ᐋᒃᑳᖅᓯᒪᓂᖅ ᐊᑦᑕᕐᓇᖅᑐᓂᒃ ᐱᓕᕆᐊᒃᓴᓂᒃ

ᑕᒪᒃᑭᑦ ᓴᓇᔨᐅᔪᑦ ᐱᔪᓐᓇᕐᓂᖃᖅᐳᑦ ᐋᒃᑳᕈᓐᓇᓂᕐᒧᑦ ᐱᓕᕆᓂᕐᒥ ᐅᒃᐱᕈᓱᒃᑯᑎᒃ ᐅᓗᕆᐊᓇᕈᓐᓇᕐᓂᖓᓂ ᐃᒻᒥᖕᓄᑦ ᐅᕝᕙᓘᓐᓃᑦ ᐊᓯᖏᓐᓄᑦ. ᓴᓇᔨᐅᔪᑦ ᐃᓂᖅᑎᖅᑕᐅᔭᕆᐊᖃᙱᓚᑦ ᐅᕝᕙᓘᓐᓃᑦ ᐊᑭᓖᑎᑕᐅᓗᑎᒃ ᐊᑐᕐᓂᕐᒥ ᒪᓕᒐᑎᒍᑦ ᓴᐳᔾᔭᐅᓯᒪᔪᒥ ᐱᔪᓐᓇᕐᓂᕆᔭᖏᓐᓂ. ᐃᖅᑲᓇᐃᔭᖅᑎᖁᑎᖃᖅᑎᐅᓗᓂ, ᒪᓕᒐᑎᒍᑦ ᑲᒪᒋᔭᖃᖅᐳᑎᑦ ᐱᓂᕐᒥ ᐃᓱᒫᓘᑕᐅᔪᒥ ᐱᓪᓚᕆᐅᑎᓪᓗᒍ ᐊᒻᒪ ᐃᕐᙲᓐᓇᑲᐅᑎᒋ ᑭᐅᓗᑎᑦ. 

ᓴᓇᔨᐅᔪᒥ ᐃᒃᐱᒍᓱᒃᑯᓂ ᐊᑦᑕᓇᙱᑦᑐᒥ ᐱᔭᕇᖅᓯᔪᓐᓇᙱᓐᓂᖏᓐᓂ ᐱᓕᕆᐊᒃᓴᐅᔪᒥ, ᐅᕝᕙᓘᓐᓃᑦ ᓇᓗᒍᑎᒃ ᖃᓄᖅ ᐊᑦᑕᓇᙱᑦᑐᒥ ᐱᔭᕇᖅᓯᔪᓐᓇᕐᓂᕐᒧᑦ ᐱᓕᕆᐊᒃᓴᒥ, ᐱᓪᓚᕆᐅᕗᖅ ᐱᓇᓱᐊᙱᓐᓂᖏᓐᓂ ᐱᓕᕆᐊᒃᓴᐅᔪᒥ ᑭᓯᐊᓂ ᐊᑦᑕᓇᖅᑐᒦᑦᑐᓐᓃᖅᑯᔨᒍᑎᒃ ᐱᓕᕆᓂᕐᒧᑦ. 

