ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ 1,000-ᖏᓐᓂ ᖃᐅᔨᓴᖃᑦᑕᖅᑐᑦ ᐊᕐᕌᒍᑕᒫᓐ ᐅᑭᐅᕐᑕᖅᑐᕐᒥ ᐃᖅᑲᓇᐃᔭᖅᑏᑦ ᐊᑦᑕᓇᙱᑦᑐᒥ ᐃᖅᑲᓇᐃᔭᖅᕕᖃᕋᓗᐊᕆᐊᒃᓴᖏᓐᓂᒃ. ᖃᐅᔨᓴᖅᑎᓪᓗᒋᑦ, ᐊᔪᕈᓐᓃᖅᓴᖅᓯᒪᔪᒥᒃ ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᖅᑕᐃᓕᒪᓂᖅᒥᒃ ᐊᒻᒪ ᐊᑦᑕᓇᔾᔭᐃᖅᓯᒪᓂᖅᒧᑦ ᖃᐅᔨᓴᖅᑎ ᐃᖅᑲᓇᐃᔭᖅᕕᒋᔭᕐᓂᒃ ᐅᐸᒐᔭᖅᑐᑦ ᐊᒻᒪ ᖃᐅᔨᓴᕐᓗᓂ ᐃᖅᑲᓇᐃᔭᖅᑐᑦ ᖃᓄᐃᓕᐅᕈᓯᕆᕙᒃᑕᖏᓐᓂᒃ. ᖃᐅᔨᓴᕈᑎᐅᔪᑦ ᑐᑭᒧᐊᖅᑎᑦᑎᔾᔪᑎᐅᓕᑐᐃᓐᓇᕆᐊᖃᖅᑐᑦ ᐅᕝᕙᓘᓐᓃᑦ ᖃᓄᖅ ᐋᖅᑭᒃᓯᒋᐊᒃᑲᓐᓂᖁᔨᓗᑎᒃ ᐃᖅᑲᓇᐃᔭᖅᑎᑦᑎᔨᒧᑦ ᐱᓕᕆᐊᖑᔭᕆᐊᖃᖅᑐᒥᒃ ᐊᒻᒪᓗ ᐱᐊᓂᒃᓯᒪᔭᕆᐊᖃᕐᓗᑎᒃ ᐅᓪᓗᕐᒥ ᓇᓗᓇᐃᖅᑕᐅᔪᒥ ᐃᖅᑲᓇᐃᔭᖅᑎᐅᔪᑦ ᖃᓄᐃᖁᓇᒋᑦ ᐃᖅᑲᓇᐃᔭᖅᕕᖕᒥᑦ. ᖃᐅᔨᓴᕐᓂᐅᔪᑦᑕᐅᖅ ᓴᖅᑭᑎᑦᑎᔾᔪᑎᐅᕙᖕᒥᔪᑦ ᐋᖅᑭᒃᓯᒪᑦᑎᐊᕈᑎᓂᒃ ᐊᒻᒪᓗ ᐃᖅᑲᓇᐃᔭᖅᑎᑦᑎᔨᓄᑦ ᓇᓗᓇᐃᕐᓯᓯᒪᕙᒡᓗᑎᒃ.
ᑕᒪᕐᒥ ᐃᖅᑲᓇᐃᔭᖅᑎᐅᔪᑦ ᒪᓕᒐᖅᑎᒍᑦ ᐊᑦᑕᓇᙱᑦᑐᒥᒃ ᐃᖅᑲᓇᐃᔭᖅᕕᖃᕆᐊᖃᖅᑐᑦ ᐅᑯᓂᖓ ᐋᖅᑭᒃᑕᐅᓯᒪᔪᓂᒃ ᒪᓕᒃᓯᒪᓗᑎᒃ ᐅᕙᙶᖅᑐᓂᒃ ᐊᑦᑕᓇᔾᔭᐃᖅᓯᒪᓂᖅᒧᑦ ᒪᓕᒐᕐᓂᑦ ᐊᒻᒪᓗ ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᖅᑕᐃᓕᒪᓂᕐᒥᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᖅᒧᑦ ᐱᖁᔭᓂᒃ. ᐅᑯᐊ ᒪᓕᒐᐃᑦ ᑐᙵᕕᒋᑎᑕᐅᔪᑦ ᓴᐳᔾᔨᓯᒪᓂᕐᒧᑦ ᐋᓐᓂᐊᖃᖅᑕᐃᓕᑎᑦᑎᓂᕐᒥᒃ ᐊᒻᒪ ᐊᑦᑕᓇᖅᑐᒦᑎᑦᑕᐃᓕᓂᕐᒥᒃ ᐃᖅᑲᓇᐃᔭᖅᑎᓂᒃ ᐊᒻᒪ ᐃᖅᑲᓇᐃᔭᖅᑎᑦᑎᔨᓂᒃ ᓄᓇᕗᒥᑦ ᐊᒻᒪ ᓄᓇᑦᓯᐊᕐᒥ. ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᒐᕙᒪᒃᑯᓐᓄᑦ ᐱᓕᕆᔨᐅᔪᑦ ᑲᒪᒋᔭᖃᖅᖢᑎᒃ ᐃᖅᑲᓇᐃᔭᖅᑎᓂᒃ ᖃᐅᔨᒪᑎᑦᑎᓗᑎᒃ ᒪᓕᒐᖅᑎᒍᑦ ᑲᒪᒋᔭᕆᐊᖃᖅᑕᖏᓐᓂᒃ.
