ᔨᐊᓗᓇᐃᕝ, ᓄᓇᑦᓯᐊᖅ (ᒪᐃ 4, 2023) – ᑕᕐᕆᔭᓕᐊᕆᓯᒪᔭᖓ ᓲᕐ ᔮᓐ ᕗᕌᒃᑲᓐ ᐃᓕᓐᓂᐊᖅᑎ ᑲᐃ ᕗᐊᑕᓐ ᑲᔪᖏᖅᓴᐃᔪᖅ ᒪᒃᑯᑦᑐᑦ ᐃᓱᒪᒋᔭᖃᕐᓗᑎ ᐱᔪᓐᓇᐅᑎᖏᓐᓂ ᐃᖅᑲᓇᐃᔭᖅᑎᓄᑦ ᓵᓚᒃᓴᖅᓯᒪᔪᖅ ᓄᓇᑦᓯᐊᒥ 2023 ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ (WSCC) ᐱᔾᔪᑎᖃᓗᐊᖅᑎᓪᓗᒋᑦ ᐊᑦᑕᓇᐃᖅᓯᒪᓂᕐᒧᑦ ᒪᒃᑯᑦᑐᓂᑦ ᑕᕐᕆᔭᓕᐅᓂᕐᒧᑦ ᐊᑭᑦᑐᕋᐅᑎᔪᓂᑦ.
ᕗᐊᓪᑕᓐ ᑕᕐᕆᔭᓕᐊᖓ, “ᐸᕕᓇᖅᑐᑦ Z”, ᑕᑯᔅᓴᐅᑎᑦᑎᔪᑦ ᖃᓄᖅ ᐱᒻᒪᕆᐅᓂᖏᓐᓄᑦ ᐃᖅᑲᓇᐃᔭᖅᑎ ᖃᐅᔨᒪᓗᓂ ᑭᓱᓂᑦ ᐊᑦᑕᓇᖅᑐᓂᑦ ᐱᑕᖃᖅᑐᓂᑦ ᒫᓐᓇᐅᔪᒥᑦ ᐃᖅᑲᓇᐃᔭᕐᕕᒋᔭᖏᓐᓂ. “ᐸᕕᓇᖅᑐᑦ Z” ᓵᓚᒃᓴᖅᓯᒪᔪᖅ $1,000 ᐊᔾᔨᖓᓂ ᐱᔾᔪᓯᐊᖅᑎᑕᐅᓪᓗᓂ $1,000 ᓲᕐ ᔮᓐ ᕗᕌᒃᑲᓐ ᐃᓕᓐᓂᐊᕐᕕᐊᓗᒻᒧᑦ.
“ᖁᔭᓐᓇᒦᖅᑕᐃᓐᓇᕆᔪᒪᔭᒃᑯ ᑭᒃᑯᓕᒫᑦ ᐃᓚᒋᔭᐅᖃᑕᐅᓚᐅᖅᑐᑦ ᑕᒪᑐᒪᓂ ᐊᕐᕌᒍᒥ ᒪᒃᑯᑦᑐᑦ ᑕᕐᕆᔭᓕᐅᓂᕐᒧᑦ ᐊᑭᑦᑐᕋᐅᑎᔪᓂᑦ. ᑖᓐᓇ ᐊᑭᑦᑐᕋᐅᑎᓂᐅᔪᖅ ᐃᒪᒋᔭᐅᓯᒪᔪᖅ ᒪᒃᑯᑦᑐᑦ ᓄᓇᕗᒻᒥ ᐊᒻᒪ ᓄᓇᑦᓯᐊᒥ ᓯᐊᒻᒪᖅᑎᕆᑐᐃᓐᓇᖏᓪᓗᑎ ᐱᒻᒪᕆᐅᔪᓂᑦ ᑐᓴᕋᔅᓴᓂᑦ ᐊᑦᑕᓇᐃᖅᓯᒪᐃᓐᓇᓂᕐᒧᑦ ᐃᖅᑲᓇᐃᔭᕐᕕᒻᒥ, ᑭᓯᐊᓂ ᑐᓐᕕᒋᔭᐅᒧᓐᓇᖅᑐᑦ ᐃᓅᓯᓕᒫᒧᑦ ᑐᑭᓯᐅᒪᓂᖏᓐᓄᑦ ᐱᔪᓐᓇᐅᑎᖏᓐᓂ ᐃᖅᑲᓇᐃᔭᖅᑎᐅᓪᓗᑎ,” ᐅᖃᖅᑐᖅ ᑎᐊᐱ ᒪᓗᐃ, ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᐊᖓᔪᖅᑳᖅ ᐊᒻᒪ ᑎᑎᕋᕐᕕᖕᒥ ᐊᖓᔪᖅᑳᖅ.
ᑖᓐᓇ ᐊᕐᕌᒍᑕᒫᑦ ᐊᑭᑦᑐᕋᐅᑎᓂᐅᔪᖅ ᑮᓇᐅᔭᖃᖅᑎᑕᐅᔪᖅ ᑲᓇᑕᒥ ᐱᓕᕆᙱᕕᖓ ᐃᖅᑲᓇᐃᔭᓂᕐᒧᑦ ᐋᓐᓂᐊᖅᑐᓕᕆᓂᕐᒧᑦ ᐊᒻᒪ ᐊᑦᑕᓇᐃᖅᓯᒪᓂᕐᒧᑦ (CCOHS).
-30-
ᓴᐃᕗᓚ ᒪᒃᓚᐅᑦ
ᑐᓴᐅᒪᖃᑦᑕᐅᑎᓕᕆᓂᕐᒧᑦ ᐊᐅᓚᑦᑎᔨ
ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ
ᓄᓇᑦᓯᐊᕐᒥ ᐊᒻᒪᓗ ᓄᓇᕗᒻᒥ ᐅᖄᓚᐅᑦ: (867) 920-3854