ᐃᖃᓗᐃ, ᓄᓇᕗᑦ (ᒪᐃ 3, 2023) – ᐅᓇᐅᑎᓗᒍ ᒪᐃ 2, 2023, ᓄᓇᓕᐸᐅᔭᒃᑯᑦ ᐃᖃᓗᐃᑦ ᓄᓇᕗᒻᒥ ᐃᖅᑲᖅᑐᐃᕕᒻᒦᓚᐅᖅᑐᑦ ᐃᖃᓗᓐᓂ ᐊᒻᒪ ᐸᓯᔭᔅᓴᐅᓂᕋᖅᑐᑎ ᒪᓕᒐᕐᒥ ᓯᖁᒥᑦᑎᓂᕐᒧᑦ ᐊᑖᓂ ᐊᑦᑕᓇᐃᖅᓯᒪᓂᕐᒧᑦ ᐱᖁᔭᖅ.

ᓄᓇᓕᐸᐅᔭᒃᑯᑦ ᐸᓯᔭᔅᓴᐅᓂᕋᓚᐅᖅᑐᖅ ᐊᑕᐅᓯᕐᒧᑦ ᐃᒪᐃᑦᑐᒥᓂᐅᓪᓗᑎ “ᐊᑕᖐᓐᓇᑎ ᓈᒻᒪᑦᑐᓂᑦ ᓯᕗᐊᒍᑦ ᓴᐳᒻᒥᑦᑎᓯᒪᖏᑦᑐᑦ ᐊᒻᒪ ᐊᖏᖅᑐᑎ ᐊᒻᒪ ᐱᓕᕆᐊᖃᕐᓇᑎ ᓈᒻᒪᑦᑐᓂᑦ ᐊᑐᖅᑕᐅᕙᑦᑐᓂᑦ ᐊᒻᒪ ᐊᑐᖅᑕᐅᔭᕆᐊᓕᓐᓂᑦ, ᓇᓗᓇᐃᖅᓯᓗᑎ ᐋᓐᓂᐊᖅᑐᓕᕆᓂᕐᒧᑦ ᐊᒻᒪ ᐊᑦᑕᓇᐃᖅᓯᒪᓂᕐᒧᑦ ᐃᓄᓕᒫᓂᑦ ᐱᓕᕆᕕᖓᓐᓂᑦ”, ᒪᓕᑦᑐᒋᑦ ᐊᑦᑕᓇᐃᖅᓯᒪᓂᕐᒧᑦ ᐱᖁᔭᖅ. ᐊᑭᓕᒐᒃᓴᕐᑕᓚᐅᕐᑐᑦ ᐃᒪᓐᓇᑎᒋ $50,000 ᐊᑭᓕᕐᑕᐅᓗᑎᒃ ᐅᑯᐊ ᐃᖅᑲᓇᐃᔭᕐᑎᑦ ᓴᐳᔾᔭᐅᓯᒪᓂᖏᓐᓄᑦ ᑭᓇᐅᔭᖃᕐᕕᑦ, ᐃᓚᓗᒍ 5% ᐱᓂᕐᓗᒃᑕᐅᔪᒃ ᐊᑭᓕᕈᑎ ᐊᑭᓕᕆᐊᓕᒃ.

ᑭᕕᒃᓯᓂᖅ, ᐊᑦᑎᖕᓂᓴᒧᑦ ᐃᓕᓯᓂᐊᕐᓗᑎᑦ, ᐊᒻᒪᓗ ᐱᓕᕆᐊᕆᓪᓗᒋᑦ ᓂᐅᕋᐃᓗᑎᑦ ᐳᐃᒍᓲᕆᔭᕗᑦ ᓴᓇᓪᓗᓂ ᐊᑐᕆᐊᓕᑦ ᐅᑯᐊᓗ ᐋᓐᓂᕈᑕᐅᒐᔪᖕᓂᖅᐹᑦ ᓴᓇᕕᖕᒥ. ᖃᐅᑕᒫᑦ ᑕᐃᒪᓐᓇᐃᓕᐅᖅᐸᓐᖏᒃᑲᓗᐊᕈᕕᑦ, ᑭᕕᒃᓯᓚᐅᖅᓯᒪᔪᒃᓴᐅᕗᑎᑦ ᐅᖁᒪᐃᑦᑐᓂᒃ ᓴᓇᕕᖕᓂ. ᐅᔾᔨᕆᔭᒃᓴᕆᓂᓐᖏᑕᐃᑦ ᖃᓄᖅ ᐋᓐᓂᕈᑎᒋᓇᔭᕐᒪᖔᕐᓂᒃ ᐃᓕᖕᓄᑦ.