ᐅᑯᐊ ᖃᓄᐃᓐᓂᐅᔪᑦ ᐋᖅᑭᒃᑕᐅᒐᔪᒃᐳᑦ ᑲᑐᔾᔨᖃᑎᒌᒃᖢᑎᒃ ᐃᑲᔪᖅᓱᐃᓪᓗᑎᒃ ᓴᓇᔨᐅᔪᒥ, ᑐᓂᓯᓪᓗᓂ ᐱᓕᒻᒪᒃᓴᐃᓂᕐᒥ, ᐅᕝᕙᓘᓐᓃᑦ ᐱᓕᕆᓗᓂ ᐊᔪᕐᓇᙱᑦᑐᓂ ᐋᖅᑭᒍᑎᒃᓴᓂ ᖃᓄᐃᓕᐅᕈᑕᐅᔪᓂ. ᑭᓯᐊᓂ, ᑭᖑᓂᐊᒍᑦ ᐊᕐᓱᕈᕐᓂᐅᔪᓂ ᐋᖅᑭᒃᓯᓇᓱᐊᕐᓂᕐᒧᑦ ᖃᓄᐃᓐᓂᐅᔪᒥ, ᓴᓇᔨᐅᔪᖅ ᓱᓕ ᐊᑦᑕᓇᕐᓂᖓᓂ ᐱᔭᕇᖅᓯᓂᕐᒥ ᐱᓕᕆᐊᒃᓴᐅᔪᒥ, ᓴᓇᔨᐅᔪᖅ ᒪᓕᒋᐊᖃᖅᐳᖅ ᐱᓕᕆᓂᐅᔪᓂ ᐱᓪᓚᕆᐅᔪᒥ ᐱᓕᕆᐊᒃᓴᓂ ᐋᒃᑳᕈᓐᓇᓂᕐᒧᑦ ᐱᓕᕆᓂᐅᔪᒥ. ᐅᓇ ᐃᓚᖃᖅᐳᖅ:

  • ᑐᓂᓯᓂᕐᒥ ᐃᓱᒫᓘᑎᖏᓐᓂ ᐊᖓᔪᖅᑳᖓᓄᑦ, ᐊᑦᑕᓇᔾᔭᐃᖅᓯᓯᒪᓂᕐᒧᑦ ᑭᒡᒐᖅᑐᐃᔨᒧᑦ, ᐅᕝᕙᓘᓐᓃᑦ ᑲᑎᙵᔪᓂ ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᖅᑕᐃᓕᒪᓂᕐᒥᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ ᑲᑎᒪᔨᕋᓛᓂᑦ (JOHSC).
  • ᐱᓕᕆᖃᑎᒌᖕᓂᕐᒥ ᐊᐅᓚᑦᑎᓂᕐᒥ ᐅᓗᕆᐊᓇᖅᑐᒥ ᓴᓇᔨᐅᔪᖅ ᓇᓗᓇᐃᖅᑕᖓᓂ ᐊᑦᑕᓇᕐᓂᖓᓂ.
  • ᑎᑎᕋᐃᓂᕐᒥ ᐱᓕᕆᓂᐅᔪᓂ ᐱᓕᕆᐊᖑᓚᐅᖅᑐᓂ ᐊᐅᓚᑦᑎᓂᕐᒧᑦ ᐅᓗᕆᐊᓇᖅᑐᒥ.

ᐱᔭᕇᖅᓯᓚᐅᖅᑎᓪᓗᑎᑦ ᐃᖅᑲᓇᐃᔭᕐᕕᕕᑦ ᐱᓪᓚᕆᐅᔪᒥ ᐱᓕᕆᐊᒃᓴᒥ ᐊᖏᙱᓐᓂᕐᒥ ᐱᓕᕆᓂᐅᔪᒥ ᓴᓇᔨᐅᔪᖅ ᓱᓕ ᐅᒃᐱᕈᓱᒃᑯᓂ ᐊᑦᑕᓇᖅᑐᒥ ᐃᓱᒫᓘᑎᖃᕐᓂᖓᓂ, ᐅᓂᒃᑳᕆᔪᓐᓇᖅᐳᑦ ᐊᑦᑕᓇᖅᑐᒥ ᖃᓄᐃᓐᓂᐅᔪᒥ ᐅᕘᓇ WSCC ᐅᓂᒃᑳᕆᓂᖅ ᐊᑦᑕᓇᖅᑐᒥ ᐱᓕᕆᓂᐅᔪᒥ ᒪᒃᐱᒐᖓᓐᓂ ᐅᕘᓇ WSCC Connect. 
 

ᑭᓲᕙᑦ ᐊᑦᑕᓇᖅᑐᓂ ᐱᓕᕆᓂᐅᔪᒥ?

