ᐊᑑᑎᓖᑦ ᓴᓇᕝᕕᖕᒧᑦ ᐅᑎᕐᓂᐊᕐᓗᓂ ᖃᓄᐃᓕᐅᕈᑎᒃᓴᑦ ᓇᓗᓇᐃᔭᑦᑎᐊᖅᓯᒪᔭᕆᐊᓖᑦ ᐊᔾᔨᐅᙱᑦᑐᒃᑯᑦ ᖃᓄᐃᓕᐅᕈᑕᐅᔭᕆᐊᓕᖕᓂᒃ ᐱᓕᕆᕝᕕᖕᓄᑦ. ᐅᖃᐅᓯᕆᓗᒋᑦ ᑕᒪᐃᓐᓄᑦ ᐱᓕᕆᔨᓄᑦ ᐋᓐᓂᖅᑐᖃᖅᑳᕋᓂ, ᐊᑐᓕᖅᑎᖅᑕᐅᑲᐅᑎᒋᔪᓐᓇᖁᑉᓗᒋᑦ ᐃᑲᔫᑕᐅᖁᑉᓗᒋᑦ ᓴᓇᔨᓄᑦ ᐅᑎᑲᐅᑎᒋᔪᓐᓇᕐᓂᕐᒧᑦ ᓴᓇᕝᕕᖕᒧᑦ ᐊᑦᑕᓇᖅᑐᖃᙱᑦᑐᒃᑯᑦ ᓈᒻᒪᒃᑐᒃᑯᓪᓗ.
ᐃᖅᑲᓇᐃᔭᖅᑏᐅᕙᑦᑐᑦ ᐊᕐᕌᒍᓖᑦ ᑐᖔᓂ 25 ᐃᓱᒪᒋᔭᐅᕙᑦᑐᑦ ᐃᒫᒃ “ᐃᓐᓇᓵᑦ ᐃᖅᑲᓇᐃᔭᖅᑏᑦ”, ᐊᒻᒪ ᐅᓗᕆᐊᓇᖅᑐᒦᓐᓂᕐᓴᐅᕙᑦᑐᑎᒃ ᐱᕐᕈᓗᐊᕿᒐᔭᕐᓂᕐᒥᑦ ᐊᒻᒪ ᐋᓐᓂᕋᔭᕐᓂᕐᒥᑦ. ᐃᓕᖅᑯᓯᖃᖅᑎᑦᑎᓂᖅ ᓴᖕᖏᓂᖃᑦᑎᐊᖅᑐᒥᑦ ᐊᑦᑕᓇᑦᑕᐃᓕᒪᓂᕐᒥᑦ ᓯᕗᓪᓕᖅᐹᒥᑦ ᐅᓪᓗᕐᒥᑦ ᐃᖅᑲᓇᐃᔭᕆᐊᖕᖓᖅᑐᖃᓕᖅᑎᓪᓗᒍ ᐃᓚᒋᔭᐅᕗᖅ ᐱᐅᓂᖅᐹᖑᖃᑕᐅᔪᓄᑦ ᖃᓄᖅᑑᕈᑎᓂ ᐃᖅᑲᓇᐃᔭᕐᕕᓐᓂ ᐱᕐᕈᓗᐊᕿᑦᑕᐃᓕᒪᑎᑦᑎᓂᕐᒥᑦ. ᐊᑦᑕᓇᔾᔭᐃᕐᓯᒪᓂᖅ ᑭᒃᑯᑐᐃᓐᓇᑦᓯᐊᓄᑦ ᐃᑉᐱᒋᔭᒐᐅᕗᖅ!
ᐃᖅᑲᓇᐃᔭᖅᑏᑦ ᐊᕐᕌᒍᓖᑦ ᑐᖔᓂ 25 ᐅᓪᓗᕆᐊᓇᖅᑐᒦᑦᑐᑦ ᐱᕐᕈᓗᐊᕿᒐᔭᕐᓂᕐᒥᑦ ᐊᒻᒪ ᐋᓐᓂᕋᔭᕐᓂᕐᒥᑦ ᐱᔾᔪᑎᒋᓪᓗᒋᑦ ᐊᕐᕌᒍᓂᑦ ᐊᒥᓲᓗᐊᖏᑦᑐᓂᑦ ᐃᖅᑲᓇᐃᔭᖅᑐᑎᒃ ᐱᓕᕆᓯᒪᓂᖏᓐᓂᑦ ᐊᒻᒪ ᐱᓕᒻᒪᓴᕐᓯᒪᓂᖏᓐᓂᑦ. ᓇᓗᓇᐃᕐᓯᒪᒋᐊᖅᐸᒋᑦᓯ ᐃᓘᓐᓇᑦᑎᐊᑎᒃ ᐃᖅᑲᓇᐃᔭᖅᑎᖁᑎᓯ ᐱᑎᑕᐅᕙᓐᓂᖏᓐᓂᑦ ᐱᐅᓂᖅᐹᓂᑦ ᐱᔾᔪᓯᒍᑦ ᐱᓕᒻᒪᓴᐅᑎᓂᑦ, ᐃᓕᓐᓂᐊᑎᑦᑎᔾᔪᑎᑦᓴᓂᑦ, ᐊᒻᒪ ᓴᖏᔪᒥᑦ ᑐᑭᓯᒪᑦᑎᐊᕋᓗᐊᕐᒪᖔᑕ ᐃᓕᑦᓯ ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᖅᑕᐃᓕᒪᓂᕐᒥᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ (OHS) ᐱᓕᕆᐊᑦᓴᓯᓐᓂᑦ. ᐃᑲᔫᑎᑦᓴᑦ ᐱᓕᕆᔾᔪᑎᒍᑦ ᑎᑎᕋᕐᓯᒪᔪᑦ ᓴᓇᔭᐅᓯᒪᔪᑦ ᐃᑲᔪᕐᓱᐃᔾᔪᑎᐅᖁᓪᓗᒋᑦ ᑎᑎᖅᑲᐃᑦ ᓴᖅᑮᔾᔪᑎᑦᓴᐅᓗᑎᒃ ᓴᖕᖏᓂᖃᑦᑎᐊᖅᑐᒥᑦ ᐊᑦᑕᓇᑦᑕᐃᓕᒪᓂᕐᒥᑦ ᐃᓕᖅᑯᓯᑦᓴᓂᑦ.