ᐃᖃᓗᐃ, ᓄᓇᕗᑦ (ᒪᐃ 3, 2023) – ᐅᓇᐅᑎᓗᒍ ᒪᐃ 2, 2023, ᓄᓇᓕᐸᐅᔭᒃᑯᑦ ᐃᖃᓗᐃᑦ ᓄᓇᕗᒻᒥ ᐃᖅᑲᖅᑐᐃᕕᒻᒦᓚᐅᖅᑐᑦ ᐃᖃᓗᓐᓂ ᐊᒻᒪ ᐸᓯᔭᔅᓴᐅᓂᕋᖅᑐᑎ ᒪᓕᒐᕐᒥ ᓯᖁᒥᑦᑎᓂᕐᒧᑦ ᐊᑖᓂ ᐊᑦᑕᓇᐃᖅᓯᒪᓂᕐᒧᑦ ᐱᖁᔭᖅ.
ᓄᓇᓕᐸᐅᔭᒃᑯᑦ ᐸᓯᔭᔅᓴᐅᓂᕋᓚᐅᖅᑐᖅ ᐊᑕᐅᓯᕐᒧᑦ ᐃᒪᐃᑦᑐᒥᓂᐅᓪᓗᑎ “ᐊᑕᖐᓐᓇᑎ ᓈᒻᒪᑦᑐᓂᑦ ᓯᕗᐊᒍᑦ ᓴᐳᒻᒥᑦᑎᓯᒪᖏᑦᑐᑦ ᐊᒻᒪ ᐊᖏᖅᑐᑎ ᐊᒻᒪ ᐱᓕᕆᐊᖃᕐᓇᑎ ᓈᒻᒪᑦᑐᓂᑦ ᐊᑐᖅᑕᐅᕙᑦᑐᓂᑦ ᐊᒻᒪ ᐊᑐᖅᑕᐅᔭᕆᐊᓕᓐᓂᑦ, ᓇᓗᓇᐃᖅᓯᓗᑎ ᐋᓐᓂᐊᖅᑐᓕᕆᓂᕐᒧᑦ ᐊᒻᒪ ᐊᑦᑕᓇᐃᖅᓯᒪᓂᕐᒧᑦ ᐃᓄᓕᒫᓂᑦ ᐱᓕᕆᕕᖓᓐᓂᑦ”, ᒪᓕᑦᑐᒋᑦ ᐊᑦᑕᓇᐃᖅᓯᒪᓂᕐᒧᑦ ᐱᖁᔭᖅ. ᐊᑭᓕᒐᒃᓴᕐᑕᓚᐅᕐᑐᑦ ᐃᒪᓐᓇᑎᒋ $50,000 ᐊᑭᓕᕐᑕᐅᓗᑎᒃ ᐅᑯᐊ ᐃᖅᑲᓇᐃᔭᕐᑎᑦ ᓴᐳᔾᔭᐅᓯᒪᓂᖏᓐᓄᑦ ᑭᓇᐅᔭᖃᕐᕕᑦ, ᐃᓚᓗᒍ 5% ᐱᓂᕐᓗᒃᑕᐅᔪᒃ ᐊᑭᓕᕈᑎ ᐊᑭᓕᕆᐊᓕᒃ.
ᐃᖅᑲᖅᑐᕋᔅᓴᖑᖅᑎᑦᑎᔾᔪᑏᑦ ᐅᐳᓐᖔᖅᓯᒪᔪᑦ ᓴᖅᑭᓚᐅᖅᑐᒥᑦ ᔪᓚᐃ 16, 2021, ᓄᓇᓕᐸᐅᔭᒃᑯᑦ ᓴᓇᕕᖓᓂ ᓄᓇᓯᐅᑎᖃᕐᕕᖓᓂ. ᐃᖅᑲᓇᐃᔭᖅᑎ ᓱᕋᒃᓯᒪᔪᓕᕆᑎᓪᓗᒍ ᐊᒻᒪ ᐋᖅᑭᒃᓱᐃᓪᓗᓂ ᐊᔭᐅᖃᑦᑖᕐᒥ ᐊᒃᓴᓗᐊᒥ ᐳᓪᓚᒃᓴᖅᑕᐅᔪᒥ ᖄᖅᑐᖃᖅᖢᓂ ᐊᒻᒪᓗ ᑮᓇᖓᒍᑦ ᐱᒃᓯᒡᕕᐅᓪᓗᓂ ᐊᒻᒪ ᑕᓕᖏᑦᑎᒍᑦ ᐋᓐᓂᕈᑎᒋᓪᓗᓂᒋᑦ.
ᔪᓚᐃᒥ 7, 2022, ᖃᐅᔨᓴᕐᓂᖃᓚᐅᖅᑎᓪᓗᒋᑦ, ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ (WSCC) ᑎᓴᒪᐅᔪᖅᑐᓂᑦ ᐃᖅᑲᖅᑐᕋᔅᓴᖑᖅᑎᑦᑎᔪᑎᖃᕆᐊᓐᖓᒪᐅᖅᑐᑦ ᓄᓇᓕᐸᐅᔭᒃᑯᓐᓂᑦ ᐃᖃᓗᐃᑦ, ᓯᖁᒥᑦᑎᓂᖏᓐᓄᑦ ᐊᑦᑕᓇᐃᖅᓯᒪᓂᕐᒧᑦ ᐱᖁᔭᖅ ᐊᒻᒪ ᐃᖅᑲᓇᐃᔭᓂᕐᒧᑦ ᐋᓐᓂᐊᖅᑐᓕᕆᓂᕐᒧᑦ ᐊᒻᒪ ᐊᑦᑕᓇᐃᖅᓯᒪᓂᕐᒧᑦ ᒪᓕᑦᑕᐅᔭᕆᐊᓖᑦ. ᒪᓕᑦᑐᒍ ᐸᓯᔭᔅᓴᐅᓂᕋᓂᑉᒧᑦ ᐊᖏᕈᑦ, ᑎᓴᒪᐅᔪᓐᖏᒐᖅᑐᑦ ᐃᖅᑲᖅᑐᕋᔅᓴᖑᖅᑎᑎᔾᔪᑏᑦ ᖁᔭᓈᖅᑕᐅᓚᐅᖅᑐᑦ.
ᓴᐃᕗᓚ ᒪᒃᓚᐅᑦ
ᐊᐅᓚᑦᑎᔨ, ᑐᓴᐅᒪᖃᑎᒋᒍᑎᓂᑦ
ᐅᖄᓚᐅᑦ: (867) 920-3854