ᐊᑐᓂ ᐃᖅᑲᓇᐃᔭᖅᑎ ᐱᓕᕆᐊᒃᓴᓕ ᐃᖅᑲᓇᐃᔭᕐᕕᖕᒥᓂᒃ ᐊᑦᑕᕐᓇᖅᑕᐃᓕᒪᑎᑦᑏᓐᓇᕐᓂᕐᒥᒃ. ᒫᓐᓇ ᐱᕕᖃᖅᐳᑎᑦ ᐱᐅᓱᒋᔮᕈᑎᒋᓗᒋᑦ ᑭᓱᑦ ᐃᖅᑲᓇᐃᔭᕐᕕᖕᒥ ᐊᑦᑕᕐᓇᖅᑕᐃᓕᒪᓃᑦ ᑕᐅᑦᑐᖃᕐᒪᖔᑕ ᐃᓕᖕᓄᑦ ᓵᓚᖃᕋᓱᐊᕐᓗᑎᑦ ᐱᐅᔪᓂᒃ ᓵᓚᖃᐅᑎᒃᓴᓂᒃ!
ᐃᒪᓐᓇ ᐃᓚᐅᔪᓐᓇᖅᐳᑎᑦ:
ᑭᓇ: ᐅᒃᑯᐃᖓᔪᖅ ᓄᓇᖃᖅᑐᓄᑦ ᓄᓇᑦᓯᐊᒥ ᓄᓇᕗᒻᒥᓗ. ᐃᓚᐅᔪᑦ ᐅᑭᐅᖃᕆᐊᓖᑦ 19-ᓂᒃ ᐅᖔᑖᓂᓘᓐᓃᑦ ᐃᓚᐅᔪᒪᒍᑎᒃ.
ᑭᓱ: ᐃᓱᒪᒋᔭᒃᓴᓂᒃ ᐱᔪᒪᕖᑦ? ᐅᕝᕙ ᐃᓚᖏᑦ ᐃᒪᓐᓈᖅᑑᑏᑦ:
- ᑭᓲᕙ ᐊᑦᑕᓇᐃᖅᓯᒪᓂᕐᒧᑦ ᑖᓂᓯᕐᓂᕆᔭᐃᑦ? ᑕᕐᕆᔭᕈᒪᒍᖕᓂ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ (WSCC) ᑕᕐᕆᔮᒃᓴᖓ ᐅᕘᓇ, ᓂᐱᓕᐅᕈᓐᓇᖅᓯᕗᑎᑦ ᓇᖕᒥᓂᖅ ᐊᑦᑕᕐᓇᖅᑕᐃᓕᒪᓂᕐᒧᑦ ᒧᒥᕈᑎᖕᓂᒃ.
- ᑭᓱᒥᒃ ᐱᐅᓛᒥᒃ ᐊᑦᑕᕐᓇᖅᑕᐃᓕᒪᓂᕐᒧᑦ ᐃᑲᔫᑎᒃᓴᖃᖅᐱᑦ ᐃᖅᑲᓇᐃᔭᕐᕕᖕᓂ? ᑕᑯᑎᑎᒍᑦ ᖃᓄᖅ ᐃᖅᑲᓇᐃᔭᕐᕕᒋᔭᐃᑦ ᐊᑦᑕᕐᓇᙱᑎᖃᑦᑕᕐᒪᖔᖅᐱᐅᒃ. ᐊᑐᖃᑦᑕᕐᐲᑦ ᓇᖕᒥᓂᖅ ᐋᓐᓂᖅᐃᓕᔾᔪᑎᓂᒃ (PPE), ᐋᖅᑭᐅᒪᑏᓐᓇᖅᖢᒋᑦ ᐋᖅᑭᑦᑎᐊᖅᓯᒪᓗᓂ ᐃᖅᑲᓇᐃᔭᕐᕖᑦ, ᖃᐅᔨᒋᐊᖅᐸᒡᓗᒋᑦ ᐱᖁᑏᑦ ᐋᖅᑭᑦᑎᐊᖅᓯᒪᒐᓗᐊᕐᒪᖔᑕ, ᓴᖅᑭᔮᖅᑎᑦᑎᕙᒃᖢᑎᑦ ᐊᑦᑕᕐᓇᖅᑕᐃᓕᒪᓂᕐᒧᑦ ᐊᑭᓐᓇᕐᒥᐅᑕᓂᒃ ᐃᖅᑲᐃᓯᒋᐊᕈᑎᓂᒃ, ᓴᓗᒻᒪᖅᓴᖅᐸᒃᖢᒋᑦ ᑯᕕᓯᒪᔪᑦ ᐃᒫᓕᑦ, ᐅᕝᕙᓘᓐᓃᑦ ᐳᐊᕐᕆᔭᖅᐸᒃᖢᒋᑦ ᐱᓱᒡᕖᑦ?
