ᔭᓗᓇᐃ, ᓄᓇᑦᓯᐊᖅ (ᓄᕕᐱᕆ 28, 2022) – ᐅᑯᐊ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᓄᓇᑦᓯᐊᕐᒥ ᐊᒻᒪᓗ ᓄᓇᕗᒻᒥ (WSCC) ᑐᓴᕐᑎᑦᑎᔪᑦ ᑕᒪᓐᓇ ᑕᐃᒪᓐᓇᐅᒐᔪᒃᑐᖅ ᐃᖅᑲᓇᐃᔭᖅᑎᑦᑎᔪᑦ ᖃᐅᔨᓴᖅᑕᐅᓪᓗᑎᒃ ᐊᑭᖏᑦ ᐊᒥᐊᒃᑯᐊ $2.40 ᐊᑐᓂ $100 ᖃᐅᔨᓴᖅᑕᐅᑎᓪᓗᒋᑦ ᑮᓇᐅᔭᖅᑖᖏᓐᓄᑦ, ᐊᓯᕈᖅᓯᒪᓐᖏᑦᑐᖅ ᑕᐃᒪᖓᓂᑦ 2020.
ᑖᓐᓇ ᑐᙵᕕᐅᔪᖅ ᐊᑭ ᑖᒃᑯᐊ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑎᓄᑦ (WSCC) ᐊᑐᖅᑕᐅᕙᒃᑐᖅ ᐱᒋᐊᕈᑕᐅᓪᓗᓂ ᐋᖅᑭᓯᓇᓱᐊᖅᑎᓪᓗᒋᑦ ᐊᑐᓂ ᐊᓪᓕᐅᓂᖅᓴᓄᑦ ᐃᓛᒃᑰᖅᑐᓄᑦ ᐊᑭᓄᑦ.
ᐊᕕᒃᑐᖅᓯᒪᒃᑲᓐᓂᖅᑐᑦ ᐃᖅᑲᓇᐃᔭᖅᑎᑦᑎᓲᓄᑦ ᐅᑯᐊᓗ ᐊᔾᔨᖏᓐᓂᒃ ᐊᐅᓚᑦᑎᔾᔪᓯᖃᖅᑐᑦ ᐊᒻᒪᓗ ᐊᔾᔨᒌᒥᒃ ᐊᑦᑕᕐᓇᖅᑐᖃᕐᕕᓕᑦ. ᐊᑐᓂ ᐃᖅᑲᓇᐃᔭᖅᑎᑦᑎᔨ ᐊᑭᓖᖃᑦᑕᖅᑐᖅ ᑖᒃᑯᓄᖓᓪᓚᕆᒃ ᑐᙵᕕᐅᔪᓄᑦ ᐊᑭᓄᑦ ᒪᓕᒃᖢᑎᒃ ᐊᕕᒃᑐᖅᓯᒪᔪᓄᑦ ᐊᑭᐅᔪᑦ ᓴᓇᕝᕕᒋᔭᖏᓐᓄᑦ ᐊᒻᒪᓗ ᐊᖏᓂᖓᓄᑦ ᑮᓇᐅᔭᖅᑖᖑᖃᑦᑕᖅᑐᑦ.
10 ᑖᒃᑯᓇᓂ 16-ᓂᑦ ᐊᓪᓕᐅᓂᖅᓴᑦ−ᐃᓛᒃᑰᖅᑐᑦ ᐃᖅᓇᐃᔭᖅᑎᑦᑎᔩᑦ ᑕᐃᑲᓂ ᓄᓇᑦᓯᐊᒥᑦ ᐊᒻᒪᓗ ᓄᓇᕘᒥᑦ ᓴᖅᑭᔮᖅᑎᑦᑎᓯᒪᔪᑦ ᐱᐅᓯᒋᐊᕐᓂᕐᒥᒃ ᑕᑕᑎᖃᑦᑕᖅᑕᖏᓐᓄᑦ ᐊᑭᓄᑦ, ᐃᒪᐃᒃᑲᓗᐊᖅᑎᓪᓗᒍ 6-ᖑᔪᑦ ᐊᓪᓕᐅᓂᖅᓴᑦ−ᐃᓛᒃᑰᖅᑐᑦ ᓴᖅᑮᓯᒪᔪᑦ ᐊᑭᑦᑐᕆᐊᖅᓯᓪᓗᑎᒃ ᑕᑕᑎᖃᑦᑕᖅᑕᖏᓐᓄᑦ ᐃᑭᓄᑦ. ᑕᐃᒪᓐᓇᐅᓂᖓᓄᑦ, ᐅᑯᐊ 10 ᐊᕕᒃᑐᖅᓯᒪᒃᑲᓐᓂᖅᑐᑦ ᑕᑯᓂᐊᖅᑐᑦ ᐊᑭᖏᑦ ᐊᑦᑎᒃᓯᒋᐊᖅᑐᑦ ᐊᒻᒪᓗ 5 ᑕᑯᓂᐊᖅᑐᓯ ᐊᑭᑦᑐᕆᐊᖃᖅᑐᓂᒃ 2023-ᒥ.
