ᐃᖃᓗᐃᑦ, ᓄᓇᕗᑦ (ᔪᓚᐃ 15, 2022) – ᔪᓚᐃ 7, 2022-ᒥ ᐅᑯᐊ ᐃᖅᑲᓇᐃᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑎᑦ 8-ᓂ ᐸᓯᔭᒃᓴᐅᔾᔪᑎᓂᒃ ᑎᑎᕋᐅᓯᖃᓚᐅᕐᑐᑦ ᐅᕘᓈᖓᔪᓂᒃ ᓄᓇᕗᑦᒧᑦ ᐊᑦᑕᓇᖅᑐᒦᑦᑕᐃᓕᓂᕐᒧᑦ ᒪᓕᒐᖅᒥ ᐆᒧᖓ ᐊᒃᑐᐊᔪᓂᒃ ᐃᖃᓗᐃᑦ ᓄᓇᓕᐸᐅᔭᑦ ᓱᕋᒃᓯᒪᔪᓕᕆᕝᕕᐊᓂᒃ ᔪᓚᐃ 16. 2021-ᒥ. 

ᐃᖅᑲᓇᐃᔭᖅᑎ ᓱᕋᒃᓯᒪᔪᓕᕆᑎᓪᓗᒍ ᐊᒻᒪ ᐋᖅᑭᒃᓱᐃᓪᓗᓂ ᐊᔭᐅᖃᑦᑖᕐᒥ ᐊᒃᓴᓗᐊᒥ ᐳᓪᓚᒃᓴᖅᑕᐅᔪᒥ ᖄᖅᑐᖃᖅᖢᓂ ᐊᒻᒪᓗ ᑮᓇᖓᒍᑦ ᐱᒃᓯᒡᕕᐅᓪᓗᓂ ᐊᒻᒪ ᑕᓕᖏᑦᑎᒍᑦ ᐋᓐᓂᕈᑎᒋᓪᓗᓂᒋᑦ.

ᐃᖅᑲᓇᐃᔭᖅᑎ ᐱᔪᓐᓇᐅᑎᖃᖅᑐᖅ ᐃᖅᑲᓇᐃᔭᕈᒪᙱᑦᑐᓐᓇᕐᓗᓂ ᐊᔾᔨᐅᙱᑦᑐᒥ ᐅᓗᕆᐊᓇᖅᑐᖃᖅᑐᒥ. “ᐊᔾᔨᐅᙱᑦᑐᖅ ᐅᓗᕆᐊᓇᖅᑐᖅ” ᑐᑭᖃᖅᐳᖅ ᐅᓗᕆᐊᓇᖅᑐᒥ ᖃᓄᐃᓕᖓᓂᐅᔪᒥ ᐅᕝᕙᓘᓐᓃᑦ ᐱᓕᕆᐊᒃᓴᒥ ᑕᐃᒪᐃᒐᔪᙱᑦᑐᒥ ᓴᓇᔨᐅᔫᑉ ᖃᐅᑕᒫᒥ ᐱᓕᕆᐊᕆᕙᒃᑕᖓᓂ. ᖃᓄᐃᓐᓂᐅᕗᖅ ᓴᓇᔨᐅᔪᑦ ᓈᒻᒪᒃᑐᒥ ᐱᓕᒻᒪᒃᓴᐃᓂᖃᙱᑎᓪᓗᒋᑦ ᐅᕝᕙᓘᓐᓃᑦ ᖃᐅᔨᒪᓂᐅᔪᒥ ᐃᑲᔪᕐᓂᕐᒧᑦ ᐊᑦᑕᓇᔾᔭᐃᖅᓯᒪᓂᕐᒥ ᐱᔭᕇᕋᓱᐊᖅᑎᓪᓗᒋᑦ ᐱᓕᕆᐊᒃᓴᐅᔪᒥ. ᓴᓇᔨ ᐊᑐᕐᓂᖃᕈᓂ ᐊᔾᔨᐅᙱᑦᑐᒥ ᐅᓗᕆᐊᓇᖅᑐᖃᕈᓂ, ᐱᔪᓐᓇᐅᑎᖃᖅᑐᑦ ᐋᒃᑳᕈᓐᓇᕐᓂᕐᒥᑦ ᐱᓕᕆᐊᖑᔭᕆᐊᓕᖕᒥ ᒪᓕᒡᓗᑎᒃ ᐱᓕᕆᔪᒪᙱᓐᓂᐅᔪᒥ ᐱᓕᕆᓂᐅᔪᒥ. ᑕᑯᓚᐅᕈᒃ ᐃᒻᒥᒃᑰᖓᓂᖅ 13 ᐅᑯᓇᓂ ᐊᑦᑕᕐᓇᖅᑕᐅᓕᒪᓂᕐᒧᑦ ᒪᓕᒐᕐᒦᑦᑐᖅ ᐊᒻᒪᓗ ᐃᓚᖓ IV ᐅᑯᓇᓂ ᐅᔭᕋᖕᓂᐋᕐᕕᖕᒥ ᐋᓐᓂᐊᖃᖏᓐᓂᕐᒧᑦ ᐊᒻᒪᓗ ᐊᑦᑕᕐᓇᖅᑕᐃᓕᒪᓂᕐᒧᑦ ᒪᓕᒃᑕᐅᔭᕆᐊᓕᖕᓃᑦᑐᑦ ᑐᓴᒃᑲᓐᓂᖁᓪᓗᑎᑦ.