ᐊᑦᑕᓇᖅᑐᒥ ᐱᓕᕆᓂᐅᔪᖅ, ᑐᑭᓕᐊᖑᓂᖓᓂ ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᖅᑕᐃᓕᒪᓂᕐᒥᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ ᒪᓕᒃᑕᐅᔭᕆᐊᓖᑦ ᐊᒻᒪ ᐊᑦᑕᓇᔾᔭᐃᖅᓯᒪᓂᕐᒧᑦ ᒪᓕᒐᕐᓂᑦ, ᖃᓄᐃᓐᓂᐅᕗᖅ ᓴᖅᑭᔮᖅᑎᑦᑎᔪᒥ ᓴᓇᔨᐅᔪᒥ “ᓱᖏᐅᓐᓇᙱᑦᑐᒥ ᐅᓗᕆᐊᓇᕐᓂᐅᔪᒧᑦ”. ᐅᓇ ᑐᑭᖃᒐᔪᒃᐳᖅ ᐊᑦᑕᓇᖅᑐᒥ ᐱᓕᕆᓂᐅᔪᒥ ᐃᖅᑲᓇᐃᔮᒧᑦ-ᐱᔾᔪᑎᓕᖕᒥ ᐅᓗᕆᐊᓇᕐᓂᐅᔪᒥ:

  • ᓯᓚᑖᓃᑦᑐᒥ ᓴᓇᔨᐅᔫᑉ ᐃᖅᑲᓇᐃᔮᖓᓂ ᐱᓕᕆᐊᒃᓴᕆᒐᔪᒃᑕᖓᓂ, ᐅᕝᕙᓘᓐᓃᑦ
  • ᐱᔾᔪᑎᖃᖅᑐᒥ ᐃᖅᑲᓇᐃᔮᒧᑦ ᖃᓄᐃᓕᖓᓂᐅᔪᓂ ᐊᖏᕐᔪᐊᖅᑐᓂ ᐅᕝᕙᓘᓐᓃᑦ ᐊᑦᑕᓇᖅᑐᓂ ᓴᓇᔨᐅᔪᑦ ᑲᔪᓯᔪᓐᓇᙱᓪᓗᑎᒃ ᐊᑦᑕᓇᙱᑦᑐᒥ ᐱᓕᕆᓂᖓᓂ ᐃᖅᑲᓇᐃᔮᖏᓐᓂ.
ᖃᐅᔨᒪᔭᐅᓪᓗᐊᑕᕆᐊᓖᑦ ᐊᑦᑕᓇᖅᑐᒥ ᐱᓕᕆᐊᒃᓴᒥ ᐋᒃᑳᕈᓐᓇᓂᕐᒧᑦ ᐱᓕᕆᓂᐅᔪᒥ
  • ᐃᖅᑲᓇᐃᔭᖅᑎᖁᑎᓖᑦ ᐊᒻᒪ ᐊᖓᔪᖅᑳᕆᔭᐅᔪᑦ ᓇᓗᓇᐃᖅᓯᔭᕆᐊᖃᖅᐳᑦ ᓴᓇᔨᐅᔪᑦ ᑐᑭᓯᐅᒪᓂᖏᓐᓂ ᐱᔪᓐᓇᐅᑎᖃᕐᓂᕐᒥ ᐋᒃᑳᕈᓐᓇᓂᕐᒧᑦ ᐊᑦᑕᓇᖅᑐᒥ ᐱᓕᕆᓂᐅᔪᒥ ᐊᒻᒪ ᒪᓕᑦᑎᐊᖅᑐᒥ ᐱᓕᕆᓂᐅᔪᓂ ᒪᓕᒋᐊᓕᖕᓂ ᑕᐃᒪᐃᓐᓂᕐᒧᑦ (ᐅᕗᙵᕐᓗᑎᑦ “ᐃᖅᑲᓇᐃᔭᕐᕕᖕᒥ ᐊᑦᑕᓇᔾᔭᐃᖅᓯᒪᓂᕐᒥ ᐊᑐᕐᓂᖃᐅᑎᓂᑦ ᐊᒻᒪ ᑲᒪᒋᔭᕆᐊᓕᖏᓐᓂᑦ” ᐊᒻᒪ ᐱᓕᕆᓂᐅᔪᓂ ᓇᓗᓇᐃᖅᑕᐅᓯᒪᔪᓂ ᐊᑖᓂ). 
  • ᓇᓗᓇᐃᖅᓯᓗᑎᑦ ᐃᖅᑲᓇᐃᔭᖅᑏᑦ ᑐᑭᓯᐅᒪᓂᖏᓐᓂ ᖃᓄᖅ ᐅᓂᒃᑳᕆᓂᕐᒥ ᐊᑦᑕᕐᓇᖅᑐᓂ ᐱᓕᕆᓂᐅᔪᓂ ᐃᓕᖕᓄᑦ.
  • ᐱᓕᕆᐊᒃᓴᒥ ᐋᒃᑳᖅᓯᓂᕐᒥ ᐱᓕᕆᓂᐅᔪᖅ ᑐᕌᖓᓇᓱᐊᖅᐳᖅ ᐱᑎᑦᑎᑦᑕᐃᓕᒪᓂᕐᒥ ᐋᓐᓂᕐᓂᐅᔪᓂᑦ ᐊᒻᒪᓗ ᓇᓗᓇᐃᖅᓯᓂᕐᒥ ᐅᓗᕆᐊᓇᕈᑕᐅᔪᓂ ᐃᖅᑲᓇᐃᔭᕐᕕᖕᒥ.
ᐱᓕᕆᓂᐅᔪᓂ ᐃᖅᑲᓇᐃᔭᖅᑎᖁᑎᓖᑦ ᒪᓕᒋᐊᖃᖅᑕᖏᓐᓂ ᓴᓇᔨᐅᔪᒥ ᐅᓂᒃᑳᕆᒍᓂ ᐊᑦᑕᓇᖅᑐᒥ ᐱᓕᕆᓂᐅᔪᒥ