ᐅᓯᓕᖅᓱᐃᑦᑎᐊᓐᖏᓂᖅ ᐃᓱᒫᓘᑕᐅᔪᖅ ᓄᓇᑦᓯᐊᕐᒥ ᐊᒻᒪᓗ ᓄᓇᕗᒻᒥ. ᐊᓂᒍᖅᑐᓂ ᑕᓪᓕᒪᑦ ᐊᕐᕌᒍᓂ, ᐅᖓᑖᓂ 12% ᓄᖃᖓᕕᖃᓚᐅᖅᑐᑦ ᐋᓐᓂᕋᒥᒃ ᑕᐃᑲᓂ ᐅᓯᓕᖅᓱᐃᓪᓗᑎᒃ. ᐅᖓᑖᓂ 40% ᑖᒃᑯᐊ ᐋᓐᓂᕐᓂᐅᔪᑦ ᑐᓄᒥᒍᑦ ᕿᑎᕐᒥᒍᑦ. 

ᐱᓕᕆᐊᖃᖃᑦᑕᕐᒪᑕ ᐅᓯᓕᖅᓱᐃᓪᓗᑎᒃ ᐅᖓᑖᓄᑦ 20 ᑭᓚᒍᓛᒻᔅ ᐅᖁᒪᐃᓐᓂᓕᖕᓕᒃ (44.1 ᐸᐅᓐᔅ) ᐋᓐᓂᕈᑎᒃᓴᖃᕐᓂᖓ ᐊᖏᓂᖅᓴᐅᔪᖅ. ᐅᓇ ᑐᑭᖃᖅᑐᖅ ᐅᖁᒪᐃᑦᑐᓕᕆᓂᕐᒧᑦ ᑕᐃᒪᓐᓇᐃᑦᑐᑦ. ᑭᕕᒃᓯᖃᑦᑕᕐᓂᖅ ᐊᒻᒪᓗ ᐊᒻᒧᒃᑎᑦᑎᕙᓪᓕᐊᓂᖅ ᐅᕿᑦᑐᓂᒃ ᐅᓯᓕᖅᓱᐃᓂᖅ ᑕᐃᒪᓐᓇᐃᓕᐅᑯᑖᖅᖢᓂ ᐊᑯᓂ ᐃᑲᕐᕋᓄᑦ ᑕᖃᓇᖅᑐᐋᓗᒃ, ᑕᐃᒪᓗ ᐋᓐᓂᖅᑎᑦᑎᔪᓐᓇᖅᑐᖅ.

ᔭᓗᓇᐃᕝ, ᓄᓇᑦᓯᐊᖅ (ᒫᑦᓯ 28, 2023) – ᐅᓪᓗᖓᓂ ᒫᑦᓯ 24, 2023, Arctic Canada Construction Ltd. (ARCAN) ᓴᓇᑎᑦᑎᔨᑦ ᐅᐸᒍᑎᓯᒪᓚᐅᕐᑐᑦ ᓄᓇᑦᓯᐊᖅ ᐃᖃᕐᑐᐃᕕᖓᓂ ᔭᓗᓇᐃᕝᒥ ᐊᒻᒪᓗ ᐸᓯᔭᒃᓴᐅᓂᕋᓚᐅᕐᑐᑦ ᒪᓕᖏᓐᓂᕐᒧᑦ ᑕᕙᓂ ᐊᑦᑕᕐᓇᕐᑕᐃᓕᒪᓂᕐᒧᑦ ᐱᖁᔭᐃᑦ. 