ᐆᒃᑑᑎᑦ ᑲᒻᐸᓂᑦ ᐊᑭᖏᑦ ᐊᑭᑦᑐᕆᐊᖃᖅᑐᑦ ᐊᕐᕌᒍᒧᑦ ᐅᑯᐊ ᐅᔭᕋᖕᓂᐊᕐᕕᑦ ᐱᔨᑦᑎᕋᖅᑎᖏᑦ, ᐃᒡᓗᓕᐅᖅᑎᑦ, ᐊᒻᒪᓗ ᓄᓇᑦᓯᐊᖅ ᒐᕙᒪᒃᑯᑦ ᐊᒻᒪᓗ ᓄᓇᕗᑦ ᒐᕙᒪᒃᑯᑦ ᐊᒻᒪᓗ ᐃᓄᐃᑦ ᐃᒡᓗᖏᓐᓄᑦ ᐊᑕᑎᑦᑎᕕᐅᔪᑦ.
ᐆᒃᑑᑎᒋᓪᓗᒍ ᐊᕕᒃᑐᖅᓯᒪᒃᑲᓐᓂᖅᑐᑦ ᐊᑦᑎᒃᓯᒋᐊᕋᔭᖅᑐᑦ ᐊᑭᖏᑦ ᐅᑯᐊ ᓯᓚᒥ ᐱᙳᐊᖅᑐᓕᕆᓂᖅ ᐊᒻᒪ ᐳᓚᕋᖅᑐᓕᕆᓂᖅ, ᐊᒻᒪᓗ ᑐᔪᕐᕕᒥᑦ, ᓂᕿᓕᐅᕈᔾᔨᔨᑦ, ᓂᕿᑦ ᐊᒻᒪ ᐃᒥᖅᑕᐅᓂᐊᖅᑐᓂᒃ ᐱᔨᑦᑎᕋᖅᑎᑦ.
ᐊᑐᖅᑐᓂ ᐊᒡᒋᖅᑐᓂ ᑎᓴᒪᑦ ᐊᕐᕌᒍᑦ, ᐊᕕᒃᑐᖅᓯᒪᒃᑲᓐᓂᖅᑐᑦ 10 (ᓯᓚᒥ ᐱᙳᐊᖅᑐᓕᕆᓂᖅ ᐊᒻᒪ ᐳᓚᕋᖅᑐᓕᕆᓂᖅ) ᑲᑎᖓᓂᐊᖅᖢᓂ ᐃᓗᐊᓄ ᐊᕕᒃᑐᖅᓯᒪᒃᑲᓐᓂᖅᑐᑦ 76 (ᑐᔪᕐᒥᕕᑦ, ᓂᕿᓕᐅᕈᔾᔨᔨᑦ, ᓂᕿᑦ ᐊᒻᒪ ᐃᒥᖅᑕᐅᓂᐊᖅᑐᓂᒃ ᐱᔨᑦᑎᕋᖅᑎᑦ), ᖃᐅᔨᓇᖅᓯᓂᐊᕐᓗᓂ ᐊᕐᕌᒍᒥ ᐊᕕᒃᑐᖅᓯᒪᒃᑲᓐᓂᖅᑐᑦ ᖃᐅᔨᓴᖅᑕᐅᓂᖏᑦᑕ ᐊᑭᖏ, ᑕᐃᒪᓗ ᒥᑭᓗᐊᓕᖅᐸᑦ ᐃᓱᒪᒋᔭᕆᐊᒃᓴᖓ ᑖᓐᓇᑑᑎᓪᓗᒍ. ᐊᕕᒃᑐᖅᓯᒪᒃᑲᓐᓂᖅᑐᑦ ᐊᖏᔭᕆᐊᓕᒃ ᐊᑦᑎᒃᓯᓯᒪᓂᐊᕐᓗᓂ ᐊᑭᒋᓇᔭᖅᑕᖓ ᓂᕆᐅᓇᓐᖏᑑᓂᖓᓄᑦ ᐅᓄᓐᖏᓗᐊᖅᑎᓪᓗᒋᑦ ᐋᓐᓂᖅᑐᕕᓃᑦ.