ᐃᖅᑲᓇᐃᔭᖅᑎᖁᑎᓖᑦ ᑐᑭᓯᒪᐅᔭᕆᐊᖃᖅᐳᑦ ᒪᓕᒋᐊᓕᖕᓂ ᐱᓕᕆᓂᐅᔪᓂ ᒪᓕᖕᓂᕐᒧᑦ ᑲᒪᒋᔭᖃᕐᓂᕐᒥ ᐅᓂᒃᑳᓕᐊᖑᔪᒥ ᐊᑦᑕᓇᖅᑐᒥ ᐱᓕᕆᓂᐅᔪᒥ, ᐊᒻᒪ ᐋᔩᖃᑎᖃᕐᓗᓂ ᐆᒥᖓ ᓴᓇᔨᐅᔪᓄᑦ. ᓴᓇᔨᐅᔪᖅ ᐱᔾᔪᑎᖃᕈᓂ ᐅᒃᐱᕈᓱᖕᓂᕐᒥ ᐱᓕᕆᐊᒃᓴᐅᔪᒥ ᑎᓕᔭᐅᓂᖓᓂ ᐊᑦᑕᓇᕐᓂᖓᓂ, ᐃᒪᐃᑦᑕᕆᐊᖃᖅᐳᑦ:

  • ᒪᓕᒋᐊᓕᒃ 1: ᓄᖅᑲᕐᓗᑎᑦ ᐱᓕᕆᓂᖓᓂ ᐊᒻᒪᓗ ᐅᓂᒃᑲᐅᓯᕆᓗᒍ ᑲᒪᔨᖓᓐᓄᑦ.
  • ᒪᓕᒋᐊᓕᒃ 2: ᖃᐅᔨᓴᖅᑕᐅᓂᖓ ᐱᒋᐊᖅᐳᖅ ᐃᕐᙲᓐᓇᑲᐅᑎᒋ ᓴᓇᔨᐅᔪᒥ, ᑲᒪᔨᖓᓄᑦ, ᐊᒻᒪᓗ ᐊᓯᐊᓄᑦ ᐃᖅᑲᓇᐃᔭᖅᑎᒧᑦ.
  • ᒪᓕᒋᐊᓕᒃ 3: ᓴᓇᔨᐅᔪᖅ ᓂᕈᐊᖅᓯᕗᖅ ᖁᙱᐊᕐᓂᐊᖅᑐᒥ ᐃᓚᒋᓗᓂᐅᒃ ᖃᐅᔨᓴᖅᑕᐅᓂᖓᓂ.
    • ᓴᓇᔨᐅᔪᑦ ᐱᔪᓐᓇᕐᓂᖃᖅᐳᑦ ᔫᓂᐊᓐᒥ ᑭᒡᒐᖅᑐᐃᔨᐅᔪᒥ, ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᖅᑕᐃᓕᒪᓂᕐᒥᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ ᑲᑎᙵᓂᐅᔪᒥ ᐃᓚᒋᔭᐅᔪᒥ, ᐅᕝᕙᓘᓐᓃᑦ ᓴᓇᔨᐅᖃᑎᒥᓂᒃ ᓂᕈᐊᖅᑕᒥᓂᒃ ᐃᓚᐅᖃᑕᐅᓂᖓᓂ ᖃᐅᔨᓴᖅᑕᐅᑎᓪᓗᒍ.
  • ᒪᓕᒋᐊᓕᒃ 4: ᐊᖓᔪᖅᑳᖅ ᖃᐅᔨᒃᑲᐃᔭᕆᐊᓕᒃ ᓴᓇᔨᐅᔪᒥ ᖃᐅᔨᓴᕐᓂᕐᒥ ᖃᓄᐃᓕᖓᓂᖓᓂ, ᐊᒻᒪ ᖃᓄᑐᐃᓐᓇᖅ ᐱᓕᕆᐊᓂᑦ ᐱᓕᕆᐊᖑᓯᒪᔪᓂᒃ ᐋᖅᑭᒃᑕᐅᖁᓪᓗᒍ ᐅᓗᕆᐊᓇᖅᑐᒥ. 