ARCAN ᐸᓯᔭᒃᓴᐅᓂᕋᓚᐅᕐᑐᑦ ᐊᑕᐅᓯᕐᒧᑦ ᐸᓯᔭᐅᓪᓗᑎᒃ ᐃᒪᐃᓚᐅᕐᒪᑕ “ᐱᔭᕆᐊᖃᕐᑎᓪᓗᒍ ᐅᔾᔨᕐᓱᕐᓇᑎᒃ ᐊᒻᒪᓗ ᐊᑐᕐᑎᑦᑎᓇᑎᒃ ᐊᒻᒪᓗ ᐊᕿᒃᓯᒋᐊᕐᓇᑎᒃ ᐱᔭᕆᐊᓕᖕᓂᒃ ᐊᕿᒍᑎᒃᓴᓂᒃ ᐊᒻᒪᓗ ᒪᓕᒋᐊᓕᖕᓂᒃ, ᖃᓄᐃᖏᑦᑎᐊᖁᓪᓗᒋᑦ ᐊᒻᒪᓗ ᐊᑦᑕᕐᓇᕐᑐᒥᖁᓇᒋᑦ ᑕᒪᕐᒥᒃ ᐃᓄᑐᐃᓐᓇᐃᑦ ᓴᓇᕕᖓᓂ”, ᒪᓕᖏᓐᓂᕐᒧᑦ ᐊᑦᑕᕐᓇᕐᑕᐃᓕᒪᓂᕐᒧᑦ ᐱᖁᔭᐃᑦ. ᐊᑭᓕᒐᒃᓴᕐᑕᓚᐅᕐᑐᑦ ᐃᒪᓐᓇᑎᒋ $20,000 ᐊᑭᓕᕐᑕᐅᓗᑎᒃ ᐅᑯᐊ ᐃᖅᑲᓇᐃᔭᕐᑎᑦ ᓴᐳᔾᔭᐅᓯᒪᓂᖏᓐᓄᑦ ᑭᓇᐅᔭᖃᕐᕕᑦ, ᐃᓚᓗᒍ 15% ᐱᓂᕐᓗᒃᑕᐅᔪᒃ ᐊᑭᓕᕈᑎ ᐊᑭᓕᕆᐊᓕᒃ.

ᔨᐊᓗᓇᐃᑉ, ᓄᓇᑦᓯᐊᖅ (ᒫᑦᓯ 23, 2023) – ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ (WSCC) ᐅᓪᓗᒥ ᑐᓴᖅᑎᑦᑎᖃᐅᖕᒪᑦ ᐱᒋᐊᕐᓗᓂ ᒪᐃ 8, 2023−ᒥ, ᑎᐊᐱ ᒧᓪᓗᐃ ᓄᖅᑲᓕᕐᓂᕐᒥᓂᑦ ᐊᖓᔪᖄᖑᓂᕐᒥ ᐊᒻᒪᓗ ᐊᖓᔪᖅᑳᒃ ᐊᖓᔪᖃᐅᑎᑦ ᐃᖅᑲᓇᐃᔭᕐᕕᖓᓂ (CEO). ᐊᕐᓇᖅ ᐃᓚᐅᓂᐋᓕᕐᒪᑦ ᓄᑖᖑᔪᒥ ᐋᖅᑭᒃᑕᐅᕋᑖᓚᐅᖅᑐᒥᒃ ᓅᐸᓐᓛᓐ ᐊᒻᒪᓗ ᓛᐸᑐᐊ ᐊᕕᒃᑐᖅᓯᒪᓂᖓᓂ ᐋᓐᓂᐊᖃᓇᖏᑦᑐᓕᕆᓂᕐᒧᑦ ᐱᔪᓐᓇᕐᓂᓕᖕᒧᑦ ᑐᖓᓕᕆᔭᐅᓗᓂ−ᐊᖓᔪᖄᒧᑦ ᐃᖅᑲᓇᐃᔭᖅᑐᓕᕆᔨᒃᑯᓐᓂ. 

ᑎᒃᑯᐋᖅᑕᐅᓚᐅᖅᓯᒪᓪᓗᓂ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᐊᐅᓚᑦᑎᔩᑦ ᑲᑎᒪᔨᖏᓐᓄᑦ, ᑎᐊᐱ ᐃᖅᑲᓇᐃᔭᕐᓂᐋᓕᕐᓗᓂ ᐃᖅᑲᓇᐃᔮᖃᕐᓗᓂ ᐊᖓᔪᖄᖑᓂᕐᒥ ᐊᒻᒪᓗ ᐊᖓᔪᖅᑳᒃ ᐊᖓᔪᖃᐅᑎᑦ ᐃᖅᑲᓇᐃᔭᕐᕕᖓᓐᓂ (CEO) ᐋᒡᒌᓯ 12, 2019−ᒥ.