓂᕐᓯᒪᓂᐊᖅᑐᑦ ᐱᒻᒪᕆᐅᓂᖓᓂᒃ ᐊᑦᑕᓇᖅᑐᒦᑦᑕᐃᓕᓂᕐᒧᑦ ᐸᕐᓇᐅᓯᐅᕐᓂᕐᒥᒃ ᐊᒻᒪᓗ ᐃᖅᑲᓇᐃᔭᖅᑎᑦᑎᔨᓂᒃ ᕿᒥᕐᕈᐊᖁᔨᓪᓗᑎᒃ ᐊᑦᑕᓇᖅᑐᒦᑦᑕᐃᓕᓂᕐᒧᑦ ᐱᓕᕆᐊᖏᓐᓂᒃ ᓇᓗᓇᐃᕐᓯᓂᐊᕐᒪᑕ ᐊᑯᑦᑐᓂᐅᔪᓂᒃ ᑲᒪᒋᔭᐅᔭᕆᐊᓕᖕᓂᑦ. ᐃᖅᑲᓇᐃᔭᖅᑎᑦᑎᔪᑦ ᑐᓂᔭᐅᓂᐊᕐᒥᔪᑦ ᐆᒥᖓ ᐃᖅᑲᓇᐃᔭᕐᕕᒃᒥᑦ ᐊᑦᑕᓇᔾᔭᐃᖅᓯᒪᓂᕐᒧᑦ ᐸᕐᓇᐅᓯᐅᕐᓂᕐᒧᑦ ᑐᑭᒧᐊᕈᑎᓂᒃ ᐃᑲᔫᑎᐅᓂᐊᖅᑐᓂᒃ ᐱᐅᓯᕚᓪᓕᖅᑎᑦᑎᓇᓱᒡᓗᑎᒃ ᐊᑦᑕᓇᖅᑕᐃᓕᒪᓂᕐᒧᑦ ᐱᓕᕆᐊᕆᕙᒃᑕᖏᓐᓂᒃ.
“ᓄᑖᖅ ᑐᑭᒧᐊᕈᑎ ᐋᖅᑭᒃᓯᒪᔪᖅ ᐃᑲᔪᕈᑎᐅᓂᐊᕐᓗᓂ ᐃᖅᑲᓇᐃᔭᖅᑎᑦᑎᔨᓂᒃ ᒪᓕᒐᖅᑎᒍᑦ ᑲᒪᒋᔭᕆᐊᖃᖅᑕᖏᓐᓂᒃ, ᐊᒻᒪᓗ ᐱᕈᖅᑎᑦᑎᕙᓪᓕᐊᓂᕐᒥᒃ ᐊᒻᒪ ᐱᓕᕆᐊᖃᐃᓐᓇᕐᓂᕐᒥᒃ ᐊᑦᑕᓇᖅᑐᒦᑦᑕᐃᓕᓂᕐᒧᑦ ᖃᓄᐃᓕᐅᕈᑎᓂᒃ,” ᐅᖃᕐᑐᖅ ᕆᒃ ᕼᐊᓐᑦ, ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑎᑦ (WSCC) ᐊᖓᔪᖅᑳᖓᑦ ᐊᒻᒪ ᐊᐅᓚᑦᑎᔨᖓᑦ.
“ᐊᑕᐅᓯᕐᒥ ᖃᓄᐃᓕᐅᕈᑎᑕᖃᙱᒻᒪᑦ ᓈᒻᒪᒃᑐᒥ ᑕᒪᐃᓐᓄᓕᒫᖅ ᐊᑦᑕᓇᔾᔭᐃᖅᓯᒪᓂᕐᒧᑦ ᐸᕐᓇᐅᓯᐅᕐᓂᒃᑯᑦ, ᑭᓯᐊᓂᓕ ᑕᒪᕐᒥᒃ ᐃᖅᑲᓇᐃᔭᖅᕕᐅᔪᑦ ᐋᖅᑭᒃᓯᓯᒪᔭᕆᐊᖃᖅᑐᑦ ᐱᒻᒪᕆᖕᓂᑦ ᖃᓄᐃᓕᐅᕈᑎᒃᓴᓂᒃ. ᐅᓇ ᑐᑭᒧᐊᕈᑎ ᐊᕕᒃᑐᖅᓯᒪᔪᖅ ᖃᓄᐃᓕᐅᕈᑎᐅᔪᓐᓇᕐᓂᐊᖅᑐᓂᒃ ᐊᔪᕐᓇᙱᓯᒪᔪᓂᒃ ᐃᑲᔫᑎᐅᔪᓐᓇᖅᑐᓂᒃ ᐃᖅᑲᓇᐃᔭᖅᑎᑦᑎᔨᓄᑦ ᐋᖅᑭᒃᓱᐃᓂᕐᒥᒃ ᐅᕝᕙᓘᓐᓃᑦ ᐱᐅᓯᕚᓪᓕᖅᑎᑦᑎᓂᕐᒥᒃ ᐊᑦᑕᓇᔾᔭᐃᖅᓯᒪᓂᕐᒧᑦ ᐱᓕᕆᐊᒃᓴᖏᓐᓂᒃ ᖃᓄᐃᑦᑐᑐᐃᓐᓇᐅᒐᓗᐊᕈᑎᒃ ᐃᖅᑲᓇᐃᔮᕆᔭᐅᔪᑦ.”
ᑕᑯᒋᐊᕐᓗᒍ ᐅᓇ wscc.nt.ca ᖃᐅᔨᒃᑲᓐᓂᕐᓂᐊᕋᕕᑦ ᑐᑭᒧᐊᕈᑎᐅᑉ ᒥᒃᓵᓂᒃ ᐊᒻᒪᓗ ᖃᓄᖅ ᐃᓚᐅᓕᕈᓐᓇᕐᒪᖔᖅᐱᑦ ᐅᑯᓂᖓ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑎᓂ (WSCC) ᐆᒥᖓ ᐊᑦᑕᓇᔾᔭᐃᖅᓯᒪᓂᕐᒧᑦ ᐊᒻᒪᓗ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᐱᓇᓱᐊᕈᓯᖅ 2025-ᒥ.
-30-
Maggie Collins
ᑐᓴᐅᒪᖃᑦᑕᐅᑎᓕᕆᓂᕐᒧᑦ ᐊᐅᓚᑦᑎᔨ
ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᓄᓇᑦᓯᐊᕐᒥ ᐊᒻᒪᓗ ᓄᓇᕗᒻᒥ
ᐅᖄᓚᐅᑦ: (867) 920-3854