    • ᐆᒃᑑᑎᐅᔪᓂ ᐋᖅᑭᒋᐊᖅᑕᐅᔪᓂ ᐱᓕᕆᓂᐅᔪᓂ ᐃᓚᖃᕈᓐᓇᖅᐳᖅ: 
      • ᓄᑖᙳᕆᐊᖅᑎᑦᑎᓂᕐᒥ ᓴᓇᓂᒃᑯᑦ ᐱᐅᓯᖏᓐᓂᑦ
      • ᑐᓂᓯᓂᕐᒥ ᓄᑖᓂ ᐱᓕᒻᒪᒃᓴᐃᓂᕐᓂ
      • ᐊᑦᑕᕐᓇᔾᔭᐃᖅᓯᒪᓂᕐᒧᑦ ᐅᖃᖃᑎᒌᖕᓂᖃᕐᓗᓂ ᐅᖃᐅᓯᖃᕐᓂᕐᒥ ᐊᑲᐅᙱᓕᐅᕈᑕᐅᔪᒥ
      • ᓅᑎᕆᓂᕐᒥ ᐱᓕᕆᐊᒃᓴᐅᔪᒥ ᐊᓯᐊᓄᑦ ᐅᓪᓗᒧᑦ ᐅᕝᕙᓘᓐᓃᑦ ᐃᓂᐅᔪᒧᑦ    
  • ᒪᓕᒋᐊᓕᒃ 5: ᓴᓇᔨᐅᔪᖅ ᐊᑦᑕᓇᕈᓐᓃᕋᓱᒋᒍᓂᐅᒃ ᑲᔪᓯᓂᕐᒧᑦ ᐱᓕᕆᓂᖓᓐᓂ, ᐊᑎᓕᐅᕆᕗᑦ ᐋᖅᑭᒍᑎᒃᓴᓂ ᐱᓕᕆᓂᐊᔪᓂ ᐱᓕᕆᐊᖑᔪᓂ ᐊᒻᒪ ᐅᑎᕐᓗᑎᒃ ᐃᖅᑲᓇᐃᔮᖓᓄᑦ; ᐅᕝᕙᓘᓐᓃᑦ,
  • ᒪᓕᒋᐊᓕᒃ 6: ᓴᓇᔨᐅᔪᖅ ᐅᒃᐱᕈᓱᒃᑯᓂ ᐅᓗᕆᐊᓇᕐᓂᖃᐃᓐᓇᕐᓂᖓᓂ, ᐅᖃᐅᔾᔨᔭᕆᐊᖃᖅᐳᑦ WSCC ᖃᐅᔨᓴᕆᐊᓪᓚᖕᓂᕐᒥ.
ᐅᖃᐅᔾᔨᓂᕐᒥ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑎᓂᑦ ᑭᖑᓪᓕᖅᐹᖑᓪᓗᓂ ᐱᓕᕆᓂᐅᕗᖅ ᖁᕝᕙᖅᐸᓪᓕᐊᓂᖓᓂ ᐱᓕᕆᓂᐅᔪᒥ ᐱᓪᓚᕆᐅᔪᓂ ᐃᖅᑲᓇᐃᔭᕐᓂᕐᒧᑦ ᐋᒃᑳᖅᓯᓂᐅᔪᓂᑦ. ᐊᑦᑕᓇᖅᑐᓂ ᐱᓕᕆᓂᐅᔪᓂ ᐋᒃᑳᕐᓂᐅᔪᓂ ᐋᖅᑭᒃᑕᐅᒐᔪᒃᐳᑦ ᒪᓕᖕᓂᒃᑯᑦ ᓯᕗᓪᓕᖅᐸᐅᔪᓂ 6−ᖑᔪᓂ ᐱᓕᕆᓂᐅᔪᓂ ᑎᑎᕋᖅᓯᒪᔪᓂ ᐊᑖᓂ.  