- ᕿᒥᕐᕈᓗᒍ ᐅᖃᐅᓯᐅᔪᖅ: ᐃᖅᑲᓇᐃᔭᕐᓂᖅ ᐊᑦᑕᓇᔾᔭᐃᖅᓯᒪᓂᒃᑯᑦ. ᑭᒃᑯᓕᒫᑦ ᐱᓕᕆᐊᒃᓴᖓ! ᖃᓄᖅ ᑕᒪᓐᓇ ᑐᑭᖃᖅᐸ ᐃᓕᖕᓄᑦ? ᖃᓄᖅ ᐃᕝᕕᑦ, ᐃᖅᑲᓇᐃᔭᖃᑎᑎᑦ, ᐊᖓᔪᖅᑳᑦ, ᐃᖅᑲᓇᐃᔭᕐᕖᓪᓘᓐᓃᑦ ᑲᑐᔾᔨᖃᑎᖃᓲᖑᕙ ᑭᒃᑯᓕᒫᑦ ᐊᑦᑕᕐᓇᙲᓐᓇᖁᓪᓗᒋᑦ?
- ᑐᕌᒐᖃᕐᓂᖅ ᐱᖓᓱᓂᒃ ᐱᔪᓐᓇᐅᑎᓪᓗᐊᑕᓂᒃ ᐃᖅᑲᓇᐃᔭᕐᕕᖕᒥ: 1) ᐱᔪᓐᓇᐅᑎᖃᕐᓂᖅ ᖃᐅᔨᒪᓂᕐᒧᑦ, 2) ᐱᔪᓐᓇᐅᑎᖃᕐᓂᖅ ᐃᓚᐅᓂᕐᒧᑦ, ᐊᒻᒪᓗ 3) ᐱᔪᓐᓇᐅᑎᖃᕐᓂᖅ ᐋᒃᑳᕈᓐᓇᓂᕐᒧᑦ. ᖃᐅᔨᒃᑲᓐᓂᕈᒪᒍᕕᑦ ᐱᔪᓐᓇᐅᑎᕕᑦ ᒥᒃᓵᓄᑦ ᓇᕿᓪᓗᒍ ᐅᕘᓇ.
ᐊᑐᕈᓐᓇᑕᐃᑦ ᐅᖄᓚᐅᑎᕋᓛᑦ ᐊᔾᔨᓕᐅᕆᓗᑎᑦ ᑕᕐᕆᔮᒃᓴᒥᒃ, ᐅᕝᕙᓘᓐᓃᑦ ᓴᓇᓗᑎᑦ ᑎᑎᕋᐅᔭᒐᕐᒥᒃ, ᐃᒻᒥᓂᒃ-ᐊᐅᓚᖅᑰᔨᔪᓂᒃ ᑕᕐᕆᔮᒃᓴᒥᒃ, ᐅᕝᕙᓘᓐᓃᑦ ᓂᔾᔭᐅᓯᔭᕐᓗᑎᑦ ᑕᕐᕆᔮᒃᓴᒥᒃ. ᐃᓱᒪᒋᔭᐃᑦ ᐊᑐᕐᓗᒍ ᐊᒻᒪᓗ ᓂᐅᔾᔭᐅᑎᕗᑦ!