ᓇᓗᓇᐃᔭᖅᑕᐅᓯᒪᔪᓂᒃ ᑎᑎᕋᐅᓯᖃᖃᑦᑕᕐᓂᖅ ᐊᑐᕈᑎᖃᒻᒪᕆᒃᑐᖅ ᑕᒪᐃᓐᓄᑦ ᐊᔪᕈᓐᓃᕐᓴᕐᓂᕐᒧᑦ ᐱᓕᕆᐊᖑᕙᒃᑐᓄᑦ. ᑎᑎᕋᐅᓯᐅᕙᓪᓕᐊᔪᑦ ᓇᓗᓇᐃᒃᑯᑎᐅᖕᒪᑕ ᐃᖅᑲᓇᐃᔭᖅᑎᐅᑉ ᐊᔪᕈᓐᓃᕐᓴᕈᑎᒋᕙᒃᑕᖏᑦ ᐊᔪᕐᓇᙱᓐᓂᕐᓴᐅᓗᑎᒃ ᐊᒻᒪ ᓈᒻᒪᓈᕐᓯᒪᓗᑎᒃ ᐊᒻᒪᓗ ᐃᑲᔪᕋᔭᕐᖢᓂ ᑲᒪᔨᐅᔪᓂ ᐊᔪᕈᓐᓃᕐᓴᕈᑎᓂᒃ ᐱᔭᕆᐊᖃᓕᕐᒪᖔᑕ. ᐊᔪᕈᓐᓃᕐᓴᕐᓂᕐᒧᑦ ᑎᑎᕋᖅᑕᐅᕙᓪᓕᐊᕙᒃᑐᑦ ᕿᒥᕐᕈᐊᖅᑕᐅᖃᑦᑕᖅᑐᑦ ᖃᐅᔨᓴᖅᑎᓪᓗᒋᑦ ᑖᓐᓇ ᑲᒻᐸᓂᒋᔭᐃᑦ ᒪᓕᒃᑲᓗᐊᕐᒪᖔᑦ, ᑕᐃᒪᓕ ᐱᒻᒪᕆᐊᓗᒃ ᑎᑎᕋᐅᓯᐅᕙᓪᓕᐊᔪᑦ ᐋᖅᑭᒃᓯᒪᑦᑎᐊᕐᐸᒡᓗᑎᒃ ᐊᑐᐃᓐᓇᐅᔪᓐᓇᕐᓗᑎᒡᓗ.

ᐃᖃᓗᐃᑦ, ᓄᓇᕗ (ᐊᐃᕐᕆᓕ 29, 2022) – ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ (WSCC) ᖁᕕᐊᓱᒃᑐᑦ ᐅᓇ ᐊᑦᑕᓇᔾᔭᐃᖅᓯᒪᓂᕐᒧᑦ ᐊᒻᒪᓗ ᐋᓐᓂᐊᖃᕐᓇᙱᑦᑐᓕᕆᓂᕐᒥᒃ ᐱᓇᓱᐊᕈᓯ 2022 ᐱᓕᕆᔾᔪᑎᐅᓂᐊᕐᑐᖅ ᐃᖅᑲᓇᐃᔭᖅᕕᒃᒥᑦ ᐊᑦᑕᓇᔾᔭᐃᖅᓯᒪᓂᕐᒥᒃ ᓄᑖᓄᑦ ᐊᒻᒪ ᐃᓅᓱᒃᑐᓄᑦ ᐃᖅᑲᓇᐃᔭᖅᑎᐅᓕᕐᑐᓄᑦ.

ᐊᑦᑕᓇᔾᔭᐃᖅᓯᒪᓂᕐᒧᑦ ᐊᒻᒪᓗ ᐋᓐᓂᐊᖃᕐᓇᙱᑦᑐᓕᕆᓂᕐᒥᑦ ᐱᓇᓱᐊᕈᓯᖅ ᖁᕕᐊᓲᑎᐅᕙᒃᑐᖅ ᒪᐃ 1-ᒥ 7-ᒧ ᓄᐊᑦ ᐊᒥᐊᓕᑲᒥ ᐅᔾᔨᕈᓱᓕᖅᑎᑦᑎᒃᑲᓐᓂᕈᑎ ᐋᓐᓂᖅᑕᐃᓕᒪᖃᑦᑕᕐᓂᕐᒥᒃ ᐊᒻᒪ ᐋᓐᓂᐊᖅᑖᖅᑕᐃᓕᓂᕐᓂᒃ ᐃᖅᑲᓇᐃᔭᖅᕕᒃᒥ ᐊᒻᒪ ᓄᓇᓕᖕᓂ.