ᑎᑎᕋᖅᓯᒪᔪᖅ ᐱᔭᐅᔭᕆᐊᓖᑦ

  • ᓴᓇᔨᐅᔪᒥ ᐋᒃᑳᕈᓂ ᐊᑦᑕᓇᖅᑐᒥ ᐱᓕᕆᓂᐅᔪᒥ, ᑎᑎᕋᕐᓗᒍ ᒪᓕᒋᐊᓕᖕᓂ 1-6−ᒥ ᖁᓛᓂ, ᐃᓚᖃᖅᑐᒥ ᐅᓪᓗᓂᑦ, ᐅᓂᒃᑳᕆᓂᐅᔪᓂ ᐋᖅᑭᒋᐊᕈᑕᐅᔪᓂ ᖃᓄᐃᓕᐅᕈᑕᐅᔪᓂ ᐱᓕᕆᐊᖑᔪᓂ, ᐊᒻᒪ ᐊᖏᕈᑕᐅᔪᒥ ᓴᓇᔨᐅᔪᒥ ᐋᖅᑭᒃᑕᐅᓂᖓᓂ.
  • ᒪᓕᒋᐊᓕᑦ 1-6 ᐋᖅᑭᒃᓯᖏᒃᑯᑎᒃ ᖃᓄᐃᓐᓂᐅᔪᒥ, ᖃᐅᔨᒋᐊᕐᕕᐅᔪᓐᓇᖅᑐᑦ WSCC ᐃᑲᔪᖅᓯᖅᑕᐅᓂᕐᒧᑦ. WSCC ᐊᑦᑕᓇᔾᔭᐃᖅᓯᒪᔪᓕᕆᔨ ᑐᒃᓯᕋᕐᓂᐊᖅᐳᖅ ᑎᑎᕋᖅᓯᒪᔭᕐᓂᑦ ᐊᒃᓱᕈᕈᑎᒋᔭᕐᓂ ᐋᖅᑭᒃᓯᓂᕐᒧᑦ ᖃᓄᐃᓐᓂᐅᔪᒥ.


ᒪᓕᒐᑦᑎᒍᑦ ᑕᑯᒋᐊᖅᑕᐅᒍᓐᓇᖅᑐᖅ