ᐊᑯᓂᐅᓂᖓ: 30-ᓂᑦ 60-ᓄᑦ ᑎᑦᑕᓄᑦ
ᑐᓂᓯᓂᖅ: ᐃᓕᓗᒍ ᑕᕐᕆᔮᒃᓴᖅ ᓇᐃᑦᑐᖅ ᕙᐃᔅᐳᒃᒧᑦ (Facebook) ᐅᕝᕙᓘᓐᓃᑦ ᔫᑑᑉᒧᑦ (YouTube) ᐊᒻᒪ ᓇᓗᓇᒃᑯᑦᑎᕐᓗᒍ @WSCCNTNU ᐊᒻᒪᓗ ᐊᑐᕐᓗᒍ ᓇᓗᓇᐃᒃᑯᑕᖅ #WSCCWorkSafely. ᓇᓗᓇᐃᖅᓯᓪᓚᑦᑖᕐᓗᑎᑦ ᐅᖃᓕᒫᖅᓯᒪᓂᕐᓂᒃ ᒪᓕᒐᖏᓐᓂᒃ ᐃᓚᐅᓂᕐᒧᑦ ᑕᑕᑎᕆᐊᓕᒃᑯᑦ ᐊᑖᓂ.
ᑐᓴᐅᒪᖃᑎᒌᒍᑎᒋᓗᒋᑦ ᐊᓯᖕᓄᑦ: ᑕᑯᔭᐅᔪᓐᓇᖅᑎᓪᓗᒍ ᑕᕐᕆᔮᒃᓴᖅ ᐃᓄᖕᓄᑦ ᑐᓴᐅᒪᖃᑎᒌᒍᑎᑎᒍᑦ ᐊᑐᕐᓗᑎᑦ ᓇᓗᓇᐃᖅᓯᔾᔪᑎᒥᒃ #WSCCWorkSafely. ᖃᐅᔨᑎᓪᓗᒋᑦ ᐱᖃᓐᓇᕆᔭᑎᑦ ᐱᔪᒥᒍᓱᑐᐃᓐᓇᕆᐊᓖᑦ ᐃᓚᐅᓂᕐᒧᑦ.
ᓵᓚᒃᓴᖅᑐᖅ: ᓯᕗᓪᓕᖅᐹᖅ ᓵᓚᖃᐅᓯᐊᒥᒃ ᓵᓚᖃᖅᑐᖅ ᓂᕈᐊᖅᑕᐅᓂᐊᖅᑐᖅ ᐱᓕᕆᖃᑎᖐᓂᒃ ᓂᕈᐊᖅᑎᓂᒃ, ᑐᙵᕕᖃᕐᓗᑎᒃ ᐃᓱᒪᑐᓯᒪᓂᖓᓂᒃ, ᐊᒻᒪ ᐊᒃᑐᐊᓂᖃᕐᓂᖓᓂᒃ ᐅᖃᐅᓯᐅᔪᒧᑦ. ᓴᖅᑭᔮᖅᑎᑐᐃᓐᓇᕆᐊᖃᖅᑕᕗᑦ ᓵᓚᖃᖅᑐᑦ ᑕᕐᕆᔮᒃᓴᖅ ᐃᓄᖕᓄᑦ ᑐᓴᐅᒪᔪᓕᕆᔾᔪᑎᑦᑎᒍᑦ.
ᓵᓚᖃᐅᑏᑦ:
- ᓵᓚᖃᐅᓯᐊᖅ ᓯᕗᓪᓕᖅᐹᖅ: $1,000 Visa ᓂᐅᕕᕈᓐᓇᐅᑎ ᐊᑕᐅᓯᕐᒧᑦ ᓂᕈᐊᖅᑕᐅᔪᓄᑦ ᑲᑎᒪᔨᓂᑦ ᓂᕈᐊᖅᑎᓂᑦ.
- ᑎᓴᒪᑦ ᐊᒧᔭᒃᓴᑦ ᓵᓚᖃᐅᑎᒃᓴᑦ: ᐊᑕᐅᓯᖅ $250 ᐊᒧᔭᒃᓴᖅ ᐱᓇᓱᐊᕈᓯᑕᒫᑦ ᓵᓚᖃᕋᓱᐊᖅᑎᓪᓗᒋᑦ. ᑭᒃᑯᓕᒫᑦ ᐱᓇᔪᒃᑐᑦ ᓵᓚᖃᕋᓱᐊᕐᓂᕐᒧᑦ ᑕᑯᓐᓇᖃᑎᒌᖕᓂᒃᑯᑦ ᑕᕐᕆᔮᒃᓴᓂᒃ ᐊᒻᒪ ᓇᓗᓇᐃᖅᓯᓗᑎᒃ ᐅᖃᓕᒫᖅᓯᒪᓂᖏᓐᓂᒃ ᒪᓕᒐᖏᓐᓂᒃ ᐃᓚᐅᓂᕐᒧᑦ ᐊᑖᓃᑦᑐᓂᒃ, ᐱᓇᔪᒃᑎᑕᐅᓯᑲᐅᑎᒋᓂᐊᖅᑐᑦ ᐊᒧᔭᒃᓴᐅᓂᕐᒧᑦ.