ᑖᓐᓇ Safe Workplace ᐱᓕᕆᐊᖑᔪᒪᔪᖅ ᑐᕌᒐᖃᖅᑐᑦ ᓯᕗᒻᒧᐊᒃᑎᑦᑎᓇᓱᐊᕐᖢᓂ ᐊᑦᑕᕐᓇᔾᔭᐃᖅᓯᒪᓂᕐᒥᒃ ᐃᓕᖅᑯᓯᕐᒥᒃ ᐅᑭᐅᖅᑕᖅᑐᒥᑦ ᐊᑐᐃᓐᓇᕈᐃᓗᑎᒃ ᐊᑭᓕᐅᑎᓂᒃ ᓇᖕᒥᓂᖃᖅᑐᐅᔪᓄᑦ ᐊᒻᒪᓗ ᑎᒥᐅᔪᓄᑦ ᓴᙱᒃᑎᒋᐊᖁᓪᓗᒋᑦ ᐋᓐᓂᐊᖃᖅᑕᐃᓕᒪᓂᕐᒧᑦ ᐊᒻᒪᓗ ᐊᑦᑕᕐᓇᖅᑕᐃᓕᒪᓂᕐᒧᑦ ᐱᓕᕆᐊᖑᔪᒪᔪᓄᑦ ᑐᓴᖃᑎᒌᒡᓗᑎᒃ ᐱᐅᔪᓂᒃ ᐊᑐᖅᑕᐅᔪᓐᓇᖅᑐᓂᒃ ᐋᓐᓂᖅᑕᐃᓕᒪᓂᕐᒧᑦ ᐊᒻᒪᓗ ᐱᕐᕈᓗᐊᕿᑦᑕᐃᓕᒪᓂᕐᒧᑦ.
ᑖᓐᓇ ᐱᔾᔪᑖ ᑖᔅᓱᒪ ᐅᖃᖃᑎᒌᖕᓂᕐᒧᑦ ᑎᑎᖅᑲᐅᑉ ᐃᒪᐃᖁᓪᓗᒋᑦ: ᐊᑐᐃᓐᓇᕈᐃᓗᑎᒃ ᓇᐃᓈᖅᓯᒪᔪᒥᒃ ᕿᒥᕐᕈᓂᕐᒥᒃ ᐃᖅᑲᓇᐃᔭᕐᕕᖕᒥᑦ ᐊᑦᑕᕐᓇᖅᑕᐃᓕᒪᓂᕐᒧᑦ ᐱᓕᕆᐊᒃᓴᓂᑦ ᐊᑦᑕᕐᓇᖅᑕᐃᓕᒪᓂᕐᒧᓪᓗ ᐃᓕᖅᑯᓯᕐᒥᑦ; ᖃᐅᔨᔭᐅᑎᓪᓗᒍ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑎᒃᑯᑦ (WSCC) Safe Workplace ᐱᓕᕆᐊᒃᓴᐅᔪᖅ; ᐊᒻᒪᓗ, ᑭᐅᔭᐅᔪᒪᕙᒡᓗᑎᑦ ᑭᓱᓄᑦ ᐱᔪᒃᓯᑎᑦᑎᕙᖕᒪᖓᑕ ᐃᖅᑲᓇᐃᔭᖅᑎᓂᒃ ᐱᐅᓯᒋᐊᖅᑎᑦᑎᔪᒪᓪᓗᑎᒃ ᐊᑦᑕᕐᓇᖅᑕᐃᓕᒪᓂᕐᒧᑦ ᐱᓕᕆᐊᖑᕙᒃᑐᓂᒃ ᐱᐅᓯᒋᐊᖅᑎᑦᑎᔪᒪᓪᓗᑎᒡᓗ ᐃᖅᑲᓇᐃᔭᕐᕕᒋᔭᒥᓂᒃ ᐊᑦᑕᕐᓇᖅᑕᐃᓕᒪᓂᕐᒧᑦ ᐃᓕᖅᑯᓯᕆᕙᒃᑕᒥᓂᒃ. ᐅᖃᐅᓯᐅᔪᑦ ᑲᑎᑕᐅᔪᑦ ᐃᖅᑲᓇᐃᔭᕐᕕᒋᔭᐅᔪᓂᑦ ᐃᑲᔪᕐᓂᐊᖅᐳᑦ ᑐᓴᖅᑎᑦᑎᓂᕐᒥᒃ ᓯᕗᓂᒃᓴᒥᑦ ᐱᕙᓪᓕᐊᓂᕆᔭᐅᔪᒥᒃ ᑖᔅᓱᒧᖓ Safe Workplace ᐱᓕᕆᐊᒃᓴᐅᔪᖅ.