“ᖃᐅᔨᓴᖅᓯᒪᔪᑦ ᐊᑭᖏᒃ ᐊᑑᑎᖃᖅᑐᑦ ᐃᓚᒋᓪᓗᒍ ᑕᒪᐃᓐᓄᑦ ᐊᑭᓕᒃᓴᓕᐅᕈᓐᓇᖅᑐᓄᑦ, ᑖᒃᑯᐊᓗ ᐃᖅᑲᓇᐃᔭᖅᑎᑦᑎᔪᑦ
ᑐᓴᕐᑎᑦᑎᓗᑎᒃ ᐱᔭᒃᓴᒥᖕᓂᒃ ᒫᓐᓇᐅᔪᖅ ᐊᒻᒪᓗ ᓯᕗᓂᒃᓴᑦᑎᓐᓂ ᐊᑭᓕᐅᑎᒋᓇᔭᖅᑕᒥᖕᓂᒃ ᓴᓇᕕᖕᒥ ᐋᓐᓂᖅᑐᖃᖅᑎᓪᓗᒍ,” ᐅᖃᓚᐅᖅᑐᖅ ᑎᐱ ᒧᓗᐃ, ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᐊᖓᔪᖅᑳᖓ ᐊᒻᒪᓗ
ᑐᑭᒧᐊᒃᑎᖓᑦ. “ᐊᑦᑕᕐᓇᖅᑐᖃᓐᖏᓪᓗᓂ ᐃᒡᕕᑦ ᑲᒻᐸᓃᑦ, ᑕᐃᒪᓗ ᑕᐃᒪᓐᓇᐃᓕᖓᑎᑦᑎᔪᓐᓇᖅᓂᖅᓴᐅᕗᑎᑦ ᐃᒡᕕᑦ ᐊᕕᒃᑐᖅᓯᒪᑲᓐᓂᖅᑐᖁᑎᖏᓐᓂᑦ. ᑲᔪᖏᖅᓴᐃᕗᒍᑦ ᑕᒪᐃᓐᓂᒃ ᐃᖅᑲᓇᐃᔭᖅᑎᑦᑎᕙᒃᑐᓂᒃ ᐊᑑᑎᖃᑦᑎᐊᖅᑐᓂᒃ
ᐊᑦᑕᕐᓇᖅᑕᐃᓕᑎᑦᑎᓂᕐᒧᑦ ᐱᓕᕆᑎᑦᑎᔾᔪᑎᖃᕐᓗᑎᒃ ᐋᕿᒃᓯᓯᒪᓗᑎᒃ ᑕᐃᒪᓗ ᓴᓇᔪᑦ ᐋᓐᓂᐊᖃᑦᑕᕐᓂᐊᓐᖏᒻᒪᑕ ᐊᒻᒪᓗ ᖃᓄᐃᓕᔪᖃᖃᑦᑕᕐᓂᐊᓐᖏᒻᒪᑦ.”
ᐅᑯᐊ ᐊᑭᖏᑦ ᐊᑑᑎᖃᓕᕐᓂᐊᖅᑐᑦ ᔮᓄᐊᕆ 1, 2023.
- 30 -
Sarah McLeod (ᓴᐃᕗᓚ ᒪᒃᓚᐅᑦ)
ᑐᓴᐅᒪᖃᑦᑕᐅᑎᓕᕆᓂᕐᒧᑦ ᐊᐅᓚᑦᑎᔨ
ᐅᖄᓚᐅᑦ: (867) 920-3854