ᒪᓕᒐᐃᑦ ᐃᓚᐅᔪᓄᑦ
- ᐊᔪᙱᑎᑕᐅᖁᓪᓗᒋᑦ ᓵᓚᒃᓴᐅᑎᒃᓴᓂᒃ, ᐃᓚᐅᔪᑦ ᓇᓗᓇᐃᖅᓯᔭᕆᐊᓖᑦ ᐅᖃᓕᒫᖅᓯᒪᓂᖏᓐᓂᒃ ᒪᓕᒐᖏᓐᓂᒃ ᐃᓚᐅᓂᕐᒧᑦ ᐊᑐᕐᓗᑎᒃ ᑕᑕᑎᕆᐊᓕᖕᒥᒃ ᐊᑖᓃᑦᑐᒥᒃ.
- ᓵᓚᖃᕋᓱᐊᕐᓃᑦ ᐱᒋᐊᕐᓂᐊᖅᑐᑦ ᓯᑎᐱᕆ 15-ᒥ ᐊᒻᒪ ᐃᓱᓕᓪᓗᑎᒃ ᐅᓐᓄᐊᖓᓂ ᐅᓪᓗᑐᐃᓐᓇᖅ, ᐅᑐᐱᕆ 24-ᒥ.
- ᐅᑭᐅᖃᕆᐊᓖᑦ 19-ᓂᒃ ᐅᖔᑖᓂᓘᓐᓃᑦ. ᐊᑕᐅᓯᖅ ᐆᒃᑐᕈᑎ ᐊᑐᓂ ᐃᓄᖕᒧᑦ.
- ᓄᓇᖃᕆᐊᖃᖅᑐᑎᑦ ᓄᓇᕗᒻᒥ ᓄᓇᑦᓯᐊᒥᓘᓐᓃᑦ.
- ᐊᖏᖅᓯᒪᑦᑕᐃᓕᒋᑦ ᖃᓄᑐᐃᓐᓇᖅ ᐊᑦᑕᕐᓇᖅᑐᓄᑦ ᐱᓕᕆᐊᒃᓴᓄᑦ ᐃᕝᕕᑦ ᐊᓰᓪᓘᓐᓃᑦ ᐊᑦᑕᕐᓇᖅᑐᒧᐊᕋᔭᕐᓂᖓᓄᑦ ᐊᔾᔨᓕᐅᕆᑎᓪᓗᑎᑦ ᑕᕐᕆᔮᒃᓴᒥᒃ. ᖃᓄᑐᐃᓐᓇᖅ ᑕᕐᕆᔮᒃᓴᖅ ᓴᖅᑭᔮᖅᑎᑦᑎᔪᖅ ᐊᑦᑕᕐᓇᖅᑐᓂᒃ ᐱᓕᕆᐊᓂᒃ ᐆᒃᑐᖅᑎᑕᐅᔾᔮᙱᑦᑐᖅ.
- ᐊᑐᖅᑕᐅᓕᒋᑦ ᐅᖃᐅᓯᕐᓘᑎᓂᒃ ᐱᐅᙱᑦᑐᓂᒃ ᐅᖃᐅᓯᕐᓂᒡᓘᓐᓃᑦ ᐃᓗᓕᖏᓐᓂᓘᓐᓃᑦ.
- ᐊᔾᔨᓕᐅᕆᒍᕕᑦ ᐃᖅᑲᓇᐃᔭᕐᕕᖕᓂ, ᐊᐱᕇᓐᓇᐅᔭᕈᒃ ᐃᖅᑲᓇᐃᔭᕐᕖᑦ ᐊᖏᖅᑕᐅᔾᔪᑎᒥᒃ ᐊᔾᔨᓕᐅᕆᖅᑳᖅᑎᓐᓇᒃ ᐅᕝᕙᓘᓐᓃᑦ ᓴᖅᑭᑦᑎᖄᖅᑎᓐᓇᒃ ᖃᓄᑐᐃᓐᓇᖅ ᑕᕐᕆᔮᒃᓴᓂᒃ.
- ᓂᔾᔭᐅᑎᖃᖁᒍᖕᓂ, ᐊᑐᕈᓐᓇᖅᑐᑎᑦ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ (WSCC) ᐃᓄᒃᑑᖅᑕᖏᓐᓂᒃ ᐊᑦᑕᕐᓇᖅᑕᐃᓕᒪᓂᕐᒧᑦ ᒧᒥᕐᓂᕐᒧᑦ ᑕᕐᕆᔮᒃᓴᕐᓄᑦ. ᐊᓯᖏᑦ ᓂᔾᔭᐅᑏᑦ ᓂᕈᐊᖅᑕᑎᑦ ᐊᑐᕐᓂᕐᒧᑦ ᓂᖏᖅᑕᕐᓂᖃᕆᐊᖃᙱᑦᑐᑦ.
- ᐃᖅᑲᓇᐃᔭᖅᑏᑦ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑎᒃᑯᓐᓄᑦ (WSCC) ᐃᓚᖏᓪᓗ, ᐱᖃᓯᐅᑎᓪᓗᒋᑦ ᓵᓚᖃᕋᓱᐊᖅᑐᓂ ᓂᕈᐊᖅᑏᑦ, ᐃᓚᖏᓪᓗ ᐱᔪᓐᓇᖅᑎᑕᐅᙱᑦᑐᑦ ᓇᓕᐊᖕᓂᑐᐃᓐᓇᖅ ᓵᓚᖃᐅᑎᓂᒃ.
- ᐃᓚᐅᓂᖅ ᑕᕐᕆᔭᐅᑎᒃᑯᑦ ᐱᓇᔫᑎᓄᑦ, ᐊᖏᖅᓯᒪᕗᑎᑦ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑎᓂᒃ (WSCC) ᑐᓴᖃᑎᒌᒍᑎᖃᕈᓐᓇᖅᖢᑎᒃ ᐊᒻᒪ ᐊᑐᕐᓗᓂᔾᔪᒃ ᑕᕐᕆᔮᒃᓴᖅ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ (WSCC) ᐃᓄᖕᓄᑦ ᑐᓴᐅᒪᔪᓕᕆᔾᔪᑎᖏᑦᑎᒍᑦ ᐋᖅᑭᒃᓯᒪᔪᓂ ᐃᑲᔪᖁᓪᓗᒍ ᐱᔪᒥᓴᐃᓗᑎᒃ ᑕᕐᕆᔮᒃᓴᓄᑦ ᐱᓇᔫᑎᓂᒃ ᐊᒻᒪ ᐅᔾᔨᕈᓱᖕᓂᕐᒧᑦ ᐱᓕᕆᓂᕐᓂ.
- ᓵᓚᖃᐅᑏᑦ ᓈᒻᒪᒋᐅᔭᕆᐊᓖᑦ ᑐᓂᔭᐅᑎᓪᓗᖏᑦ.
ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ (WSCC) ᓴᕐᓂᕙᐃᓯᒪᔪᑦ ᐱᔪᓐᓇᐅᑎᒥᒃ ᐋᒃᑳᖅᓯᓂᕐᒧᑦ ᓇᓕᐊᖕᓂᑐᐃᓐᓇᖅ ᐱᓇᔫᑎᒥᒃ ᖃᓄᑐᐃᓐᓇᖅ ᐱᔾᔪᑎᖃᕐᓗᑎᒃ ᐊᒻᒪ ᓇᓗᓇᐃᖅᓯᔪᓐᓇᖅᖢᑎᒃ ᑭᓱᓂᒃ ᐃᓗᓕᖃᖅᑐᑦ ᐊᑦᑕᕐᓇᖅᑑᓪᓗᑎᒃ ᐱᓕᕆᓂᐅᓂᖏᓐᓂᒃ ᐅᕝᕙᓘᓐᓃᑦ ᐊᑭᕋᖅᑐᕐᓂᖅᑕᖃᕈᓂ, ᐱᐅᙱᑦᑐᖃᕈᓂ ᐅᕝᕙᓘᓐᓃᑦ ᓈᒻᒪᙱᒃᑯᑎᒃ ᐱᔾᔪᑎᒋᔭᐅᔪᓄᑦ ᓵᓚᖃᖅᑎᑦᑎᓇᓱᐊᕐᓂᕐᒧᑦ.